زوجي بطلقني

[Tofaha_12345]

زوجي وايد عنده سوالف مع البنات انا شاكته مرتين من قبل وهذه الثالثه
بس طبعا قبل كان ينكر بعدين يتاسف وطبعا يوعدني انه مايعيدها ونرد حق بعض
بس هذه للمره بس فتحت معاه الموضوع جان يعصب ويقولي اذا تبيني اطلقج راح اطلقج
ولاتفتحيم معاي الموضوع مره ثانيه
:eh_s(16):

 

[زوجة عزيز]

صج يقهر ماعرف شاقولج صبري والله يهديه ان شاء الله

 

[shy rose]

يطلقج؟؟!!
صاحي هو ؟؟!!
يطلقج على سوالف انتي ماغلطتي فيها ولا احترم مكانج كزوجه
عمى بعينه الا عمى
قولي لة اذا ماتركت سوالفك وحركاتك البايخة ؟؟!!
بعلم ابوي و اخواني واخليهم يعلمونك الشغل ..
لازم توقفينه عند حدة..

 

[تبطي عظم!]

الله يعيينج

 

[مصر-الكويت]

اختي طولي بالج الحين كل الريايل صارو چذي
شنسوي والله كل بيت مو خالي من المشاكل
اكو ريايل الحين مسوين البيت فندق يردون البيت ينامون وياكلون ويلبسون
ولا يدرون شي عن البيت
مايخالف طولي بالج هذي فترة وانشاءالله الله يهدية حقچ

 

[G!RLooNa]

يا سلام فوق شينه قوات عينه !!!

و الله مادري بس انا مو مع ان المره تسكت و تطنش بسوالف الخيانه مو اول مره و واضح ان مو اخر مره

 

[كـ غلا ــلي]

وااي الله يعينج صج شي يقهر انا حاسه فيج انتي ريلج يكلم بنات وانا ريلي مجابل هالمواقع السكسيه ويكلمهم لايف

طايحه عليه جم مره ونفسج حجي وحاجيته ولا اكو فايده صج لين قالوا الماسك على دينه كالماسك على جمره من نار

اهما لو فيهم شويه وازع ديني ومربينهم اهلهم عدل جان ماصاروا جذي مشفح عالبنات يتركون الحلال ويروحون حق بنات الحرام

ما اقول الا حسبي الله عليهم من رايي بعد خلاص لا تكلمينه بالموضوع مره ثانيه جود فتره وتعدي انشاءالله

 

[gorgous]

حسبنا الله و نعم الوكيل
الله يهديه لج و يصلحه مالج غير الدعاء
بس لازم اتوقفينه عند حده كلمي احد من اهلج مايصير جذيه

 

[الأوركيدة]

الله يكو بعونج , صج فوق شينه قوات عينه , بنات الناس لعبه عنده ياتسكتين عن بلاويه يايطلقج
كلمي احد من اهلج خل يتصرف معاه

 

[قطوووة]

ياربي شفيهم الرياييل

 

[لوفيه]

فوق شينه قوات عينه

صج ان لم تستحي فافعل ماشئت

الله يعينج على هالاشكال فوق الخيانه وهم موعاجبه صبرج وبيطلق

ربي يرزقج كل خير

 

[ام كوثر2007]

حبيبتي قضبي ارضج وقعدي عند ريلج ولا تبطلين بيبان مسكره ..


خليه يخربط اهو للى بيتحاسب بالاخر ... بس قوليله كلمه وحده قوليله انا من اليوم ورايح ما راح انقاشك بالموضووع حتي لو شفت بعيني بس بذكرك بشي ..


انته اليوم تزني ببنات الناس وباجر اييلك من يزني بحريم بيتك يا زوجتك يا اختك يا بنتك .. ما اعتقد ترضاها لنا ؟


ومن زنا يزني به ولو بعقر داره ..


هالكلمتين تقولينهم له وتسكتين عنه ومشي امور حياتج معاه .. حتي لو تطلقتي شالفايده ؟؟

بتردين تتزوجين مره ثانيه .. ولو افترضنا انج تزوجتي مره ثانيه .. يمكن يطلع اردي من اللى عندج الحين ؟؟ هم بتطلقين مره ثانيه؟؟؟؟؟؟


قضبي ارضج مثل ما قلت لج ولا تقعدين تشكين فيه ومرده لج ولبيتج وعيالج .. ولا تقعدين تتعافرين وياه كل اشوي لا تقدمينه علي صحن من فضه حق بنات الشوارع ..


شوفي شنو اللى ناقصج اللى قاعد يدور بره وحاولي تعدلين من نفسج .. واقصد بنفسج يعني من داخل مو الشكل الخارجي ..


اذا فيج طبع ما يحبه غيريه .. اذا فيج شي سلبي حاولي تعدلينه ..


عشان تردين ريلج لج مره ثانيه .. وتعوذي من بليس وصبري


والصابرين لهم اجر بالدنيا والاخره ان شاء لله ..


وعلي فكره بقولج شي قبل لا اختم كلامي .

ديري بالج تشكين حق احد من اهله او اهلج خصوصا بالموضوع هذا .. لانه هذى بتكون نهايه حياتج معاه .


المرا تصبر علي ريلها وما تدخل لا اخوان ولا اهل بامور بيتها ..

هذى طبعا المراا السنعه .. مو اللى تبي اتطلق وتهدم بيتها وعلي بالها اهلها بفيدونها ..

 

[Bnt.Azmer]

حبيبتي قضبي ارضج وقعدي عند ريلج ولا تبطلين بيبان مسكره ..


