>>>> عقار جديد يغني عن عمليات جراحة السمنه <<<

[عيون القلب]

بسم الله الرحمن الرحيم

صباح الخير أحلى كويتيات .. :eh_s(17):

كنت بجمعة حريم و فيه وحده من الحاضرات مسويه عملية تحزيم المعده و تتكلم و هي متحسفه انها سوتها ..

و تكلمت عن دواء يجي مثل البودره نخلطه بدواء ثاني مع شوية ماي و نشربه و يتحول لــ كتلة هلاميه ( مثل الجل ) داخل معدتنا

تحسسنا بالامتلاء و الشبع وما تسمح لنا بالاكل الزايد حالها حال عمليات التحوير و التدكيك و غيرها ..

و هالكتله تجلس بالمعده شهر و نص تقريبا و تذوب و تنزل مع البراز أكرمكم الله .. طبيعي من تلقاء نفسها

و سعر هالدواء بحدود 280 دينار كويتي او اتوقع اقل مو ذاكره بالضبط .. بس هو لازم طلبيه من امريكا يجيبونه عن طريق الفيديكس او اي شركه ثانيه ..

بنااات ارجوووكم .. :yaaaaaarb: اذا سمعتوا فيه فيدوني الله يوفقكم ..

المشكله مو قادره اوصل لهالحرمه و اسألها .. و سويت بحث بقوقل و ماكو فايده ..:eh_s(11):

تكفووووون .. :eh_s(11):

 

[ام كوثر2007]

اي والله جان زين احد يفيدنا بالشغله هذى ..


يعطيج العافيه حبيبتي ..

 

[iLLuMinaTion]

يعطيج العافيه

 

[شمعة،الجلاس]

اكيد لها اضرار ،، طبيعة الجسم مايتحمل مواد غير طبيعيه تقعد فيه ،، خاصه انها تستمر شهر .*

 

[عيون القلب]

تسلمووون لمروكم العطر بنااات

اختي شمعة الجلاس .. ايه قالوا لها البنات نفس كلامك و قالت ان الدواء مكوناته نباتيه من لحاء الاشجار الصمغيه و الصبار و هالطقه

يعني مواد طبيعيه .. بس مشكله الكل ناسي هالدواء و حتى خواتي ما يعرفون رقمها و البحث لازال جاري

و انا مو قادره اصبر ههههه قلت اشوف الكويتيات يمكن عندهم علم ..

 

[ام كوثر2007]

حبيبتي ياليت اذا وصلتي للخبر اليقين تعطينا خبر هههههههه

 

[فجر_الكويت]

ان شاء الله بنتظار البنات

 

[ام بشار]

ياليت البنات يفيدونا ونرتاح من عمليات التنحيف وجزاج الله خير على المعلومة

 

[مس مونتريال]

ان شاء الله البنات يفيدونج

 

[الراحه في الجنه]

السلام عليكم .... اختي شوفي الرابط


https://www.rocalabs.com/en/

إن شاء الله يكون نفس الدواء

 

[انوثتي غير وياك]

حبيبتي ياليت اذا وصلتي للخبر اليقين تعطينا خبر هههههههه

:rerrerek:

 

[meshmeshaa]

السلام عليكم
حبيبتي انا سويت سيرج وبحثت لقيت انه ما منه فايده
اول وحده جربته وهذا ردها بمنتدي ثاني
(
هلا بنات للاسف ماقدرت اكمله ما كملت اكثر من اسبوع ماقدرت اتحمل الطعم استغفر الله سويت كل شي بس ماقدرت عالطعم المشكلة ياريته ملعقة او 2 او 3 الا كاس كبيير مره وياريته شرب لا لازم بالملعقة وانا ما تحملت )

يعني طعمه كريه وثانيا لقيت بمنتدي ثاني كاتبين انه الشركه حاطين بالعقد انه اذا المنتج ما جاب نتيجه
مع المشتري ما يحق لك انك تتكلم عن المنتج بالسوء والا راح يقاضونك

اتوقع انه مو شي

 

[نور خانوم]

مشكووووره ويعطيج العافيه