مواقفكم مع حريم حماكم الجدد

[احلام واقفه]

مرحبا ياكويتيات

اخباركم :eh_s(7):

عندي موضوع وحابة ان احنا نتناقش فيه واتمنى من الاداره ماتحذفه :yaaaaaarb:

موضوعي اليوم :eh_s(10):عن حريم الحماه

انا متزوجه من 3 سنوات وعندي ولد
وحماي توهم خطبوله وحده
وحابه اني اكسبها واخذ رقمها واتعرف عليها :bbbiu:لاكن بيوم الملكه حسيتها رافعه راسها حيل وتناظرني بنظارات المقارنه

ومادري انتو وش شوركم علي :eh_s(7):

ا

 

[خالف تعرف]

لا تاخذين رقمها ولا تكسبينها ولا تكسبج ودام من البدايه طلعت مو انيسه ولا حابتج شلج بالسوالف والمشاكل والكلام والغيره

 

[همي بعد اهلي]

خليك رسميه معها وتكتشفين شخصيتها فيما بعد ​

 

[جيرازksa]

انتظري شويه لمن تتزوج وتجي عندكم شوفي اذا هيا حبوبه صيري اخت لها واذا العكس اتجنبيها

 

[ضحاوي الديره]

حدج مستعجله !!
نطري لمن يتزوجون وشوفي مايتها
وانا أأيد مبدأ خلك بعيد تعيش سعيد

 

[ليمونه حلوه]

سطح علاقاتك مع الناس تسلم ...

 

[مموريز]

لاتستعجلين ,,,,,,,,,,بالاول ,,,,,,,,,خليها لما تزوج وتجي عندكم وتعاشرينها ,,,
بعدها ,,أحكمي ,,,يانك تصادقينها وتعتبلاينها مثا أخت عزيزة وغالية..

أو,,,,,,,,الله يستر عليها أنت من جهه وهي من جهه .....وخلي الرسميات تشتغل بينكم.

 

[ryoonah]

سطح علاقاتك مع الناس تسلم ...

فديتج هذا الكلام الطيب صاجه والله

 

[الkحيله]

تو الناس لاتحكمين عليها اللحين واذا عالتواصل خليه بعد العرس احسن واذا ماعجبتج شخصيتها خلي علاقتكم رسميه

 

[ابي اصير ممثلة]

في وحدة كانت نفس مشكلتج لا تصادقينها ما تعرفين شلون طبعها وشخصيتها

 

[~*~الملكة~*~]

حدج مستعيله نطري لي تزوجوا عقب حكمي مو من اولها

 

[دلوعة صلوح]

خليج عادى معاها دام من الحين واهى اطالع جذى عيل الله يستر بعدين.

 

[احلام واقفه]

خلاص باخذ بكلامكم بما انكم كلكم تقولون لاتستعجلين

بس تدرون انا اعرف وحده متزوجه هي وحماها بنفس اليوم تدرون شسوت ام زوجهم كرهتهم في بعض يعني اذا جات زارتهم وحده من حريم عيالها ماتدق على الثانيه وتقولها تعالي
لالالا عكس تجلس مع مرت ولدها وتحش في مرت ولدها الثانيه كلام غير منطقي بحيث انها تكره مرت حماها
\وتسوي نفس الشي لمرت ولدها الثاني

عشان تبي توصل انها تبعد حريم عيالها عن بعض وتقرب عريم عيالها لها يعني انها فتحت قلبها لهم

فاهميني


عشان كذا انا خايفه تصير ام زوجي كذا وهي راعية هالسوالف اصلا

 

[نبض خفوقي]

يوومه اعوذ بالله
بس شوي شوي بالزيارات تكتشفين ممكن تشوفينها انها رافعه راسها مدري خشمها المهم بس هي عكس ذاك
<< انا رفيجاتي اول ماشافوني يقولوون مغرورره ودلوعه ولما عرفوني يقولون ماتوقعناج جذي >> الحيانآ انظرا تكون غلط

 

[شيخه_البيض]

خليج عادي معاها يعني سلام وجذي
انا مرت حماي كللللش عادي معاها يعني سلام وبس واذا صار في اهلها شيء اتصل الحمدلله مرتاحه من هالشيء
بس ترى لاتحكمين ع الناس من اول نظره انا وايد عانيت من هالناحيه مو من امه وخواته لا من اهله
كل من شافني قال مغروره ومتكبره وشايفه نفسي والله يعينكم عليها والكل على بالهم انا اصغر خواتي ولأني أتكلم بمياعه يعني جنه لهجه البحرينيات ما استساغوني وعلى بالهم اتصنع بس بعدين الكل عرفني عدل
*ولاتفكرين بهالشيء خليها ع الله والله بيجمل حالج

 

[Beyoncee]

اخذي وقت شوي وغير السلام شنو تبين منها

 

[! بــدويه وآآيــد !]

،


والله حريم حمواني مادري عنهم وحده ماشفتها الا مره وحده بس من تزوجت وكانت منقبه لو اشوفها بالشارع بدون نقاب ماعرفها

والثانيه خذت رقمي وتقربت مني بس طلعت تحش حش فيني ودزيت لها مسج سفلت فيها وقفتها عند حدها والحين مادري عنها ولاتدري عنها

ولا ابي احتك بحريم حمواني ولا اخذ ارقامهم ابرك لي ولهم

وترى تطيح هيبتج اذا طيحتي الميانه ارفعي نفسج ولاتسولفين معاها حيل حتى لو طلعت طيبه وحبيبه سلام وعليكم السلام مع السلامه بس

 

[شيخه_البيض]

اهم شيء اهم شيء انتي بعدين ريلج بعدين امه وأبوه غيرهم لاتفكرين فيهم عيشي حياتج لانها مو واقفه عليها
انا اصلا ماتطري ع بالي مرت حماي مع ان حمواتي مسوين قروب بس كلش مانسولف مع بعض اخر همي
بس اذا شفنا بعض عادي بس سلام
ريحي مخج وتفكيرج في شغلات اهم

 

[ماني من الناس]

ستوووووب
ويت ويت نطري

اول شي راقبيها شوفيها شلون تصرفاتها شلون بيئتها مو يمكن اهي مو نفسج وفري او شخصيتها مو مثل شخصيتج

يعني مو شرط سيده راح تصادقج

اعرف ناس وايد متورطين بهالسالفه مثلا رفيجتي ملتزمه وزوجه حماها فري وراحت صادقتها وبعدين اكتشفت ان زوجه حماها منطلقه وضحك وسوالف مع حماها زوج رفيجتي فابتلشت رفيجتي بس اهي السبب اللي طيحت الميانه بدون ما تعرف شخصيتها عدل


فانتظري اول درسي سلوكها مع اني ماشجع على هالنوع من الصداقات لان وضعها حسا س بعدين تشتغل سوالف الغيره والمقارنات


ومو عشان انج انتي ما تغارين يعني غيرج ما يغار

اعرف وحده تغار لدرجه تمشي وتقول للناس انا اغار منكم اللهم يا كافي

غيره يعني حسد يعني كره يعني بلاوي

 

[ام زهقانه]

نفس كلام خالف تعرف