ديرما رولر .. ضروري ابيه ولا تقولون لي ريم ستايل :\

[mi corazon]

السلام عليكم


بنات انا محتاجه الديرما رولر ضروري وبسرعه قبل عرسي ابي ابدي بشرتي وايد انتلفت من الميكب وكلها حبوب وبقع


حاولت اطلب من الاخت العضوه ريم ستايل بس كاشته فيني ولا ردت لي خبر الحين طاف اسبوعين ودزيتلها مسجات وطاف

فا بليز بنات اللي تعرف شلون اقدر احصله تقول لي يزاها الله خير

 

[قدها وقدوود]

والله اخذته منها ماقصرت خوش تعامل ووصلني بعد اسبوعين من الطلب يمكن عندها ظروف

 

[mi corazon]

قدها وقدود انا قريت ردودها عالبنات

والمشكله ترد علي لمن اسلم عليها بس من اييب طاري الطلبيه تختفي ما تقول حتى اكو ماكو

انا ماحب لي طلبت من وحده اطلب من غيرها مو من النوع اللي اطلب من اكثر من وحده واللي تيب اسرع اخذ منها

بس الظاهر شكلها على قولتج عندها ظروف الله يعينها .. مو مكتوبلي اخذ منها


بس صج حزت بخاطري انها قالت لي اوكي بعد اسبوعين والحين ماتعطيني ويه .. لو طالبه من هالاسبوعين ومخلصه مو احسن لي؟


الله كريم

ماتعرفون احد يطلبلي بنات ضروري والله

 

[قدها وقدوود]

زين اختي ليش ماتجربين تقشير الرتن اي لان مااحس اللرولر غير حيل ببشرتي انا انصحج بالرتن ايه ماجربته بس شفت بنات مجربينه واو الطريقة بالتفصيل ماعرفها بس ناويه عليه بذن الله

 

[قدها وقدوود]

وعلى فكره سعر اللرولر مو شويه والنتيجه ماتسوى جربي الرتن تالي جربي منتجات غراس حيل يمدحون شغلها وانتي عروس لازم تحوفرين بعمرج وبالمبارك وموفقه يارب

 

[mi corazon]

تسلمين اختي قدها وقدود ماتقصرين


انا جربت الريتن ايه ونتيجته مو ذاك الزود معاي
فا قلت بجربه مع الرولر نفس ما البنات اكتبو في بعض المواضيع انهم بعد يومين من الرولر يستخدمون الريتن ايه

والله من الحين قاعده احورف بعمري ويايبه منتجات فير اند وايت كلهم تقريبا ومنتجات من بيت الصابون


وقاعده اسوي جم خلطه من المنتدى والله يسهل


تسلمين يا عسل

 

[نور مغليها]

وآلله ماعرف ومآحبيت أطلع بدون رد ..
إن شاء الله يردون عليج البنآإت ,,

 

[FOZQ8]

انا شاريته من ريم غريبه ماترد عليج
شوفي سمعت رويال يبيعونه دقي عالمستشفى وسألي بس جنه اغلى من ريم بس اذا مستعيله اشتريه منهم ماراح تندمين انا ما استغنى عن جلسات الديرما

 

[حصه11]

اي واايد بيفيدج الديرما رول مع الرتن اي

اطلبيه من امازون

 

[mi corazon]

بنات حصل سوء فهم الاخت ريم ردت علي مشكوره

الظاهر دزتلي مسجات قبل وما وصلت او شي جذي

مابي اظلم لأنها ردت علي وبالها طويل عالأسئله

عالعموم يزاها الله خير جان قدرت او ما قدرت





ومشكورين بنات

 

[mi corazon]

اي واايد بيفيدج الديرما رول مع الرتن اي

اطلبيه من امازون

انا الحين نسيت الطريقه يبيلي اجيك اقين عالمواضيع تالي اسويها بحذافيرها

لأن انا بسوي ليزر ويهي فا اخاف يتعارض او يلتهب .. بشوف متى اقدر احصل الرولر من ريم ستايل لو تأخر بسوي ليزر قبل وأءجل الرولر اسبوع بعد

اعتقد جذي المفروض ... اللي عندها خبره تخبرني

 

[mi corazon]

وآلله ماعرف ومآحبيت أطلع بدون رد ..
إن شاء الله يردون عليج البنآإت ,,

مشكوره نور

 

[Dalo0o3a Cute]

حبيبتي اذا تعرفين تطلبين من برا

هذا موقع الديرما رولر

http://www.derma-rollers.com/

و التاجره مس بي كي هم تبيعه

موفقه :*

 

[!الجادل الصعب!]

