♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا ஐ๑^

[عسووولة زوجها]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

متااااااااااااااااابعه كملي عفيه باخذ فكره انشالله ناويه اسافرلها انا وزوجي

 

[عسووولة زوجها]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

اي صج الريجنت يساوي جم دينار ؟؟؟؟؟؟؟؟؟؟؟

 

[mngo67]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ماشاء الله الصراحة شوقتينا علي ماليزيا من سوالفج الونيسة....وعساج علي القوة...وسلامة بنيتج من الشر

 

[Cute mama]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

:eh_s(9):

:eh_s(9):


:eh_s(9):


عااااشت همهم :eh_s(15):

ماشالله خوش تقرير وايد حلو ودقيق ومرتب
فيه معلومات وايد مفيده وبالتفصيل بعد عساج عالقوه حبيبتي

اااااه ياماليزياااااا وما ادراك ما مايزياااا

مادري شنو السر اللي يخليج تتعلقين فيها جذي

تهبل وشعبها طيب وانظيفه واتحسين بالامان اهناك

واتشوفين من يأذن الكل يهد شغله ويروح يصلي

ونااااسه ذكرتيني بهالمنظر كنت كله اراقبه متى يتجمد ومتى يذوب هههههه اتحسين ماكو شغل

والله زين انتبهتيله عبالي بس انا اللي انتبه حق هالسوالف

وبالنسبه حق اكلهم وايد عجبني
كل شي عندهم حلو وخفيف ومايغث
خاصة مكدونالدز طحنا فيه اتحسينه خفيف
بس مادري ليش ماعجبج كنتاكي انا جربته بلنكاوي وايد عجبنا انا وريلي الدياي نظيف ومو زفر وكلش مافيه دهن نفس الكويت

وسلامتج حبيبتي من الديسك ماتشوفين شر يااارب

يلااااا متابعه كملي ناااااطرتج :rerrerek:​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

أختي عليج ألف ألف عافية ماليزيا أنا وياها قصة عشق لا تنتهي ولله الحمد كل سنة انا هناك وأسمع نقد ومدح من كل العضوات وهذا رأيهم الشخصي بس إللى يروح المكان الخطأ فعلا تسود في عينه تماما ولا يفكر بالرده لها عن نفسي ولله الحمد كل سنة أروح ولا أمل ولا اكل منها وسويت معاي قروب من اهلي كلما سمعت اسم هالديره والله قلبي يفز لها
عليكم بالعافية والصور والتقرير مجهود تشكرين عليه

حيا الله سميتي الغالية
منورة والله

الله يعافيك ويخليك من ذوقك
انا اول مرة وبصراحة تعلقت فيها وربي يكتبها لي مرة ثانية
بعدد ايام اكثر

شوفي السفر اذا ما اتخططين له عدل ما راح تستانسين
والحمد لله ربك ما قصر
تعبنا ماراح بلاش

ماشاء الله تبارك الرحمن ياحلووو ماليزيا جذاب اللي يقول مو حلوووه شي فوق الخيال الله يعطيج العافيه على التقرير ويشافيج من الديسك ويخلي لج عيالج

ياحلو البداية بذكر الله
هذا المطلوب
فيدتك

تسملين يا عمري وعلى هالدعوة الطيبة


صج اللي يقول جذاب ويبي الوناسة حق نفسه بس هههههههه

موضوعك فزييييييييييييييييييييييييييييييييع

كتيير كتيييييييير حلو
بدي سنه كامله عشان اعمل متله
ما شاءالله عليك مو مخليه شي مو مصورتيه
فكيف الصور العائليه؟
بس شكله رحلتك روعه الله يهنيك كمان وكمان
ويخليلك ولادك​

ميما
حرام عليك ذكري الله
هالتقرير انا تعبت عليه وايد والصور كثيرة


اللي يبي شي يتعب عليه ويطلع بأحلى صورة
اجتهدي وتنجحين ان شاء الله
وتسوين احسن منه

