زوجى غريب

[ام فاطمة وزهراء]

بنات شلونكم

بعد التفكير الطويل والصياح وعوار الراس :eh_s(11): فكرت ومالقيت غيركم ياخواتى تساعدونى خاصه وانى من قبل طرحت مشكلة بناتى ويالاكل وعطيتونى الحل واللحين الحمد لله كل شى تمام .

انى عندى مشكلة مع زوجى صار لى مدة مو عارفه احلها ياريت تساعدونى وتشاركونى وتعطونى من تجاربكم يمكن احصل الحل :eh_s(10):


زوجى شخصية غريبة مامرت على اهو واهلى ناس غريبين انا انسانة اجتماعية بطبعى وعندى واجد معارف وسوشل بس زوجى واهله مامروا على
اقول لكم اشلون زوجى كان فى بداية حياتنا قبل الاولاد زين وهادئ وحنون وبس حملت تغير صار عصبى وكله يطلع ويتركنى وكانت عندى وياه مواقف كريه ويالحمل وماكان يعاملنى زين عكس الريايل مع انى حملى تأخر 3 سنيين بس شقول الحمدلله ولدت وعندى ولدى اللحين 3 سنوات وعندى توائم 11 شهر بس زوجى كله متملل دايما يعصب وينفعل على اتفه الاسباب على اي شى تافه والاشياء المهمة اللى تحتاج حل واهتمام يهملها انا فى صوب وهو فى صوب من ناحية تربية ولده ساعات يدلعه وساعات متملل منه حتى الولد يكلمه مايرد عليه .

المفروض انه للحين شباب واحنا فى بداية العمر وكله تعبان من الشغل واول فرصه يحصلها كشخ وطلع ولين اكلمه يقول انا اطحن يقصد كله اتشكه انزين المفروض انى مااشكى حق زوجى عن مشاكل اولادى ؟؟؟؟

انزين ليش مايحب يتحمل المسؤلية ليش اخوانه يساعدون زوجاتهم حتى فى عمل رضاعة الحليب , انا امه ماتحبنى مع انى واجد تقربت لها بس كله تشوشه على ولين رحت لازم نغزات ولا ماترتاح وانا اطنش علشان اولادى وحاولت افهم زوجى انه متغير واسأله اش فيه غريب اما يسكت او يقول اش تبين اقول او يتهاوش معاى شسوى مو مرتاحه زوجى كلش مو الشخص اللى اول ماتزوجته

اشلون اكسبه انا اعرف انه يحبنى نختلف شوى وتالى لازم يتأسف ويقول انه يحبنى

انزين ليش كله متملل وتعبان ومايحب يتكلم وكله سرحان ولايحب يسوى شى فى البيت ولين طلبت منه شى تملل وتأفأف :rgewrg:

تعبانه تكفون لا تردونى ولا تبخلون على بالنصيحة انا كل شى على راسى تربية اليهال وشغل البيت احس انى فاشله ماقدرت اكسب امه وخواته كله مشاكل ولااكسب زوجى ابى ارجع حبيبى القبلى زوجى وابى اعيش سعيدة واشوفه زوج سعيد وهادئ ودى اشوفه يهتم بالاولاد والبيت وانا لقعد معاى اما سرحان او نايم او فى التلفون او التلفزيون ولين تكلمت معاه بالغصب يرد :eh_s(11): تعبانه بنات بنفجر من القهر حاولت وياه وتكلمت لين اكلمه ماعنده كلام ولين تكلم يجرحنى بالكلام .

اشلون اكون زوجه مثالية واشلون اقدر اسعد زوجى واشلون اعيش سعيدة واحل مشاكلى معاه ومع اهله .


