مشكلتي مع الدوام

[الغنج والدلع]

بنات احس بنفجر من دوامي لاهم راضيين ينقلوني ولا راضيين يندبوني ولاراضيين باجازه لاعت جبدي كرااااف وناس تسد النفس يقولون لازم اكمل سنه ويييع احس بموت من هالمدرسه افكر بالاستقاله خلاص نفسيتي زفت اشرايكم بنات خايفه استقيل واندم شالحل لوعندي واسطه ماقعدت :eh_s(11):

 

[خل وملح]

الله يكون بعونج ،، شكلج توج متوظفه ؟

دبريلج واسطه

 

[mi corazon]

كنت نفسج اول سنتين وظيفه

مريت بهالمرحله " عنق الزجاجه" كنت ابجي لمن اشوف الساعه ٧ الصبح حزة الدوام

بس الحين رابع سنه لي والحمد لله صج منغثه بس متعايشه مع الوضع ... فكري بإيجابيه

تخيلي ان ماكو غير هالمدرسه بالديره .. وبنفس الوقت دوري ع واسطه تطلعج واسعي بنفسج لا تعتمدين عالواسطه

والدراسه هم كمليها شقاضبج


موفقه حبيبتي

 

[الغنج والدلع]

حتا الدراسه مايعطوني اجازه لين يسير لي 3 سنوات والله كل ماطقيت باب يتسكر تعبت ): المدرسه مافيها اي مميزات طريج واداره موشي وبنات الحمدلله والشكر يارب الصبر

 

[قموشه21]

جنج انا انا الحين سويت 5 كتب نقل برجع لدوامي القديم مو راضيين .. مقزرتها مرضيات واجازات ومالي خلق اشوف احد من دوامي اليديد لانهم ناس مو كفو تحشمينهم ناس شغلهم شلل وجذي وانا ماحب

يارب يكتب لي الحمل والنقل بيوم واحد

ويارب يكتب لج النقل يا قااااااااادر يا كريم

 

[الغنج والدلع]

يارب ننقل قريييب يارب قموشه انتي مدرسه نفسي ؟؟

 

[قموشه21]

لا انا بشؤون

تدرين ماكو نقل قالوللي ييبي واسطة قلت ماعندي وتخيلي وانا واقفة ولا تجي بنت وتحط اوراقها ولا ينقلها ليش لان واسطتها جدامها

شي يحررر تحملي بعد شنسوي

 

[الغنج والدلع]

اي والله نفس حالتي يو المدرسه ثنتين بعدي ونقلوهم ليش لانه عندهم واسطه وعند بيوتهم والمدارس اللي يبونها ليش جذي قطع حسبي الله ونعم الوكيل واسطتنا ربي

 

[Queenleo]

استخيري علاستقاله وعالندب والنقل
واذا خيره ربج بيسهله لج ان شاء الله

 

[حجيه هيونه]

الله يسخر لج الي يساعدج ويحل امورج

مادري شقولج غير الله يعينج ولا تيأسين من رحمة الله

 

[عزتي مالها حد]

لا تستقيلين
كلمي الموجه واشرحي له وضعج وقولي له:
شنو المدارس اللي انت توجه عليها فيها نقص اندبني عندها
او شوف لي اي موجه بمدرسته نقص ومحتاجين معلمات

واذا انتي عندج عيال قدمي على اجازة رعاية اسرة
تراها اجازه بدون راتب


والله يوفقج وييسر لج امرج

 

[الغنج والدلع]

الاجازه من غير راتب لازم اكون عندي عيال ؟؟؟

 

[قموشه21]

هههههههههههههههههههههههههه

ياحلوج وربي ضحكتيني .. كاره دوامج لدرجه تقدمين اجازة بدون راتب

<< انا قدمت اجازة بدون راتب لمده اسبوعين << براااا :d

 

[الغنج والدلع]

اسبوعين ههههههههههههههه طبيات احسن

 

[قموشه21]

غنج لا مو لازم عندج عيال ومو لازم متزوجه اصلا الوزاره مني عينها تشوف هالاجازة عشان توفر وماتصرف لنا راتب

هذي اسرع ورقه تمشي اي شي بدون راتب يمشي رفجيتي قدمتها شهر ومو متزوجه عادي قدميها

 

[قموشه21]

تدرين ليش اسبوعين مرضياتي تعدت الــ31 يوم واجازتي خلصتها ههههه لعبت لعب والعياذ بالله

 

[الغنج والدلع]

شنو 31 احنا 15 يوم وبعدين يبدون يخصمون ترا انا يديده بالوظيفه وغشيمه الله يستر لايفصلوني

 

[عزتي مالها حد]

انا اللي سمعته اجازة رعاية اسرة تكون للي عندها عيال
اذا على قولتكم عادي اي احد يقدر يقدم عليها

انا اقولج توكلي على الله واخذيها بس سألي عن شروط رعاية الاسرة

 

[كـــــآترينـــآ]

الغنج والدلع

حبيبتي روحي للمنطقه التعليميه واسالي عن المدارس اللي فيها نقص
والنقل بشهر 1 وباذن الله تتيسر امورج
لاتاخذين مرضيات نصيحه مني خليج ع الاجازات عندج 35 يوم
على ما اعتقد لعبي فيهم لعب بس المرضيات لا تتعدين 15 !!


والله ييسر اموركم بنات .~

​

 

[كـــــآترينـــآ]

تدرين ليش اسبوعين مرضياتي تعدت الــ31 يوم واجازتي خلصتها ههههه لعبت لعب والعياذ بالله

انتي مْبدعّه قضيتي حتى على مرضيات اللي بربع راتب :d ~​