شكرا لك على المرور

ماشاءالله همبوش عليكم بالعافية سفرتكم تونس
آنا جربت السفر بروحي مع اخواني رحنا دبي والله إستانسنا وااااايد وسافرت مع ولدي وزوجي تايلند استانس ولدي هناك ووده يروح مرة ثانية بس مادري السفرة مع الإخوان غير حلوة وتحسين نفسج خفيييييفة
حبيبتي كملي متابعينج وهذا تشجع عشان خاطر عيونج

:eh_s(9): :eh_s(9): :eh_s(9): :eh_s(9): :eh_s(9): :eh_s(9): :eh_s(9): :eh_s(9):

وماتشوف شر بنوتج :eh_s(7):

هلا وغلا حبيبتي
فديتك الكلام الحلو وأهله

الحمد لله ربي رزقنا على قد نياتنا واستانسنا
مع ان لازم يصير بعض المواقف اللي تكدر
بس الشاطر اللي يخليها تعبر بسرعة كأنها ما صارت

والحمد لله اختي واخوي ما قصروا فديتهم
اول مرة اطلع من الكويت بدون ريلي

مسئولية كبييييييييرة :eh_s(2):
ياختي بالي مشغول كله على اليهال خاف يضيعون اسم الله عليهم

وابوهم موصي اخوي علينا بالمطار قبل لا نطيييييييييير

بس وجود الأب ضروري احساس بالأمان :krkrkr:
وغير هذا حق السوق
كل ما أدق عليه اقوله ياريتك معانا
يقولي اكيد مارحتي كل السوقة اللي تبينها ؟؟ ههههههه يعرف شنو ابي
الله يخليه ويطول بعمره فديته

ماشاء الله عليكم بالف عافيه
والله يخلي لج عيالج
بس بغيت أسالج شنو الاحلي من ناحية السوق تايلند او ماليزيا احترت بينهم

الله يعافيك حبيبتي ما قصرتي


شوفي كل ديرة سوقها حلو
والله احترت شنو اشتري
بس طبعا ماليزيا اغلى من تايلند

واااه ياقلبي ماليزيااا ذكريات لاتنسى
يعطيك العافيه يا أحلى همبه,,تابعي بالانتظار

آآآه وكم آآآه
تعالي شوفينا كل جمعة بالزوارة نغثهم بسوالف سفرتنا
ياربي يسهل لنا ونروح مرة ثانية

يعافيك حياتي

متابعه

منورة حياتي

الله ونااااسه تشوووق الصور

مشكووووووووورة

وااااو عليج بالعاافيه ماشاالله لا اله الا الله

احس وناسه وناااسه الله يهنيكم يااارب

سؤال انتي قلتي ان الفندق ب٢٥٠ ريجنت يعني جم كويتي

والله يديم علييج نعمة الصحه والعافيه

ياحلو اسم الله
مشكوووووورين حبيباتي هذا العشم فيكم


شوفي الفندق 250 رينجت يعني بالكويتي تقريبا 22 دينار بسعر الصرف اليوم

ولا تنسين الخدمة والضريبة 16% من الـ 250 = 40 رينجنت


يعني سعر الليلة الواحدة = 250 + 40 = 290 رينجنت


كل 10 دنانير = 114.5 رينجت


وهذا الموقع وايد حلو لتجويل العملات
يفيدكم

http://www.oanda.com/currency/converter/

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

متااااااااااااااااابعه كملي عفيه باخذ فكره انشالله ناويه اسافرلها انا وزوجي

حياك الرحمن
شرف لي متابعيني حبيباتي

بكمل ان شاء الله
بس ترا التقرير مطوووووووووووول

اي صج الريجنت يساوي جم دينار ؟؟؟؟؟؟؟؟؟؟؟

10 دنانير = 114.5 رينجت بسعر الصرف اليوم

موقع تحويل العملات

http://www.oanda.com/currency/converter/

ماشاء الله الصراحة شوقتينا علي ماليزيا من سوالفج الونيسة....وعساج علي القوة...وسلامة بنيتج من الشر

هلا وغلا حبيبتي
ياختي اهم شي يعجبكم التقرير
ترا صج تعبانة عليه


والله يسلمك يالغالية

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

:eh_s(9):

