جيل الستينيات ...وينكم؟؟؟؟

[الغاليه ام احمد]

الله حفظها اسم الله عليها

 

[فطووومة]

الحمدلله ام حمنو علي سلامتكم
واشوة انج كنتي بالبيت.

ماتشوفون شر ان شالله. طلعي صدقه عنكم يقلبي.

 

[الغاليه ام احمد]

الله يهداكم الدفايه يبيلها بلاك بروحها

يالله فداها المهم اهي وكل شي يتعوض

 

[فطووومة]

ام خالد شلونكم شخبار لندن ان شالله استانستوا بهالسفرة المفاجئة

 

[ام خالد الغلا]

قعدنا فى فندق ماند فل

 

[ام حمنو]

الله يسلمكم الشر ما يجيكم

تصبحون على خير

 

[ام خالد الغلا]

ام خالد شلونكم شخبار لندن ان شالله استانستوا بهالسفرة المفاجئة

هلا وغلا فطومه لندن حلوة ووناسه صج اسبوع بس استانسنا وما شاء الجو بارد بس حلو وما نقعد بالفندق وما نرجع الا وقت النوم

 

[الغاليه ام احمد]

وانتي من اهل الخير واحلام سعيده

 

[فطووومة]

احلااااام سعيدة ام حمنو وحافظكم الرحمن




عليكم بالعافية ام خالد

الفنذق فيه شقق ولا بس غرف ؟؟؟

 

[ام خالد الغلا]

الله يسلمكم الشر ما يجيكم

تصبحون على خير

الله يحفظها سارونة ويبعد الشر عنها حبيبتى

وانتى من اهله واحلام سعيده

 

[ام خالد الغلا]

الفندق بس غرف ما فى شقق نظيف وحلو بس الغرف صغيره

قاعده اقول حق خالد ولدى يقول كله فنادقهم غرفهم صغيره ومره كان قاعد بماريوت ويقول هم غرفهم صغيره

 

[فطووومة]

لان الفندق غالبا مايكون حق النوم بس
فماله داعي الكبر.


ام احمد وينج نمتي. ؟؟؟

 

[الغاليه ام احمد]

ام خالد تصدقين طيرتينا على لندن

وبعد محاولات مع ابو احمد وافق

على ان نروح انا وياه ودلوله واحمد وزوجته

بس انا هونت ما ادري ليش

الظاهر مو مكتوبه لنا هالسنه

 

[الغاليه ام احمد]

فطوووووووووومه كااااااااااااني

النت بطيء حده

بس بظل وراه لما يستعدل

 

[ام خالد الغلا]

ام خالد تصدقين طيرتينا على لندن

وبعد محاولات مع ابو احمد وافق

على ان نروح انا وياه ودلوله واحمد وزوجته

بس انا هونت ما ادري ليش

الظاهر مو مكتوبه لنا هالسنه

ان شاء الله تروحين لها عاد انا مو فى بالى بس اخوى ناوى يروح المباراة حق فريق شلسى وعزم فينا وسامعنى بسافر اغير جو وقالى تروحين وقلت حق بو خالد واهو ما يحب لندن وقالى روحى وما صدقت خبروالحمدالله الله سهلها

 

[الغاليه ام احمد]

عليكم بالف عافيه

انا لندن ما احبها بالشتا كأيبه لاني كنت فيها

بس لما شفت الليتات طار قلبي

 

[فطووومة]

عليكم بالعافية ام خالد زين سويتي

وشلون بنتج الحين ان شالله ظهرها صار احسن




ام احمد قولي يا اتا يا النت. هههه

 

[الغاليه ام احمد]

اي والله فطوووومه تعبتا النت

كل شوي يا منقطع ياضعيف

واذا اتصلنا على الشركه يقولون انتم منطقتكم التوصيلات ضعيفه

من الاتصالات

 

[ام خالد الغلا]

تصبحون على خير للحين دايخه من لويه الطيارة

 

[الغاليه ام احمد]

حبيبتي ارتاحي واحلام ورديه