اللي تولد بالشهر السادس ؟

[ملح @ شمر @]

صباح الخير كويتيات



فيه موضوع شاغلني من فترة
اللي تولد بالشهر السادس يجي المولود طبيعي ولا لا ؟
يعني سليم مثل باقي المواليد ؟
واعضاءه وخلقته كاملة؟
واذا تم بالحضانه خمس شهور يكمل نموه اذا كان ناقص ؟

بنات بالله عليكم جاوبوني
جارتي بعد حرمان سنوات جابت توأم على ست شهور وتموا بالحضانه تقريبا خمس شهور وسووا لهم عمليات وكذا بس ماشفتهم لانهم بالرياض وانا بالشرقية
واستحي اسألها عن وضعهم بالتفصيل اخاف اضايقها

بس والله دااااااااااااااااااايما افكر فيها
نفسيتها تعبانة
:eh_s(2):
واللي ماعندها علم تدعي لها
​

 

[ملح @ شمر @]

اللي دخلوا وطلعوا
:rgewrg:
اتمنى تكونون دعيتوا لها اقل شي

​

 

[بربيره]

كل شي بيد رب العالمين الله يحفظ عيالها بس ما فهمت استفسارج يعني انتي حامل و خايفه تولدين بالسادس ؟ ولا تحاتين عيال جارتج الي بالرياض؟

 

[ملح @ شمر @]

بربيرة
لا انا احاتي عيال جارتي

خوفتيني صج ههههه ماجا في بالي تفكيرك
انا متوكلة على رب العالمين ان شاء الله

مشكورة على المرور
​

 

[Dode]

سبحان الله اذا ربي كاتبلهم الحياه بعيشون ,,
اعرف وحده جابت بالسادس وشوفي ولدها اللحين مشاءالله
بس توأم مادري الله يستر عليهم ويخليهم لأهلهم ,,

 

[awashamen7asha]

اي انشالله يتم سليم .. بنت عمي معاي بالحمل ولدت قبل عيد الاضحى بسبب مشاكل بالسكر اهيا الحمدلله طلعت بالسلامه و بنتها تمت بالحضانه و همن بنت خالتي حاشها تسمم من الربط و ارتفعت حرارتها و هم اضطروا يولدونها بالسادس و بنت خالت زوجي من الزلال و ارتفاع ضغطها ولدوها بالسادس.. اهي نفسيه الام راح تتعب لان مايكون بيبيها يمها و تحس بأهمال المستشفى و يكون حجمهم موطبيعي و لازم يطولون على يكبرون يمارسون عمليات الأيض بصوره طبيعيه و منتظمه تنفس و اكل و خروج بدون اجهزه عشان يقدرون يرخصون البيبي. و لمن يكبر البيبي مافي فرق بينه و بين باقي اليهال الحمدلله على سلامتها و يتربون بعزها

 

[شنوووفه]

عادي حبيبتي دقي تطمني على عيالها
وربي يقومهم بالسلالامه

 

[نـعـومـه]

اذا بالسابع بالشيشه يخلونهم شلون سادس !

 

[ملح @ شمر @]

طمنتوني الله يطمن قلوبكم يااااارب
انا متخيلتهم يعني مشوهين ومو كاملين والله شايله همها الله يصلح لها ماعطاها
شنوفه
انا اسأل عنهم دايما اكلمها اذا راحت تزورهم بس هي تقولي يسوون لهم عمليات واخر مرة تبشرني تقول يرضعون بالممية وانا منصدمة يعني قبل مايرضعون ليش ؟
يعني مااحب اسألها بالتفاصيل يعني عن وضعهم والعمليات اللي يسوونها لهم بس اتطمن انهم بخير وخلاص وهي نفسها تعبانه
فماابي ادخل بتفاصيل
​

 

[حوررريه]

ان شاء الله بخير وعافية،، صديقتي جابت ولدها بالسادس ولما صار عمره سنه كانه ابو اربع شهور مايقعد ولا شي يعني عنده تاخر بكل شي فديته بس يهببببل تبارك الرحمن.. حتى قالولها انه احتمال يكون اعمى فديته يشوف ويلعب بس اقل من عمره ربي يحفظه ويفرح امه فيه..

