ترتيب وتنظيم البيت بالصور (نفيد ونستفيد)

[ليمون ونعناع]

حبيب اضيف الموضوع حق خواتي السنعات المرتبات في منتدى كويتيات واهو واضح من عنوانه
شاركينا بكل شي يتعلق بترتيب وتنظيم البيت من غرف وصالات ومطابخ ليم الاكسسوارات والميك اب وغيره بالصور بلييييز

الي تستفيد لا تطلع من غير ما تكتب كلمه شكر او رفع

وعشان تعم الفائدة للجميع شاركونا بصور ترتيبكم وصور افكار شفتيها وعجبتج سدحيها لنا ومن وين شريتيها او وين شفتيها ولج احلى دعوه طيبه منا

نبي تفاعلكم:eh_s(9): الي راح ينجح الموضوع


انا ببتدي بالموضوع واحط صور ترتيبي للانطات ملوت الحجابات
طلبتها من الانترنت بس في بالكويت اتوقع دريم مول شي شبيه و يمكن اكبر الفتحات

----------

وممكن بطريقه ثانيه تشيل عدد اكبر ويبيلها درج اكبر

------------
خليه النحل الحين منزلينها بتروفاليو

صراحه حلوة وفتحاتها كبيرة انا استخدمتها حق دلاغات كبيرة ثقيله

----------


هذي انواع ثانيه موجودة بتروفاليو

الصورة تبين نوعين خليه نحل بيضه و تقسيمه طواليه
التقسيمه الطواليه كل حاجر طولي بروحه والطول انتي تتحكمين فيه

وهذا ايضا نوع اخر فواصل او حواجز لداخل الدرج على شكل سور وتقصينه على حسب حاجتج و حجم الدرج الي بتستخدمينه
تقدرين تصفينهم بالدرج بالطول او بالعرض وتحطين حجاباتج بطريقه مرتبه او الانطات الي تنلبس تحت الحجاب
تحصلونه بتروفاليو

هذي تنظم الحجابات من ايكيا وشفت اصغر منها من بلاستيك بتروفاليو بس ما صورتها

بكمل الموضوع وعندي افكار وايد و ترى الصور كلها من تصويري وجهدي وخذت مني وقت كله لعيونكم
الي تبي تنسخ الموضوع والصور لازم تذكر اسمي واسم المنتدى

 

[ليمون ونعناع]

هذي جوله في دايسو

تقسيمات وادوات متنوعه للاكسسوارات والاصباغ الاظافر

 

[ليمون ونعناع]

هذي ادراج حق الشباصات او ادوات مكتبيه لها عدة استعمالات

وهذي جيوب تستخدمينها حق المفاتيح وغيرها او للمبطخ

وهذي جنط ممكن تستخدمينها للمكياج للشنطه و جنط للكلينكس وعدة النظافه

وهذي ارفف وسلال

 

[ليمون ونعناع]

وهذي ادراج للحمام حلوة ورخيصه من هوم سنتر

وناطرة ردودكم و صوركم

 

[freethinker]

الله احب هالسوالف ...مالوت اصباغ الاظافر من وين شريتهم ؟
دايسو وين موجود ؟

 

[ليمون ونعناع]

الله احب هالسوالف ...مالوت اصباغ الاظافر من وين شريتهم ؟
دايسو وين موجود ؟

ملوت الاصباغ من دايسو بالفروانيه مجمع السلام خلف الجمعيه
وعندهم فرع بسوق السالميه

وفيه افكار بحطهم لكم لمن ارد البيت للاصباغ

 

[ليمون ونعناع]

وهذي جولتي بدريم مول بمحل ماادري شنو اسمه بسرداب
هذي للاصباغ

هذي للخواتم والساعات

 

[فتونة الكويت]

جزاك الله خير وجعلها في ميزان حسناتك

 

[لميس نفسي]

الله موضوع حلو ماشاء الله ومفيد


احب شغلات مثل جذي



انا شريت من ستي ستارز اللي بالري شغله حلوه للكورن فلكس وفي انواع منها ؛

 

[ليمون ونعناع]

فتونه الكويت شكرا على الدعوه الحلوه
نورتي الموضوع

لميس نفسي شكرا على مشاركتج
حلوة فكرة حافظه الكورن فليكس ولي انشالله رجعه لترتيب المطبخ

سيتي ستارز ولولو هايبرماركت حلوين لترتيب و اسعارهم رخيصه
والله يقومج بالسلامه

 

[ليمون ونعناع]

كتب رد عن ترتيب الاكسسوارات والميك اب وراح كله
تعبت اليوم انشالله باجر ارد لكم واكمل الموضوع

 