مع انى والله شخصية محبوبة وايد عندى ربع وناس تحبنى بس ليش مو قادرة اكسب حب اقرب الناس لى معقولة محد فى بيت عمى يحبنى ليش لو اغيب شهور امه ماطرش حنى سلام ولين حاجيته عن اهله بيه شوى وياكلنى كلش مايرضى عليهم مع انه يشوف اشلون يعاملونى بس عمره ماصف معاى

تهقون انا مااستاهل يصف وياى وليش فى نسوان ماعندهم سنع ومهملين والزوج يموت عليها ومايرضى على زعلها واقف معاها

ياربى تكفون ساعدون ابى حل

 

[شادن33]

ياحياتي اغلب الريياييل يهجون من البيت اذا في يهال صغار الله يهديهم
يمكن انتي شوي اهملتيه لما يوج العيال وكله تتشكين يعني ايي البيت مع ازعاج اليهال وشكاويج ايهج
مع ان شكلج حبوبه ماعليه صبري عليه يمكن فتره وتعدي وانتي هيئئ الجو المريح بالبيت
واهله ماقصرتي فيهم عليج بريلج ولاتقارين الريياييل بريلج من ناحيه تربيه اليهال يختلفون ترى

 

[انثى عاشقة]

الي متعبج انج تبين تكونين مثالية !!
وارضاء الناس غاية لاتدرك ياقلبي

اول شي انتي حبي نفسج ودلعي نفسج واشتري لها هدايا بعد
كافئي نفسج ع تعبج مع البيت والعيال ..

وتالي نجي نشوف وضع زوجك واهله:eh_s(17):

بالنسبة لزوجك ترى ياقلبي لاتقارنيه بأخوانه وجذي
حاولي تشوفين ايجابياته وتعاملي معاه ع اساسها ..
ع فكرة اغلب الرجال يكرهون صجة اليهال ومسؤولياتهم
انتي المطلوب منج وفري له الجو الهادي عشان يقعد معاكم بالبيت
يعني نومي العيال بدري ولا تشتكين له كثير من عياله
خليه يحس ان بيته جنة ما تنمل
مع الوقت راح يندمج معاكم اكثر وبيشيل مسؤوليات العيال ..
واذا وضعكم المادي زين اطلبي شغالة
تشيل عنك مسؤوليات البيت شوي .

بالنسبة لأهله لاتشتكي منهم قدامه
طووووفي ومشي معاهم
خليك طيبة وعامليهم زين ولا تحتكين فيهم كثير
وعيشي حياتك الاجتماعية بالطول والعرض مع اهلك وصحباتك

اشتغلي ع هواياتك الي تحبينها ..

وربي يسعد قلبك ويريح بالك يارب :yaaaaaarb:​

 

[ام كوثر2007]

ام فاطمه .. صلي علي النبي اول شي .. وهدي نفسج .


من قال انج فاشله ؟ ومن قال انه الحياه كلها حلوه؟


انتي ذكرتي كذا شغله بريلج وبحاول ارد عليج باللى اقدر عليه .


تدرين انج سبب كبير بتغير تصرفات ريلج .


يمكن بتستغربين من كلامي .


اول نقطه في الموضووع .. انج تقارنين نفسج مع الغير وهذا اكبر غلط المرا تسويه .


انج تقارنين نفسج مع حريم حموينج او مع رفيجاتج ورياييلهم

يا قلبي ريال عن ريال يفرق .


تقولين ما يسوي شي بالبيت . زين اشتبينه يسوي ؟

مو كافي عليه دوامه وانه يترزق الله عشان يوكلج مع عيالج ؟

هالدور تبين يفتر راسه بمشاكل البيت واليهال؟


وعيالج اسم الله عليهم توهم صغار علي شنو تبين تشكين له عنهم ؟ شنو نوع مشاكلهم اصلا عشان تكلمينه عنهم؟

طول عمرنا واحنا ندري انه البيت والعيال من مهام الزوجه والريال ماله شغل فيها.


طول عمرنا واحنا شفنا امهاتنا فوق روسنا اهي اللى تطبخ وترتب وتربي وتدرس وتودي طبيب والابو بالدوام

يعني التربيه كلها علي الام والاب موجود للازمات اللى تعيق الام في التربيه .. وحق وقت الضيج مثل ما يقولوون .

ريلج قاعده تخسرينه من تصرفاتج يا قلبي .. كثر الكلام عن البيت واليهال واهله وليش متغير وشفيك وهالامور كلها تخلي الريال ينطر اي فرصه بس عشان يطلع من البيت .


