زين - فيفا - وطنية .... هلكتونا حسبي الله عليكم .. بسكم بوق

[mi corazon]

السلام عليكم


خواتي كويتيات

أكثر من مره كنت أكتب موضوع عن الاتصالات ومشاكلها وكنت اتردد وامسحه

لكن

بلغ السيل الشسمونه


يعني هل يعقل البوق اللي قاعد يصير أشكره واحنا ساكتين؟

ترى اي الشعب الكويتي عيال نعمه ... بس ترى محنا مطقوقين على قفانا !!!

شنو يعني ننباق؟


بنات والله من حر مافيني قاعده اكتب ومقهوره .. مو على فلوسي اللي تنسحب .. بس ترى المسألة فيها انعدام ثقه وانعدام أمان


للأسف جربت زين فواتير وكروت

جربت الوطنية فواتير وكروت

والحين قاعده اجرب فيفا كروت وفكرت اجرب فواتير بس قلت ويت ستوب ... لي متى وانا اغير؟


يعني هل يعقل لما اروح للوطنيه .. كل شهر فاتورتي 30 دينار بما اني انسانه ما استخدم التلفون الا للطوارئ او الرد ع المسجات .. واكثر استخدامي كان واتسب ... يعني هاذي خدمه بروحها مالها شغل بالفواتير بعد ،، تندفع وخلاص الفواتير سالفة ثانيه


ايون اخر الشهر بعد جم مره .. يقولون لي الفاتوره 70 دينار؟!!!!

كنت بدفع بعدين قلت ويت ... ابي تفصيل الفاتوره ابي اعرف شلون طلعت ومن وين هالسبعين ؟

والله بنات تلفوني احيانا مادري وينه من كثر ما انا ما استخدمه

تخيلوا شقالولي؟

يقولون اختي انتي استهلكتي ال 300 دقيقه الهديه الشهريه ( الله اكبر) توني اقول لك انا يمكن مجموع مكالماتي بالشهر كله ما تعدي 4 دنانير والله شاهد تقول لي تعديت ال300 دقيقه؟ يمكن لو كنت مالجه حزتها تترقع نقول قاعده اهذر بالتلفون .. بس جذي؟ وانا ما اتحجه فيه ؟ قويه

ريل بالسما وريل بالقاع الحين تطلعون لي فاتوره بالتفصيل والارقام اللي دقيت عليها

طبعا مجكوكين .. مارضوا ... مبين اشكره نهيبه

يقولون مانقدر علشان خصوصية العميل ...

بالله منو العميل؟ قمت اتلفت !!!! وانا منو؟ اقول عطني بس عطني لا اقلبها عليكم

مارضوا ولي يومكم وانا مابي ادفع ... ودي يسونها قضيه جود يطلعون لي تفصيل المكالمات ونشوف منو الحرامي حزتها


نفس الشي صار في زين وبالوطنيه


وهم الكروت اشكره اعبي بخمسه من باجر صارو دينارين وانا دازه 4 مسجات ومتكلمه دقيقتين بالضبط " من القهر حاسبتهم " ... شوفو لي وين وصلت اشكره يستغفلون العمليل


وانصدمت بالاخير من وحده ثقه اعرفها تقول رفيجتي تشتغل بــــــــــــــ *** للاتصالات " وحده من هالشركات ... وتقول من توظفت عمري مادفعت فاتوره .. كله نسحب من حسابات ونحط بحسابنا ... بنات اشكره ؟ والله عقلي بيزر من هالشي


يعني شنو؟ اشكره قاموا يتباهون بهالشي من غير خوف ؟ وين الرقابه ؟ من صج هالشي ؟


والحين اخر موقف صارلي مع فيفا

حولت من شهر ونص تلفوني من ايفون لي بلاكبيري ... ودقيت عليهم علشان يضبطون لي الخدمه


ولغولي خدمة الايفون وحطولي البلاكبيري .. والحياة سعيده

عقب شهر ونص اعبي وافعل خدمة البلاكبيري اقين

بعدين اعبي بعشر دنانير للخط العادي قلت بيكفي شهر ويمكن زود بما اني ما اتكلم .. حتى ريلي كله يدق علي يعرفني ... والله مو بخل بس انا ماحب التلفون مو صوبه


المهم ولا اليوم رصيذك " صفر" جنهم تافلين بويهي

اي ليش؟

ادق ولا يقول هاذي خدمة الايفون تفعلت وسحبو منج فلوس


والله كنت بكسر التلفون ...

