ولدى والعناد

[ام فاطمة وزهراء]

مساء الخير امهات ...

شخباركم عندى مشكلة تاعبتنى حيل ومسببه لى ارق وقهر وكله افكر وبعد ما تعبت ادور حل لمشكلتى اللى ماحصلت لها حل حيث انى اشكى حق زوجى طبعا يطالعنى ويسكت ماعنده حل وامى مرة تدعى لى ومرة مايكون عندها حل ...

مااطول عليكم مشكلتى ولدى الله يحفظه عمره سنتين و11 شهر طفل نشيط وحركى ماشاءالله طوال اليوم مايقعد وكثير الاسئلة وشيطان وشطانته اهى سبب معاناتى وعنيد لاخر درجة لقلت له اقعد وقف ولقلت له قصر صوتك خواتك نايمين يصرخ لين يقعدون ( عندى بنات توائم عشرة شهور ) مجننى وتعابانه معاه مع العلم انى احاول اعدل مابينه وبينهم واحسسه بحبى له وانه ولد العود وهو يحبهم ويلعب معاهم بس سلوكه غريب يعاند ومايسمع كلامى حتى لو اهاوشه او بالطيب نفس النتيجة مع انى اوديه الروضه والكل يحبه هناك ومعروف من كثرة ماشاءالله فصاحت لسانه


اشلون بيتعلم وهو عنيد ساعات اطنش اقول يغار ويعاند وساعات مااقدر امسك اعصابى واعصب عليه تالى يكسر خاطرى لانه يجينى يقول ( انا اسف انا الغلطان )

وش اسوى ابى اعلمه مايحب يقعد دقيقة يسمع الكلام ,كل مااعلمه على استعمال البوتى مايبى يعاند ويقول ماابى اروح ابى بامبرز حتى الاكل يعاند ينام بالجوع وماياكل ..


قولوا لى شسوى وياه فى نفس الوقت طوال الوقت تعبانه من شغل البيت وتربية التوائم بروحى وزوجى يده فى الماى بارد اما يسكت او يعصب

ابيكم تكفون اصحاب الخبرة تعلمونى اشلون اتعامل معاه وش الاسباب اللى تخليه شيطان وعنيد وليش فى اطفال الله يحفظهم سهلين مايغربلون الام فى ولا شى يسمعون الكلام وياكلون بدون تعب حتى انى اشوف ناس الله يستر عليهم مايدورن عن عيالهم بس اعيالهم هادئين ومطيعين وياكلون

وانا ماادرى ليش ولدى صار عنيد مع انى ماقصرت من ناحية الاكل اسوى لى اكل واهتم فى لبسه ونظافته واعلمه الصح من الخطأ

بس مافى فايدة ولدى خلانى احس بالقهر من سلوكه السيئ


ارجوكم ساعدونى :yaaaaaarb:



ودى اشوف ولدى غير ليل نهار افكر حدى تعبانه


لاتبخلون على بالنصيحة اختكم حدها فى حيرة :eh_s(10):

 

[موجة ~ بحر]

الله يعينج عليه

 

[iLLuMinaTion]

الله يعيننا ويعينج

 

[ام كوثر2007]

يكبر ويعقل يا ام فاطمه ..

وايد مكبره الامور انتي وشاطه نفسج ترا اليهال اغلبهم جذى


لا تنسين انج يبتي بناتج علي راسه وهو صغيرون واكيد بيحس بالغيره .. شي طبيعي

بعدين ليش ما تحطينه بحضاانه ؟

يمكن هالشي بيساعد انه يفج اشوي من عناده


وعلي طاري العناد حاولي انج ما تفرضين عليه شي


كلميه علي اساس انه كبير ترا عيال هالوقت غير عن جيلي وجيلج .

يعني يبيلج تحسسينه انه كبير وعفيا ولدي الشاطر وهاتيله العااب وسوالف جذى حسسيه انك عشان سويت جذى انا يبت لك هالشي ..


لا تصارخين كثر الصراخ يخليه يتوتر ويزيد من عناده .. حاولي تلهينه باي شي اذا ما في امكانيه تحطينه بحضانه

اشتريله سيديااات افلام خليه يشوووف . كراريس تلوين . خليه يسوي شي معاج بالبيت يعني عطيه شغله يسويهها عشان يلهي فيها حتي لو يعفس الدنيا المهم انج تخلينه يلهي اشوي


في طرق واااااايد تقدرين تتبعينها بس نصيحه وخري عن الصراخ ..


وطمنينا عليج .

 

[ام فاطمة وزهراء]

يكبر ويعقل يا ام فاطمه ..

وايد مكبره الامور انتي وشاطه نفسج ترا اليهال اغلبهم جذى


لا تنسين انج يبتي بناتج علي راسه وهو صغيرون واكيد بيحس بالغيره .. شي طبيعي

بعدين ليش ما تحطينه بحضاانه ؟

يمكن هالشي بيساعد انه يفج اشوي من عناده


وعلي طاري العناد حاولي انج ما تفرضين عليه شي


كلميه علي اساس انه كبير ترا عيال هالوقت غير عن جيلي وجيلج .

يعني يبيلج تحسسينه انه كبير وعفيا ولدي الشاطر وهاتيله العااب وسوالف جذى حسسيه انك عشان سويت جذى انا يبت لك هالشي ..


لا تصارخين كثر الصراخ يخليه يتوتر ويزيد من عناده .. حاولي تلهينه باي شي اذا ما في امكانيه تحطينه بحضانه

اشتريله سيديااات افلام خليه يشوووف . كراريس تلوين . خليه يسوي شي معاج بالبيت يعني عطيه شغله يسويهها عشان يلهي فيها حتي لو يعفس الدنيا المهم انج تخلينه يلهي اشوي


في طرق واااااايد تقدرين تتبعينها بس نصيحه وخري عن الصراخ ..


وطمنينا عليج .[/quote


مشكورة اختى كلامج ريحنى اهو يروح الروضة بس بعد سلوكه ماتغير اعطيه يلون وهم جميع السيديات عنده
وبعد دائما اقول له ولد الشاطر الكبير ... بس واجد يعاند فى كل خطوة فى حياته وعناده متعبنى مااعرف اشلون اعامله

ان شاءالله بطول بالى وماراح اصارخ وبعامله بالطيب


تسلمين اختى


وشكرا بعد حق كل اللى ردوا

 

[ام كوثر2007]

عسى الله يخليه لج .. ما عليج احنا الامهاات جزانا علي الله من اللى نشوفه من هاليهال هههههههههه


تحمليه يا قلبي وتقربي منه .. يعني مو كل وقتج تعطينه حق التؤام .. قعدي معاه لعبي اشوي انسدحي يمه .. البنات للحين صغار ما يحسون بشي اسمه غيره .. تو الناس عليهم


كرسي وقتج له وان شاءالله ربي بيهديه ..

 

[ام فاطمة وزهراء]

عسى الله يخليه لج .. ما عليج احنا الامهاات جزانا علي الله من اللى نشوفه من هاليهال هههههههههه


تحمليه يا قلبي وتقربي منه .. يعني مو كل وقتج تعطينه حق التؤام .. قعدي معاه لعبي اشوي انسدحي يمه .. البنات للحين صغار ما يحسون بشي اسمه غيره .. تو الناس عليهم


كرسي وقتج له وان شاءالله ربي بيهديه ..

ان شاءالله

يعطيج العافية انا اعرف ان تصرفاته كلها غيرة والله المعين