مشكلتي البلوك 

[foshia girl]

اثقلي عليه وحسسيه انج زعلانه واذا ناقشج تناقشي معاه بكل هدووء

والله يسخرلج زوجج

 

[قاهره عذالي]

قاهرة عذالي الشي ان زاد عن حدة انقلب ضدة

اهيه اعترفت و قالت اسولف وااايد

و يمكن الريال استحا لان ربعه معاه

او يطيح التلفون بيدهم

و حتا لو السالفه اقوا من جذي المرا اذا بتزعل تزعل فبيتها و لا تعود الريال

كل ما زعلت لمت اغراضها و راحت بيت اهلها بيمل الريال جذي
اغلبهم بيقولون يت منها و لا يت مني

و يتزوجون ع حريمهم

مو كل شوي الريال رايح و ياي لبيت اهلها

ترا في رياييل ما يرضون و يحبون كرامتهم و يقولون مثل مارحتي بروحج اتردين ابرووحج

حبيبتي حلج للمشكله حدهاااا غلط ع واتس اب تلم اغراضها و تروح بيت اهلها

عيل لو خاينها شتسوي ؟؟

مو تروح زعلانه
لا
تروح لاهلها وان جا من السفر وقابلها ببيت اهلها تكلم بينها وبينه وتعاتبه
شوووفي انا بزواجي كان يحاول يطفشني ويسوي هوايل فيني
وكان حتى طرد يطردني بدون سبب
وكنت اكظب بيتي ومابي اطلع ومابي اغث اهلي واروح لهم واخرعهم بمشكله
ومانفع معاه
وشفت انه قعدتي او روحتي لاهلي زعلانه ماتفرق
مع اني بس مره رحت زعلانه ودخلت اهلي
لان صبرت على خماله وتقصيره ومعاملته فوق السنه بدون ما اتكلم وبدون ما اجي يوم زعلانه عند اهلي

انا غلطتي من الاول ما وقفته عند حده وبينت له انه هالشي يضايقني او هالشي فيه تعدي وانه عندي كرامه كنت اسكت كنت اطوف كنت اطنش صح سالفة الواتساب والبلوك سخيفه بس تدل هالتفاصيل على شغلات داخل نفسه
الانسان لو صبر ع الذل يوم يومين جم سنه
مو صابر كل العمر
لان الانسان من دون كرامه ماله حياه
ولاتسوى حياته شي
هي بالمقابل لو يقرقر على راسها وتصك بلوك وهي مسافره
شنو يسوي
حبيبتي بقولج شغله
الرجال اللي يبي يطلق مرته او يتزوج عليها يطلق ويتزوج عااااادي
مو لازم سبب ومو لازم انه فيه تقصير
واللي يبي يتحجج على مرته ويعوفها يلقى حجج لو انها تاليف مايتعطل

 

[sosowaty]

صح كلامج عن الريال اذا بقا يعوف المرا بيعووفها ( بس ) بدون سبب !! ما اعتقد

و عادي بدال لا تروح بيت اهلها و تعاتبه

خليها تعاتبه فبيتها و لا تعاتبه فبيت اهلها لانهم مراح ياخذون راحتهم بالكلام

خووفج الريال مو مال تفاهم و يعلي صوته و اهلها يسمعون حدا فشله

و بتكبر السالفه اما فبيتها عادي والله لو يصارخ من الحين لباجر مو مشكله اهم شي محد يسمعنا

اتمنا اني ما ضايقتج بالرد ع كلامج

 

[LadY BuG 80]

خلاص انا اخذت حقك​

انا معطيه زوجي بلوك و دلييت بعد :rgewrg:​

اليوم يوم البلوكات العالمي ايش صاير :eh_s(10):​

 

[ليتني مـآ كبرت]

خلاص أحقرررررررررررريه :eh_s(10):

وخففي من قرقتج شوي

 

[* Snow White *]

لاتلومينه ;p
والريال مايحب القرقه وانتي بعد اعترفتي
لا لما يشيله عادي شدعوه لاتكبرين الموضوع لول كله بلوك بمحادثه شي عادي جدا مو شي كبير مابي مابي زعلت ومادري شنو
لا خلج عادي جنه شي ماصار شدعوه، يعني لاتاخذين الموضوع سيريس وبجديه .. اتس اوكي

 

[سندريلا 99]

للحين الكل ناطر الاجابه :bbbiu:
شلون سالفة البلوك :eh_s(10):
ياليت اللي تعرف تجاوب