يعني نثق بمنو حسبي الله عليكم


شنو اللي تقول فعلنا الخدمه ؟؟ بكيف منو ؟ ومنو قال لك؟

ولا المسأله تغطيه وبوق علني؟


قتله الموضوع وقتله اخوي بوقو بكيفكم بس ردولي رصيدي .. انا لاغيه الخدمه من زمان ... شلون تقول تفعلت؟ تقص عله منو ؟

مني مناك قال اسف اختي ماقدر ... اي خدمه ثانيه؟


بنات انا برد استخدم تلفون البيت بس هدوني

بس خلاص ... اروح اتصدق بخمسين دينار كل شر ولا تروح ببطونهم حار ونار يارب

صج صار كل قدر ينهب بديرتنا نهبنا


:eh_s(4)::eh_s(4)::eh_s(4):

يارب هالمره احد يريحني ويقول كلمة حق او حل لهالموضوع

اكيد اكو حل بنات والله مايصير

 

[ليلو جبريت]

زين سويتي لاتدفعين الفاتورة وعنهم مافي حل كلهم حرامية \:

لازم توقفون مع بعض ضدهم وتقاطعون

 

[AL-DMERA]

عجبتيني لاتدفعين الفاتووره لو تصير قضيه ليما يعطونج كشف على كل الارقام اللي داقه عليهم ,,
أنا صوت للفيفا مع إنه خطي وطنيه لأن قبل كنت أستخدم فيفا كروت أحس رصيدي مايروح حتى سعر الدقيقه ارخص من الباججي بس غيرته لأنه السيرفس مالهم مومضبوط ,,
الوطنيه بوق بوق بووووق ؤرصيدي بدقيقه يخلص ,,
بقولج عن الفيفا ترا اول ثواني من المكالمه مو نفس الباجي يخصمون كل سعر الدقيقه لأ ,,
دقيقة الفيفا اعتقد تقريباآ 39 فلس اول ثواني من المكالمه ياخذون 15 فلس !!
حييييل ارحم من الوطنيه اللي من اول ثانيه تسحب 45 فلس وانتي لالحين ماتكلمتي ,,
زين ماعمري استخدمته بس اسمع إننهم هم بووق ونصابين ,,
لازم في قاانون شركات قاعدين تبوق من المواطنين والحكومه ساكته ,,
لو كل وحده او وااحد نفسج مايدفع ليما يعطونه تفصيل عن كل مكالماااته ماتمداوا بس يعرفون الكويتيين عيب وعيب يدفعون بس عشان محد يقولهم انتوا بخلاء وتحسبون الفلوس ,,
ثـ,ـآنكــس ,,

 

[mi corazon]

زين سويتي لاتدفعين الفاتورة وعنهم مافي حل كلهم حرامية \:

لازم توقفون مع بعض ضدهم وتقاطعون

الله المعين جان زين الكل يمتنع عن الدفع ليمن يشوف تفصيل فواتيره

عجبتيني لاتدفعين الفاتووره لو تصير قضيه ليما يعطونج كشف على كل الارقام اللي داقه عليهم ,,
أنا صوت للفيفا مع إنه خطي وطنيه لأن قبل كنت أستخدم فيفا كروت أحس رصيدي مايروح حتى سعر الدقيقه ارخص من الباججي بس غيرته لأنه السيرفس مالهم مومضبوط ,,
الوطنيه بوق بوق بووووق ؤرصيدي بدقيقه يخلص ,,
بقولج عن الفيفا ترا اول ثواني من المكالمه مو نفس الباجي يخصمون كل سعر الدقيقه لأ ,,
دقيقة الفيفا اعتقد تقريباآ 39 فلس اول ثواني من المكالمه ياخذون 15 فلس !!
حييييل ارحم من الوطنيه اللي من اول ثانيه تسحب 45 فلس وانتي لالحين ماتكلمتي ,,
زين ماعمري استخدمته بس اسمع إننهم هم بووق ونصابين ,,
لازم في قاانون شركات قاعدين تبوق من المواطنين والحكومه ساكته ,,
لو كل وحده او وااحد نفسج مايدفع ليما يعطونه تفصيل عن كل مكالماااته ماتمداوا بس يعرفون الكويتيين عيب وعيب يدفعون بس عشان محد يقولهم انتوا بخلاء وتحسبون الفلوس ,,
ثـ,ـآنكــس ,,

اي والله اشكره بوق زين والوطنيه صج ارحم بس الفواتير نار نار بوق

فيفا يطو جبدي شكلهم بالطريج





بنات الباجي اللي ماتعلق بليز صوتوا خل اعرف شنو الاكثر ترشيح

شدعوه كويتيات ماهقيتكم جذي تحقرون

 

[نور مغليها]

