متى صليتي وانتي قاعده؟.......

[om 7sony]

السلام عليكم
يمكن يكون السؤال غريب شوي
بس صج انا مستغربه من بنات ....من تدري انها حامل قامت تصلي وهي قاعده!!!
والله مادري ليش احس ماله داعي ....
انا الحمدلله دخلت الثامن ،، ومع عوار الظهر احس. هم ضميري يانبني وما فكرت اصلي من جلوس
انتوا شرايكم ؟!
انا مكبره الموضوع ولا فعلا ماله داعي ؟

 

[عطر الأنوثة]

انا ما اقدر اصلي و انا واقفة لازم اقعد بس انا خلصت شهري التاسع و دشيت بالعاشر لاني بجر 

 

[متواضعة]

مادري ام حسون لا يكلف الله نفسا الا وسعها احس كل وحده هالشي بينها وبين ربها

مع انه السجود وايد زين للحامل سمعت انه يحرك الدورة الدموية

الله يهدي الجميع

 

[jegrom]

ماله داعي وبعضهم دلع

واصلا ما يجوز وحده تصلي واهي قاعده الا بالحالات الشديده النااااادره لو الواحد لو فيه لو ذره يقدر يصلي واهوا واقف لاااازم يصلي واهوا واقف

 

[Angel-Lady]

انا تقريبا من بداية حمالي و الى الان اصلي على كرسي

حمالي عسر و عندي عذري

عن الرسول صلى الله عليه وسلم (صل قائماً فإن لم تستطع فقاعداً فإن لم تستطع فعلى جنب)، وأما صلاة النافلة فيجوز للإنسان أن يصليها جالساً ولو كان يستطيع القيام وله من الأجر نصف أجر القائم هذا إذا لم يكن له عذر، أما إذا كان عاجزاً عن القيام فإنه يصلي جالساً وأجره إن شاء الله تام.

ربج خوفا و حرصا على عباده مامنع و دينا دين يسر مو عسر فليش الواحد يحمل نفسه فوق طاقته اذا ما يقدر، و شي ثاني اي احد يقدر بهذا الوقت يشوف احكام و يسال المشايخ و يتاكد بسهولة و بسرعه، الله يعافي النت و الموبايل فما اعتقد وحده عاقله اتروح اتطلع احكام من عندها و اتصلي على كيفها

لا تدققون عل الاشياء الي تتعلق بين الانسان و ربه ولا تدخلون لان الحريم الحمل مو يهال كل وحده اتعرف شنو اتسوي و اذا ما قدرتو... انصحوهم و ان شالله تاخذون الاجر

الحمال من وحده لوحده يختلف، فحمدو ربكم ان الله سبحانه يسر لكم لان غيركم لا

و اختي الي قالت عن حالات نادره ودي تعطيني لنك او اتقولين لي من وين قريتي عشان اعرف لو سمحتي :]

 

[jegrom]

والله مايحضرني حاليا لنك معين بس معروف هالشي

ومثل ماقلتي كل وحده بينها وبين ربها ومقتنعه بلي تسويه بس الاخت طرحت موضوع وحبيت افيد بلي عندي

وتقبلوا مروري

 

[برميت]

انا اذكر من السادس قمت اقعد على كرسي وقت السجود

لاني ما اقدر عقب السجود اقوم

مره صليت و نسيت احط كرسي ..و سجدت و بغيت اطلع الياهل من حلجي ..حده يعور
و جسمي متروس ماي و زلال ..ما اقدر اجفس ريولي

 

[نـعـومـه]

مادري انا بثامن الحمدالله للحين ماصلي وانا قاعده بس مره صليت وانا قاعده حزه مرضي وانا حامل كنت سخوووووونه وحراره موطبيعيه وتعب*

 

[امواج الكويت]

انا اصلي وانا قاعده وقلبي كل صلاه يعورني ودي اسجد واحط راسي عالارض بس الحمدلله على كل حال انا اطفال انابيب وعنق الرحم عندي قصير وناطره الربط والله كريم

 

[om 7sony]

عطر الانوثه :
الله يقومج بالسلامه حبيبتي
متواضعه :
اي والله صاجه لا يكلف الله نفسا الا وسعها
Jegrom
اييي اييي انا ساعات اشوفه دلع
وحده اعرفها من عرفت انها حامل قامت تصلي وهي قاعده ... وهي الحمدلله مافيها الا العافيه
Angel lady
حبيبتي معروف ان ما يجوز الصلاة من جلوس الا للحالات الشديده الي الانسان ما يكون يقدر يوقف
وفعلا في بعض الحمل تكون حالاتهم خاصه ويتعبون من الوقفه ،، انا ما اقصدهم ... واتمنب لهم الله ييسر ولاداتهم
برميت
انا اشوف الي تسوينه انتي هو الصح
يعني ما تقدرين عالسجود ... تسجدين عالكرسي،،، بس تصلين وانتي واقفه
الله يوفقج يا رب
امواج
الله يتمم عليج حملج يارب
والله يعينج ... ان شاء الله تقومين بالسلامه وتييبين لنا احلى بيبي

