متى صليتي وانتي قاعده؟.......

[cute_batoota]

أنا طول فترة حمالي اصلي وانا واقفه بس من آخر السابع للحين توني بالثامن بعض الصلوات صليتها وانا قاعده لأني كنت اتعب واحس بثقل وعوار بظهري بس للحين اصلي وانا واقفه والله يتقبل منا يارب ويهون علينا

 

[Angel-Lady]

كنت اوضح شغله حبيبتي ما اقصد منه الهجوم او شي و اعتذر اذا حسستج أو غيرج بهذا الشي :] بس اعرف بنات سقطو بسبب سوء فهم بموضوع مثل هذا :] في النهاية الموضوع عشان نفيد بعضنا :] .. حتى الرد اغلبه مو موجه للقصه الي ذكرتيها

ماعدا تقريبا اخر شي p: ---> الحمال من وحده لوحده يختلف فخلو هذا لرب العباد يحكم فيه ... هل فيه حريم ما يقدرون من بداية حمالهم؟ فيه و الله يسهل عليهم و ماله علاقه بالدلع ابدا :] <<< منهم و بلا فخر -.-

لكن وحده ما فيها الا لعافيه و ما تصلي الا و اهي قاعده هذا انا معاج ما يجوز و من ناحية هل ضميري يأنبني و لا لا أكيد يأنبني بس كل نفس حسب استطاعتها لكن الله سبحانه غني عن تعذيب أنفسنا، فليش انعذب نفسنا اذا الله سبحانه يسر لنا (مَا يَفْعَلُ اللَّهُ بِعَذَابِكُمْ إِنْ شَكَرْتُمْ وَآمَنْتُمْ)

والله مايحضرني حاليا لنك معين بس معروف هالشي

حبيبتي معروف ان ما يجوز الصلاة من جلوس الا للحالات الشديده

كلنا ندري ان معروف ان ما يجوز الصلاة الا و انتي واقفه، بالنسبة للصحيح و المعافى هذي مفروغ منها و محد يتطرق لها.. لان سؤال و الموضوع واضح لوحده حامل و الي يصاحبها حالة مرضيه:] ..

نقطة الاختلاف لما احد و ايي يقول بس حاله خاصة تقدر الحامل اتصلي و اهي جالسه.... فشنو الحاله الخاصه؟ الحديث عن الرسول عليه السلام واضح صل قائماً فإن لم تستطع فقاعداً، و المشايخ جزاهم الله خير وضحو الطريقه بس ما سمعت ابدا ان في حالات خاصه فحبيت اعرف او حتى لما احد يقول هذي الطريقه صح و هذي غلط ، و للعلم فيه مشايخ وضحو القعود على انه التربع على الارض و " ليس الكرسي ".. لكن انا اخذ على الاكثر علما و هم بن باز و بن عثيمين وضحو الحكم و الطريقه... انا ما احب احد يفتي من غير علم و اكيد.. لان كلمة قالو لي و معروفه ما راح تنفعني يوم القيامه، و لان حرام الواحد يفتي بغير علم :]

المقصد ان ماكو حالات خاصه و نادره جدا او امراض معينه، انا قريت فتوى من قبل ما اذكر منو الشيخ، اذا "الالم" يمنع الخشوع و حضور القلب وقت الصلاة يمكن ان يصلي الانسان و هو جالس و الله اعلم، يعني تم القياس على درجة الخشوع و ليس حاله خاصه او شديده او مؤلمه... لو الواحد يسوي سيرج بجوجل عن صلاة المريض يعرفها و يثقف نفسه افضل ولا باخذ كلامي او كلام الناس مقياس

حسيت بعوار بظهري بس قاومت ومن لحظتها نزفت و ماوقف النزيف لا مع مثبتات و لاشي و طاح بعد اسبوع

يا حياتي ، الحمدلله انتي حامل الحين و الله يثبته ان شالله و ييسر لج حمالج

كان المقصد من كلامي و هذرتي مثل قصتج لان فيه بنات يسمعون كلام امهاتهم او صديقاتهم و اعرف بعضهم سقطو و كانو يقولون لهم اذا كنتي تقدرين مع عوار ظهرج توقفين لازم اتصلين و انتي واقفه و اتكملين و في النهاية البيبي و الام يتضررون... اشدراج عوار ظهرها ما راح يضرها انا هذا الي يقهرني بالحريم او من اللوعه ما قدرت توقف الا شوي و بعدها غشت بدون مقدمات و تاذى البيبي ، فسألو مشايخ و اهل العلم و دكاترتكم افضل و البنات المفروض يكتفون بنصيحه و ليس الافتاء لا فيه بنات ما يدرون وين الله قاطهم و يصدقون كل كلمه

 

[ام نواف العجمي]

الله يعلم اب اب اب لعيونكم

 

[أم توته]

