الوحده ذبحتني

[روان||~]

السلام عليكم بنااااات

انا صارلي متزوجه سنه ونص. بس مشكلتي انه ريلي كله برا البيت وانا بشقه بروحي ودوامه شفت ليل وشفت صبح واليوم الي مايكون عنده دوام ينام فيه طول اليوم واهلي منطقتهم بعيده بس بالعطله اروح لهم ماقدر اي يوم اذا ضاق خلقي تخيلوا انام بروحي واقعد اليوم كله بروحي وهو لمن يقوم من النوم يادوب يصلي وياكل ويطلع القهوه او الدوانيه طبعاً غير السهر مايرد الا الفجر ومارات يسحب يواصل برا بعد واذا قعد عني بس يلعب بالايفون او يشوف فلم مايسولف ولا يطلعني مليت من الوحده قعدت اوسوس ياليت ماتزوجت القعده عند اهلي وناسه وطلعات مادري شسوي مو قادره اتحمل حياتي صعبه

 

[لوفيه]

والله العظيم مثل حالتي بالظبط بدون مبالغه

بس كنت الهي نفسي بالدراسه / اطالع تلفزيون / احط مكياج وامسحه /

ادق اسولف مع خواتي / اشبك / يعني كلش ما اخلي الملل يمرني


بس الحمدلله لمن ولدت الياهل اخذ كل وقتي وجود الياهل ونااااسه يالله لك الحمد

عسى الله لا يحرمني من ولدي وريلي

هذي حياتج حاولي تتأقلمين وتكيفي مع وضعج اليديد شتسوين بعد

موفقه حبيبتي*

 

[ابي اصير ممثلة]

انا مو متزوجة بس وحيدة نفسج ممكن تضفيتي بالمسن المهم اهتمي بنفسج حطي خلطات لشعرج حلبة زيت خروع زيت اللوز روي مايونيز وعندج للجسم سنفرة حمام مغربي زيت زيتون زيت اللوز للجسم

 

[نانسي كويتيه]

اخرتج بتصيرين مينونه الله يشافيج انا جذي من كثر القعده بروحي صرت مينونه

 

[نانسي كويتيه]

انا مو متزوجة بس وحيدة نفسج ممكن تضفيتي بالمسن المهم اهتمي بنفسج حطي خلطات لشعرج حلبة زيت خروع زيت اللوز روي مايونيز وعندج للجسم سنفرة حمام مغربي زيت زيتون زيت اللوز للجسم

ياسندرلا الدراما الكويتيه مو متزوجه طلعي من الموضوع لانه يخص المتزوجات فقط

 

[watermelon..]

نفس حالتي والله
بالعكس القهر ادا في البيت اسم بس يالاهي مع اللاب توب يامع اي شي غيري

 

[آميرة<<نفسسى]

طيب اشتغلـــى

رحـى زورى اقاربــــــــــــش

مش معقــول جالســة كذهـ فترات طويلــة

بتجيش حالــه وراخ تصيبن بمــرض التوحد الحقــى روحش

الله يشفيش

 

[ma7rooma]

انا بعد مثلج وماازور اهلي الا مرتين بالاسبوع ومرات مره بالاسبوع اسلي روحي بالنت او التلفزيون ومجلات وبس وهو بدوام وعقب الدوام يروح البر او القهوه تعودت على الوحده

 

[روان||~]

مشكورين ع الردوود الله يعين هذي الدنيا شنسوي بعد

 

[Mjnont '3lay]

ميخآلف الله يعينج ويصبرج حاولي تكلمينه بهدووووووء قوليله انا زووووجتك لي حق عليك طلعني اقعد معاي كلمني سولف وياي انا مو ديكوور بالبيت وليش متزوجني مادام انت مو قادر تفتح بيت وتهتم بمره ؟؟؟؟ وما دام عاجبتك حياة العزوبيه ليش تبلش بنات الناس وياك وفهميه انه بالدين مايجووز هالشي لانه الرجال ملزم انه يصرف على زوجته ويعاملها احسن معامله ولا يقصر فيها بشي وحقوقها كلها لازم يوفرها لها وانا اللي اشوفه من كلامج انه سوري عالكلمه بس انتي والطووف واحد وطبعا هالشي غلط ومايجوووز قوليله بكل هدوووء اما تهتم فيني وماتقصر فيني لا بطلعات ولا بقعداتك معاي ولا بالسوالف وياي او ردني بيت اهلي ابرك لي بعد شنو فايدتي انا عندك ما دام انا والطووف واحد ؟؟ فعلا شي يحر القلب والغلط انج ساكته لاااا حبيبتي تكلمي اشكي حسسيه بغلطه وحسسيه بتقصيره وقوليله حط نفسك مكاني لو تقدر على هالعيشه انا مستعده اني اعيشها بس اكيد انت ماتقدر تعيش هالعيشه وانا نفس الشي وان قال انا رجال قوليله الاحساس واحد مافيها رجال ومره وقوليله اطلع روح ارجع ما اقول لك لا بس عطني حقي مو تخليني بروحي قوليله الوحده ذبحتني ياليت لو شوي تحس فيني < واسفه حبيبتي طولت عليج بس اللي يسويه فيج مايرضى فيه لا الله ولا رسوله عليه الصلاه والسلام وشي يحر والله وانا حاسه فيج عشان جذي لازم تتكلمين وتاخذين حقج

