منو مركبه او ركبت كاميرا ابيتهم ؟ ((للخدم))

[ننوسه 5]

السلام عليكم ..


شلونكم خواتي ؟؟؟ :eh_s(7): :eh_s(7): :eh_s(7):



منو مركبه او ركبت كاميرا ابيتهم ؟؟ ابي اعرف ضروري الطريقه او محل ادلوني عليه وجم التكلفه وفادتكم ولا لأ ؟؟ لان انا عندي ولد وكنت اخليه عند الوالده لان انا طالبه و زوجي موظف ... فأخاف اخليه بروحه مع الخدامه ! والحين ماني متحمله هالطريقه ابي ولدي يمي ومليت من الدرب كل يوم رايحه وراده ! وقريب راح اتوظف وخدامتي اساسا مو مريحه ولها سوابق ! فالحين نويت اشتري كاميرات وبركبهم ! وقلت بخلي ولدي عندها وبشوف شتسوي ؟؟ عشان ارتاح

ف.. ياريت اللي عندها خبره تفيدني
ومشكورين

 

[manoooram]

مفكرين من زمان انا وريلي انركب بشقتنا
بس ان شالله الفتره اليايه بنركب من بعد حلقة خالد العبدالجليل
ان شالله

بس عفوا اذا الخدامه مو مريحه وعندها سوابق شحادج عليها ؟؟؟

 

[<<لمار>>]

ماافكر بهالسالفه كلش اخاف الصراحه واساسا انا قصه مع الخدم تعبنا من ود ييب بس انا ماهد اعيالي معاهم كلش حتي اذا بطلع معاي اواخليهم عند امي اوابوهم

 

[AVE.NJ]

عطيهم الثقه الخدم احسن
لا تعيشين بقلق
والله الحافظ
عامليها زين وبس
والله يحميكم من كل شر

 

[Cute mama]

اي زين تسوين
الخدم ينخاف منهم
انا بعد قاعده افكر اركب كاميرا
الله يحفظ عيالنا من كل شر​

 

[توته شيطونه]

ماعندى خدامه كرهتهم

 

[قسي قلبك تعيش]

انا بعد بركب باذن الله شفت واحد حاط اعلان كاميرات وتقدرين تشوفينه بالنت عن طريق الفون وانتي اي مكان وهو بالشقه بشوف بكم

 

[Melazlaza]

مو حل!!!
جذي مافي ولا خدامة بتكمل وياج لان ولا وحدة واضمنلج بالعشر ولا وحدة بتتعامل من وراج نفس جدامج مع العيال

الحل لا تتركينهم بروحهم معاها وبس

 

[om al ghaleen]

ما ايد سالفه الكاميرا
بتعيشين بقلق ماله اول وتالي
والله يحفظ عيالنا

 

[مصر-الكويت]

اختي شركة زين تسويلج كاميرة
وتوصلينها بالايفون

 

[قموشه21]

اول شي بخصوص الكاميرا تلاقين بالجرايد الصغيرة الصفا والويك اند ونص الاسبوع اليي تيي ويا الجرايد اهني يبيعون علي 30 دينار او اقل

ثاني شي هذا مو حل اذا بتركبينها وخدامتج مثلا نقوةل انها زينة وولدج سوا شي غلط صارخت فيه لمصلحته وانتي يتي وشفتي بتتعبين ولاخدامه بتقعدد عندج ..

ثالث شي تقولين خدامتج مو شي شالي حادج تخلينها بتتعبين وانتي اول ماتحطين الكاميرا شرط ثاني يوم انتي موديتها للمكتب ..

انا اقول نصيحتي لج عندي لج شي يحفظ ولدج ومستحيل يجيسة شي .. استودعيه عند ربج قبل ماتروحين قولي
اللهم اني استودعك ولدي فلان فحفظة ياربي عندك اللهم اني استودعك ولدي وبيتي وخدامتي فحفظهم ياربي عندك

شرط مايصيبه شي دامج حفظتيه .. وبس

 

[ننوسه 5]

مفكرين من زمان انا وريلي انركب بشقتنا
بس ان شالله الفتره اليايه بنركب من بعد حلقة خالد العبدالجليل
ان شالله

بس عفوا اذا الخدامه مو مريحه وعندها سوابق شحادج عليها ؟؟؟

حياتي الله يسلمج لها سوابق اقصد :
انها اتضيع اغراضي وتقول مادري !
ولدي دايما يصارخ لي تبي تاخذه ما يبيها !
كلمن يشوفها يقول مو مريحه !
والصراحه صعب تحصلين خدامه بسررررررعه ! ولا يمكن توصل و يمكن ما توصل ! وعلى حسب يمكن مشتغله ((همن يخوفون لان يعرفون كلشي)) واللي اول مره مو مشتغله ((تعالي علمي وفهمي))

