ஐ๑ ஐ๑ مرق لحم بالبطاط والفاصوليا الحمراء + عيش مشخول ஐ๑ ஐ๑
غداي في يوم ما الأسبوع الماضي
والطريقة مهداه لأختي ضحكة الدنيا بناءا على طلبها
مرق لحم بالبطاط والفاصوليا الحمراء + عيش مشخووووووووول
وسلطة خضراء
مقادير المرق: انا اسويها بالنظر
1 بصلة متوسطة مفرومة صغير
شوية بصل اخضر مقصص صغار ( اختياري بس انا احبه بالمرق وايد حلو )
1 علبة فاصوليا حمراء ( انا افضل السعودي ماركة اول قطفة )
1 بطاطة كبيرة قطعيها مكعبات كبيرة ومتينة نوعا ما
3 طماطات كبار نوعا ما ( بشريهم عشان نتخلص من القشر )
3 أرباع - 1 علبة معجون طماط كي دي دي
2 علوب فلفل اخضر حار ( لا تقطعينهم عشان ما تطلع الحرورة مالتهم بالمرق )
ربع شدة سلق مفروم وسط ( نوع من انواع الخضار ) يخلي المرق ناطع
2 مكعب ماجي
لحم مسلوق بطريقتك ويفضل بالعظم حسب الرغبة
2 كوب ماء سلق اللحم
ملح
ربع ملعقة ص بهارات لحم ( لا تكثرين لأن ماي اللحم فيه بهار )
ربع ملعقة صغيرة لومي ناعم
فصين ثوم مدقوق
ماي حار
2 لومي كبار اسود ( غزيهم بالسكين )
ملعقتين كبار صبار نقعيهم بربع كوب ماء حار
ملعقة ص كركم ناعم
طريقة سلق اللحم سبق وذكرتها بموضوع سابق
المقادير :
لحم مقطع سواء شقف او بالعظم
وبالنسبة لنا اللي بالعظم حلو حق الكبار والشقف للصغار
وبالنسبة لنا اللي بالعظم حلو حق الكبار والشقف للصغار
كركم
قرنفل ( مسمار )
طماطة مقطعة نصين
بصلة مقطعة نصفين
ملعقة كبيرة بهارات لحم
3-4 داسين اعواد
ربع ملعقة لومي اسود أو حبتين كبار ( لومي صحيح )
قرنفل ( مسمار )
طماطة مقطعة نصين
بصلة مقطعة نصفين
ملعقة كبيرة بهارات لحم
3-4 داسين اعواد
ربع ملعقة لومي اسود أو حبتين كبار ( لومي صحيح )
يانسون صيني ( بهار النجمة ) ريحته وااايد حلوة ويشيل ريحة الزفرة باللحم
ماء
وانا استخدمت جدر الضغط اسهل واسرع
خلال ثلث ساعة اللحم مستوي وذاااااااااااايب
خلال ثلث ساعة اللحم مستوي وذاااااااااااايب
ماركة "سب " ووكيله شركة الصانع ومحلهم بالأوقاف والثاني بشارع تونس بحولي مقابل مجمع الرميح
يهبل وسهل وامان
هذا اليانسون الصيني
وممكن تلاقونه ببهارات مجدي
وصورته بالجمعية عشانكم
وصورته بالجمعية عشانكم
الطريقة :
- تغسلين اللحم وتضيفين عليه ماء يغطيه بجدر وترفعينه على النار يغلي لمدة 5 دقايق ( الهدف عشان تطلع الرغوة وتروح الزفرة ) ثم تشخلينه وتغسلينه بماء عشان ما تلزق فيه الرغوة
- تغسلين اللحم وتضيفين عليه ماء يغطيه بجدر وترفعينه على النار يغلي لمدة 5 دقايق ( الهدف عشان تطلع الرغوة وتروح الزفرة ) ثم تشخلينه وتغسلينه بماء عشان ما تلزق فيه الرغوة
- تجهزين جدر الضغط وتحطين فيه اللحم وماي كافي يغطيه مع البصل والطماط والبهارات كلها وتسكرينه عدل وترفعينه على النار لمدة ثلث ساعة بعدين طفي النار وخليه يرتاح
- اتركي الجدر يبرد لمدة ربع ساعة ولما تفتحين شوي شوي مو مرة وحدة عشان البخار يخف وما يكون مضغوط ويحرقك لما يطلع فجاة واتقولين الهمبة السبب :eh_s(11):
- بعدما فتحتي الجدر اضيفي ملح ( انتي تقدرينه عشان يتملح اللحم وما يكون ماصخ ) وخليه يغلي شوي (5 دقايق ) بدون لا تغطين الجدر
- رفعي اللحم بعد ما تملح بمشخال واحتفظي بالماء لطبخ المرق .