[CUTIE-THUG]

اب اب اب

 

[ليمون ونعناع]

صباح الخير

بحط اكم صور ترتيبي الخاص وابتكاراتي واختراعاتي الحصريه لترتيب الاكسسوارات والميك اب

طبعا اول شي سويته اني طلعت مل الاكسسوارات و حطيت الي ما ابيهم او مليت منهم او راحت موضتهم بجيس وتبرعت فيهم
ونفس الشي للميك اب حطيت الي ماابيهم بجيس بس تخلصت منهم هالمرة لان استعمال شخصي

واللي صفى عندي مو شي هين فقررت اني ماراح اشتري واكود ولازم يكون مشتراي على معنى
المهم لابد من القرقه ههههه
لان الشي القديم مغطي على اليديد و يصعب عليج استخدام اغراضج

نرجع حق محور حديثنا.<<<<<حلوة مني . شريت كبت للاكسسوارات والميك اب وحطيته بغرفه تبديل الملابس يمه منظره وليتات وانتي ممكن تحطينه باي مكان يناسبج بحط لكم الصور تحت

 

[ليمون ونعناع]

هذي صورة كبت الادراج

فوق الادراج حطيت ثلاث اشياء
مقسم المكياج واخر للشادوات
وسله مهملات صغيرة

اول درج حطيت فيه علب مقسمه باشكال مختلفه للاكسسوارات
وخل اقولكم سر ترتيبي للاكسسوارات الي يخليهم مرتبين على طول حتى لو كنتي مستعيله وتدورين بيرعه بسرعه واهو

انج تقسمين الاكسسوارات يعني الاطقم بروح و بعدين التراجي بروح والبغامي بروح والساعات بروح تختارين العلب شفافه ومقسمه وتكتبين على كل قسم شنو امو داخله.بجذيه انتي ماتضطرين تعفسين اكسسواراتج وانتي تدورين كل الي عليج انج تقرين المكتوب وتختارين الي تبينه
والله يابنات انا قبل كنت مقسمتهم وكل قسم ببوكس بس كانو معفوسين وموعاجبني شكلهم

بخليكم مع الصور للترتيب الواو

هذا اول براءه اختراع بطلعها
حطيت التراجي الصغار داخل التقسيمه مالت الادويه تنباع عند بو ١٠٠فلس

وهذي للخواتم والساعات التراجي الوسط والاساور الغاليه تكون ماركات وزائد ذهب ابيض بس استعمله وايد للطلعات مع ريلي والزورات

بكمل

 

[ليمون ونعناع]

ثاني درج لاصباغ الاظافر<<<من دايسو
وعدة المانيكير<<<<من مركز سلطان
و اسيتون و طباعه للرسم علاظافر

وهذي الصورة

والدرج الثالث
للاساور الكبيرة الفنكيه و التراجي الكبار الفنكيه

السله المقسمه الخضرة تحتها وحده مثلها لونها بنفسجي للاساور الاساور من دايسو
والتراجي لهم تقسيمه شفافه من تروفاليو
ونزلت لكم صورتين الاولى الشكل النهائي والي تحت بوريكم فيها السله التحتيه

البغامي انا شاريه هالعلاق من سنتين تقريبا من مركز سلطان حولي وبصراحه ماشفت منه بعد ماادري اذا فيه منه او لا جان زين السنعات الكويتيات يفيدونه

حاطته بكبت الملابس ممتاااااز شويه عليه يشيلوره ويدام يعني صاير مسافات حلوة بين كل بغمه والي يمها ويشيل وايد ويتحمل ثقل و البغامي ثابته ماتطيح مع الاستعمال لمن تطلعين ملابسج من يمه

اشرايكم بنات بالسنع والاختراعات
واي استفيار انا حاضرة

 

[ليمون ونعناع]

جزاك الله خير وجعلها في ميزان حسناتك

اب اب اب

شكرا على الرفع
وحياج الله

 

[chakletaA]

شكرا جزيلا اسعد الله صباحك ،عطله سعيده عليك


استفدت كثيرا من الموضوع


يبيله ........

 

[PuPa^^SWeeT]

روعةةةةةةةةةةةةةةةةةةةةةةةةةةةةةةةة




كملييييييي

 

[امواج الكويت]

حيل حلو الموضوع يعطيج العافيه عليه

وان شاءالله بحفظه عندي للاستفاده منه بعد الولاده ان شاءالله

 

[ليمون ونعناع]

شكرا جزيلا اسعد الله صباحك ،عطله سعيده عليك


استفدت كثيرا من الموضوع


يبيله ........

روعةةةةةةةةةةةةةةةةةةةةةةةةةةةةةةةة




كملييييييي