:eh_s(17):مشكوره حبيبتي

 

[ملاك ^ الحب]

انا خدامتي الاوليه كانت وايد زينه اامن على بنتي اذا خليتها عندها

بس الحين خدامتي اليديده او اموت ما اخليها عندها بنتي اصلا ماتبيها <<< احسن

اذا بطلع بنتي اخذها معاي او اخليها عند امي او ابوي او وحده من خواتي

اذا تحسين ان خدامتج مو مريحه لا تفكرين تخلين عيالج عندها حتى لو دقيقه

ما يخالف تعبي شوي روحي وردي بس تسلمين على عيالح او كلش كلش دخليهم حضانه الصبح وبعد الظهر تحت عيونج

حبيبتي هذا ضنى اذا راح ما راح يفيدج شي

 

[طيبة83]

انا اخذت بس للحين ما ركبتها


انتي اخدي وقوليلها هاذي كامرا احنا نشوف حق سكيورتي

لانها اذا عرفت انها مراقبه بتادب وبتتسنع روحها

 

[فـراوله]

بنات نبي ارقام الشركات للي بالوسيط


​

 

[أم العيش]

ذكرتوني برفيجتي بالدوام

كانت تييب خدم نص دوام و كانت تصير مشاكل مع عيالها الصغار و البوق مالها والي

ليما ركبت الكاميرا العادية اللي بالوسيط أم 30 دينار أعتقد و مو واضحة و بس كاميرا وحدة

و تالي دقت على شركة مادري شنو اسمها مالت الأمن و ركبوا لها سستم كامل بكل شقتها

كاميرا بالصالة + كاميرا بغرفة نوم اليهال والخدامة معاهم + كاميرا بالمطبخ + كاميرا بحمام الخدامة + كاميرا بحمام الصالة لاستعمال اليهال

كل هذا تهقون بجم ؟؟؟

بـ 450 دينااااااااااااااااار :eh_s(10)::eh_s(14):

التصوير واااااضح و تقدرين تسوين له زوم تالي وقت اللي بتتفرجين

تشبكين من النت أو من الأي فون أو عادي يتسجل و تردين البيت تشغلينه

مع إنها مصرية مو كويتية - بس والله تقول كل همي عيالي و صحتهم و راحتهم

و اللي بتقول حرام ليش تراقب الخدامة بالحمام و مادري شنو - آنا لو مكانها أركب بالحمام

عشان نتأكد إذا كانت الخدامة نظيفة أو لأ - قبل لا تطلع تغسل إيدها ولا لأ

و إذا تبون اسم الشركة بقولكم عنها عقب ما أسألها​

 

[أم العيش]

تنويه :-

و لا هانوا خواتنا المصريات - بس كان قصدي لما قلت مصرية مو كويتية

قصدت بإن معاشها على قدها مايتعدى ال350 دينار

لذا اقتضى التنويه :eh_s(7):​

 

[ننوسه 5]

ام العيش حبيبتي ممكن نعرف من وين شاريه الكاميرات ؟؟؟؟

 

[نعوومة *كيووت]

أنا ركبت كاميرات في صالة الجلوس وغرفة العيال لان الشغالة تنام وياهم
والمطبخ.

طبعا سوالف ركبتهم وهي ماتدري اول شي شفتها لما كانت تسوي بيض بتحطه بالصحن وطاح منها عالارض وشالته واعطتة عيالي يأكلونه
وتأكل بشكل غريب مع انها دايم تقول ما ابي وبالصاله لما تجلس معاهم وانا مشغولة برا او أسبح تتسدح عالكنب وترفع رجلينها عالجدار الحمداللله والشكر واذا تهاوشو عيالي ولا كنها تشوفهم وتمسك فيهم بقسوة وبغرفة العيال لما يصحى احد منهم يبي شي تحقرة او تقوله روح انت وبنتي الصغيرة اذا بكت ما تقوم لها واذا قامت والمرضعة فاضية خطتها بفمها علشان تسكت وتنام. وسوالف ماتخلص بس خلاص سفرتها وحاليا ماعندي شغالة

بس الكامرات خطتها ديزاين لعيالي يعني معودتهم ان اي شي يأكلوا يرجعو الصحن المطبخ والنسخ يحطونه بالزباله ويغسلون ايديهم قبل الاكل. لا يتهاوشون. وطبعا هم يفكروا ان الكاميرا شغالة وأشوف كل شي والحمد الله *

 

[قسي قلبك تعيش]

سويت سيرج كاااامل انا باخذ من هالشركه لانه ميزته وانتي بره البيت تقدرين تشبكين عالسستم اللي حاطته بشقته وتشوفين شيصير وانتي برهوالحلو بعد انه عليه كفاله 3سنوات
22456886
90028653