كرســـي الاعتراف مع بدوره القموره ..
*
*
*
اليوم ضيفه مميزه في تواجدهـا
*
*
*
عضـوه مميـزة ♥
*
متحديه ومتاكده~
*
*
لتواجدج هني نوع آخر
*
*
*
*
*
*
*
*
*
1-ماذا ستكتبين لنا لتعبر عن حياتك التي عشتيها الى الان في كلمات قليله ؟
*
بالمختصر المفيد حياة صعبه شوي ولاكن اكشفت فيها شغله مثل مانقول طنش تعش حق الاشياء الي تضايق لاكن اغلب الاحيان مااقدر اطنش 
وكل ماكنت قريبه من ربي شفت الحياة اسهل . والحمدلله على كل حال كما ينبغي لجلال وجهك وعظيم سلطانك*
2- هل تعتقدين ان حظك سيئ.....؟
*
*
الصراحه مااحب اقول ان حظي سيء لان النعم الي الله انعمها علي كثيره واكون جاحده اذا قلت حظي سيء * واقول الحمدلله حظي حلو دام ربي معاي وكل شي يصير لي عكس الي ابيه اقول خيره من ربي وارضى فيه
3- حكمة تؤمنين بها جدا؟؟
*
مايحضرني الحين الحكمه نصا ولاكن بما معناه الظالم لابد ان يجي له يوم وينكسر مهما طال الزمن ،*
وان الله ماينسى عبده حتى لو اجل الفرج له الى اجل مسمى .. ***
4- شنو هدفج من الحياة؟؟
اول هدف اني اتخرج من الجامعه الي بديت اعمر فيها وافتك الحمد لله على كل حال وعندي اكثر من هدف بعد اسعى له وعسى الله يوفقني ويسهل علي دعواتكم ،، *
5- شنو تسوين في وقت فراغج ؟؟
*
الصراحه مااعرف استغل وقت فراغي لاكن اغلب الاحيان اشبك
6- نادمه على اي شي غلط سويته بحياتح؟؟
*
اي مثلا اتعامل مع موقف معين بشكل غلط ومااعرف اتصرف فيه هالشي يخليني اندم وخذيت درس ومراح اعيد اغلاطي مستقبلا ههههههه **
7- شنو أكثر شي يهزج وينزل دمعتج ؟؟
*
دمعه المظلوم + دمعه امي+ دمعه الطفل + دموع الالم
*
8- هل انتي ملتزمة دينيا/هل تصلىن ؟؟
*
*
الحمد لله ملتزمه ولاكن مو حييييل واسعى الى هالشي اكثر ،، بس ثقافتي الدينيه وعمق ايماني كبير جدا ،،*
الحمدلله ملتزمه بالصلاه لاكن مقصره من ناحيه اني مااصلي بوقتها في بعض الصلوات وبعض الاحيان وهالشي متعب نفسيتي ومضايقني عسى الله يغفر لي ويعيني على ذكره وشكره وحسن عبادته ..
9-هل انتي راضية عن نفسج وتصرفاتج؟؟
*
*
لأ مو راضيه على نفسي 100٪ ومثل ماقلت انا حاليا احاول اعدل من نفسي شوي شوي وكل شي اشوف نفسي مقصره فيه احاول اعدله واذا شفت شي غلط بحياتي احاول امحيه واحاول اتقرب من الله حيل بس الكسل حيل داخل حياتي وهالشي متعبني ومعرقل محاولاتي للتغيير *
10- شنو استفدتي من حملتنا؟؟
*
والله لو اقول مااوفي انا اشتركت من ثاني جزء وحسيت حياتي صارت فيها اضافه حلوه وحملتنا صارت جزء من حياتي والبنات الي فيها كلهم خواتي وصديقاتي واحبهم حيل واحب حملتنا واحس انها اكثر من حمله احس انها بيتنا الي يجمعنا ، بيتنا الي نتشارك فيه الحوار والذكر والوناسه ، والاستفاده كبيره كل ماله معلوماتي وثقافتي تزيد من الاضافات الي يحطونها البنات واذا كنت متضايقه اقرا الردود والمشاركات الايجابيه حيل تخفف علي ضيقتي ..*
أحبكم في الله خواتي واتمنى ربي يجمعنا في جنة الفردوووس على سُرر متقابلين .. *
**
*
ملاحضه .....
السؤال الي ما يعجبج لاتجاوبين
بالعكس كل الاسئله اعجبتني واستانست وانا اجاوب عليها لانها توضح لي اكثر وتخليني افكر في حياتي ..
مشكووره بدورتنا حيل استمتعت والله ، فديتج