سؤال دآش عرض ؟!

شرآيج بمنتجات فير ان وآيت .. جربت منهم قبل سنتين حلوين بس مادري ودي
اخذ مره ثانيه وابي افيد شي ؟!

 

[mi corazon]

حبيبتي اذا تعرفين تطلبين من برا

هذا موقع الديرما رولر

http://www.derma-rollers.com/

و التاجره مس بي كي هم تبيعه

موفقه :*

تسلمين مشكوره حياتي

بس مشكلتي ماعرف اطلب من بره وكنت بجرب في مركز سلطان بس قالولي مو كل السايتات يقبلون

مادري يقبلون هالسايت ولا لا بس انا مستعيله لآن ابي اعدل بشرتي قبل عرسي

يسلمو قلبي ماتقصرين

 

[رقـة الاحسـآس]

مبروك مقدما يا عروس
حلو انج بتستخدمين الديرمارولر بس لا تعتمدين عليها
لازم تهتمين بنفسج وايد و اكثر من العادي عشان ليله العمر
ويهج اذا فيه اثار حبوب
سوي تقشير بالطريقه اللي تناسبج بس اسرع حل لهم هو التقشير ولكن لازم تلتزمين بالطريقه يعني مب من تشوفين نتايج وقفتي لا ما ينفع حتى عشان توقفين الشي لازم تدريجي
و الحين الجو جدا جدا مناسب للتقشير
وحتى جسمج سويله و مع العنايه و الخلطات و الحمام المغربي كل اسبوع صدقيني بتتغير بشره ويهج و جسمج
وابدي من الحين لان عندج بس 4 شهور بس هالمده كافيه ان شاءالله

 

[mi corazon]

سؤال دآش عرض ؟!

شرآيج بمنتجات فير ان وآيت .. جربت منهم قبل سنتين حلوين بس مادري ودي
اخذ مره ثانيه وابي افيد شي ؟!

والله علشان اكون صريحه انا توني خذيتهم من يومين من معرض العطور بمشرف مسوين لهم كورنر ... بس التجريب الفعلي ما اعتقد يمديه الحين يطلع نتيجه

بس رفيجتي مدحته وايد خصوصا الكريم الازرق تقول صج صج يفتح وينعم حتى تستخدمه للمنطقه الحساسه

ما صدقت خبر رحت خمطت تقريبا ثلاث ارباع متنجاتهم

شلون كانت النتيجه معاج ؟وهل لما قطعتي ردت البشره ؟

 

[Diana *]

أنا شريتها من ebay ​

 

[رقـة الاحسـآس]

صح نسيت اقولج
اهتمي بالعنايه الداخليه قد ما تقدرين
شربي ماي < ماي بروحه مب شاي او شي جي و يكون 8 اكواب فاليوم
شربي عصاير فرش يوميا و نوعي برتقال ، فراوله ، رمان ، برتقال و جزر ، تفاح
وكلي صحن سلطه يوميا حتى لو مب مع الغدا يعني كسناك بروحه
وشربي كوب او كوبين حليب يوميا < اذا عايبنج وزنج و خايفه تزيدين خذي قليل الدسم
كلي تمر يوميا عالسنه خذي عدد فردي يعني حتى لو حبه تكفي اذا كنتي ما تحبينه

 

[sara miller]

السلام عليكم

أنا شريت من التاجرة الي كانت منزله تجربتها مع الديرما رولر على ريلها وكان اسمها أم خالد والحين هي أم يوسف أفتكر ام خالد أختها تعاملها ووووووايد راقي شاريه منها اربع تقريبا وباحجام مختلفه

وللامانه

البنت تعاملها رررراقي حيل وحبايه وماتقصر بالنصحيه فديتها

ورقم تلفونها 65521711

ويارب أكون فدتج وعسى يوفقج بزواجج