ايشرايكم بنات بسالفة الخطابة؟؟؟

[jnan]

السلام عليكم اشلونكم

اول شي بغيت اقول لكم عن مواصفاتي لووول

عمري 24 سنه آنسة وهذا آخر كورس لي بالجامعه :eh_s(15):

ودي اتزوج :eh_s(22):ويكون لي بيت وعيال ودايما افكر بهالموضوع ليل ونهار

خاصه عيال عمي وخالاتي ورفيجاتي تزوجو وصار عندهم يهال

وجم مره اقعد بروحي بالدار متضايقه واقول حق امي

تقول بعدج صغيره وما احس انج بتكونين قد المسؤولية والخ

ويوم من الايام كانت امي تتكلم مع ابوي شوي شوي وكنت نازله من الدري

واسمع امي تقول له عمره 30 سنه

ولما شافوني نزلت اسكتوو

وقعدت احوم احوم شسالفه ابي اعرفها ماني عارفه اشلون افتح الموضوع

فشغلت اختي الكبيرة المحقق كونان لووول

جان اعرف ان امي مو مخليه خطابه والا وحده تعرفها تكلمها عني

حز بخاطري يعني الحين اوصلت السالفه حق خطابه

ما ادري بنات ايشرايكم بسالفه الخطابة؟

انا مو متقبلتها بصراحة

وانتو شنو رايكم فيها

 

[Violette]

مافهمت امج ماتبيج تتزوجين ولا تبيج تتزوجين ؟
ولا عشان رفضت الخطاب القبلين صار محد يجيج ؟

 

[jnan]

مافهمت امج ماتبيج تتزوجين ولا تبيج تتزوجين ؟
ولا عشان رفضت الخطاب القبلين صار محد يجيج ؟

اكيد كل ام تبي بنتها تتزوج

بس امي قالت لي جذي ما تبيني افكر وايد بالموضوع

لكنها من وراي قاعدة تحاول

بس ما حبيت ان يوصل الموضوع لي سالفه الخطابات

ومحد يالي تقدم لي

 

[روح مغليهاM]

حبوووبه ي عمري ع امك شكلها مرا تحب وماتبغغاك تتضايقين يعني تبين انك توك ع المسوليه ودلوعه وماتبين انك ثقيله عليها
وهي تدور لك خطاابه عشان تسعدك يعني شي جمييييل
انتمى فهمتي كلامي هههههه مستعجله

 

[jnan]

بس ما قلتي لي ايشرايج بسالفة الخطابة!

 

[روح مغليهاM]

عادي حبوووبه انااعرف كثير تزوج, عن طريق خطااابه والحمدلله الحين مبسوطين وعندهم عيال بس اهم شي تسالون زين ع العريس تتاكدون والاالخطابه موشي حرام عادي جدا
وربي يرزقك ماتتمنين

روحm

 

[*الهنوف*]

امها تبيها تتزوج طبعا بس مابيدها حيله وقاعده تهديها بجم كلمه


شوفي امج ماكلمت خطابات او ناس الا لان تدري ماعندكم شباب بعايلتكم للزواج
وبالعكس اللي تسويه امج تضحيه كبيره عسا ربي يجزاها خير

وبالنسبه للخطابات هذي تختلف فيها قناعات الشخص نفسه
يعني انا ماداني الخطابات اللي منتشرات مادري جذي خلقه انا ماحبهم واحس نفسي جني بضاعه معروضه تعرضني علي كل الخطاب واللي يعجبه يشيل
اما اذا كانت خطابه تعرفونها شخصيا يعني جا رتكم او من الاهل ،يعني مره موشغلتها الخطابه لا بس جذي توصيها امج عليج جذي حلو

لكن هذا يرد لقناعاتج وامج حرام تفكر فيج
*

 

[كويتيه cool]

اذا انتي مو مقتنعه بهالفكرة قوليلها ما ابي من طرف خطابة وبس

 

[غداً القاك]

عادي قلبي يمكن هالخطابه تكون سبب انها تربطك باذن الله برجل كفو ويستاهلك
لاتحسسين من الموضوع امك مستحيل تسوي شي يضرك او مو من مصلحتك

 

[حاقدة على اهله]

عادي خو خطبة

 

[كنوشة 2009]

ما فيها شي اذا الخطابة ثقة وزينة
ووايد بنات تزوجو عن طريق الخطابة
والله يرزقج الزوج الصالح

 

[Tulips]

حبيبتي مادري يعني اذا مضايقج تتزوجين عن طريق خطابه فقولي حق امج هالشي

انتي صج صغيره مادري ليش خايفه يطوفج القطار .. !

مرات في عوايل مايكون عندهم اقارب ومعارف وايد فيضطرون يحطون اسامي بناتهم عن خطابه

وترا في خطابات محترمات

بالنهايه كله نصيب

 

[Queenleo]

مره نزلت موضوع
اذا عادي احط عند خطابه او لا
لاني كنت متردده
ووتقريبا اغلب الردود قالولي لا
وان رزقج بيوصل لعندج
وفعلا انا مقتنعه بهالشيء الحمدالله
واشوه اني ماحطيت احسها بايخه حبتين

 

[fri2010]

انا مو مع هالمبدأ

 

[| تفاصيل |]

نصييييييييب
سواء خطابه او غيرها
شوفي الولد اذا تقدم وعقب قرري

وعقب الوظيفه بتزيد نسبة الزواج ان شاءالله

الله يرزقج

 

[عادت ذكرياتي]

الله يرزقج عاجلا غير آجل

 

[عرباوية من قدي]

يامعوده حمدي ربج ان امج وابوج متفقين على زواجج وبيزوجونج في بنات الاب مايبي يزوج بناته خير شر والام بروحها تطحن وبعدين اهما ادرى بمصلحتج هذا انتي قلتيها محد بقا عيال عمج وتزوجو ومابقى احد لازم الاهل يتصرفون ولا عاجبج الوضع

 

[برستيجي مآركة]

لاعيب ولاحرااام
اذا جاء الولد من طرفها اهم شي سألو عنه اذا كفوووو..
وربي يوفقك ويسعدك...

 

[Barbie_Kw]

حبيبتي مادري يعني اذا مضايقج تتزوجين عن طريق خطابه فقولي حق امج هالشي

انتي صج صغيره مادري ليش خايفه يطوفج القطار .. !

مرات في عوايل مايكون عندهم اقارب ومعارف وايد فيضطرون يحطون اسامي بناتهم عن خطابه

وترا في خطابات محترمات

بالنهايه كله نصيب

:eh_s(15)::eh_s(15)::eh_s(15)::eh_s(15)::eh_s(15):

 

[lebanon cat]

مممم
هيدا تلفون كام خطابة بالكويت للمهتم


الخطابه صفيه الشمري 66414639 - 24810057
الخطابه أم صالح 97460200
الخطابه ام زهراء 99537894
الخطابه ابله منيره 99873598 - 25756358
الخطاب الكويت الاول أبو حمد 66815725- 66262925

وبعدين انت جربي اذا ما عجبك موضوع الخطابة ممكن ترفضي وخلص واذا خاطرك بالزواج ممكن حدا من صديقاتك او اقربائكم او معارفكم يقدمك لشاب قريب منهم عم يفتش على عروس بعدين بكرا اذا اشتغلتي كتيير في ناس رح يخطبوكي وما تستعجلي عرزقك يعني الللي تزوجوا شو اخدوا غير تغير خفاظات وطبخ ونفخ و غوريلا قاعدة بالبيت بوزه شبرين ...