الريال بطبعه يحب لا رد من الدوام يتغدا وينام . ويقعد العصر اشوي مع عياله وعقب يسبح ويطلع الدوانيه اوالقهوه وهالشي معرووف .. ما نقدر نغيره لانه انساان ومن حقه يقعد ويغير جو مع ربعه بعيد عن اجواء البيت والمسؤوليه .


ليش نحرم علي الرياييل هالشي ونبيهم دايم تحتنا ؟ وونلعب عليهم دور السجين والسجان .


ليش ما نعطيهم علي راحتهم عشان يحسون انهم مو مقيديين .. اكثر شي ينرفز الريال لا حس بنفسه انه مقيد وانه هالزواج والعيال قيدوه وشلو حركته .

تقربتي من اهله وما فاد .. حاولي انج تخففين من القعده وياهم منتي ملزومه تجابلينهم اربع وعشرين ساعه .

طلي طله علي خالتج الصبح لمن ما يكون احد موجود واخذى بخاطرها وطلعي فوق .

والزم ما عليج خالتج لانها امه .. ولا لج شغل لا بخته ولا بخوه لانهم اساسا مو من اولويات حياتج.

لا اتيبين طاري اهله جدامه لانج مثل انتي ما ترضين علي اهلج حتي لو كانو غلطانين اهو بعد ما يرضاها عليهم .


وعسى الله يهديه ويسخره لج ودايم ادعيله بدال ما تشكين منه .. وعسى الله يوفقكم . وطمنينا عليج .

 

[Mjnont '3lay]

شاااادن حالفه ومسويه عقد اتفاااااق مع كل موضوع انج انتي اول وحده تردين احسج حاطه كرسي وقاعده عند باب قسم الحياة الزوجيه كل ما جت وحده استقبلتيها بالاحضان
ماشاءالله عيني عليييج باااارده << تتفل عليها عن الحسد



ايه شيسمونه اقوولج يا ام فطومه في بعض الرياااجيل يهجوون من البيت اللي في بيبي يعني عندهم عقده من صياح الورعان وجذي عاد انتي حاولي غيري من لوووكج وستايلج ودايما نومي ورعانج قبل وصول زوجج للبيت واول مايجي اخذيه بالاحضااان يعني عامليه بالضبط مثل ايام الزواج قبل يعني لا تخلينه يحط الورعان عاقبه بينكم واذا صد عنج لزقي فيه عادي زوجج مافيها شي و احضنيه مثل الطفل اخذيه بحضنج دلعيه قوليله انت اليوم البيبي مالي بدلعك واوكلك بيدي وانومك بحضنك صدقييييني الرجال مهما يكبر بس يمووووووووووووت على هالسواااالف حسسيه انه طفلج المدلل واعتبريه اهو و ورعانج وااااحد يعني شلون انتي تساوين بين ورعانج ولا تفرقين بينهم او تحبين واحد اكثر من الثاني زوجج نفس الشي بالضبط ساويه معاهم واكثر وحبيه اكثر منهم واهتمي فيه اكثر منهم وكل ما يدش البيت خليه يلقى البيت هادي ومريح عشان ما يمل ولا يزهق انتي ما تلاحظين انه الرجال كل ما يوصل لي سن الاربعين وافوق يروح يدور على بنت فرفوووره صغيره ليش؟؟؟ عشان يبي الدلع والدلال لانه الرجال كل ما يكبر عقله يصغر اكثثثثر حطي هالقاااعده براااسج عدل عشان تعرفين تتعاملين مع زوجج والله يوفقج يارب

 

[حجيه هيونه]

باجر مع الوقت ولي كبروا اليهال واهو كبر بيتغير كل هالكلام

كلهم بالبداية جذي يتطفشون بس بعدين يتكنون ويمسكون ارضهم


الله يهديه ويسخره لج

 

[واي بفضفض]

اخذي شوري وطيعيني:

1- طنشيه واهتمي اهتمام زااااااااااااااااااااايد بنفسك ودلعي نفسك ودايما تكشخي خليه يتساءل هذي ليش مطنشتني ومهتمه بنفسها ؟؟!! اشغلي تفكيره وخليه براحته لا تقولين له اشفيك ما فيك

2- حبي نفسك حب لا صار ولا استوا

3- لا تتكلمين عن اهله ولو بحرف واحد.

