ليش زوجي اناني ومايفكر الا بوناسته

[الله يرحمني]

مساااااء الخير

حدي ضايق خلقي وافكر احس مجروحه زوجي يقولي بتزوج وتري عادي انتي الغاليه وليش انتو يالحريم تزعلون بس يشوفني عصبت وزعلت يقعد يضحك ويقولي
اضحك معاج بس ابي اغثج بس انا انجرحت منه وحسيت ان حياتي معاه ماراح تستمر مااحس بالراحه والامان هو علي كلامه يضحك ويبي ينرفزني لكن وسط
كلامه وضحكه على قولته قلت لو تبي تزوج شنو مقصره فيه قال انت والله مافي منج بس تولدين
قيصريه وانا ابي عيال كلمته ههاذي نفس طعنه بصدري يعني هذا ذنب او عيب فيني انتو شرايكم

 

[الله يرحمني]

اب اب

 

[بنت حظوظ]

تلتقين يتغشمر شكو الولادة بالموضوع القيصيرية او طبيعية يمكن قصده القصرية يشوه جسمج انتي عيبي عليه قولي له مين ترض فيك يا المتين

 

[المرتاحة]

(( انا انجرحت منه وحسيت ان حياتي معاه ماراح تستمر مااحس بالراحه والامان هو علي كلامه ))

((قال انت والله مافي منج بس تولدين قيصريه وانا ابي عيال كلمته ههاذي نفس طعنه بصدري يعني هذا ذنب او عيب فيني ))


قولي له هالجملتين اللي قلتيهم لنا وخليه يحس بشعورج و يعرف شنو احساسج لما يقول هالكلام لا تخشين شي بقلبج

 

[CHANƎL]

الله يكون فـ عونج حبيبتـي
بس خذيها بروح رياضيه لانج بتتعبيـن اذا آخذتي كلامه
بـمحمل الجد !
و يمكن يبي يختبر غلاته عندج بينيله آنه غالي ولا تحسسين بتقصير
و اذا عـ القيصيري وآيد حريم يربون قيصيري و فـي تجميلي بعد

 

[ąl.65мђ]

لا مو عيب ي قلبي ..
يمكن انتي حساسه شوي ..
او
ماخذه الموضوع بحساسيه ..
ريلاكس حبيبتي ..
اجلسي معاه بيوم يكون هو رايق ..
وتناقشي معاه بالموضوع ..
اتمنى افدتك .. ​

 

[$$king moon$$]

اتوفع انه يضحك معاج
ماله شغل قصيريه بالموضوع

 

[Gifts&Occaions]

الله يعينج

 

[حبيبة دحووم]

نفس المشكله عندي غثني بس قلت له إذا تبي تزوج روح لا تقوم تغثني وأنا بعد مثلك ما أولد إلا قيصري
لأن القيصري عدد الحمل محدود مو مثل الطبيعي بس إذا السالفه كذا قبل لا تحملين سوي نظام إنك تجيبين تووم ةيعطيك العافييه

 

[شادن33]

حبيبتي اللي اعرفه القيصري ممكن اتييب ست ماشالله شنو يبي اكثر بعد واللي يقول بتزوج بتزوج حبيبتي هاي لاتخافين منه وبربر بس لاتزعلين

 

[شادن33]

بربر =يبربر

 

[الوردة المكنونة]

عادي حبيبتي هذي غشمرة الرياييل الماصخه

انا ريلي كان يقولي بتزوج عليج كان ردي عليه بكل بساطه و

ويي جان زين عشان تشيل عني هم البيت وعيالك وانا اروح اعيش يومين اتمتع فيهم اذا لقيت وحده ترضى تتزوجك انت وعيالك لا تقصر ههههههه صار يخاف يتغشمر معاي حرم يقول بتزوج عليج

 

[Tom ♥ Jerry]

,


شكوووووو القيصريه بالموضوع !!!!!!!!!
آمبيه لا مو من صجه ريلج :|

 

[هذا مزاجي]

حبووبه لا تصيرين حساسه اذا قالج بتزوج
قووليله رووح ماتشوف شر
مراح تنتهي الدنيا اذا تزوجت علي
صدقيني هالكلمه بتكوون نفس الطراق
على وجهه :eh_s(9):
ومع الوقت بيبطل هالغشمره البايخه :eh_s(7):

 

[Pippa]

’

والله شكله يضحك المسكين و انتي واااايد حساسه ..اخذي الموضوع بروح رياضيه .,.

بس مافهمت شكووو القيصرية بالموضوع !!

 

[حرم_الغلا]

‏ يااشين ضحكهم؛؛؛؛ الله يعينج‏<‏‏<‏‏< خوفتيني من القيصريه إدعولي ماأولد قيصريه مره ثاانيه‏<‏‏<‏‏< جاان تخاااف

 

[FeShinGoOo]

زوجج وانتي ابخص فيه اذا يتغشمر لاتطوفينله الغشمره على خير عشان لا يتعود ويخاف قبل لا يحاول يطفرج بمثل هالمواضيع الغثيثه وا1ا من صجه لازم تشوفين حل وتوقفينه عند حده شنو يعني تولدين قيصريه ؟؟

 

[الله يرحمني]

يعطيكم العافيه يريحتوني وجبرتوا بخاطري
انا قلت له لاتغثني كل يوم نفس موضوع تبي تزوج روح ماتشوف شر اخذ اربع لوبغيت وسالفه قيصريه لما قلت شنو مقصره قالي ابي اريحج انتي تولدين قيصري وانا ابي عيال بس بعدها قال اضحك معاج

 

[نفـــائس]

قوليله الشرع حللك اربع عدي

بطي جبده

بس مافهمت سالفه القيصرية

 

[زعنوفه]

(( انا انجرحت منه وحسيت ان حياتي معاه ماراح تستمر مااحس بالراحه والامان هو علي كلامه ))

((قال انت والله مافي منج بس تولدين قيصريه وانا ابي عيال كلمته ههاذي نفس طعنه بصدري يعني هذا ذنب او عيب فيني ))


قولي له هالجملتين اللي قلتيهم لنا وخليه يحس بشعورج و يعرف شنو احساسج لما يقول هالكلام لا تخشين شي بقلبج

هذا الي كنت بقوله​