>>شكل صاحبة الموضوع تقول انا وين وهاذي وين

شلون تعرفين ان احد معطيج بلوك اذا دشيتي الشات ماله فيه فوق تاريخ ولا يطلع اون لاين ابداً واذا ارسلتي له ما يستقبل ويكون التوبك ماله شغال عادي ويتغير ويبين عندج اما شلون تشوين بلوك تروحين setting مالة الواتس اب بعدين تدخلين chat setting بعدين تضغطين على blocked وتضغطين على إشارة + فوق اقصى اليمين تطلع لج قائمه الاسماء تختارين الاسم بعدين تظغطين على Done تحت يمين وبس

 

[sosowaty]

و هم مرات اذا احد عطاج بلوك ما يبين عندج نهائيا متا اخر مرا شبك بس يطلع لج اسمه. مرااات و مو دايما

 

[shy rose]

خفي عليه شوي

 

[نونينونو]

بنات ماقصروا


بس وينج ماعلمتينا شصار

 

[قاهره عذالي]

صح كلامج عن الريال اذا بقا يعوف المرا بيعووفها ( بس ) بدون سبب !! ما اعتقد

و عادي بدال لا تروح بيت اهلها و تعاتبه

خليها تعاتبه فبيتها و لا تعاتبه فبيت اهلها لانهم مراح ياخذون راحتهم بالكلام

خووفج الريال مو مال تفاهم و يعلي صوته و اهلها يسمعون حدا فشله

و بتكبر السالفه اما فبيتها عادي والله لو يصارخ من الحين لباجر مو مشكله اهم شي محد يسمعنا

اتمنا اني ما ضايقتج بالرد ع كلامج

يا ما سنعات كاملات مكملات وتزوجوا عليهم
او طلقوهم او خانوهم
الرجال ما ينطر اسباب
وفي شي بدون سبب
ويقدر يخلق هو اسباب واللي مثلج وشرواج من حزب اللي يقدسون الرجال يصدقون
الطلاق مرات بدون سبب وشكثر قصص مو لازم الخمال من المراه
وخير شعنده يصارخ على عتب
اللي يصارخ مافيخ خير
متنا وحنا نلهلم هالرجاجيل ونداري شعورهم وهم بالمقابل معتبرينا طوف مانحس ولازم كل شي نتحمل

 

[HaWeK]

والله صاجه قاهرة عذالي .. الرياييل صعب ينفهم عليهم
المهم حبيبتي لا تزعلين ولاتروحين بيت اهلج ولا تسوى الروحه اصلا.. اهو بصراحه غلط منه يعطيج بلوك وحركته مو حلوة ابد! بس انتي كبري عقلج بعدعمري وخلج عادي .. ولا ينشغل بالج عليه وايد ولاتدقين عليه واهو هناك ،ولي رد من السفر خلج عادي لا تبينيله انج ولهانه وشفقانه على شوفته ثقلي شوي عليه وبس

 

[نبض آلخفوق]

شلون تعرفين ان احد معطيج بلوك اذا دشيتي الشات ماله فيه فوق تاريخ ولا يطلع اون لاين ابداً واذا ارسلتي له ما يستقبل ويكون التوبك ماله شغال عادي ويتغير ويبين عندج اما شلون تشوين بلوك تروحين setting مالة الواتس اب بعدين تدخلين chat setting بعدين تضغطين على blocked وتضغطين على إشارة + فوق اقصى اليمين تطلع لج قائمه الاسماء تختارين الاسم بعدين تظغطين على Done تحت يمين وبس

تسلمين يافديتج بعطي اللسته كلها بلوك :krkrkr:

 

[al-musk]

عاد شدعوة عليه مو يصكج بلوووك قوية

 

[$$king moon$$]

الله يسخركم لبعض
الصراحه البنااات وفووو وكفووو

 

[simone]

اويييه حرام ماتخيل >_<

 

[مريومه النزغه]

بصراحه حركه مليقه منه انا لاني عصبيه طبعي اسويها معركه ع راسه بس تصيحتي لج عاتيبه وقولليه انه هالشي جرح مشاعري وسووي روحج متضايقه

 

[" ام حمود "]

شكلج قرقه وايد يعني من قبل صاكج بلوك ..
مو جذي الريال ماايحب جذي ثقليء عليه

 

[ryoonah]

ريلي يحطني بلوك ( لا تعليق )

 

[اميره1980]

اذا انتي متاكدة ان ناسي و حاطلج بلوك دقي عليه ذكريه يشيله او دزي مسج يشيل البلوك و خلاص