عروس وبتطلق .... ساعدوني

[مملووحة]

السلام عليكم

بدش بالموضوع على طول

انا بنت وحيدة وعمري 19 سنه

ريلي اكبر مني .. صارلي شهرين متزوجة وصج ماني عارفة اتعامل وياه ... واحس انه زهق مني اليوم تهاوشنا وقالي اياها ... انت عندج الزواج فراش وبس

صج بنات والله ساعات يكسر خاطري ماني عارفه شنو اسويله
قاعده اقوم بواجبه وشغله بس بينا برووووود مو طبيعي

ابي نصايحكم علشان احافظ عليه

يعني ساعات يدش البيت اسلم عليه وودي اسويله اي شي ادلعه او اسويله شي احسسه اني مهتمه فيه
بس ما اعرف احس روحي سخيفه اذا بتدلع عليه

ودي افتح وياه مواضيع .. ما اعرف
يبيني اتغير بس انا نفسي مو عارفه شلون

انا الحمدلله نظيفة ابيتي وابنفسي .. كل يوم اغير استايلي

بس همن لما ادور مواضيع هني بالمنتدى كل لبسي وكشخي

ودي احد يعلمني


مالي غيركم يا بنات ديرتي

 

[cutee__q8]

ان شاء الله البنات يفيدونج
ماحبيت اطلع من الموضوع بدون لا ارفعه

 

[حبيبي وبس]

مدري والله بس المواضيع تجي من نفسها مثلا من التي في اي خبر او مسلسل تناقشي فيه قولي له موقف صار لج مشابه له بس توه ماعرفج ماله الاشهرين شلون يقول جذي

 

[بنت حظوظ]

امممممم عادي اول ما يرجع من الشغل او من برع قولي لها شلون كان يومك وشسويت وانت قولي له وين رحتي وشسويتي

 

[لولوة الكويتية]

للرفع

 

[eman12]

بعد قلبي
قعدي معاه ووخري الخجل منج
ونبهيه
قولي له انا بنت وحيده وعمري صغير ومالي بعد الله الا انت
اذا فيني شي غلط قول لي واخذي واعطي معاه شوفي اهو شنو يبي انتي ماسويتيه
يمكن يبيج تسالينه اشلون الدوام واشلون كان يومه او يمكن يبيج تحسسينه انج ولهتي معاه
انتي الحين ماراح تخمنين
تكلمي معاه واعتذري بطريقه حلوه وماتجرحج
قولي له انا اسفه لو بدر مني شي ضايقك
ونبهيه انج صغيره ومالج خوات خل اهو بعد لايصير اناني
بعد ياربي مو فل اوبشن
والله يسر الامور بينكم ياقلبي
وانتي وخري من مخج سالفه الطلاق ترا الافكار السلبيه اهي اللي تهدم العلاقه الزوجيه

 

[yasmeen_q8]

شوفي انا بقولج عن سوالفي مع ريلي
لما يدش البيت استانس ان رجع وما اخبي هالشعور عليه اكون متلهفه عليه استقبله بحراره لووول
والابتسامه شاقه ويهي من عيني اليمين لعيني اليسار
حتن لما اكون نايمه ودوامه فير لما يدش ابتسم وانا نايمه بس لساني يكون ثقيل
نسولف عن دوامه وانا اللي ابدي ها شصار اليوم معاك بالدوام ؟! >>انا علمته ان يقولي كل شي من كثر ما اسأله
لا شفته متضايق اقوم اسوي شي نشربه وايي يمه المه شفيك حبيبي شنو مضايقك ؟!
واتم احن والزق فيه ما اوخر لين يطلع اللي فقلبه بس عااد هاا مو حنه غثيثه عشان لا يعصب واذا لقيته معصب وما يبي يتحجه اقعد اقوله سوالف تضحكه او خيالات تونسه
نتحجى عن السفر : خاطري اروح ....(لندن ) على سبيل المثال
ودي اروح معاك مكان في بحر نفس هاواي اقعد انا وانت عالبحر نتشمس ويمنا عصير بااارد ننزل شوي نتسبح بالبحر وما يكون حوالينا احد >>> يعني ممكن تكون خيالات وصعبه تتحقق بس الواحد يحلم

انا عن نفسي اشاركه بكل شي
يعني مثلا انا وامي سولفنا عن شي و علقنا على شي اقوله اليوم امي تقولي ..... جان اقولها ..... خاصه لو شي فكاهي بس ديري بالج مو كل شي كل شي لان في اشياء ممكن تنرفزه او يفهمها غلط
بس اذا مثلا شي يضحكم مع بعض
شي تعطون فيه رايكم
مثلا احيانا يقولي ان خالتي (امه ) قالت عن فلانه انها جذي جذي جذي
نعلق مع بعض انا اقول رايي واهو يعطي رايه
لما نروح نتسوق اقيس واطلعله ها شرايك ؟! هذا ولا هذا؟!
افضفضله عن اللي بقلبي يفضفضلي عن اللي بقلبه >>ولا تقولين اهو ما يفضفض لان انا اللي عودته يتكلم اهو نوعه كتوم وهادي ولو عصب يخرع
لما يعصب تلقيني انا ارخي معاه لما اعصب انا اهو يرخي بس مو كل مره احيانا اشد معاه فاكتفي باني ابوز وما اتكلم معاه ولا ارد عليه لما يعتذر

الاغراء واللبس والتكشخ والفراش مو كل شي عند الريال
الريال يبي منج ثقه بالنفس
يبي منج مشاركه
يبيج تشاركينه بحياته تكونين متواجده معاه بكل موقف بكل شي
لازم تفتحين قلبج اي شي بقلبج تقولينه له اي شي تفكرين فيه تقولينه له
وخليج ذكيه معاه الريال يحب المره الذكيه اللي تعرف تتصرف
خلي عندج ثقه بنفسج لا تتردين انج تسوين شي لا تقولين لا شكلي بايخ ولا شكلي غبي لو سويت جذي
كونيله دلوعته وبنته وامه واخته وصديقته وحبيبته مو بس مرته
اتمنى اكون فدتج

 

[جوري 2007]

تدلعي وعيشيه بجو من الانوثه ،، اشفايدة الوحده كله كاشخه وقاعده جامده تنطره اهوة اللي يسوي كل شي لا

سأليه عن الدوام وقوليله اشصار معاج بالجامعه وفتحي مواضيع للنقاش ،، قوليله كلام حلو واذا غازلج هم ردي عليه بعبارات حلوة

طلعي وياه اماكن مختلفه : بحر وتمشي + سينما + اقترحي عليه تروحون البر وتركبون بقيات

 

[جوري 2007]

شوفي انا بقولج عن سوالفي مع ريلي
لما يدش البيت استانس ان رجع وما اخبي هالشعور عليه اكون متلهفه عليه استقبله بحراره لووول
والابتسامه شاقه ويهي من عيني اليمين لعيني اليسار
حتن لما اكون نايمه ودوامه فير لما يدش ابتسم وانا نايمه بس لساني يكون ثقيل
نسولف عن دوامه وانا اللي ابدي ها شصار اليوم معاك بالدوام ؟! >>انا علمته ان يقولي كل شي من كثر ما اسأله
لا شفته متضايق اقوم اسوي شي نشربه وايي يمه المه شفيك حبيبي شنو مضايقك ؟!
واتم احن والزق فيه ما اوخر لين يطلع اللي فقلبه بس عااد هاا مو حنه غثيثه عشان لا يعصب واذا لقيته معصب وما يبي يتحجه اقعد اقوله سوالف تضحكه او خيالات تونسه
نتحجى عن السفر : خاطري اروح ....(لندن ) على سبيل المثال
ودي اروح معاك مكان في بحر نفس هاواي اقعد انا وانت عالبحر نتشمس ويمنا عصير بااارد ننزل شوي نتسبح بالبحر وما يكون حوالينا احد >>> يعني ممكن تكون خيالات وصعبه تتحقق بس الواحد يحلم