 

[om 7sony]

بنات حبيباتي قبل لا يزيد الهجوم علي
خل اوضح شغله
انا كنت اتساءل .. هل هذا شي عادي ولا انا الي مكبره الموضوع
وانا اقصد الي حملها طبيعي بس خااايفه عالبيبي ... يعني ماكو عذر
يعني مثلا وحده اعرفها ،،، شفتها تصلي وهي قاعده ... يوم سالت شفيها قالوا حامل
كانت تووووها محلله من يومين
ويعدين مع السوالف .. تعرفون سوالف الحريم ،، قالوا لها ديري بالج وخففي من الشيسمونه انتي وريلج
تخيلوا شنو ردت ؛؛؛ قالت : لاااا اصلا من حملت واحنا زايدين ،،،!!!!!!
يعني الصلاة فيها ضرر بس الشسمه لا ؟!!!
وهم بعد اذا انتوا شايفين ان هالشي طبيعي ... فيدوني


وشكرا لكل الي ردوا على سؤالي

 

[مشتطـه]

انا بالسابع مرات احس بثقل لما اقوم من السجود
بس حاليآ ما افكر


لان لو فيه ضرر للبيبي جان ربنا منع الحامل من الصلاه


عادي جام الحركة بس ثقل مو خطورة ما افكر اصلي وانا قاعده

وبالنسبة للي حملها عسر الله يسهل عليج واتوقع هذ1 عذر قوي وان شاءالله مقبول

 

[TINA]

انا صراحة صليت عادي واقفة لحتى صار معي نزيف بالشهر الثالث بدايته وصار ينزل دم كان عندي كيس دم كبير حسيت بخوف على البيبي و صرت صلي قاعدة و ما امشي و ضل على ظهري لان الدكتور اصلا عطاني اجازه اسبوع على ظهري و الله يتمم الحمل علي على خير و على الكل يا رب بس مرات اصلي واقفة لما احس اني اقدر و مافي عوار ظهر انا الحين بالخامس

 

[om 7sony]

حبيبتي تينا الله يقومج بالسلامه يا قلبي
مشتطه حبيبتي
الله يتمم عليج يا رب

 

[تبطي عظم!]

انا ماصليت وانا قاعده لين التاسع اصلي وانا واقفه

 

[awashamen7asha]

مثل ماقالوا البنات كل وحده على حسب قدرتها..
الحمدلله ببجري ماصليت وانا قاعده الا يوم تييني الطلوق مع العلم ولدته بالثامن
أما الحمل الثاني فأول يوم رمضان صليت التراويح و انا واقفه و حسيت بعوار بظهري بس قاومت ومن لحظتها نزفت و ماوقف النزيف لا مع مثبتات و لاشي و طاح بعد اسبوع
الحمدلله على كل حال
اما هالحمله فأصلي و انا قاعده 50% لأسباب صحيه كان عندي تكيس و ممنوعه من الحركه.. لمن راح التكيس الحمدلله رديت أصلي طبيعي.. و الحين فيني نزيف و نازله مشيمتي رديت أصلي و انا قاعده.. والصراحه بخاطري السجود بس الحمدلله لايكلف الله نفسا الا وسعها.. الله يتمم علينا

يعني كل وحد و ظروفها..

 

[c a t w o m a n]

أنا من دشيت الثامن قضبني عوار الظهر و عرج النسا اضطريت أصلي من جلوس

الله يسهل على كل حامل يا رب

 

[al7anona]

كل حاله تختلف عن الثانيه انا الحمدالله بخلص التاسع واصلي عادي من غير مااقعد يمكن يتلي ايام كنت تعبانه من الانفلونزا وعوار ظهر صليت بعض الصلوات وانا قاعده بس كل وحدة حملها اخف واثقل في ناس مايقدرون من يدشون الثامن مايقدرون يجندسون بس من اول ماتحمل غريبه الا جان عوار ظهر او شي الله اعلم
والله يتقبل منا ان شاءالله

 

[! Miss.Q8 !]

انا اصلي وانا واقفه بس السجود على كرسي تقريبا من السابع لما بديت اثقل وما اقدر قمت اسجد على الكرسي بس

اما من بداية الحمل لا كنت اصلي عاادي مع ان ريلي كان يقول لي صلي على كرسي

بس في ناس فعلا اول ما تعرف انها حامل تصلي على كرسي معانا وحده بالدوام جذي

 

[english muffin]

انا احسيعتمد علىكل وحدة وحالتها
بس صج اعرف وحدة من درت انها حامل تمت تصلي واهي قاعده واهي مافيها الا العافية