:eh_s(9):​

:eh_s(9):​

عااااشت همهم :eh_s(15):​

ماشالله خوش تقرير وايد حلو ودقيق ومرتب
فيه معلومات وايد مفيده وبالتفصيل بعد عساج عالقوه حبيبتي​

اااااه ياماليزياااااا وما ادراك ما مايزياااا​

مادري شنو السر اللي يخليج تتعلقين فيها جذي​

تهبل وشعبها طيب وانظيفه واتحسين بالامان اهناك​

واتشوفين من يأذن الكل يهد شغله ويروح يصلي ​

ونااااسه ذكرتيني بهالمنظر كنت كله اراقبه متى يتجمد ومتى يذوب هههههه اتحسين ماكو شغل ​

والله زين انتبهتيله عبالي بس انا اللي انتبه حق هالسوالف​

وبالنسبه حق اكلهم وايد عجبني
كل شي عندهم حلو وخفيف ومايغث
خاصة مكدونالدز طحنا فيه اتحسينه خفيف
بس مادري ليش ماعجبج كنتاكي انا جربته بلنكاوي وايد عجبنا انا وريلي الدياي نظيف ومو زفر وكلش مافيه دهن نفس الكويت​

وسلامتج حبيبتي من الديسك ماتشوفين شر يااارب​

يلااااا متابعه كملي ناااااطرتج :rerrerek:​

حياك الله حبيبتي

ايه والله ماليزيا فيها سر ما أدري شنو

انا عندي مبدأ اما اسوي تقارير عليها القيمة والا فلاااااااااااااا

والحمد لله تقاريري كلها بشهادة وايد ناس حلوة ومفيدة


بقولج سر : انا دقيقة حيل والاحظ اشياء غيري يمكن ما يشوفها
نعمة من الله
بس هالشي احيانا يفرحني واحيانا يتعبني

اما الكنتاكي لااااااااااااااا والله مو حلو
بتايلند احلى بوايد

ماك صج حلو نفس الكويت

والله يسلمك ولا يوري احد منكم عوار الديسك وعذابه:eh_s(7):

عليكم بالعافية



بكمل ان شاء الله اليوم
ومشكورة على التشجيع والنط والمناقز
فدييييتك

 

["*آآآنؤؤؤقهـ*"]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ياحلو ماليزيا

تهبلللل ...

عليج بالعافيه ويخليلج اعيالج ...


وتقرير متعوب علييه الصراحه ...

 

[هدفي الفردوس]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

تقرير مرتب ومتعوب عليه
عساااج عالقوة

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ياحلو ماليزيا

تهبلللل ...

عليج بالعافيه ويخليلج اعيالج ...


وتقرير متعوب علييه الصراحه ...

بعد عمري ما قصرتي
مشكووووووووووووورة​

تقرير مرتب ومتعوب عليه
عساااج عالقوة

الله يقويك

تابعوني لا تباعدون بكمل اليوم ان شاءالله​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

بسم الله
عدنا من جديد ​

​

احنا في افاموووووووووووووووسا ​

لقطة عند البوابة الرئيسية
ما شاء الله الوان الشجر ترد الرووووووح



ياحلات الدبدوب
الحين تحسفت ليش ما شريته اهو والمنكي
خخخخ​

​

اذكركم بخريطة افاموسا والمنطقة اللي اهي فيها ​

​

​

وهذه خريطة المكان
​

ودخلنا نتمشي على رويلاتنا ​

طبعا انا ماكو لياقة كلش :rgewrg:
امشي شوي وارتاح اخاف على ظهري ​

اول شي عند بوابة الدخول
طيور بغبغاء واللي يحب يصور معاهم
ويدفع بانتهاء الرحلة عند بوابة الخروج ​

صورنا معاهم طبعا ​

قيمة الصورة اعتقد كانت 20 او 30 رينجت
سامحوني الذاكرة ميييييييييح ​

ياحلاتهااااا هالبنت
وي سلم قلبها
ربي يخليها لأهلها مو خايفة مثل عيالنا من الطيور ​

وتبون الصراحة انا خفت اصور بعد ههههه
ما أحب الحيوانات​

​

ودخلنا حظيرة الدواجن فكانت هذه اللقطات​

الأرانب ( الأنارب ههه )
ما تبون ملوخية بالأنارب ؟؟؟؟

​

​

وهالحبيب الأسمراني يسلم عليكم
هااااااااااااااااي ​

​

ودياية ام ريول فروووووووووو قصدي ريش
ما أحبها ما أدري ليش ؟؟؟!!! ​

​

وهذا بيض لكل الأنواع
البط
الدجاج
الفلامينقو ​

​

كل طير ومعلومات عنه ​

​

​

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وفيه قفص كله كتاااااااااكيت
ايهبلووووووووون ​

​

تشترين كيس اكل بــ 2 رينجت
وتدخل القفص تطعمهم ​

الله الله العيال بدعوا:krkrkr:
من كثرهم داسوا عليهم
من كثرهم يتراكضون تحت اريولج ​

​

​

بنتي طالعة تبجي
تقولي يمه ما أدري فقصت واحد ؟؟ ​

زاع قلبي
قالت لي بس اهو اصلا كان ميت
هههههههههه
حسبي الله على ابليسك لوعتي جبدي وانكسر خاطري
حسبالي استاثمنا بالكتكوت ​

​

 

[مرايم2009]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

مشاء الله عليج بالعافيه خوش تقرير
​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الســـــفــــــاري​

(1) عالم الحيوانات : لعروض الحيوانات والتصوير معها وكذلك ركوب عربة المدرعة للدخول لعالم السفاري

​

بعد ما طلعنا من حظيرة الدواجن وصلنا الى مكان تجمع
منطقة السفاري ​

سيارات مكشوفة لكن محمية بشبك عن الحيوانات المفترسة
وكاهي السيارة اوصلت
بروح اركب ​

​

واي السيارة هذه عجيبة
خضت بطونا خض
تصعد وتنزل ويصير اغبرة ​

بس والله وناسة​

ولكم هذه اللقطات ولا تقولون شنو هذا كله صور حيوانات ؟؟؟​

انا افضل احط كل شي بالتفاصيل
حق الناس اللي تجمع المعلومات الكاملة لترتيب سفرتها ​

فسامحوني على كثرة الصور
هوايتي التصوير ​

ياحلات الغزال واهي اتطامر مني ومناك ​

والبقرات الضاحكات​

​

عجبني لون هالثور مثل الكركم
عزكم الله​

​

والزرافة ياحلاتها رقبتها طوووويله شامخة​

​

​

بهالصورة
ما أدري ليش حسيت بالحب والحنان ؟؟
ههههههه​

​

في حالة ترقب
يممممممممه نظره عيونه اتكهرب ؟؟​

والحلو خامد على السيارة​

​

والنمر يدور حوالين الباص ​

واحنا قاعدين اخر شي​

حسيت انه بيغدر فينا
لو ينط ويخمط راس اي واحد من الركاب
نقول عليه السلام

​

ورمز العروبة والأصالة
الجمل العربي ​

بس مسكين ما أدري اشفيه منقرض وضعيييف ​

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وبعد ما خلصنا من السفاري ​

مرينا على مجموعة من الحيوانات عزكم الله ​

البوني

​

وحان وقت عرض الطيور
بصراحة وايد حلو ومدربين عدل ​

سبحان الله

والعرض كان وااااااااااو احلى من عرض الطيور بسفاري تايلند ​

​

​

​

وشرينا ايس كريم اناناس
عجيييييييييييب وطعمه كأنه طبيعي
اللي بيروح قريب لااازم يجربه ​

الجو كان حار في هذا المكان
والعيال اصروا يشترون مروحة صغيرة قيمتها 15 رينجنت
تشتغل على البطارية ​

أكره حيوان في حياتي - التمساح وكل الزواحف ​

وهني منخش بالماي



وام ريول طويله

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

خلصنا من عرض الطيور ​

وتوكلنا على الله الى عرض الكابوي

​

عرض حلو ويستحق المشاهدة لكنه نسخة من عرض السفاري بتايلند
والديكورات والمؤثرات اقوي بتايلند ​

