الدكتوره صدمتني ، شورو علي طلبتكم

[**شـوشـو**]

السلام عليكم ورحمة الله​

حبايبي الله يخليكم طمنوني انا حامل بعد سنه انتظار ومعاناة الحمدلله
وامس سويت سونار قالت الدكتوره انه الجنين ماكو نبض
وحجم الكيس 7 اسابيع بس الجنين اصغر كانه 6 اسابيع ،،
بعد ننطر اسبوع اذا مافي نبض خلاص لازم نسوي تنظيف وننزله
مع اني مازلت احس بالوحم والغثيان وتقول ماله شغل الوحم :eh_s(2):
مع العلم ان السونار اللي قبل هذا باسبوعين كان مابين الجنين بس كيس،، واخر دوره كانت بـ 26 سبتمبر
حدددي متوتره ومتضايقه انصدمت من كلامها كنت رايحه مبسوطه بسمع النبض لكن الله كريم الله يكتب الخير
طلبتكم عطوني من خبراتكم شورو علي علموني ترا انا بكريه ، واللي ماعندها خلفيه اقل شي تدعي ان الله يثبت حملي ​

 

[برميت]

خل تولي
وكلي امرج لله و استغفري وايد و ربي ما يخيب ظنج

فظني فيك يا ربي جميل ..فحقق يا الهي حسن ظني

 

[غزالة سعودية]

حبيبتى انا بالثاني والنبض مابين تقول الحمل ضعيف والحمد لله انا الحين بالثامن لاتستعجلين ابد ابد توكلي على الله واكثري الاستغفار

 

[كتالونيه]

حبيبتي اصبري
شوي روحي لمستشفى ثاني
اهم شي لاتخلين نفسج اذا كلامها صح
الله يصبرج بس اهم شي روحي لدكتوره ثانيه

 

[Princess^Mom]

لا تستعيلين ولا تنطرين اسبوع اسبوعين اضمن والله يثبت حملج ويبلغج فيه يارب

 

[لحظة اشراق]

الله يتمم عليج هالحمل ويرزقج بالخلفة الصالحة

روحي لدكتورة ثانية شوفي اذا نفس كلامها ولا ولأ​

 

[**شـوشـو**]

آآآآآمين الله يسمع منكم يااارب
بروح دكتوره ثانيه اليوم واشوف شنو رايها
دعواااتكم..
استغفر الله استغفر الله

 

[نـعـومـه]

شفيها دكتوره مخرفه وتفاول !!!

اللي صارلج نفس ماصار فيني

رحتلها بتاريخ دوره المفروض الاسبوع الثامن بس حجم البيبي الاسبوع السادس لاني لقطت الحمل متأخر وماكان فيه نبض رحتلها بعد اسبوعين هنيه بين النبض

وانتي نفس قصتي بس الشرهه على الدكتوره اللي تخرع الواحد تغيرينها احسن دام اولها تفاول بالاجهاض

طمنينا عليج

 

[Eng.Kokoro]

صبري وتوكلي على الله و بروحج قلتي حجمه عمر ٦ اسابيع

وان شاءالله كل شي بخير

 

[**شـوشـو**]

شفيها دكتوره مخرفه وتفاول !!!

اللي صارلج نفس ماصار فيني

رحتلها بتاريخ دوره المفروض الاسبوع الثامن بس حجم البيبي الاسبوع السادس لاني لقطت الحمل متأخر وماكان فيه نبض رحتلها بعد اسبوعين هنيه بين النبض

وانتي نفس قصتي بس الشرهه على الدكتوره اللي تخرع الواحد تغيرينها احسن دام اولها تفاول بالاجهاض

طمنينا عليج

طمنتيني الله يريح بالج بالعافيه ويتمم عليج ،، ان شاءالله يبين بعد اسبوع ،،

 

[خالتها]

سوي تحليل هرمون وعقبها بيومين سوي تحليل ثاني
اذا زاد الهرمون معناته ان مازال في حمل

 

[قمر واحب زوجى]

لا تستعيلين ولا تنطرين اسبوع اسبوعين اضمن والله يثبت حملج ويبلغج فيه يارب

 

[cute_batoota]

الله يثبته يااااارب وينقله لي تمامه وتفرحين بشوفته. بأحلى صورة وأحسن صحة اللهم أمييييييين

 

[om-3azo-83z]

انا اقول نطري احسن ما تخسرينه
الله يحفظ جنينج و يثبت حملج

 

[المها الابيض]

نفس كلام دكتوره مشهوره رحت لها بالاسبوع السادس وماسمعت النبض ولا بين الكيس وقالت لازم اسوي سونار داخلي عشان
اتأكد في جنين ولا لأ بس انا رفضت وعصبت الدكتوره مع العلم انه ماكان باديني الوحام بعد
عقبها باسبوع رحت دكتوره ثانيه والحمدلله شافت الكيس وسمعت النبض والله تمم علي ولله الحمد
روحي حق دكتوره ثانيه والله يتمم عليج ويرزقج بالذريه الصالحه يارب

 

[sweet78]

نفس هالحاله صارت معاي وطلع صج متوفي البيبي بدون سبب تخيلوا احنا ب 2011 ومايعرفون ليش ماتت البيبي
كل واحد يقول سبب من عنده ووكلت أمري لله وسويت تنظيفات بالولاده ..

إدعوا لي الله يرزقني غيره يارب ...

 

[كويتيه مذهله 87]

نطري اسبوعين وسوي سونار وان شالله تسمعينه

 

[@ام يوسف@]

الله يطمنج ونفس حالتي وعقب اسبوع سويت سونار والحمدلله سمعته

 

[مشتطـه]

يا حياتي عساج تسمعين نبضه يارب وتولدينه بالسلامة

 

[sharoo_e5]

لا تستعجلين تصير احيانا ويعطونج مهلة اسبوعين تردين تراجعين يمكن صار الحمل بوقت متاخر من التبيويض