تروحون....؟؟!!

[ميموته]

بنات عندي سؤال وحيل محيرني انتوا تايدون انه المرا تروح مع زوجها الجمعيه وتشتري ماجله البيت ولا لا




ويعطيكم العافيه ؛)

 

[شادن33]

اي ساعات مايعرف الطلبات

 

[مقمش لولو]

اهو عادى بس مافضل هالشي علشان مايتعود وتالي يقول لها انتى روحى ويقط المسؤليه عليها يروح اهو احسن

 

[*يارا*]

اغلب الاوقات أروح إلا إذا في عذر عندي واعتبره مشاركه بين الزوج و الزوجه
وأحب التغيير يعني الأغلب جمعيتنا بس ساعات نروح كارفور وساعات مركز السلطان
لولوهايبر ... تمشي ووناسه

 

[hazel eyes]

اي اايد انها تروح لانه مايعرف كل شي

 

[SWiiiRZ]

اي اكييييد نروووح ساعات الريال مايعرف الطلبات المطلوبه بالضبط
او ايييب شي مو نفس اللي انتي تستخدمينه
و اصلا ونااااسه والله تغيير و انا وحده احب هالشي
ولا راح يطلب اصلا منج انج تروحين بالعكس راح يطلب منج انج تروحين معاه

 

[دهورتني يازين]

اي ارووح

 

[وضع خاص]

هههههه اي اروح معاه لو البقالة او الفرع شلون عاد لو كانت جمعيه

أصلن ريلي يقول استحي اروح الجمعيه عشان ماجلة البيت لازم تكونين

معاي ويييييييه عاد تلقيني قبله بالسياره وأغير رائيي مابي جمعيه لا لا ابي

سيتي سنتر او كارفور ومن هالقبيل

ومشكوووره قلبي ع الموضوع *

 

[om.googi]

اهو شيعرف عن المطبخ أصلا عشان يروح يشتري !!! ( الا اذا معطيته لسته )

وين لي وين ذاك الريال اللي يروح ,, لا يبا تشري الماجلة حق الحرمة .. في حريم ما يرتاحون الا اذا اهما اللي شروا الماجلة لأن في أشياء وايد يشترونها بس مو النوع اللي احنا نطلبه يبوووي تعالي ردي الجمعية رديه وبدليه ليششش!!

وأحلى جو للتسوق اللي صج وناااااسة خصوصا اذا كان الصبح أو نص الليل ماميش انتي والعربانة والكاشير اهني الواحد ياخذ راحته بالتسوق

بس اللي مالي شغل فيه سوق السمج ( لحم + سمج + دياي ) اهني دور الريال
حتى التمويل نروحله ..
عادي التسوق مشترك بس ان الاثنين يروحون مع بعض ّ للماجلة !! ماله داعي ,, يسوي موشكل ههههه
وشكرا ​

 

[كليـ دلعـ]

اي اروح دايماا معاه


عمري مارحت بروحي

بس

في الآونه الاخيره اكثر شي اهو يروح بروحه

 

[LadY BuG 80]

انا يفسحني هناك كل السبوع ههههههههههههه وناسهههههه ​

انا لازم اروح.. احب اقرى المكونات على كل شي و يتحملني فديته ​

و نرجع البيت مفرفشين نغير جو​

 

[Angel-Lady]

اي عادي ما فيها شي
و احلى شي انروح مع بعض الفير الجمعيه بعد الصلاة اتكون فاااضيه يعني نقدر انتغشمر و نستهبل اشوي عل راحتنا لووول*

 

[hind25]

عادى الغالية ما فيها شى الرياييل حتى لو عطيتيهم ورقة بالاغراض اللى تبينها ما يدرون اى نوعيه وشو الاحسن غير جييه احب اسير اطالع صوب الكريمات واشامبو والصبغات اشوف شو اليديد خخخخخخخخ

 

[حبيبي مالكني]

وااااااااااااااااااااي وناسه
انا احب روحت الجمعيه وايد
واستانس لما اروح مع ريلي
هاي من الاشياء الي لازم يسونها زوجين مع بعض

 

[$$king moon$$]

ايه اروح معاه
احلااا شي روحت الجمعيه
ذكرتيني خل اروح الجمعيه اليوووم هئ هئ

 

[$ لازاورد $]

بالنسبة لي لازم يروحون ويا بعض
ترا المشاركة حلوة، دايما أروح ويا ريلي عشان نشتري ماجلة البيت

 

[رووح ابووها]

وااااااااااااااااااااي وناسه
انا احب روحت الجمعيه وايد
واستانس لما اروح مع ريلي
هاي من الاشياء الي لازم يسونها زوجين مع بعض

:rerrerek::rerrerek: وانا بعد احس هالشي لازم يكونون اثنينهم مع بعض وناسه الجمعيه

 

[Mrs Al-Nasser]

إيي أروح
نغير جو بالجمعيه

​

 

[~Unreachable]

اروح معاه

ساعات نروح مركز سلطان الفير .. ساعات جيان ولا كارفور اذا طلعنا من السينما بليل

بس ناقصتني اغراض حق طباخ و لا حلو انا اروح الجمعيه اييب .. لانه لو اقوله ماراح يعرف و ما اضمن

وانا قلبي حار الصراحه =\

معنه ابيتنا متعودين ابوي اييب الماجله ..

 

[د. فاطمة]

طبيعي جدااااااا اني أروح معاه..!!!
أصلن مراا نغير جو ونروح نشوف شنو جديد خخخخ
ونتناقش بعد احيانا هناك ههه