تكفووون الكل يسمع مشكلتي والله انه نفسيتي تعبااانه

[لولو الخزاعي]

السلام عليكم
شلونكم عساكم بخير
انا اول مره اشارك وانزل موضوع لمن حسيت اني تعبت وابي الكل يسمع مشكلتي
ويهمني رايكم واتقبله بسعة صدر
بدش بالموضوع على طووول
انا كنت مخطوبه تقريبا نهاية شهر 3 ودامت فترة خطوبتي شهرين تعرفت عليه واكلمه بالتلفون
وبعد هالشهرين ملجت المهم احنا بوقت الخطبه تقريبا متفقين على كل شي بينا ميانه ونسولف عادي المهم عقب مالملجنا كنا يوم قاعدين ويا بعض اهو قالي ابي اشوف بطنج ؟؟؟ومركز على بطني مادري ليش وعقب محاولات وحجي صار بينا شاف بطني وانا فيني جرح من عمليه مسويتها من سبع سنوات ولازال اثر الجرح طبعا بس عادي وخفيف مايبن تخيلوا طلقني بوقت الملجه جنه ماصدق من على الله يمسك علي حاجه ويطلقني مع انه احنا متفقين ويا بعض ومنسجمين على شان الجرح يقول لي ليش ماقلت له قبل الملجه وتبهدلت وياه طبعا اهو كان خاطب قبلي اكثر من وحده وكلا تصير مشاكل وكلا يقط اللوم على البنات يقول مو سنعات ولا راعيين مسؤوليه وانا الضحيه تطلقت
نفسيتي تعبت حييييل كلا اهوجس وافكر انا مافيني شي ينعاب جميله وبنت حموله وراعية بيت واناقه الحمدلله مامدح بنفسي بس راي الناس فيني جذي يقولونه تكفوووون هونوا علي طلبتكمشسوي عشان انسى اللي صار لي حيل متحطمه حسبي الله ونعم الوكيل

 

[قمر كويتي]

حبيتي انتي ليش مسويه عمليه ؟ عمليه شنو واهو شمعنه بالذات طلب ان يشوف بطنج ؟ لان غريبه سؤاله
اخاف احد قايله شي ؟؟؟؟؟؟؟ لان مومعقوله يقول ابي اشوف بطنج
هل الجرح مبين حيييل يعني مشوه المنطقة؟؟؟؟؟

 

[سفيره الكويت]

كان المفروض تصارحينه على كل شي عموما راح والحين اهو مادخل عليج صحيح اسمج مطلقه بس ماضن دخل عليج والله يوفقج بغيره

 

[شادن33]

حبيتي انتي ليش مسويه عمليه ؟ عمليه شنو واهو شمعنه بالذات طلب ان يشوف بطنج ؟ لان غريبه سؤاله
اخاف احد قايله شي ؟؟؟؟؟؟؟ لان مومعقوله يقول ابي اشوف بطنج
هل الجرح مبين حيييل يعني مشوه المنطقة؟؟؟؟؟

نفس اللي بقوله وحبيبتي وما عليه شر ورااااح

 

[gala q8]

وانا بعد كنت بقول نفسس اول بنت ردت عليج ..

اكيد احد موصل له كلام عن الجرح ؟ اكيد في احد قال له عنج و اهوا بيشوف صج و له لا ؟

ع العمووم مثل ما قلتي انتي انتي ما يعيبج شيء .. و خلاص الحين اهوا طلع من حياتج .. لا تفكرين فيه و دام اهوا خطب اكثر من وحده قبلج و ما صار نصيب فالغلط منه ..

ع العموم انتي شغلي نفسج و لا تفكرين فيه و هدي ولا تعصبين خلي اعصابج باارده .. و كل واحد بياخذ نصيبه بالدنيا و اهوا مو نصيبج و فكري انها خيره لج غن شاء الله .. ~

 

[Môre N!Ce]

حسبي الله



تصدقين انا بعد فيني أثر جرح بـ بطني من عملية !...؟

بس أهو طلع شخص تافه والله .. زين ان الله فكّج منه .. ولا جان بتبتلشين به . .

ربي يرزقج بواحد أحسن منه إن شاء الله . . والله يهدي بالج ويريحج ..

 

[تعبني غلاك~~]

حسبي الله عليه

والحمدلله انه ماكتب نصيب مع واحد متخلف لهذي الدرجه وصلت فيه مرحله التخلف!!!!