إي وآلله صاجه ,,,
أنا لا عبيت رصيد انصدم وين يروح مآدري ‘ اعبي 15 دينآر ..11 حق الخدمه والاربع حق المكآلمآإت إحتيآإط .. أنصدم اليوم الثاني ان رصيدي 500 فلس ..!!!!
إنزين نطروا بعد اسبوع اسبوعين وبوقوا موو من يومين على الاقل يمكن اقتنع

اوكي رسايل ومسجإت كلآ ع الواتسب سوالف وقرقره يعني ما ادز رررسايل آبدآإ وما أكلم كثييرر قليل ‘
يعني صج بوووق اشككرره

خل يبوقون عآإدي ما همني بس مو حلآل إن شاء الله

:eh_s(17):​

 

[serina]

mi corazon يعطيج العافية على طرح هالموضوع المهم اللي كان المفروض من زمان البنات يتكلمون فيه.

شركات الاتصالات عندنا قمة الحرمنة والبوق عيني عينك والمشكلة الأكبر وايد كويتيين ما يهتمون ما كأن فلوسهم تروح هدر. والله لو كل الناس نفسج حبيبتي تحاسب على الصغيرة والكبيرة جان ما استجروا يسوون جذي ولا اقعدوا يتمننون على الواحد لو طلب فاتورة تفصيلية. روحي كل شركات الاتصالات المحترمة بره الديرة اللي تحاول ترضي زباينها وشوفيهم شيسوون. الفاتورة التفصيلية اوتوماتكلي تتطرش حق أرقام الفواتير الشهرية مو لازم العميل يركض وراها. تلقين العروض السنعة اللي تحترم الفلس اللي ينصرف عليها. وفوق هذا يدقون عليج برغبتج طبعا بين فترة وفترة يتطمنون إنج مرتاحة مع عروضهم ويدلونج على عروض أحسن وأوفر في النهاية الطرفين كسبانين اهما كسبانين زباين وعملا على طول والعميل كسبان راحة بال وخدمة على قد الفلس اللي يصرفه.

أما في الكويت، الله بالخير. مالت عليهم يحسسون الواحد إنه مكينة فلوس مسبهة وينقص عليها. أذكر أختي سوت قصة للوطنية لما بعد طلعة الروح طلعت الفاتورة التفصيلية وطلع محاسبينها على مسجات ستار أكاديمي أيام ما كان أحمد حسين مادري شسمه مشترك واللي يضحك اهيا أساسا ما كانت تعرف برنامج ستار أكاديمي. بهذلتهم يومها وعطتهم كلمتين في عظمهم ومن يومها قاموا يتحاشون يسوون لها مشاكل.

الواحد لازم يعطيهم العين الحمرة ويطلع الأرباح و شبكاتهم اللي قاعدة تنفتح في العراق وجنوب أفريقيا ومادري وين من جبودهم.

أوف حرمنة شركات الاتصلات ومحلات الماركات والشايع وغيرها في الكويت يبيلها موسوعة تنكتب فيها. :eh_s(14)::eh_s(14)::eh_s(14):

 

[بنت ألكويت]

الحراميه فيفا وبسسسسس والباجي ملائكه عند فيفا البوووق ؟

لانها بالنت...... نظام سرقة مو فواتير ( الله ياخذهم باقوني بالفواتير )

 

[أمل بعد ألم]

حبيبتي هذي الدنيا كلها نصب و احتيال.. دنيا الله يكفينا شرها
مو أفلوس المواطن إلي أهي تنبأق حتي فلوس الدولة ما أدري شنو إلي يحليلها لهم
..................... الله المستعان.............................

 

[بنوته كيكه]

اختي تبين الصدق انصدم انا اخوي عنده فيفا فواتير مايسمع اخوي
اللهم يشغل خدمه ايفون كل شهر مدري جم والله ما انصدم الي
في الفواتير كل شهر تجيه 40 دينار صدمه ينصدم نقوله انت تكلم يقول شلون اكلم ماسمع كله
مشغل خدمه شهر واحد علشان برامج ندق علي شركه يقلون والله انتر نت اوكي انتر انت
جم في الشهر شغل خدمه 10 20 اوكي وين جاة عشرين تبين الصدم نصب كلهم
زين وطنيه وفيفا والله نصب

 

[JaMoOoNa]

بووووق أشكره

اخوي كان موظف بزين يقول أشكره يبوقون

بس الواحد شنو يقول صار البوق عيني عينك بكل مكان

الله يعين ​

 

[حرة الحرائر]

والله انا جربتهم كلهم

وطنية أم السرررررررررررررررقة

وانا مطفية الجهاز تنزل فاتورة بعشرين وثلاثين

والله المستعان

 

[فيونكه..~!]

