دخلت علينا هالشتويه..واشتهينا المرقوقه..برد برد..تفضلوا تدفوا

[حلوة ومملوحة الكويت]

السلام عليكم ورحمة الله وبركاته​

*الحمدلله الذي اطعمني هذا الطعام ورزقنيه من غير حول مني ولا قوة*​

حبيباااتي ...ماتحلا المرقوقه الاا بهالجو البارد
ناااطعه ...ماينشبع منها..خصوصا لا صارت توها منجوبه وحارة ..تدفي​

صج هذا وقتها​

الطريقه:​

نحمس بالجدر بزيت بصلتين مفرومين ناعن..ولا تشوقروا نضيف عليهم الثوم المفروم حوالي 4 فصوص ثوم..واذا تبين تكثرين ..انطع​

​

نحرك بسرعه لا يحترق الثوم ..ونضيف بهاراتنا ..ملعقة اكل بهارات مشكله+ ملعقة اكل فلفل اسود+ ملعقة اكل كركم+ نص ملعقة كزبره مطحونه+ ربع ملعقة اكل هيل ناعم+ربع ملعقة اكل كمون مطحون+ مكعب ماجي+ ورق غار​

​

نحمس عدل ..ولا تمازجت البهارات عدل..نضيف قطع اللحم المغسوله
ونحرك..نخلي البهارات والبصل يغلف اللحم ..ويتشرب نكهتها​

​

​

​

نضيف حوالي طماطتين مقصصين ناعم..ونحرك ..ونغطي الجدر شوي ..نبي الطماط يذوب ويختفي ..يصير مثل الصوص..وبعدين نضيف علبة معجون ونحمس عدل ..​

​

​

ولا طلعت ريحة البهارات من الحمس
نكون مجهزين لنا ماي حار نضيفه على الجدر تقريبا 3ارباع الجدر
لان اللحم يبيله وقت بالطباخ..والعجين الي راح نضيفه راح يشرب من مروق اللحم​

(ملاحظه: للي ما تحب اللحم تقدرين تستخدمين نفس الطريقه مع الدجاج..بس طبعا يبيله وقت أقل بالطباخ)​

هذا الماي على النار​

​

ضفناه​

​

ونضيف لومي اسود وجم حبة بطاط على عدلها..آنا بالمرقوقه ما احب اقشر البطاط
اخليه مثل ما اهو..انطع واحلى​

​

​

وعقب نص ساعه من طبخ الجدر..اضيف قطع القرع والفلفل البارد
وضفت شوية عدس.. تقريبا حوالي قبضة كف ايدج عقب ماغسلته..وخليته يطبخ مع ماسبق..طعمه مميز​

​

نخلي جدرنا يطبخ على النار..ونسوي عجينة المرقوق​

مقاديرها:
قلاصين طحين ابيض+ ثلاثة قلاصات طحين أسمر
ملعقة ملح+ ملعقة سكرصغيره
ماي قلاصين وربع..وانتي عاد تقدرين بالنظر اذا عجنتي اذا محتاجه تزيدين او لا
والقلاص الي استخدمته قلاص الجبن الكبير​

نعجن العجين..وطريقته انج تضربينه بايدج ليما تحسين انه شرب كل الماي وتجانست وصار قوامها زين ..لا رخوة حيل ولا يابسه​

​

تخلينها حوالي نص ساعه وبعدين تبدين ترقين بالشوبك = وهو اداة رق العجين​

تنبيه: الي ماتعرف تعجن..تقدر تطلب العجينه الجاهزة من الخباز الايراني واهي بس ترقها وطبعا تنتبه للملح لان عجينة الخباز تكون مالحه..لا تكثر الملح
أو تستخدم الخبز البناني وتضيفه على المرقه..أو الخبز الايراني الجاهز تضيفه
طبعا عقب ما تقصصهم لأرباع أو اقل
وراح يعطيها نتيجة روعه..جنها مرقوقة مسوينها بعجين​

هني كورت العجين كور​

​

​

وكبرتها شوي خليتها دائريه بايدي​

​

وبديت ارقها بالشوبك..وطبعا ضروري يكون عندج طحين ناثرته حولج..علشان تاخذين وتحطين على العجينه لا تلصق بالشوبك كل شوي وتتأذين​

​

ونظفت الرخام وجهزت عليه كذا عجينه​

​

نبتدي نضيف العجين المرقوق لجدرنا​

​

وحده وحده ..ونغمرها بالمرقه واحنا نحطها..ونبلش بلي بعدها​

​

رجاءن حبيبااتي لو تكرمتوا لحد يرد..بكمل الموضوع والصور...​

 

[حلوة ومملوحة الكويت]

نتابع​

وضروري كل شوي تبطلين الجدر وتحركين علشان المرقوقه تشرب المرقه..تحركين عدل بخفه​

​

نخلي المرقوقه على النار..نار هاديه ونراقب العجينه لا يقل الماي فيها
ولازم يكون عندج شوية ماي حار بغوري..علشان اذا بغيتي تزيدين الجدرماي
وتحركين لا تصير المرقوقه جامده حيل..​

وآخر شي..ضفت شوية سبانخ مفروم ..هذا موسمها وحبيت اضيفها
تخلي الطبخه صحيه وعطت المرقوقه طعم حلووو..وهالشغله اختياريه مو ضروري تسونها حبيباتي راجعه للذوق الشخصي​

