تجمع للي تاخر عندها الحمل بعد الطفل الاول

[فتون777]

نزلت عليه الدوره اليوم

وإن شاء الله بعد 6 ايام بسير اسوي اشعة صبغه ويارب مايكون في التصاقات او انسداد

دعواتكم لي خواتي

حبيبتي يارب مافيك غير العافيه
ناس كثير ماشاءالله يولدون سبعه قيصري وماتجيهم الالتصاقات
وانا مدري ليه اتوقع ماعندك
شوفي وقوليلي
ويااارب كل تحاليلك تطلع سليمه

 

[فتون777]

الف مبرووووووووووووووووووووووووووك ماشاء الله
الله يتمم لك

انتي اول وحده بشرتينا
يارب كلنا نطلع حوامل يارب

 

[فتون777]

بنات انا راجعت عند الدكتوره وقالتلي ان هرمون الحليب نزل الحمد لله

 

[فتون777]

وايد مكتأبه

كرهت الدكاتره وكل شي استغفر الله

نو نو نو
لااااااااااااا
لاتكتئبين بعدين ماتحملين :rerrerek:

 

[رُۈحَ ۈ رْيحَآن]

*?? تــٌذكــيـر/ ????
صيام الايام البيض 13-14-15 ذوالقعدة تبدأ الثلاثاء و الاربعاء و الخميس
11-10-2011 الثلاثاء
12-10-2011 الأربعاء
13-10-2011 الخميس
الرجاء انشرها لتذكير المسلمين ..


بنات بلييز ادعوا لاختي كب كيك انه الله يحقق لها امنياتها ويجعلها خير لها لانها اهي اللي ذكرتني:yaaaaaarb:

 

[طالبه جامعية]

عسى ربي يرزقكم

 

[فتون777]

الله يسمع منك حبيبتي

 

[جديده 1]

عسى الله يرزقكم و يرزق كل محرومه .. التزموا الصلاه و اكثروا الاستغفار و الصدقه ..
شوفوا توقيعي يمكن يفيدكم .. اللي مسوين قيصري لازم يسوون اشعه الصبغه لانها تسوي سدد .. و لازم تحللون هرمون الحليب .. و بالدوره جربوا عشبه القشعه او المدينه من العطار و يعلمكم طريقتها بس تأكدوا انها دوره ولا تستخدمونها اكثر من 3 دورات ورى بعض فهي تنظف الرحم و تنشط المبيض .. موفقين يارب

 

[*ورده فوشيه*]

السلام عليكم بنات
شلونكم
بقولكم قصتي لأني احس اني ضايعه
الله يسلمكم أنا بداية زواجي سافرت شهر العسل واول مارجعت حملت بنفس الشهر طبيعي ويبت ولدي الله يحفظه
واللحين صار عمره 4 سنوات خذيت حبوب ياسمين وكنت مرات اسوي طريقة العزل لأني حيل تعبت بالحمال قصه طويله .............
واللحين صارلي سنه أحاول انا وزوجي مايصير حمل رحت عند الدكتوره ناهده العلي قالت عندي ضعف تبويض شوي ووصفتلي كلوميد ويوم ال12 رحت عشان السونار وقالتلي ماشالله حجم البويضات ممتاز 19 حجمهم بس ماصار حمل حمدالله على كل حال
الشهر اللي بعده نفس العلاج بس زادت عليه ابرة التفجير وهم ماصار حمل حمد الله على كل حال وقالتلي لازم زوجج يسوي تحليل وراح سوا والصدمه طلع عنده بطئ حركه حييييل انصدمت بس مابينتله لان اهو كان حيل مضايق ومنصدم لأن اول مره حملت بسرعه ويوم قررنا نييب اخو او اخت حق ولدي تصير هالصدمه
المهم صارلي 6 شهور قاطعه العلاج وهاده كل شي على الله ومحتاره اراجع عند منو شنو تنصحوني من خبرتكم ؟؟
اراجع عند منو؟؟
ومنو تعرف الفريق البلجيكي الي برويال حياة تصلح حالتي اروح لهم ؟؟

 

[أم سيف وسلطان]

بنات ماسويت اشعة صبغة كل ما ابغي اسوي يستوي شي ويتاجل

ااستغفر الله

يارب نحمل كلنا في القريب العاجل

 

[butterfly-m]

السلام عليكم بنات
الله يسلمكم قصتي اني حملت بولدي بعد سنه كان في شوية لويه زواجي ماكان ثابت بعدها اتفقت ويا ريلي انه نأجل سالفة الحمال شوي عشان ولدي يكبر ويصير عمره سنه بعدها انحاول بس لي الحين الله ماكتب ولدي بيكمل سنتين وماحملت وماستخدمت موانع حمل كلشش بس كان العزل دايما كلمت دكتورتي وعطتني مراجعه بعد ما اسوي اختبار التبويض عشان تسويلي سونار وتعطيني الابرة التفجيريه وايد خايفه واحاتي لاني ماني عارفه سبب التأخير والمشكله التأجيل كان فكرتي وريلي معصب واخرتها يلومني وصار بسبتي خايفه وايد يتأجل الموضوع زيادة اليوم اغتسل من دورتي واسوي الاختبار بعد 3 ايام وان شاءالله اكون معاكم اعطيكم الاخبار اول بأول.

