تجمع للي تاخر عندها الحمل بعد الطفل الاول

[شنوووفه]

الله يرزقكم يااااارب بدال الواحد اثنييين :>

 

[حرم_الغلا]

ام سيف وسلطاان موعد دورتج نفس موعد دورتي وان شاءالله ماتنزل علينااا يااارب .. وعلى بنات التجمع االا بعد 9 شهوووور

 

[أم سيف وسلطان]

حرم الغلا الله يتقبل دعائج

مع اني استعيلت وسويت تحليل طلع سالب

يارب ترزقني في القريب العاجل ويرقنا اجمعين

 

[حرم_الغلا]

ام سيف وسلطان..امبيييييه تو الناس شحقه تستعجلين..نطري ع الاقل ببيومهاا.. وإن شاءالله الله يكتب اللي فيه خييير

 

[انجال]

هلا باختي ..

انا حملت في بنتي بعد 7 شهور سبحان الله كنت حاجه ولا ادري اني حامل ..

والحين عمر بنتي سنتين وست اشهر .. ومع العلم ما عمري اكلت حبوب مانع ولا سويت لولب .. بس مدة سنه مناعه طبيعيه ..

والحين اقول لزوجي خلنا نعالج يقول تو الناس مع العلم يعني لي الحين سنه وست اشهر من غير احمل ؟


وانا ودي اعالج وافحص نفسي .. وزوجي يقول وش مستعجله ناس ما تحمل 11 سنه وانتي لك سنتين ونص وتفكرين ليه ما حملتي للحين .. الحمدلله يارب بس شي لابد منه ..

وخاايفه من برود زوجي ورفضه من اني اعالج او اسوي اي فحص ؟

بس حاليا فيني المراره انتظر اسوي عمليتها وبروح انا وامي اسوي تحليل من غير ما يدري ..
والله يرزقني ويرزقكم بالذريه الصالحه ..ويجزي صبرنا وصبركم ويبعدنا عن نار جهنم يارب ..

نتواصل انجال

 

[أم سيف وسلطان]

نزلت عليه الدوره متاخره كم يوم

يالله الحمدلله على كل حال

يارب ترزقني في القريب العاجل وترزق خواتي في التجمع

 

[Q8_QT]

شلونكم بنات

آنا الحين اراجع بمستشفى الولادة قسم اطفال الانابيب وناطرة دورتيالياية آخر الشهر قالولي بسوولي منظار رحمي يجيكون عالرحم قبل لا اسوي تلقيح صناعي والله كريم ادعولي

 

[ملاك ^ الحب]

انا حملت بعد زواجي بخمس سنوات من تلقيح صناعي حملت في خمس توائم بس كلهم طاحو وبعد جم شهر حملت طبيعي وطاح بعد اربع شهور ولمن كملت 7 سنوات من زواجي حملت طبيعي الحمد الله وبنت بنوته والحين عمرها 3 سنوات ونص وماحملت ورحت عن الدكتور قالي كل شي طبيعي فيني بس العيب من زوجي والحين قاعد يعالج والله كريم

 

[شنوووفه]

الله يرزقكم كلكم طبيعي ياااارب ومن غير علالالاج انا ناطره الدوره تييني علشان انشاءالله بسوي تلقيح صناعي هالشهر ادعوولي بناات عند دكتوور جعفر القناوي اول مره اسوي تلقييح يارييت الي عندها خبره تقوولي عن العلاج ؟

 

[نكهةالبرتقال]

الله يرزقكم و يرزقني ، و يرزق كل متأخرة


بنات انا قمت أكره الخلطات و الأعشاب من كل قلبي

 

[بدوية بملامح كشميرية 86]

ربي لاتذرني فردا وانت خير الوارثين

 

[أم سيف وسلطان]

الله يرزق الجميع يا رب

 

[touly]