 

[غلآ نوآف]

حددي يوم
دلعي فيه نفسج اخر دلع
وتزيني وتعدلي واكشخي له باللبس والمكياج والشعر
وخليج كاملة مثل العروس
وقولي له منتظرتك بالبيت
خليه لما يرد البيت يتفاجئ
حببيه بالبيت وبالقعدة معاج
وقولي له انج مشتاقة له
ومشتاقة لايام قبل لماتكونون مع بعض
تسولفون وتضحكون
ان شاء الله يلاحظ غيابه المستمر عنج
ويصير يحب يكون متواجد معج ويسهر وياج

 

[دلوعة صلوح]

انا مو متزوجة بس وحيدة نفسج ممكن تضفيتي بالمسن المهم اهتمي بنفسج حطي خلطات لشعرج حلبة زيت خروع زيت اللوز روي مايونيز وعندج للجسم سنفرة حمام مغربي زيت زيتون زيت اللوز للجسم

ههههههههههههههههههههههه والله كل ماشفت ردج اضحك لا ارادى يعنى انتى حلولج

كلها خلطات لييييييييييييييييش ماكوو شغل اربع وعشرين ساعة مدهنة هالشعر وقاعدة

ميرى على غفلة وانا مادرى ههههههههههههههههههههههههههه بس والله انى احبج

مادرى ليش احسج عالبركة يعنى طيبة وعلى نياتج.

 

[روان||~]

هههههههههه يعني الخلطات تسلي عن الوحده استغربت من ردها بس يعطيها العافيه والبنات الي ردوا ربي يوفقهم

 

[أم ميميتو]

الله يعينج و يرزقج الذريه الصالحه شنسوي بعد هاذي الدنيا مافي احد مرتاح بحياته و كل واحد همه على قده

 

[Judy . abbot]

انزين حبيبتي
سوي ليله مساج حق ريلج عشان يقعد بالبيت
استري افلاام ودزيله بطاقه مثل السينما الفلم والوقت
واشتري نفيش وناجلز وهسوالف وحطي شموه وجطي حلتو وهالخرابيط
يعني حاولي تخلين ريلج يقعد بالبيت لانه هم حرتم كلا قاعده بروحج
وانتي مو موظفه من كلامج لاء
اذا هذا دشي مثلا نادي او اي شي

 

[اينااس]

نفس الحاال مللللللل النت مسلينى اقوول لمه
هانت شاان انبط وامووت من القهر

 

[:نسوني غلاه:]

مسكينه البنيه شكتلنا حالها وطلعنا العن منها الله كريم ياوخيتي

 

[سمر شمر]

وي حمدي ربج انا شقوول بدولة غربة

لا اهل ولا يماعه


حمدي ربج

لا وتوني عروس بعد يعني حتى مايبت طفل على الاقل يونسني

اطالع الله ثم هالاب تووب

شسوي ماحولي احد ريلي متعبة الدوام ماخذ نص وقته والنص الثاني يادوب ينام


انا لو منج اطلع اروح لاهلي او رفيجاتي او اهله على الاقل

 

[ورد الطايف]

نفس وضعي انا لي سبوعين مارحت بيت اهلي كل في البيت
نسيت الشارع شلون شكله بس دايما اصبر نفسي وقول الحمدالله انا احسن من غيري ع الاقل بيت بروحي غيري مع حموله
حل مشكلتنا عند ازواجنا اطلعونا يقعدون معانا
ضيعي وقتج بالتلفزيون وتلفوين بالنت والمطبخ
والله يهدي ازواجنا يلتفتون لنا شوي *

 

[قل علها خيره]

آآآآآآآآآآآآآآآآآآآآآآآآآب