مسابقة/ شدوا الهمة وكبروا اللقمة

[غلآ نوآف]

قووة بنات ..

اليوم س3 صحيت من النوم
تغديت رز ابيض مع لحم مشوي وخضار
وكليت موزة
كان اكلي الحمدلله زين

=2

س6 شربت 2 كوب حليب تفاح وموز وايس كريم وانشور وشوية دبس =1

ووقت العشاء ماتعشيت
>_<

بس كليت بطاطس مقلي =1

وبعده كليت سفن بالفراولة =1

ومفروض اشرب حلبة الحين بس ماسويت
مالي خلقها

رغم اني حااااااسة بجوووع فضيع
بس مادري ش اكل؟!

مابي العشاء ماعجبني
وماعندي فلوس اطلب خخخخخ
ومافي سناكات بالبيت تشهي

الكروسون مخلصين
>_<
مليت من اكل شغالتنا

 

[حواء ناعمه]

تقيمي يوم السبت

9من 10

ويوم الاحد 9من 10

مادري ليش كله ينقصني سناك واحد ((طبعا تقيمي يدل على اني ىكل عدد الوجبات بس موشرط فل والمفروض آكل ليما تفول المعده بس الشكوى لله عالاقل قاعده ابلع ولله الحمد

 

[سهم ويصيب]

http://archive.hawaaworld.com/showthread.php?t=295460


قريته هون والله اعلم ...

 

[سهم ويصيب]

طموحه انا طافني الميزان

اكون مع المعاقبات ولا اعفاء 

 

[حواء ناعمه]

ريحااااااانه

لازم تروحين دكتور حهاز هضمي بيهطيج حبوب تهضم الاكل عباره عن انزيمات تهضم الاكل بالامعاء وهم ممكن يعطيج حبوب لقبل الاكل صدقيني بترتاحين ولازم اكلج باوقات محدده علشان ماتربكين المعده


وبالنسبه لوجبة ماك خليها بعدين او عالاقل لاتكثرين منها لانها دسمه مو زينه للمعده لين تاخذين حبوب للهضم


واهم شي كثري سوائل لانها تنهضم اسهل


مثل الحليب والعصائر وهم الروب زين


والله يعينج

 

[احآسيس هآدئه]

تعشيت حبه كبه وشويه سلطه مكرونه
وبأكل موزه

 

[Roty]

قوة بنوتات

هذا جدولي
ريوقي:
ماك = ٥٠٠ سعره حراريه
*
سناك١:
كتكو+فريز = ١٢٠ سعره حراريه

سناك٢:
جالكسي ١٠٠ سعره حراريه

الغدا:
مجبوس دياي ومرق باميه وسلطه=٥٠٠سعره

العشا:
فيليه بالبوري وبطاط ٤٠٠

حبة خميرة بريوار

سناك٣:
انشور

قبل النوم حبة سمك القد

تقييمي: ٩/١٠

الحمدالله عالنعمه

 

[احآسيس هآدئه]

تقيمي اليوم 9\10

قهوه شفت الرابط
أنَا يديني ضعيفه تحت. جسمي زين
بس صعبه اسوي تمارين بااطراف اصابعي تتكسر خخ

انتي سويتي اي التمارين وفاد معك ؟

 

[الصيدلانيه]

هلووووو

في احد قااعد ؟

الي بتصووم تلحق تاكل - تشرب باجي 9 دقايق ع الاذان ان شاءالله

تقييمي 8.5/10

 

[الصيدلانيه]

طموحة اتحداج بالمرحلة اليايه. لزووم انجهز ههههه

تعشيت سمك من شرمبي

وسحوري ربع خبزة صاج دياي & تفاحة

 

[حواء ناعمه]

صبحكم الله بالخير


اليوم صايمه

يارب يتقبل منا ومنكم صالح الاعمال


صيدلانيه


ملعقة الزيت اللي قلتي عليها نبلعا علشان تنفع للسكر شلووووووون يعني؟؟؟قصدي ماهي ميكانيكية عملها في الجسم ؟؟يارب سؤالي واضح

 

[قـهـوه فـرنسيهـ]

صبااااح الخيير انا بعد صايمه الله يتقبل منا جمييع

حواء الزيت زيتون حطيه مع السلطه ((فتوش))مع بعض الاجبان فانتي احسن لج اعتمدي علي سلطه

عالاقل مره باليوم وضيفي زيت زيتون ،، او فول عليه زيت زيتون او الجبنه البيضه لذيذه مع زيت زيتون يعني مع بعض الاكل

 

[احآسيس هآدئه]

صبااح الخير

الله يتقبل صيامكم بنات ادعو لنا
كان خاطري اصوم بس التعب زياده ميعاد الدواء عشان بلاعمي وصدري. فماقدرت

 

[الصيدلانيه]

أصبحنا وأصبح الملك لله

الله يتقبل صيامنا واياكم

حواء / ما فهمت سؤالج عدل بس اكلي قفشه الصبح وقفشه الليل او اخلطي مع السلطه او اطبخي فيه الاكل

حسوس/ الف سلامة عليج

 

[ماني من الناس]

هايز كيفكن امورات

 

[ماني من الناس]

روتي شلون اعرف اذا ريوقي او غداي او عشاي 500 سعره

 

[Roty]

سوويت

في بلس وفي عادي جنه وسمعت انه في بنات زاد ضربات قلبهم منه
ومنعهم الدكتور لان فيه فيتامينات

شرايكم بهالحجي ؟؟

كنا نسولف عن الانشور
شوفي حبيبتي اخذيها مني كلمه الانشور مضمون 100%
وما يضر وسالي الصيدلي

 

[Roty]

هلووووو

في احد قااعد ؟

الي بتصووم تلحق تاكل - تشرب باجي 9 دقايق ع الاذان ان شاءالله

تقييمي 8.5/10

بالعافيه قلبي
هههههه ضحطتيني ماكو شي اسمه 8.5
ياااا 8 ياااا 9 حددي

 

[Roty]

نسيت اصبح عليكم

good morning

 

[Roty]

روتي شلون اعرف اذا ريوقي او غداي او عشاي 500 سعره

مثلا
ريوقي
توست وجبن وتركي ومايونيز
التوست 120 سعره
تركي مثلا مثلا انا مااعرف بس تقريبا اعطيه 70 سعره
الجبنه 40
مايونيز 40

وجمعيهم يطلعلج 270 كالوري