أنا اول بيبي حملت فيه بعد علاج كلوميد وتكيس مبايض الحمدلله من اول شهر أخذت كلوميد حملت بولدي وبعد الولاده اتفقت مع زوجي ولدي يكمل سنتين وأفكر احمل مره ثانيه واستخدمت العزل الحين راجعت دكتورتي أتأكد من التكيس قالت عندج تكيس خفيف أخذي كلوميد استخدمته لمده شهرين والحين انزلت الدوره وراح أخذه باجر وأكون خلصت العلبة المشكله أنا مابي أخذ هذا الشهر ودي أخذ كورس الإبر في احد مثل حالتي طبعا دورتي غير منتظمة واقدر اعرف يوم التوبيض من خلال اختبار التوبيض

 

[دلوعة_المغرب]

انا جبت ولدي بعد سنة ونص من زواجي تأخرت بس أربعة اشهر لاني لما تزوجت كنت باخد حبوب ديان والحمد لله ولدي هسة بشهر فبراير راح يكمل 4 سنوات وانا صارلي 11 شهر ما خديت حبوب رحت لدكتورة لاني لاحظت تأخر الدورة ب15 يوم لما كشفت علي خبرتني انو عندي كيس بالمبيض الايمن حجمو 3 سنتي صارلي شهرين اخد ديفستون كشفشت الاسبوع لي طاف الحمد لله نقص حجم الكيس بس ما صار حمل لانو نزلت علي الدورة هسة خديت حبوب جديدة لمدة خمسة ايام ويوم 15 من الدورة راح اخد دفستون وانشاء الله اجيب اخت لريان او اختين انشاء الله لانو هالايام يقول الامي ولابوه ماما راح تجيبلي 2 اخوان بنت ولد االله يسمع منه ويرزقني بالتوأم يارب ويرزق كل محرومة

 

[شنوووفه]

الله يرزقكم كلكم فتووون 777 ويينج ماتبينين ؟

اقولكم بناات انا رحت الطبيب امس موعدتي وقالي يبي يسويلي اشعه الصبغه :< حدي خفت بناات يعور ولالا

 

[فتون777]

بناااااااااااات مين دخل اليوم





































شلونكم وحشتووووووووووووووني

 

[فتون777]

شنوفه بعد عمري شلونك

وحشتوني انا رحت ابها بعد ماشاف زوجي نفسيتي

والحمدلله انا الحين كويسه

تخيلي كل الكلام الي قالتلي عليه الدكتوره طلع كذب ماعندي تكيس ولاهرمون الحمدلله

ماعندي سبب يمنع الحمل كذا من ربي

وشنو هالتطورات تلقيح صناعي وحركات ياشنوفه ليش ماتسوين مجهري وتخليهم تؤام

شفتي شلون انا صرت افتي من عندي اخذت العدوى من دكتورتي الكذابه ههههههههه

 

[فتون777]

ورده فوشيه شنو اخر اخبارك

 

[فتون777]

ام سيف وسلطان شلونك حبيبتي

 

[فتون777]

السلام عليكم بنات
الله يسلمكم قصتي اني حملت بولدي بعد سنه كان في شوية لويه زواجي ماكان ثابت بعدها اتفقت ويا ريلي انه نأجل سالفة الحمال شوي عشان ولدي يكبر ويصير عمره سنه بعدها انحاول بس لي الحين الله ماكتب ولدي بيكمل سنتين وماحملت وماستخدمت موانع حمل كلشش بس كان العزل دايما كلمت دكتورتي وعطتني مراجعه بعد ما اسوي اختبار التبويض عشان تسويلي سونار وتعطيني الابرة التفجيريه وايد خايفه واحاتي لاني ماني عارفه سبب التأخير والمشكله التأجيل كان فكرتي وريلي معصب واخرتها يلومني وصار بسبتي خايفه وايد يتأجل الموضوع زيادة اليوم اغتسل من دورتي واسوي الاختبار بعد 3 ايام وان شاءالله اكون معاكم اعطيكم الاخبار اول بأول.

الله يكتبلنا اللي فيه الخير ويرزقنا وياكم الذرية الصالحة ويااارب اتيبون بنات وصبيان تخاوون عيالكم. ​

هلا حبيبتي
هاه طمنينا شصار على موعدك رحتي للدكتوره؟