- كل شركآأت الآتصصآأل ككذآ , هآذ شغلهم !
- وعلى فكره هآذ يعتبر ربـآ لآنهم يزودون آلفوآتيـر بغيـر وجه حق ..
- وان دقيتـي عليهم قآلوآ حق النت , أو مكآلمآت ..... ألـخ !
- نفس شركه ة sTSعندنآأ أكبر ششركه نصب وحرآأمييه وبعد موبآأيـلي ..
- بسس شهر 6 اللي رآح قآطعوهم الشبآأب وآلبنآأت , ونزلوآ سعر الخدممه من 100 - الى 50 ريـآل ! وأحيآأنـآ يآخذون أككثر !
- طبعآ غير فوآتير النت اللي احيآأنـآ توصصل لــ 2000 ريـآأل
- كل مآل حرآم أخذوه رآح يكون بذمتهم !

 

[نونه العنونه_H]

الله يعينااااااااااااااااااااا

 

[mi corazon]

صباح الخير


الواضح من كل حبيباتي اللي ناقشوني واللي صوتوا انهم مستاءات نفسي ونفس حال الكل

للأسف صج شي سيء نحاسب النواب والبواقين والاتصالات الحرامي الاكبر نايم تحت اللحاف متطمن محد يحاسبه


والله يابنات شكلي بجرب شغله ... ماراح ادق من تلفوني وبشوف

باستخدم تلفون البيت واستقبل بس من تلفوني

وماراح ارسل لمدة شهر وبشوف شيصير معاي

وبفكر اراسل جرايد بهالشي

واللي حابه تساعدني وصل هالشي للجرايد علشان الناس تصحصح ياليت تساعدني

بنات وخروا عنكم الكسل بليز وخل نساعد بعض

ترى احنا دوله متقدمه وشايفين خير

بس محنا خبول ومقصه

بليز حطوا هالشي في بالكم

 

[:: Diva ::]

مقاطعه شهر
تلفونات البيت

و الامهات يحطون كروت ب 10 لاخر الشهر
و الله يعافي الواتس اب و البيبي و غيرها من برامج اتصال و تواصل

 

[mi corazon]

ديفا


خوش فكره

بجربها ابتداد من الشهر الياي

 

[Angel-Lady]

رفيج ريلي يسولف له يشتغل بوحده من الشذكات مو ذاكره اي وحده فيهم

يقول ليش تلقى عروض و سوالف زينه بباجي الدول و عندنا لا؟ فقاله واحد سال مسؤول شركتهم و قال و ليش انسوي؟ الكويتيين اغبيا و اهم شي عندهم المظاهر كل ما ادفعو اكثر حسو انهم سوو انجاز فليش انسوي لهم عروض؟ و بعدين باقي الدول لو تقاطع احنا ننضر بس بالكويت ما تلقى احد يسوي بس يتكلمون عل الفاضي

اليوم وصلني برودكاست عن الواتس اب انه مو زين و يطلع فضايح و الخ و لازم ينحذف قمت اضحك شكله الشركات مو مستانسه لان المسجات قامت اتصير اندر من النادر لما طلع الواتس اب و طلعت هذي الاشاعه... صراحه ما ادري اذا اشاعه و لا صج بس احسها جذي

 

[شيخه_البيض]

مرحباً
أنا من عقب فيفا ما افكر اغير خطي كلللش
مايصرف وايد
وصارلي 6 شهور مشتركه في خدمه ادفع 10 دنانيير 500 دقيقه و500 مسج و500 ميغاباي
ويخلص الشهر وانا ماخلصت الدقائق ولا خلصت الرسائل ولا حتى النت خالص مع أني اشغل الراوتر بعض المرات
شنو 10 دنانير بالشهر والله ولا شيء وللحمدلله مرتاحه حدي
بس مافيه دولي لازم أعبي
*

 

[نهى الأحمد]

هلا حبيبتي

شخبارج


حسبي الله ونعم الوكيل فيهم

احتراف في البوووق

لا تدفعين لهم فلس


وطالعي كشف بالمكالمات كلها


ما عليه ياقلبي

 

[أمانيQ8]

لاااااااتكفين الا الوطنيه
هذاك اليوم قلت بجر ب احط خدمه حق فوني ...اتصلت قالي احسن شي اللي اهي ب11دينار قلت اوكي وعلى ابو حاطه خدمه وطل يطلهم حشا السامع ...اشتغل الواتساب مره يشتغل ومره يعلق والانترنت والله مايفتح خير شررررر الا القوقل تبين شي عقب القوقل مستحيل وبطيييييييييييييييييييييييئ حده يلوع الجبد اتصلت اقوله وايد بطيئ يقول هذا الموجود !!
قلت مالت اظل اشبك عالواي فاي وايد ابرك من الخدمه موضروري عندي يشتغل الواتساب لما اطلع خل يطيرون احسن