انا عن نفسي اشاركه بكل شي
يعني مثلا انا وامي سولفنا عن شي و علقنا على شي اقوله اليوم امي تقولي ..... جان اقولها ..... خاصه لو شي فكاهي بس ديري بالج مو كل شي كل شي لان في اشياء ممكن تنرفزه او يفهمها غلط
بس اذا مثلا شي يضحكم مع بعض
شي تعطون فيه رايكم
مثلا احيانا يقولي ان خالتي (امه ) قالت عن فلانه انها جذي جذي جذي
نعلق مع بعض انا اقول رايي واهو يعطي رايه
لما نروح نتسوق اقيس واطلعله ها شرايك ؟! هذا ولا هذا؟!
افضفضله عن اللي بقلبي يفضفضلي عن اللي بقلبه >>ولا تقولين اهو ما يفضفض لان انا اللي عودته يتكلم اهو نوعه كتوم وهادي ولو عصب يخرع
لما يعصب تلقيني انا ارخي معاه لما اعصب انا اهو يرخي بس مو كل مره احيانا اشد معاه فاكتفي باني ابوز وما اتكلم معاه ولا ارد عليه لما يعتذر

الاغراء واللبس والتكشخ والفراش مو كل شي عند الريال
الريال يبي منج ثقه بالنفس
يبي منج مشاركه
يبيج تشاركينه بحياته تكونين متواجده معاه بكل موقف بكل شي
لازم تفتحين قلبج اي شي بقلبج تقولينه له اي شي تفكرين فيه تقولينه له
وخليج ذكيه معاه الريال يحب المره الذكيه اللي تعرف تتصرف
خلي عندج ثقه بنفسج لا تتردين انج تسوين شي لا تقولين لا شكلي بايخ ولا شكلي غبي لو سويت جذي
كونيله دلوعته وبنته وامه واخته وصديقته وحبيبته مو بس مرته
اتمنى اكون فدتج

عجبتيني ماشاءالله عليج :rerrerek::eh_s(15):

 

[انا لحبيبي .]

موضوع بجر موضوع ، شوفي موضوع بحبه احكي فيه

قوليلو شو صار معاكي بغيابه ،

انا مرات بحكيلو قصص معينه بتصير بالمنتدى ، بكون بدي اعرف رائيه فيها وبسمع رائيو

يعني حديث بجر حديث

 

[مولاي الفرج]

واي مثلي مشكلتي ماعرف اسولف

بس والله انا دايما احط ابالي ان نفسيتي تكون حلوة واني بفتح مواضيع

وتضبط وياي

اعتبريه من زمان موشايفته ودوري سوالف

واذا توهقتي شتقولين قوليله كلام حلو

 

[ديانا سبنسر]

البنات كفو ووفو

 

[مناير ...!]

ياسمين الكويت ماقصرت

 

[$$king moon$$]

شوفي شنو يحب واهتماماته واهتمي بهالشي مثلااا اذا يحب الكره شوفي معاه وشجعي معاه
واذا يحب الافلام اشتري افلام وسويله جووو لما تكونون بالبيت وحطي فلم وبوب كورن وهالاسوالف
انتي شوفي شنو ميوله
وخليج عفويه بالسوالف لاتستحين عادي ولاتفكرين
بالعمر انج صغيره واهو كبير جذي بتدققين على تصرفاتج ولا بتسولفين عدل

 

[مموريز]

شوفي انا بقولج عن سوالفي مع ريلي
لما يدش البيت استانس ان رجع وما اخبي هالشعور عليه اكون متلهفه عليه استقبله بحراره لووول
والابتسامه شاقه ويهي من عيني اليمين لعيني اليسار
حتن لما اكون نايمه ودوامه فير لما يدش ابتسم وانا نايمه بس لساني يكون ثقيل
نسولف عن دوامه وانا اللي ابدي ها شصار اليوم معاك بالدوام ؟! >>انا علمته ان يقولي كل شي من كثر ما اسأله
لا شفته متضايق اقوم اسوي شي نشربه وايي يمه المه شفيك حبيبي شنو مضايقك ؟!
واتم احن والزق فيه ما اوخر لين يطلع اللي فقلبه بس عااد هاا مو حنه غثيثه عشان لا يعصب واذا لقيته معصب وما يبي يتحجه اقعد اقوله سوالف تضحكه او خيالات تونسه
نتحجى عن السفر : خاطري اروح ....(لندن ) على سبيل المثال
ودي اروح معاك مكان في بحر نفس هاواي اقعد انا وانت عالبحر نتشمس ويمنا عصير بااارد ننزل شوي نتسبح بالبحر وما يكون حوالينا احد >>> يعني ممكن تكون خيالات وصعبه تتحقق بس الواحد يحلم