4- لا اتعبين نفسك مع اهله غييييييييييييييييير مهم ، سلام سلام وخلصنا لا هم من رحمك ولاا الله بيسألك عنهم وانت ما غلطتي بشي مو بكيفهم بالكويتي ( بالطقااااااااااااااااااق)

5- خلي عندك طلعات ورفيجات بالإسبوع مره حتى لو مع عيالك وديهم العاب وقعدي انت بكافيه مع اي احد.

سوي جذيه لمده شهر وشوفيه اشلون يركض


طبعا اهتمي بوزنك وخليه يشوفك انك مسويه ريجيم ,,,,,,,,,,خليه يفكر فكر يفكر


وناطره النتيجه

 

[$$king moon$$]

شاااادن مو صج انتي خخخخخخخخخ
اي موضع ادخله اقول اكيد بترد اول وحده شادن
مشالله عليج
عندي لج سؤال متى تنامين وتقعدين ومتزوجه وموظفه ولا لأ
وعندج بيبي وسلاااامتج صاروا مليون سؤال
نرجع حق محور حديثنا حبيبتي حاولي اتودين عيالج عن الوالده
او احد من خواتج وقعدي معاه بروحكم او طلعي مع بروحكم
شوفي اهو متغير من الياهال او لأ
او سافري معاه وخلي عيالج عند امج وجددي حياتكم

 

[شادن33]

شاااادن حالفه ومسويه عقد اتفاااااق مع كل موضوع انج انتي اول وحده تردين احسج حاطه كرسي وقاعده عند باب قسم الحياة الزوجيه كل ما جت وحده استقبلتيها بالاحضان
ماشاءالله عيني عليييج باااارده << تتفل عليها عن الحسد



ايه شيسمونه اقوولج يا ام فطومه في بعض الرياااجيل يهجوون من البيت اللي في بيبي يعني عندهم عقده من صياح الورعان وجذي عاد انتي حاولي غيري من لوووكج وستايلج ودايما نومي ورعانج قبل وصول زوجج للبيت واول مايجي اخذيه بالاحضااان يعني عامليه بالضبط مثل ايام الزواج قبل يعني لا تخلينه يحط الورعان عاقبه بينكم واذا صد عنج لزقي فيه عادي زوجج مافيها شي و احضنيه مثل الطفل اخذيه بحضنج دلعيه قوليله انت اليوم البيبي مالي بدلعك واوكلك بيدي وانومك بحضنك صدقييييني الرجال مهما يكبر بس يمووووووووووووت على هالسواااالف حسسيه انه طفلج المدلل واعتبريه اهو و ورعانج وااااحد يعني شلون انتي تساوين بين ورعانج ولا تفرقين بينهم او تحبين واحد اكثر من الثاني زوجج نفس الشي بالضبط ساويه معاهم واكثر وحبيه اكثر منهم واهتمي فيه اكثر منهم وكل ما يدش البيت خليه يلقى البيت هادي ومريح عشان ما يمل ولا يزهق انتي ما تلاحظين انه الرجال كل ما يوصل لي سن الاربعين وافوق يروح يدور على بنت فرفوووره صغيره ليش؟؟؟ عشان يبي الدلع والدلال لانه الرجال كل ما يكبر عقله يصغر اكثثثثر حطي هالقاااعده براااسج عدل عشان تعرفين تتعاملين مع زوجج والله يوفقج يارب

لايسمعج ريلي بروحه لايعه جبده من قعدتي ع الايبادههههه شسوي احب اساعد

 

[شادن33]

شاااادن مو صج انتي خخخخخخخخخ
اي موضع ادخله اقول اكيد بترد اول وحده شادن
مشالله عليج
عندي لج سؤال متى تنامين وتقعدين ومتزوجه وموظفه ولا لأ
وعندج بيبي وسلاااامتج صاروا مليون سؤال
نرجع حق محور حديثنا حبيبتي حاولي اتودين عيالج عن الوالده
او احد من خواتج وقعدي معاه بروحكم او طلعي مع بروحكم
شوفي اهو متغير من الياهال او لأ
او سافري معاه وخلي عيالج عند امج وجددي حياتكم