وبعدها الى منطقة عرض الفيلة

​

واااااااااايد حلو
مسوين مسرحية ابطالها الفيلة ​

احدهم يروح ينام وما يشتغل وياهم
يختفون فجأة 2 من الفيلة جايبين معهم سطل ماي
ويصبووووووونه على الفيل النايم ​

ويهزون جسمه بخراطيمهم يعني يصحونه من النوم ​

بصراحة رووووعة ​

سبحان الله الحيوانات اشلون تستوعب وتتعلم




هذا مسكين ويهه يكسر الخاطر ​

​

نايم ويحصحونه ومو راضي يقووووووم
هههههههههههه ​

حلوة المسرحية وايد​

​

وهالصور تبين اشلون يتساعدون لأنجاز العمل
​

 

[78MariMar78]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الله يا همبوش

ماشاءالله

الصور تهبل والتقرير روووووووعه

واسلوبك يجنن

لدرجة حسيت اني معاكم بهالرحلة


موفقين ان شاءالله على طوووووووول يااااااااااااااقلبي....

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

​

(2) عالم المياه :
للألعاب المائية والسباحة والأمواج الصناعية والتزحلق على الماء​

​

المكان عجيب
يشرح ويونس
وخصوصا للي يحبون السباحة ​

واليهال والكبار بالحوض الكبير يبلبطووووووون بالماي ​

المدخل ​

​

الجو والمناظر تسر العين وتوسع الصدر​

​

​

الممرات المائية ​

حسافة ما كنت ادري ما أخنا مايوهاتنا ويانا بس الصغار والشباب ​

​

العيال والأهل راحوا يلعبون وانا قاعدة اراقبهم قاعدة على الكراسي ​

​

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

شوفوا هالبنت اخر روووووووووقان
ريل على ريل
لا طقة لا فلعة واللون واحد ( ما شاء الله ) ​

​

المدينة وايد حلوة وانصحكم تروح تشوفونها
بس الجو شوي رطب مو وايد
يعني عادي تقدرين تتحملين مو قمته ​

​

​

وهوووووووووووووووووووووووب طاحوا الشباب
ربي يخليهم ويحفظهم ويصلح بالهم :yaaaaaarb:​

​

امبيه بهذه اللعبة ولدي راح مع الشباب
والماي عميق
يقولون طلع يبجي لأنه ما يعرف يسبح وطاح بالماي
ربي سلمه وطلعوه بسرعة
هههههههههههه ​

ياني ادموعه اربع اربع :eh_s(11)::eh_s(11):​

ركن الأكل عند البوابة​

​

​

بصراحة مو حلو كلش
ما أنصح اي احد يشتري وياكل ​

قزروها على بيبسي وعصير وشبس احسن ​

وهذه اسوأ نقطة تحسب على هذا المكان ​

اشترينا ثلاث وجبات للأسف ولا وحدة حلوة
لفيناهم زي ما كانوا وعطيناهم للعاملة المسئولة عن النظافة
سألناها تاخذينهم
رحبت بالفكرة مع ابتسامة ​

حرام الأكل ينرمي على الأقل التبرع فيه ابرك ​

​

وعلى الساعة 6 طلعنا عند البوابة
ولقينا السايق ينتظرنا حتى ينقلنا الى محطة اخري من رحلة أفاموسا​

تابعوني ............ ولكم باقة الورد لمتابعتكم

​

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الله يا همبوش

ماشاءالله

الصور تهبل والتقرير روووووووعه

واسلوبك يجنن

لدرجة حسيت اني معاكم بهالرحلة


موفقين ان شاءالله على طوووووووول يااااااااااااااقلبي....

بعد عمري منورة منورة :eh_s(22):
تشجيعكم لي يرد الروح
ولو ما أنتو ما كملت
الله يكتبها لج انتي والشباب الصغار والله راح يهيصون على الأخر


شوفي المشاهدات اشكثر 650 :eh_s(4):والردود شوية
ليش ؟؟
مثل الحرامية !!!:eh_s(10):​