بنات حبيباتي قبل لا يزيد الهجوم علي
خل اوضح شغله
انا كنت اتساءل .. هل هذا شي عادي ولا انا الي مكبره الموضوع
وانا اقصد الي حملها طبيعي بس خااايفه عالبيبي ... يعني ماكو عذر
يعني مثلا وحده اعرفها ،،، شفتها تصلي وهي قاعده ... يوم سالت شفيها قالوا حامل
كانت تووووها محلله من يومين
ويعدين مع السوالف .. تعرفون سوالف الحريم ،، قالوا لها ديري بالج وخففي من الشيسمونه انتي وريلج
تخيلوا شنو ردت ؛؛؛ قالت : لاااا اصلا من حملت واحنا زايدين ،،،!!!!!!
يعني الصلاة فيها ضرر بس الشسمه لا ؟!!!
وهم بعد اذا انتوا شايفين ان هالشي طبيعي ... فيدوني


وشكرا لكل الي ردوا على سؤالي

هذي الصراحه تتدلع يعني الحين تتعيز تصلي عادي علشان خايفه على الجنين والشيسمونه عادي هي قاعده تتفلسف
عموما في حالات الوحده ماتقدر تصلي واهي واقفه وذكروها البنات وهذول معذورين امه سالفه البنت الي ذكرتيها ما اشوف لها عذر تصلي على الكرسي يعني ماله داعي

 

[المـــــها]

أنا كنت اصلي واقفه عااااادي بس من صارلي نزيف مرتين قمت اصلي واقفة بس السجود اقعد على كرسي

 

[~LiBrA~]

حبيبتي كل وحده وقدرتها حتى لو مافي مشاكل بالحمل بس تكون في تعب او خايفه عالبيبي انشالله ماكو مشكله


وفي البعض دلع


بس انا من الشهر الثالث لي السابع اصلي علا كرسي لان ماقدر اقوم واقعد

بس بالتاسع قاعده احاول اصلي وانا واقفه لان وايد زين حقي وحق البيبي بس استغفر الله ساعه علا مااقوم

 

[كتالونيه]

الدين يسر وليس عسر
كل حاله تختلف عن الحاله الثانيه
في بنات يطيحون اذا صلوا
فاهم شي الصلاة سواء كانت قاعده او واقفه
واهم شي النيه بالصلاة والله غفور رحيم

 

[ابدا يالغالي مانساك]

لا حرررررام حبيبتي فيه بنات صج لحملوا يتعبوون وفيه العكس
عندج انا يوم حملت كل ينزل دم وتعب بس منسدحه مرات زوجي يهاوشني اصلي وانا
قاعده
وفيه وحده بعد اعرفها بالسابع تصلي هي وقاعده
يعني الحمدلله دينا يسر والحمدلله وربي يقوم الجميع بالسلامه
فديتج ولاتزعلي من ردي

 

[يا عيون سمي]

اسالي شيخ ما نقدر نفيدج بشي لان مايجوز نفتي واحنا ما عندنا علم الكافي

 

[*peace*]

اصلي وانا قاعده بس حزة السجود اسجد عادي مع ان شوي اتعب لان نساتي قويه

لي ركعت احس برجع تكرمون مااااقدر بس لمن تخف النساة لاعادي اصلي الحمدلله

 

[أم عبودي الكتكو]

يتقل من الجميع الناس ظروف....

 

[الهيــام]

انا كنت اصلي وانا واقفه لكن في السجود اقعد على كرسي
ينقطع نفسي لما اسجد ماكنت اقدر اتنفس والكل كان مستغرب

 

[om 7sony]

مشكورين وااايد كل الي ردوا على موضوعي
بصراحه قمت افكر بهالسالفه وشفت انه صح ممكن البنت يكون عندها عذر بس احنا ما نعرفه
ومثل ما قال الامام علي / عليه السلام
" احمل اخاك على سبعين محمل"
يعني حتى لو انا مو شايفة لها عذر لااازم اعذرها ... وصج هو شي بينها وبين ربها
بس هم انا متاكده ان في بنات يتدلعون &#55357;&#56861;"" ما ايوز ""هههه
الله يسهل على كل الحوامل يا رب

 

[@سيدة نفسي@]

عن نفسي ماأصلي قاعدة الا لما أدوووخ من الوقفة

والحمدلله ان ربج رب قلووب سبحانه ,,

 

[om 7sony]

اب
اب

 

[مس لوتس]

بحملي بنتي ثقل مو طبيعي واذا سجدت ينقطع النفس عندي طبعا صليت وانا قاعده بالسابع بس بحملي هذا ولله الحمد احس اخف واصلي وانا واقفه ماعمري قعدت وانا الحين بالثامن

 

[om 7sony]

الله يتمم عليكم خواتي ويسهل على كل حامل
امين يا رب

 

[Kel Al`3ala]

الحمدلله اصلي او انا واقفه او اسجد عادي..بس من الخامس اثقل الحمدلله فا اطر بس وقت السجده اقعد عالكرسي او اسجد ..
الله يتمم او يسهل علينا ان شاءالله..كل شي باجره ان شاءالله

 

[kuwaitya_zoGaa]

الخامس

 

[om 7sony]

كل الغلا
الله يسهل عليج يا رب