انا عن نفسي اشاركه بكل شي
يعني مثلا انا وامي سولفنا عن شي و علقنا على شي اقوله اليوم امي تقولي ..... جان اقولها ..... خاصه لو شي فكاهي بس ديري بالج مو كل شي كل شي لان في اشياء ممكن تنرفزه او يفهمها غلط
بس اذا مثلا شي يضحكم مع بعض
شي تعطون فيه رايكم
مثلا احيانا يقولي ان خالتي (امه ) قالت عن فلانه انها جذي جذي جذي
نعلق مع بعض انا اقول رايي واهو يعطي رايه
لما نروح نتسوق اقيس واطلعله ها شرايك ؟! هذا ولا هذا؟!
افضفضله عن اللي بقلبي يفضفضلي عن اللي بقلبه >>ولا تقولين اهو ما يفضفض لان انا اللي عودته يتكلم اهو نوعه كتوم وهادي ولو عصب يخرع
لما يعصب تلقيني انا ارخي معاه لما اعصب انا اهو يرخي بس مو كل مره احيانا اشد معاه فاكتفي باني ابوز وما اتكلم معاه ولا ارد عليه لما يعتذر

الاغراء واللبس والتكشخ والفراش مو كل شي عند الريال
الريال يبي منج ثقه بالنفس
يبي منج مشاركه
يبيج تشاركينه بحياته تكونين متواجده معاه بكل موقف بكل شي
لازم تفتحين قلبج اي شي بقلبج تقولينه له اي شي تفكرين فيه تقولينه له
وخليج ذكيه معاه الريال يحب المره الذكيه اللي تعرف تتصرف
خلي عندج ثقه بنفسج لا تتردين انج تسوين شي لا تقولين لا شكلي بايخ ولا شكلي غبي لو سويت جذي
كونيله دلوعته وبنته وامه واخته وصديقته وحبيبته مو بس مرته
اتمنى اكون فدتج

:ggdw::ggdw::ggdw::ggdw::ggdw::ggdw::ggdw:

انا معاها في كل اللي قالته. ماشاء الله عليها.:eh_s(7):

زوجك مختاج الى وحدة تشاركه اهتماماته وتحتويه في كل الاوقات.
حاولي معاه لين توصلين الى الشي اللي يريحه.....وبالتوفيق ان شاء الله.

 

[كربون امها]

حبيبتي الله يعينج احس السبب من ريلج ومو منج
بس صدقيني فترة زواجج قصيرة يعني للحين مومتعودين
على بعض حاولي تعيشين الجو معاه شوفي شنو يحب مواضيع
وبادري انت وقوليله انا صغيرة وجديدة على الحياة الزوجية علمني وانا ماراح اقصر معاك وبالتوفيق يارب

 

[خفايا الروح]

طبيعي هالشي اول الزواج


لا تتطلقين ولا تفكرين فيه مافي يستاهل تتطلقين

انا كنت جذي شوي شوي تأقلمت ع الوضع وصرت اسولف معاه واسأله وصح احيانا الرجال ما يساعد مثل زوجي ..

بس انت افتحي مواضيع اقترحي انكم تطلعون وصدقيني السوالف تجي من نفسها ..

 

[استكانه1]

شنو تتطليقن الله يهدج ,, حبيبتي توكم متزوجين ولاتستعيلين كل شي بييي بروحه

 

[Bride.Badora]

اول ما يرجع من الدوام روحي الله لا يهينج تعلقي برقبته ساعتين و قوليله انج حدج مشتاقتله
و كل شوي سولفي معاه عن اي موضوع حتى لو مواضيعج بالمدرسه قبل و مغامراتج فيها و الوناسه
و الاشاء اللي ونستج و اي شي يونسج خطر ع بالج سولفيله عنها
خليه يستانس بقعدتج ضحكيه و دلعيه و كل شوي روحي حضنيه خليه مثل البيبي بالظبطططططططططططططططططط
انتي اذا فتحتي موضوع واحد اهوه بينطلق معاج
و اذا اهوه فتح موضوع قوليله عن مواضيعج اللي تكون بنفس الموال
و عسى الله يسهل عليج ان شالله و يريح بالكم
ماحبيت اطلع بدون رد

 

[Gifts&Occaions]

خلج طبيعية وسولفي معاه