وانتي ان شااء الله الله بيعوضج عن اللي احسسن منه والله يوفقج

 

[فلبينية عبدة]

الله يرزقج باللي احسن عنه

 

[amal ksa]

لاتعليق على انسان مثل هذا زين عرفتيه ببداية الطريق
يعني لو جبتي بيبي وسويتي عمليه قيصريه وصار جرح كان بعد بيطلقك
او صارلك حادث او اي شيء لاقدر الله بعد بيطلقك فيه بنات اعرفهم متزوجات بطونهم كبيييره الله يستر علينا وعليهم ولااشوفهم تطلقو
انتي خلاص انسيه واحمدي ربك بعد انه طلقك اللي هذا اوله ينعاف تاليه
لاتتحطمين ولاشيء قوي شخصيتك واوثقي بنفسك بعدين انتي قلتيها ترك اكثر من بنت شكله هذا نظامه

 

[لولو الخزاعي]

يعطيكم الف عافيه بنوتات على الردود
والعمليه انا اللي مسويتها قضاء وقدر كنت مريضه واستدعيت اسويها يعني اموت ولا اسوي العمليه عشان ينقذون حياتي العمليه هذي في بطني تحت السر واثر الخياط مايبين وايد ضعيف واهو املزم الا يكشف علي ساعات يطالع ضروسي ساعات يطالع شعري اذا مركب ولا لا تخيلوا حتى طولي يقيسه انا الحمدلله شعري كثيف وطويل وسنوني مصففه وطويله كلا خايف ان جمالي مصطنع حتى طل بحلجي يقول بشوف اذا اسنانج مسوسه ولا لا ماخلى شي جنه يبي يفحص سياره

 

[لولو الخزاعي]

حرق قلبي حسبي الله عليه معا اني اصيله واسمي معروف وحالتي المادي والاجتماعيه حيل بين الناس وانا تنازلت ووافقت عليه قلت بغيره من الاحسن لاكن اهو ماحمد النعمه وشكر ربه متحسفه على كل دقيقة ضيعتها معاه النذل اهو ويا اهله

 

[لولو الخزاعي]

وطبعا انا ماهقيت هالجرح بيوصل للطلاق تزوجت العريه والسوده والمحروقه واللي لهم كروش والمطلقات انا راد على جرح صغير من صجه وفرضا صار لي عارض او شي بوقت الخطبه وسويت عمليه وهذا امر الله اكيد بيعافني اهو يدور الزله عشان بس يطلق الحقير محتررق قلبي عذروني على الطواله

 

[الحللللوه]

اعوووذ بالله شنووو هذا
لا اخواتي لاتتحطمووون

ياااااااارب من كللل اعمااق قلبي انو يعوضك ويرزقك بالاحسسسسن ياااارب ولاتتحطططمي
وادعي ربك كثييييييييييير بكلللل وقت ورررربك ككرييييم

 

[كويتية222]

حرق قلبي حسبي الله عليه معا اني اصيله واسمي معروف وحالتي المادي والاجتماعيه حيل بين الناس وانا تنازلت ووافقت عليه قلت بغيره من الاحسن لاكن اهو ماحمد النعمه وشكر ربه متحسفه على كل دقيقة ضيعتها معاه النذل اهو ويا اهله

طيب وانتي عندج خبر مسبق انه يخطب ويفركش الخطبة وكله يلوم البنات مو سنعات مو حلوات مو قد المسؤولية
ويتي تبين تسنعين المايل لكن اللي يهتم بالشكل هذا انسان تافهة صحيح الشكل مطلوب لكن بعد شهرين اكيد عرفج عدل لكن هذا انسان تافهة ولا تهتمين وبعض اللوم يقع عليج لانج حبيتي تسنعين شي فيه ما يتسنع كلششششششششششششش

 

[الحللللوه]

صحححح وررررربي
قلت الساالفه لماما قالت زييين افتكت منننه شنوو هذا معقققققددد كلللللش
المهم قلبو اددعي بهذا الدعااء
اللهم اجرني في مصيبتي واخلفني خير منها اددعيها بسجووودك

 

[طلتي هيبه]

هذا متخلف الله لا يبلانه بمثله و الله يرزقج باللي احسن منه

 

[قره عيني صلاتي]

عسئ ربي يرزقج باللي احسن منه

 

[noorq8]

والله العظيم انتي محظوظه واسمحي لي أبارك لج عالطلاق , لأن هالاسان مريض وربي يحبج فكج منه قبل الدخول , قطي ورى ظهرج وتطمشي باجر من بياخذ , أعرف واحد طلق 5 حريم واللي مالقى سبب قال فيها شامه بظهرها ههههه بس ناقص يفصخ الحريم بالخطبه و هالنوعيه مو صاحيين , احمدي ربج وابتسمي للحياة وأكيد بيجيك اللي يستاهلك :eh_s(7)::eh_s(7):

 

[عبالي حبيبي]

فراقه عيد

باجر لوسويتي قيصريه بيهدج

هذا ولاشي مايستحق حتى الوصف

طــــــــــــــــــــــــــاف ولايحز بخاطرج حتى