الله يكتبلنا اللي فيه الخير ويرزقنا وياكم الذرية الصالحة ويااارب اتيبون بنات وصبيان تخاوون عيالكم. ​

 

[butterfly-m]

بنات كتبوا تجاربكم خل نستفيد ورفعوا الموضوع الله يعافيكم ويرزقكم ويعطيكم على نياتكم ان شاءالله
:eh_s(7):​

 

[حرم_الغلا]

أنــا طولت بحملــي الاول سنه وبعدها حملت.. كانت فحوصاتنا سليييمه..ورحت لام محمد الرداده اللي بااشبيليه وكانت علي الدوره قالت لي رحمج صااااد شوووي ومرختني 3 ايام وكانت اخر دوره وحملت الحمدالله..وجبت ولدي قيصريه لان الرحم مافتح.. وبعدها اكلت حبوب مانع جنيرا لمدة4 شهور وقطيتهم من شهر 5 وسويت عزل لي شهر 7 وبعدها حاولت احمل بس ماصااار للحين<< أدري تو الناس بس منو يسكت زوجي>>والحمدالله دورتي منتظمه << وكنت بروح لام محمد تمرخني بس طلعت مساافره خيييره دورتين كنت ابي اروح لها بس الله ماكتب وان شاءالله ما اشوف الدوره الشهر الجاااي

 

[awashamen7asha]

حملت بعد الاول بسنه بس طاح من الله . و بعده تقريبا 10 أشهر حملت بهالطفل الله يتمم علي بس اخذت حبوب منع ل3 دورات و بعدها طولت على ماحملت.. كنت اعاني من الام بالمبيض بس ماكنت اخليهم يسون سونار داخلي او مسحه او عينه.. و ماكان يبين شي . لمن حملت بين صوب الالم عالمبيض اليمين عندي كيس ماي 4 سانتي و لله الحمد راح مع الحمال بس كان يسبب لي لخبطه في الدوره.
الحمدلله الحمل تم باراده الله اولا و ثانيا جربت أغير وضعيه الجماع .. و بعد الجماع كنت اقعد مثل السجود عشان يتم كل شي داخل. وماشالله حملت بشهرها.

 

[حرم_الغلا]

عواااش...الله يتمم علييج؟
بغيت اسالج شنوو الوضعيه اللي استخدمتيهاااااااا.... أذا ماتقدرين تقولين هني ..دزيلي بالخااص لو ماعليج امر

 

[Ԏỡґἰᾷ]

سلام بنات ~

بقولكم قصتي وان شاء الله تفيدوني لان بخاطري احمل

اول شي انا حملت باول شهر من زواجي ع طول وجبت ولد
وكان بخاطري ان احمل بعد سنه من ولادتي عشان يكبر ولدي شوي
وعشان دراستي

خذيت اول شي حبوب ياسمين ٩ ايام وقطعتها لان كنت انسي اخذ الحبوب بوقتها
وبعدين قلت لرجلي نسوي مانع طبيعي ورفض
وقالي اذا الله كاتب لج الحمل بتحملين وتوكلي ع الله
والله كنت اخاف اذا مانزلت الدورة واذا نزلت استانس

وبشهر ٧ كان ولدي عمره ١٠ شهور اشتهيت الحماله
وحملت بس طلع حمل كيميائي ونزلت ع شكل دورة ٣١ - ٨
والشهر الي وراه نزلت الدورة بتاريخ ٧ - ١٠ تاخرت ٧ ايام

الدكتورة قالت لي اذا نزل الدورة تعالي عشان اجيك ع المبايض بس رجلي رفض الدكتورة نفسها وقالي نروح لدكتورة ثانيه لاسباب مظهرية
ماعجبته الدكتورة
وانا مارحت لدكتورة ثانيه قلت انطر جم شهر

وادعولي بنات ماتزل هالشهر

 

[أم سيف وسلطان]

يارب اكون حامل هذا لشهر

دورتي تاريخ 4/11

والله يستر

 

[جنون الهوى]

سلام يالغوالي
لي سبع سنوات من تزوجت وهذي قصتي
حملت بعلاج بعد سنتين ونص من زواجي صحيح اني تعبت بحملي من نزيف وتحذيرات من اي مجهود حتى طلوع الدرج كنت ممنوعه منه
مع دخولي لشهر الثامن تنومت بالمستشفى طحت وانكسر عندي الحوض والحمدلله وولدت طبيعي مع ان الأطباء قالو لازم قيصريه واذكر دكتور مصري الله يجزاه بالخير كان يقول لازم تولد طبيعي لا مع الطيحه جاني طلق شديد
وجبت بنت وتعالجت من الكسر لمده سنتين
عالجت من التكيس واخذت كلوميد وابر تنشيط وابر تفجير ماكتب الله اني احمل والحمدلله على كل حال
عمر بنتي الحين 6 سنين
يارب انك ترزقني وترزق زائرات هالقسم
دعواتكم لي الدوره متأخره

​

 

[awashamen7asha]

انشالله ماتكون الصوره فاضحه. بس المهم تعطينه ظهرج و تخلين الشغل عليه و انتي مايله نفس الصوره

 

[جوري الكويت]

الله يرزقكم يا بنات بالذريه الصالحه

حبييت ادش ادعي لكم