امبييه صاحبه الموضوع بتكفخني :rgewrg: هديتوا الموضوع

هههه. كل السالفه حبيبتي أني أداوم فى المنتدى الصبح اغلب الاحيان
لان العصر لازم اجابل اليهال ودراستهم وريلي ولا بيزنطني اذا جابلت المنتدى:rgewrg:

اسفه صاحبه الموضوع:eh_s(17):

 

[ماني من الناس]

خخخخ ضحكتوني بنات قلبتوا الموضوع ع سالفه شادن
انا اقول لكم ليش لان المشرفات ينزلون المواضيع الصبح وهي ترد هالوقت فصاير فيه تنسيق بالوقت خخخ عشان البنات لا يصكونج عين
المهم صاحبه الموضوع اخذيها قاعده كلما حبيتي نفسج اكثر وكشختي اكثر وطنشتي اللي صوبج اكثر اشعلتي الفضول في مخه وجا لج

كلما بينتي انج تكسرين الخاطر وحالتج حاله ابتعد عنج

الريال يخاف ويحب المرأه القويه

يعني يخاف لما يشوف زوجته قويه وبالتالي يرجع لها لان حسسته انه ضعيف ووجوده عادي

ويحبها لان الانسان يحب يشوف الشخص اللي جدامه. قوي والشخصيه القويه جذابه ومثيره

سالفتهم سالفه ادري بس هذا ماتوصل له العلم

 

[ام فاطمة وزهراء]

ياحياتي اغلب الريياييل يهجون من البيت اذا في يهال صغار الله يهديهم
يمكن انتي شوي اهملتيه لما يوج العيال وكله تتشكين يعني ايي البيت مع ازعاج اليهال وشكاويج ايهج
مع ان شكلج حبوبه ماعليه صبري عليه يمكن فتره وتعدي وانتي هيئئ الجو المريح بالبيت
واهله ماقصرتي فيهم عليج بريلج ولاتقارين الريياييل بريلج من ناحيه تربيه اليهال يختلفون ترى



شادن
مشكورة اختى على الرد صح كلامج مع انىاحاول انى مااشكه واجد بس لان ماعندى خدامة وتربية التوائم صعبة والله المعين

بس اوعدكم انى اخلى البيت هدوء واطهحن على قولة ريلى وبخبركم بالنتيجة :eh_s(8):

 

[ام فاطمة وزهراء]

اخذي شوري وطيعيني:

1- طنشيه واهتمي اهتمام زااااااااااااااااااااايد بنفسك ودلعي نفسك ودايما تكشخي خليه يتساءل هذي ليش مطنشتني ومهتمه بنفسها ؟؟!! اشغلي تفكيره وخليه براحته لا تقولين له اشفيك ما فيك

2- حبي نفسك حب لا صار ولا استوا

3- لا تتكلمين عن اهله ولو بحرف واحد.

4- لا اتعبين نفسك مع اهله غييييييييييييييييير مهم ، سلام سلام وخلصنا لا هم من رحمك ولاا الله بيسألك عنهم وانت ما غلطتي بشي مو بكيفهم بالكويتي ( بالطقااااااااااااااااااق)

واى عجبنى ردج كلامج واقعى جدا وراح اطبقه


وخاصه سالفة انى اطلع مع صديقاتى وياليهال فكرة جهنميه ان شاءالله اقدر اسويها

وفكرة الرجيم انتى زوغه مثل كلامكم ...



بنات انتوا :eh_s(15):


احبكم
5- خلي عندك طلعات ورفيجات بالإسبوع مره حتى لو مع عيالك وديهم العاب وقعدي انت بكافيه مع اي احد.

