اعاني من مشكله كل مالها تزيد مادري ليش

[happy girl]

بنات ساعدوني جايتني غيره مو طبيعيه من وحده ماسوتلي شي بس انا وياها بوضع مقارنات لانه تزوجنا مع بعض والمشكله احس العله فيني ليش اغار لانه وبصراحه ماعندي ثقه بنفسي ااغار لانها محبوبه واجتماعيه غار لما احس انه زوجها احسن من زوجي وعيالها اغلا عند. حمولتي من عيالي مادري احس اني اكبر الامور شالحل ابي احس بثقه وما اغار واتصرف علت طبيعتي وروحي تصير رياضيه اذا احد مدحها او مدح عيالها يبين علي اف واتعومس ابي حل انغثيت خلاص انا عارفه انه الغلط مني لاني اذا غرت منها اكره حمولتي واكش منهم وودي ما اجيهم مع انهم حليوين ويحبوني بس احس يحبونها اكثر هي حليوه معاهم

 

[سفيره الكويت]

احسن حل انج تشيلين الحسد من قلبج بايمانج وحبج للخير للناس الانسان المؤمن قلبه ابيض ولا يجب ان تتركي نقطه سوداء




بقلبج


عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه.

 

[Tulips]

كلام سفيره اهو الصح ..

صفي قلبج من الحسد والغيره .. ما اقولج الحريم ما يغارون بس حلات هالغيره تكون ايجابيه يعني انتي تحاولين تغيرين حياتج للافضل تاخذينها قدوه لج ..

بس انج تغارين منها لمجرد انها احسن منج عيالها محبوبين اكثر من عيالج او زوجها احسن من زوجج فهذا اكبر غلط ترتكبينه مو بحقها لا .. بحق نفسج

طهري قلبج من هالامور وبتشوفين اشلون الله راح يوفقج بحياتج ..

لازم تكون عندج قناعه انه هذي حياتج اللي الله كتبها لج وبايدج انتي تغيرينها مو بس بالغيره والحسد لانه الممرا مالها ذنب غير انها قامت بواجبها كزوجه وانتي صيري نفسها شنو اللي ناقصج؟؟

 

[Tulips]

وعلى فكره شي حلو انج اعترفتي بنفسج .. وهذا الشي راح يساعدج تتغيرين

 

[بدون أسم أحلى]

تفكري ولاتركزي بهذي الامور..
صدقيني ترتاحي خليك طبيعة ولاكأنه صاير شيء..
وشكلك بالحيل حسسساسسسه!!

الله يوفقك ويسعدك يالغلا..
أختك بدون أسم أحلى

 

[حبيبة أهلها]

هلا حبيبتي اغلب حل مشكلنا لما نعترف فيها وندور لها حل في عبارة قريتها من كتاب اسمة اظن اسمة اسرار السعادة اني مااقارن نفسي بأحد مهما كان لانة يفتح باب الحسد والشيطان يساعدني بهالشئ ثاني شئ حبيبتي تدرين لما نغار من احد او نحسدة تنحرق حسناتنا لانة الحسد ياكلها سبحان الله فأستشعري هالشئ ودربي نفسك وكل يوم قولي الحمد الله انا عندي نعم في ناس وايد يتمنونها واذا بديتي مقارنة تعوذي من الشيطان وتذكري الاشياء والصفات والنعم الحلوة الله فيك وصلي ركعتين وادعي بالسجود يارب اسلل سخيمة قلبي ولاتجعل في قلبي غلا للذين أمنوا سبحان الله هالدعاء عجيب ...~


​

 

[حمام شاقني فنه]

شيليها من راسج بتتعبين ع الفاضي

ابدى ماعليج بيتج ووزوجج وعيالج
وان ماقدرتي حاولي تكسبينها بتحبينها وبتشوفين نفسج سخيفه لمن غرتي منها




:aha:

 

[شادن33]

ادعي ربج وايد ان يزيل هالغيره من قلبج
لان هذا من امراض القلوب
وادعيلها بظهر الغيب بالبركه والخير عشان تكون الاستجابة لج ولها هاي ابسط شي

 

[ديمــــــــــه]

عليك بالاستغفار وراح تشوفين شلون تتغير نفسيتك للافضل

 

[عادت ذكرياتي]

أشغلي نفسج بأمور أهم

 

[شقـــرديه]

ممممممممممم ليش ماتحاولين تكونين قريبه منها تصيرين صديقتها عشان مايكون هالشي بينكم الغيره وفتحي قلبج وشوفي الاموور بايجابيه
ولو مدحو انتي الزم ماعليج بيتج واعيالج وريلج مرتاحين ولا لا مالجج شغل بكلام الناس

 

[happy girl]

حاولت اقرب منها حييييل رسميه معاي ومع حريم حمواني الباقيين عادي علاقتها حلوه تسولف معاهم تخيلو انا اللي دايم افتح حوار معاها واسولف اهي نادر جدا تسولف علي مع انها معاهم اجتماعيه حيل بس استغرب ليش اهيا ماتسولف علي

 

[حجيه هيونه]

تعوذي من ابليس اهو الي قاعد يزرع فيج هالافكار هذي

الشي الثاني

حاولي تنشغلين بشي ثاني وتطورين نفسج وثقتج بروحج

 

[بشارة]

الله يهديج ويصفي قلبج انا اعاني من نفس المشكلة حرمة اخو زوجي وايد تغار مني مع اني احبها وايد اعزها وعمري مااذيتها

 

[الحللللوه]

الله المستعاان
شوووفي قلبو احسن لك لاتهتمي فيها حراااام مو ذنبها
وبعدين الحسسد ياكل الحسناات مثل ماتحرق النار الحطب
دااايم اذا طرت عليكي تعوووذي من الشيطاااان واستغفري واذكري الله

 

[sosowaty]

الله يهديج

 

[فديت شماغك]

​

الاستغفااااااااار..........

 

[شرغوفة]

احسن حل انج تشيلين الحسد من قلبج بايمانج وحبج للخير للناس الانسان المؤمن قلبه ابيض ولا يجب ان تتركي نقطه سوداء




بقلبج


عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه.

اتفق مع كلااامج 100/100 فدييتج

 

[طموحه بزياده]

خلس غيرتج منها ايجابيه يعني شوفةا حسناتها وسوي نفسها وحبيها عشان تروح الغيره منج وحبيها لوجه الله دام انها خوش مره

 

[سفيره الكويت]

وعلى فكره شي حلو انج اعترفتي بنفسج .. وهذا الشي راح يساعدج تتغيرين

فعلا نقطه ايجابيه وان شاء الله بتغيير نفسها وتصبح للافضل وماورى الحسد والغيره الا الاثام والذنوب



:yaaaaaarb: