دكتور للاذن شاطر

[~~ FENDI ~~]

بنات تعرفون دكتور أذن وحنجرة زين ؟ ريلي تعبان حده ومن أمس دايخ مو قادر يرفع راسه .. المستوصف عطوني تحويل لمستشفى الصباح بس أنا حابه خاص أحسن ؟ شرايكم ؟

ياريت اتفيدوني

ومشكورين ...

 

[د.شريفة]

انا عن نفسي اراجع الدكتور سند الفضاله في مستشفى طيبه كلينك ممتاز

 

[ii DareeN ii]

د عبدالله العلي وماتشوفون شر

 

[~~ FENDI ~~]

انا عن نفسي اراجع الدكتور سند الفضاله في مستشفى طيبه كلينك ممتاز

رحناله وايد زين .. قاله التهاب بالاذن ... يزاج الله خير

 

[~~ FENDI ~~]

د عبدالله العلي وماتشوفون شر

ماقصرتي حبيبتي والشر ما اييج يارب

 

[بطعم الكاكاو]

دكتور عبدالحميد المهنا في مستشفى طيبة

وااايد زيييين والصراحة صيتية بالكويت حلو والكل يمدحة

ومايشوف شر ريلج

 

[أم منصور]

احنا مسمينه طبيب العايلة


د. جمال الحربي


وخصوصا عيالي يحبون يروحون له لآنه


ماشاء الله عليه يعرف شلون يتعامل مع الأطفال


لدرجة ان ولدي بيصير طبيب كثر ما حبه


وهو استشاري أنف واذن وحنجرة لكن متخصص بالأذن


بس روحي مبكر لآنه كله زحمة عنده ومايشوف شر زوجك

 

[المزيونة^]

مثل ما قالو البنات عندج سند الفضاله - عبدالله العلي -
(جمال الحربي- خالد الصبيح - جمال مطر) هذوله كلهم في مستشفى زين (mtc سابقا) ممتازين بس عليج النطرة بالدور
حتى عيادة عبدالله العلي زحمة موووووووووت و الموعد من الصبح الساعة 7 تاخذين رقم و يشوفج الساعة 12
وسلامتكم و ماتشوفون شر

 

[~~ FENDI ~~]

دكتور عبدالحميد المهنا في مستشفى طيبة

وااايد زيييين والصراحة صيتية بالكويت حلو والكل يمدحة

ومايشوف شر ريلج

الشر ما اييج بعد عمري .. ادعوا له مسكين حده تعبان

 

[ام رغودة]

جم فتح الملف عندهم مرة رحنا عند الدكتور خالد الصبيح يعنى مو ذاكرة بالضبط اسمة الاول بس ولد الصبيح وعيادتة عند مطعم شلاويط فحص عادى وتنظيف ذن من الشمع لاطفالى اخد على كل واحد واحد 77 دينار وايد غالى طلغنا واحنا منصدمين ما سوا شى

 

[~~ FENDI ~~]

احنا مسمينه طبيب العايلة


د. جمال الحربي


وخصوصا عيالي يحبون يروحون له لآنه


ماشاء الله عليه يعرف شلون يتعامل مع الأطفال


لدرجة ان ولدي بيصير طبيب كثر ما حبه


وهو استشاري أنف واذن وحنجرة لكن متخصص بالأذن


بس روحي مبكر لآنه كله زحمة عنده ومايشوف شر زوجك

مشكوره حبيبتي والشر ما اييج

 

[~~ FENDI ~~]

مثل ما قالو البنات عندج سند الفضاله - عبدالله العلي -
(جمال الحربي- خالد الصبيح - جمال مطر) هذوله كلهم في مستشفى زين (mtc سابقا) ممتازين بس عليج النطرة بالدور
حتى عيادة عبدالله العلي زحمة موووووووووت و الموعد من الصبح الساعة 7 تاخذين رقم و يشوفج الساعة 12
وسلامتكم و ماتشوفون شر

تسلمين يا قلبي .. انا الي رحت له د. سند الفضاله نطرنا ساعتين الصبح والله كريم

 

[حبيبته آنا]

الدكتور جمال الحربي وايد شاطر بهالمجال

 

[أم منصور]

عزيزتي FENDI


توقيعك حلو جدا وهذه الأبيات جميلة جدا ومؤثرة وتوصل القلب كالسهم ، وطمنينا زوجك راح وشصار عليه هذي الأمور ما يبيلها تأخير يمكن متعلق بالأذن الوسطى ( آنا صرت دكتورة و أشخص خخخخخخخخخ) ، الله يشفيه وعلى فكرة نقلت الأبيات بتلفوني وكل مده أقراها بالدوام منو كاتبها تعرفينه اذا ما فيها ازعاج . :eh_s(6):


أم منصوووووووووووور