Winter Q8
بقولج شي
انتي مقتنعه لما قالولج ان قطاوتنا نظاف ؟؟؟؟ تكفين الحيوان لو مليون مره يسبحونه باليوم يظل وصخ لانه حيوان
لانه مايغسل عقب مايخلص وصاخه
يخرج ويبول بأي مكان ويتمشى بالبيت عادي
شلون نظاف قوليلي ؟؟؟
احنا يالكبار نتحكك من يمر يمنا حيوان وخصوصا القطوه
فما بالج بيبي بو شهرين ؟؟؟
هو اكثر واحد يلقط الفطريات و البكتيريا
واللي صايرفيه 80% من القطاوه اللي بالبيت
اذا انتي خايفه عليه لا تنزليه مكان القطاوه الزم ماعليج وليدج وصحته
مالج شغل لا بخالتج ولا عمج ولا ريلج خل يتحلطمون لي عقب باجر
لي استمرض الياهل من بيسهر عليه انتي ولا اهما ؟؟ والله اهما مادروا عنه يبونه وقت وناستهم ووقت مايكون البيبي مستانس ولي تعسر قطوه على امه وانتي اكليها
ان زعلوا وصارت سوالف قوليلهم اخاف على ولدي والفطريات من القطاوه والدكتوره محذرتني وصكي الموضوع
وايد وايد احتريت ان ولدج ينزل عن القطاوه وخالتج مادري عمتج تقول قطاوتنا نظاف .. أي نظااف أي بطييييييييييييخ !!
وهم انتي حريتيني ليش تنزليه
عندي اطلعه بالبرد ولا اخليه مع حيوانات استغفر الله
ديري بالج تكفين تكفين لا تنزلينه والله شفت صورته مع الدرب وعورني قلبي .. وين يتحمل البيبي ابر ولويه