سوي جذيه لمده شهر وشوفيه اشلون يركض


طبعا اهتمي بوزنك وخليه يشوفك انك مسويه ريجيم ,,,,,,,,,,خليه يفكر فكر يفكر


وناطره النتيجة


مشكورة اختى انتى :eh_s(15): وايد كلامج واقعى

وفكرة انى اطلع وياصديقاتى وياليهال عجبتنى وان شاءالله تنحل مشاكلى

بنات احبكم كلكم

 

[ام فاطمة وزهراء]

بنات شكرا لكم كلللللللللللللكم

ماقصرتوا خواتى فتحتتوا عينى على شغلات انا مااشوفها والحل بسيط ترى

الحمدلله انى حصلت خوات مثلكم ينصحونى انا وايد منشغله باليهال وناسيه نفسى وكلامكم صح وراح اغير حياتى من اليوم ونصائحكم كلكم فى بالى وراح اتبعها

ادعوا لى فى صلاتكم ان الله يسخر لى زوجى ويكون نعم الزوج والاب وهداية اولادى


بنات ماابى انسى اسم احد كلكم ياخواتى مشكورين اللى رديتوا على

الف شكر :yaaaaaarb:


اختى ام كوثر الصراحة يعجبنى تفكيرج واكثر من مرة تواصلت معاج ممكن تكلمينى على الخاص

 

[أم ميميتو]

حبيبتي احنا الحريم الله خلقنا صبورين عتدنا قدره على الصبر و التحمل نقعد ليل نهار بالبيت و مجابلين اليهال اما الريال ما يتحمل انا عندي ولد اسم الله عليه عمره سنه و اربع شهور عاد زوجي يحبه و ولدي وايد متعلق في عاد قبل ثلاث ايام كنت بروح عرس صديقتي مع امي وخالتي ام زوجي انا ما عندي خدامه عاد خالتي غيرت رايها ما تبي تروح عشان تبي تمسك ولدي وانا خذيتها ما خليتها قلتلها انا قاصده ابي ابوه يمسكه و يجابله شوي عاد خليته مع ابوه من الساعه اربع ونص لي الساعه وحده هههههههه قالي شنو هذا دوخني و عفس البيت و كل شوي اغيرله حفاظته و كت الماي على ملابسه و رجعت غيرتله مره ثانيه قلتله عشان تحس فيني وانا مجابلته طول اليوم عاد قلتله انا بخصص يوم اخلي ولدي عندك واخذ اجازه حبيبتي الريال ما يحس بتعب الي المرا تتعبه لان مفكر انها قاعده بالبيت مجابله التلفزيون او نايمه لي الظهر لازم الريال يجابل عياله شوي عشان يحس و يقدر *

 

[shy rose]

الي متعبج انج تبين تكونين مثالية !!

وارضاء الناس غاية لاتدرك ياقلبي ​

اول شي انتي حبي نفسج ودلعي نفسج واشتري لها هدايا بعد
كافئي نفسج ع تعبج مع البيت والعيال ..​

وتالي نجي نشوف وضع زوجك واهله:eh_s(17):​

بالنسبة لزوجك ترى ياقلبي لاتقارنيه بأخوانه وجذي
حاولي تشوفين ايجابياته وتعاملي معاه ع اساسها ..
ع فكرة اغلب الرجال يكرهون صجة اليهال ومسؤولياتهم
انتي المطلوب منج وفري له الجو الهادي عشان يقعد معاكم بالبيت
يعني نومي العيال بدري ولا تشتكين له كثير من عياله
خليه يحس ان بيته جنة ما تنمل
مع الوقت راح يندمج معاكم اكثر وبيشيل مسؤوليات العيال ..
واذا وضعكم المادي زين اطلبي شغالة
تشيل عنك مسؤوليات البيت شوي .​

بالنسبة لأهله لاتشتكي منهم قدامه
طووووفي ومشي معاهم
خليك طيبة وعامليهم زين ولا تحتكين فيهم كثير
وعيشي حياتك الاجتماعية بالطول والعرض مع اهلك وصحباتك​

اشتغلي ع هواياتك الي تحبينها ..​

وربي يسعد قلبك ويريح بالك يارب :yaaaaaarb:


​

عدل كلامها :rerrerek:

 

[شذى الحب]

والله مادري ندلع الريال ونحضنه مثل الياهل ولا نكشخ ونحقره ؟

 

[حبك بلاني!]

مادري احسج متعبه روحج هذي فتره وتعدي الحياه حلوه خلي يومج عاادي ريلاااكس.......

 

[ام زهقانه]

اقول الاستغفار يسخر الزوج وحسني معانتك مع اهله اكثر وعزيميهم علي عشا مثالا

 

[درة أهل الطولات]

الله يكون بالعووووووووون