زوجي بطلقني

[Diana *]

الله يعينك بس شكله بيبها من الله !
بنات ترى فيه شي إسمه كرامه!

أنا أبدا مو مع إلي تقول لك أصبري و خليك ساكته​

 

[قــل مـا تـشـاء]

هو يقول لج يب يطلقج عشان تسكتين كلم شفتي خيانه جديدة ,,
الحل اذا تكرر عليج هالأمر وشفتي علي شي مالج الا انج تهددينه انج تفضحينه وتكلمين أبوه أو أخوه
وصيري قوية وحطي عينج بعينه وهدديه بس انتبهي لا تقولين له بتطلع طلق أخاف يتهور ويسويها اسم الله عليييج

 

[كويتيه فرنسيه]

حبيبتي قضبي ارضج وقعدي عند ريلج ولا تبطلين بيبان مسكره ..


خليه يخربط اهو للى بيتحاسب بالاخر ... بس قوليله كلمه وحده قوليله انا من اليوم ورايح ما راح انقاشك بالموضووع حتي لو شفت بعيني بس بذكرك بشي ..


انته اليوم تزني ببنات الناس وباجر اييلك من يزني بحريم بيتك يا زوجتك يا اختك يا بنتك .. ما اعتقد ترضاها لنا ؟


ومن زنا يزني به ولو بعقر داره ..


هالكلمتين تقولينهم له وتسكتين عنه ومشي امور حياتج معاه .. حتي لو تطلقتي شالفايده ؟؟

بتردين تتزوجين مره ثانيه .. ولو افترضنا انج تزوجتي مره ثانيه .. يمكن يطلع اردي من اللى عندج الحين ؟؟ هم بتطلقين مره ثانيه؟؟؟؟؟؟


قضبي ارضج مثل ما قلت لج ولا تقعدين تشكين فيه ومرده لج ولبيتج وعيالج .. ولا تقعدين تتعافرين وياه كل اشوي لا تقدمينه علي صحن من فضه حق بنات الشوارع ..


شوفي شنو اللى ناقصج اللى قاعد يدور بره وحاولي تعدلين من نفسج .. واقصد بنفسج يعني من داخل مو الشكل الخارجي ..


اذا فيج طبع ما يحبه غيريه .. اذا فيج شي سلبي حاولي تعدلينه ..


عشان تردين ريلج لج مره ثانيه .. وتعوذي من بليس وصبري


والصابرين لهم اجر بالدنيا والاخره ان شاء لله ..


وعلي فكره بقولج شي قبل لا اختم كلامي .

ديري بالج تشكين حق احد من اهله او اهلج خصوصا بالموضوع هذا .. لانه هذى بتكون نهايه حياتج معاه .


المرا تصبر علي ريلها وما تدخل لا اخوان ولا اهل بامور بيتها ..

هذى طبعا المراا السنعه .. مو اللى تبي اتطلق وتهدم بيتها وعلي بالها اهلها بفيدونها ..

انا وياها فعلا كلامج ياام كوثر عين العقل

والله يهدي زوجج ياصاحبة الموضوع

 

[دلوعة صلوح]

الله يهديكم يارب العالمين.

 

[ديانا سبنسر]

مع ام كوثر 2007