 

[ملح @ شمر @]

اي انشالله يتم سليم .. بنت عمي معاي بالحمل ولدت قبل عيد الاضحى بسبب مشاكل بالسكر اهيا الحمدلله طلعت بالسلامه و بنتها تمت بالحضانه و همن بنت خالتي حاشها تسمم من الربط و ارتفعت حرارتها و هم اضطروا يولدونها بالسادس و بنت خالت زوجي من الزلال و ارتفاع ضغطها ولدوها بالسادس.. اهي نفسيه الام راح تتعب لان مايكون بيبيها يمها و تحس بأهمال المستشفى و يكون حجمهم موطبيعي و لازم يطولون على يكبرون يمارسون عمليات الأيض بصوره طبيعيه و منتظمه تنفس و اكل و خروج بدون اجهزه عشان يقدرون يرخصون البيبي. و لمن يكبر البيبي مافي فرق بينه و بين باقي اليهال الحمدلله على سلامتها و يتربون بعزها

الله يسهل عليك وتولدين بالسلامة
ويسهل ولادتك وتصير هينة لينة
يعني اللي فهمته يكتمل نموهم بالحضانه بس مايأثر على عقليتهم ولا على حركتهم اذا كبروا حالهم حال غيرهم صح ؟
واللي تقولين عنهم سووا لهم عمليات ؟
الله يطمنك يارب
​

 

[ملح @ شمر @]

ان شاء الله بخير وعافية،، صديقتي جابت ولدها بالسادس ولما صار عمره سنه كانه ابو اربع شهور مايقعد ولا شي يعني عنده تاخر بكل شي فديته بس يهببببل تبارك الرحمن.. حتى قالولها انه احتمال يكون اعمى فديته يشوف ويلعب بس اقل من عمره ربي يحفظه ويفرح امه فيه..

الله يخليه لها يارب
هي عيالها سووا لهم عملية بالجوف السابع ماادري شنو يعني بس اللي فهمته انها عملية بالعين
الله يطلعهم بالسلامة ويقر عيونها فيهم

ومشكورة يالغلا
الله يحقق اللي فبالك يارب
​

 

[awashamen7asha]

تصدقين مادري اذا سووا عمليات أو لأ لان الام أغلب الوقت نفسيتها تعباااانه حيل و تبي ضناها عندها تطلع من الاربعين و ترجع بيتها و البيبي للحين بالمستشفى... المهم سلامتها وعسى ربي يبلغها تشوفهم معاريس

 

[مربى و قيمر]

الله يقر عيونها بشوفتهم سليمين معافيين يارب وتفرح فيهم

 

[حلاوتي بشقاووتي]

اعرف وحده جابت بالسادس وشوفي ولدها اللحين مشاءالله

الله يقر عيونها بشوفتهم سليمين معافيين يارب وتفرح فيهم

 

[miss_Ba6oOo6a]

انا يبت بنتي 6 شهور واسبوع من السابع
قعدت 4 شهور تقريبا
عمليه ثقب بالقلب قبل العمليه ماتقدر تتنفس اجهزه والحليب انبوب بالخشم
مراجعات الشيبكيه ناقصه ماكانت تشوف وتعدلت من اللله كانت عمليه بس الحمدالله
الحوض والعظام جيك عليهم
السمع والنطق
الرئه مو كامله لما ولدتها ماتبجي كله ابر رئه ليه فتره تاخذهم
فيتامينات بالحليب لين زاد وزنها مع المراجعات الدوريه
الوزن قليل حق العمر يعني الحين تقريبا 3 سنوات وزنها وزن بو سنه او اشهر 12 13 كيلو
اللون غامج من نقص الاكسجين فتح مع الكبر
مافي مناعه كلش
مراجعات ليه عمر السنه نص قريب السنتين
وايد تعب وعساره حليب خااص ما يتغير تاخير بالاكل لين ممنوع المهاد واللف الزايد
بس الحمدالله كل شي صاار اوكي والحين اهي قريب ال3 سنوات

 

[الشامخة بوطنها]

الحمدلله اناا اختي ولدت باخر الخامس ولدهااالحمدلله مافية الا العافية اي عاادي بس خلوه بالشيشة لمدة شهرين وحدة بنت جيرانا جابت بالسادس عادي والله يحفظهم من كل شر ويقومون بالسلامة

 

[Dark SouL]

انا شخصياً من مواليد شهر السادس  شوفيني اسم الله علي شحلاتي

وان شالله مافيهم االا العافيه

 

[ام نواف العجمي]

الله يخليهم لها يارب

 

[ام نواف العجمي]

انا اعرف الي يجبون على السادس مستحيل يعيش نادر الي يعيشون بس الله يخليهم لها يارب ولا يفجع قلبها عليهم