خليه يخربط اهو للى بيتحاسب بالاخر ... بس قوليله كلمه وحده قوليله انا من اليوم ورايح ما راح انقاشك بالموضووع حتي لو شفت بعيني بس بذكرك بشي ..


انته اليوم تزني ببنات الناس وباجر اييلك من يزني بحريم بيتك يا زوجتك يا اختك يا بنتك .. ما اعتقد ترضاها لنا ؟


ومن زنا يزني به ولو بعقر داره ..


هالكلمتين تقولينهم له وتسكتين عنه ومشي امور حياتج معاه .. حتي لو تطلقتي شالفايده ؟؟

بتردين تتزوجين مره ثانيه .. ولو افترضنا انج تزوجتي مره ثانيه .. يمكن يطلع اردي من اللى عندج الحين ؟؟ هم بتطلقين مره ثانيه؟؟؟؟؟؟


قضبي ارضج مثل ما قلت لج ولا تقعدين تشكين فيه ومرده لج ولبيتج وعيالج .. ولا تقعدين تتعافرين وياه كل اشوي لا تقدمينه علي صحن من فضه حق بنات الشوارع ..


شوفي شنو اللى ناقصج اللى قاعد يدور بره وحاولي تعدلين من نفسج .. واقصد بنفسج يعني من داخل مو الشكل الخارجي ..


اذا فيج طبع ما يحبه غيريه .. اذا فيج شي سلبي حاولي تعدلينه ..


عشان تردين ريلج لج مره ثانيه .. وتعوذي من بليس وصبري


والصابرين لهم اجر بالدنيا والاخره ان شاء لله ..


وعلي فكره بقولج شي قبل لا اختم كلامي .

ديري بالج تشكين حق احد من اهله او اهلج خصوصا بالموضوع هذا .. لانه هذى بتكون نهايه حياتج معاه .


المرا تصبر علي ريلها وما تدخل لا اخوان ولا اهل بامور بيتها ..

هذى طبعا المراا السنعه .. مو اللى تبي اتطلق وتهدم بيتها وعلي بالها اهلها بفيدونها ..

مشالله عليج :ggdw:

 

[Gifts&Occaions]

الله يعينج

 

[FeShinGoOo]

من باعنا برخيص باتراب ينباع بطقاق يطلقني على اغلاطه وفوق شينه قوات عيننه مايشوف شر ان شاءالله

 

[عسووولة زوجها]

حسبي الله على بنات بليسس

والله مادري شقولج بس شلون بتقعدين معاه وهو يغلط وانتي ساكته ويدري انج تدرين عن بلاويه باجر بيكلمهم جدامج وبعين قوويه بعد لانه يدري انج ماراح تسوين شي

انا مو مع البنات اللي يقولن قعدي معاه وقضبي ارضج ولا تعلمين احد يعني شتسوي ؟؟ اكيد بيتمادى اكثر واكثر وبيكلمهم جدامج وصج هنيه بتموتين قهر
انتي لازم تشوفين حل وتادبينه بس بطريقه مايكون فيها فضايح له شوفي احد من اهلج او اهله يكون حكيم وعاقل شخص يكون قريب من زوجج ويحترمه مثل عم او خال يكلمونه ويردون عقله له

ابو عين زايغه هذا مشكله واللي متعود على الخرابيط طول عمره صعب انه يتعدل بفتره قصيره

ماقول غير حسبي الله على بنات ابليس اللي مايحطون عينهم الا على المتزوج

 

[asoula al-3soul]

اهوا يكلم بنات بس يحبهم لا
اهوا يحبج
لانج زوجته ​

 

[Tofaha_12345]

والله بنات ماقصرتو
انا ماابي اطلق بس ابيه يتوب عن سوالفه ، بس انا قعدتي عنده بالبيت قاعده احس ان فيها إيهانه حق كرامتي عقب الكلام اللي قاله، ولا انتو اشرايكم؟
امه عارفه سوالفه ومكلمته كذا مره بس مونافع وياه

 

[ام كوثر2007]

مرده يتعدل لا تستعيلين اهو الحين بغفله ومرده يعقل ويلتفت لج ولبيته وعقبها بيعرف انتي شكثر صبرتي عليه

حبيبتي احنا كلنا غيرنا رياييلنا بالصبر .. لو كل وحده خانها زوجها وقالت كرامتي عز الله ما قعدتي عند رياال بعد .

 

[swanyway]

شوفي انا ممكن اكون مع كلام ام كوثر لو كان استحى او انكر او او او

ام كذا على عينك ياتاجر وانت بالطقاق واسلوب وقح لازم توقفين وقفه جادة ودخلين اهلج لانه اصلن انت مو هامته ولا طق لج خبر
واللي مايعز نفسه ولا يسوي قدر لروحة عمر الناس ماراح تقدرة ولا تعزة , لو عندي احد مثلج وبيجلس عقب هالكلام بدوسه و بعيش حياتي و لاعلي من احد شوفي الحين الحل روحي لاهلج وخلي ابوج ينادية ويكلمه و يعقله مااقول طلاق بس حطيه بالحسبان وبعدين هو اصلن بايعج لانه بيطلقج بكل سهولة اذا بتسوين اللي قلته حطي ببالج احتمال يصير طلاق اذا بتجلسين وماراح تسوين شئ حطي في بالج ان حقوقج كل سوي بتنقص ونفسيتج بتتعب + احتمال يكلمهم كدامج ولا همه و مو بعيده يجيبهم لبيتج

وانت ماتدرين وش نوعيه العلاقه يمكن وصلت للفراش وبكرة يبليج بلوة ولا مرض

على العموم استخيري بكل الحالتين والله يوفقج ويهدي بالج