​

وجهزت مرقوقتنا..تفضلوا هني وعافيه على قلوبكم وقلوب من تحبون​

نثرت عليها شوية معبوج..يمي يمي​

​

​

​

​

ياحلات البطاطه..ذااايبه :ggdw:​

​

​

​

​

​

​

​

​

​

:33_1185028183::33_1185028183:​

 

[الريشة]

تسلم ايدج
:eh_s(15): ​

 

[أملي بعد الله]

تهبلللللللل ربي يسلمج دياتج واااي شهويتيني تدرين احنا نسويه باللازانيا ولا عمري جربت العجينة وإن شاء الله لنا تجربة

الله يعافيج يااااارب ويسلم ايدينج روعة بصراحة ويوم قلتي البطاطة ذايبة دخت وااااي جعت جعت جعت أبي

عساها عوافي ياااااارب عليكم ومداخيل الهناء والعافية يااااااارب

 

[حلوة ومملوحة الكويت]

تهبلللللللل ربي يسلمج دياتج واااي شهويتيني تدرين احنا نسويه باللازانيا ولا عمري جربت العجينة وإن شاء الله لنا تجربة

الله يعافيج يااااارب ويسلم ايدينج روعة بصراحة ويوم قلتي البطاطة ذايبة دخت وااااي جعت جعت جعت أبي

عساها عوافي ياااااارب عليكم ومداخيل الهناء والعافية يااااااارب

الله يعافيج حبيبتي
تسلمين على هالرد الحلوو
وآنا متعمده احط صورة البطاطه الذايبه
أدري في ناس وايد يموتون عليهااا
واولهم آنا وعيالي..هههههه:bbbiu:
منوووره​

 

[صابرة رغم الجروح]

بالعافية عليكم يااارب

تسلم ايدج

 

[سارونه الامورة]

مشكوووووووووووووووووووره

 

[nadoooy]

تسلم ايدج عاد انا صايمة واموت بالمرقوقة شهيتيني وايد يمكن باجر اسويلي

 

[@ام يوسف@]

تسلم ايدج

 

[جارة القمر]

تسلم ايدج



حبيبتي

 

[جمان_الكويت]

واااااااااااااااو تسلم اييييييييييييدج
عاد امووووت عالمرقووووق
يعطيج الف عافيه

 

[أحلى همبه كويتية]

حرام عليج مملوحتنا
والله دخت من مرقوقتك
ما شاء الله شكلها ايهبل
مع انها مو رفيجتي ​

بس والله اشتهيتها ​

بجربها حق الزوارة عقب باجر ان شاء الله
بس بدون لحم او دياي ما احبهم


عوافي والماي دافي​

 

[شندوخه]

تسلم اييدج شوقتيني ماشاءالله تبارك الرحمن
تشبه اللي نسويها في بيتنا بس بيتنا نحط شويه حلبه طازجه مع العجينه تعطينها نطوعه

 

[سمسمة كويتية]

ماشالله تينن
يسلمو

 

[هدفي الفردوس]

تسلم ايدج مملوحه بس غريبه ليش العدس

 

[حلوة ومملوحة الكويت]

تسلم ايدج مملوحه بس غريبه ليش العدس

الله يسلمج حبيبتي
لا تستغربين
العدس الي حطيته ..شووويه
مجرد يعطي نكهة ونطاعه للمرقوقه
وماراح تشوفينه مبين وانتي تاكلين
كميه قليله الي حطيتها
وهالشغله راجعه للذوق الشخصي
تقدرين تستغنين عنه وعن السبانخ..والاكله ماراح تتاثر.
حياج الله​

 

[مقمش لولو]

واى تسلم ايديج ياحلو المرقوقه بهالبرد صج تدفي

عموما اول مره اعرف ان يحطون معاها سبانخ والا هالشي من ابداعج؟

احبها من ايد خالتى ام ريلى الله يقومها بالسلامه ويشافيها

 

[وحيدة امى]

حرم الله ايدينج عن النار الله يخليلج عيالج ويرحم والدينج وانا ميته علي مرقوقه م ايدينج الله يفتحها عليج

 

[حلوة ومملوحة الكويت]

واى تسلم ايديج ياحلو المرقوقه بهالبرد صج تدفي

عموما اول مره اعرف ان يحطون معاها سبانخ والا هالشي من ابداعج؟

احبها من ايد خالتى ام ريلى الله يقومها بالسلامه ويشافيها

الله يسلمج حبيبتي
وعسالله يقوم خالتج بالسلامه
وبالنسبه للسبانخ..آنا ذاكره ان هالشغله حسب الذوق الشخصي
وماتكثرين..مجرد طعم ..وتخليها صحيه اكثر
وخصوصا ان هذا موسم السبانخ
حياج الله،،​

 

[حلوة ومملوحة الكويت]

حرم الله ايدينج عن النار الله يخليلج عيالج ويرحم والدينج وانا ميته علي مرقوقه م ايدينج الله يفتحها عليج

مشكووره على هالدعوه الحلوة
ماقصرتي حبيبتي..لج مثلها ان شاء الله
وآنا أدري انج تبين طريقة المرقوقه
تفضلي..عليج بالعاافيه
ياهلاااا
​