طريقة تحضر المرق :
1- ضعي البصل المفروم والأخضر بالجدر على النار وحمسيه عدل بدون زيت بس اذا نشف رشي عليه شوية ماء عشان ياخذ لون بني من قاع الجدر عقبها حطي السلق واستمري في التقليب لما ينشف
2- ضعي عليه مقدار قليل من الزيت و الماجي و:eh_s(15):الكركم والبطاط المكعبات وحمريهم عدل
3- ضعي فوقهم قطع اللحم والبهار واللومي الكبار والناعم
4- يضاف الطماط المبشور واستمري بالتقليب حتى يذوب
ثم معجون الطماط والثوم المدقوق والفاصوليا الحمراء وقلبيهم عدل لما تطلع ريحة الثوم بدون لا يحترق
ثم معجون الطماط والثوم المدقوق والفاصوليا الحمراء وقلبيهم عدل لما تطلع ريحة الثوم بدون لا يحترق
5- اضيفي ماي اللحم تقريبا كوبين او قليل حسب رغبتك
والباقي كمليه بماي حار عادي يغطي اللحم وبالكمية اللي تبين فيه المرق
والباقي كمليه بماي حار عادي يغطي اللحم وبالكمية اللي تبين فيه المرق
6- اتركي المرق على نار عالية يطبخ ربع ساعة ولا تنسين اتضبطين الملح
7- ومن بعدها خففي النار حتى تصبح هادئة واضيفي منقوع الصبار ( شخليه عن الفصم ) وحطي علوب الفلفل الحار بعد
اتركيه لمدة نصف ساعة تقريبا او لما تشوفين البطاط مستوي والمرق صار ثقيل شوي
اتركيه لمدة نصف ساعة تقريبا او لما تشوفين البطاط مستوي والمرق صار ثقيل شوي
طريقة المشخول :
جيلة عيش التموين
غسليه ونقعيه بماء لمدة 10-15 دقيقة بس كافي عليه
غسليه ونقعيه بماء لمدة 10-15 دقيقة بس كافي عليه
- اغلي ماي على النار مع ملح ( لازم تذوقينه عشان تضبطبن ملحه )
بس يغلي شخلي العيش المنقوع وحطيه بالماي
بس يغلي شخلي العيش المنقوع وحطيه بالماي
- اتركيه يقلب 4-5 مرات بس واختبري اي حبة اذا مستويه لازم تشخلينه من الماء فورا عشان ما يصير لين ( لا تخلينه يستوي وايد )
- في جدر ضعي شوية بصل مفروم او شرايح ( نص بصلة كافي ) عشان نسوي الفرقاعة + زيت مو وايد ونتفة كركم وقلبيهم شوي
- شيلي نص كمية البصل والزيت بماعون واتركيها على جنب
- ضعي العيش المشخول في الجدر ورشي عليه الزيت والبصل اللي رفعناهم على جنب
- اتركي الجدر على نار هادئة لمدة ربع ساعة ( لا تنسين الحديدة تحت الجدر ) لما ينشف .
- وتمتعي بأحلى حاكوكة بالعالم
وأحلى غداء بهالجو البارد مع المعبوج والخضراء الطازجة
والف عافية علينا وعليكم :eh_s(7):
دعواتكم لي حبيباتي
