♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا ஐ๑^

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

اطالب بتثبيت الموضوع​

لما فيه من فائدة للجميع​

وبصراحة التقرير منظم ومرتب​

ويستاااااااااااااااااااااااااااااااااااااااااااااا هل ​

:eh_s(7):شكرااااااااااااااااااااااااااااااااااااااااااااااااا :eh_s(7):​

تقريرك رووعه كملي متابعينك

مع اني كنت ببطل اروح افاموسا سفاري لكن بعد الصور اتحمست لها

ان شاء الله تروحين وتعجبك
اشكرك على المتابعة​

همـــــــــــــــبه تقرير رائع يا بعدهم شيشتينى اروح مره ثانيه لها


همــــــــــبه لج مو باقه ورد الا محل ورد بكبره :eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):
على هالتقرير الحلو والاسلوب الاحلى




متابعين وربي يحفظج ويرزقج الصحه والعافيه ولا يغير عليكم يارب الا بالخير

مشكورة حبيبتي على الورد:eh_s(7):
باخذه واحطه في البيت ذكرى

ربي يكتب لج سفرة قريب ونيييييييييييسة


بارك الله فيك اختي على الدعوة الطيبة​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

مو قادرة اكمل
موقع التجميل ما ادري اشفيه ​

 

[78MariMar78]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الله يعطيكِ الف عافية حبيبتي

 

[ميما الاموره]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الله يعطيك العاااااااااااااافيه
وتسلم ايدك ما شاءالله عليك
حسستيني اني مسافره معاك
واكيد السفره معك حلوه كتير ولو اقدر اكيد ما بطوفها
كملييييييييييي
انا متابع معك​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الله يعافيك مرمر ​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الله يعطيك العاااااااااااااافيه

وتسلم ايدك ما شاءالله عليك
حسستيني اني مسافره معاك
واكيد السفره معك حلوه كتير ولو اقدر اكيد ما بطوفها
كملييييييييييي

انا متابع معك​

ياهلا ومرحبا حبيبتي ميما
الله يسلمك ويخليك مشكووووووووووووورة


ان شاء الله بكمل بس موقع التحميل معطلني
وانا اليوم فاضية قلت بنزل لكم كثر ما أقدر

حسافة​

 

[q.u.e.e.n]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

يعطييييييج العافيه على التقرير الرووووووعه

والصراحه تقرير ويستاهل التثبييييت

 

[حلمي الجنه]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

همبوش ياقلبي عساج على القوه
و الله يشافيج من الديسك وتسافرين كل سنه سفره حلوه وتنزلين موضوع حلو مثلج
أنا بعد كنت رايحتلها 10/9 ورديت 27/9
الصراحه الديره خيال حق اللي ينظم ويسوي جدول لرحله اما اللي تروح عمياني بدون تنسيق آنا اظمن لها انه افلوسها يتقطها على الفاضي
ياليتج رايحه لنجاوي صج انها جزيره الرومانسيه ولاستجمام كنا حاجزين فيها 3 ليالي بعدين مددنا صج حسينا انه لقينا المكان اللي اندوره من زمان مددنا 3 ليالي بعد
الله يكتبلج سفره ثانيه وتروحين لها وابيج اتقولين ملاحظاتج عليهاcenter]​

 

[نهى الأحمد]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

للرفع

:eh_s(7):

 

[مي حريري]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وووووووواو تقريرج رووووووعه ميه بوووووسه مني لج

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

يعطييييييج العافيه على التقرير الرووووووعه

والصراحه تقرير ويستاهل التثبييييت

الله يعافيك حياتي
ما قصرتي من ذوقك والله

همبوش ياقلبي عساج على القوه
و الله يشافيج من الديسك وتسافرين كل سنه سفره حلوه وتنزلين موضوع حلو مثلج
أنا بعد كنت رايحتلها 10/9 ورديت 27/9
الصراحه الديره خيال حق اللي ينظم ويسوي جدول لرحله اما اللي تروح عمياني بدون تنسيق آنا اظمن لها انه افلوسها يتقطها على الفاضي
ياليتج رايحه لنجاوي صج انها جزيره الرومانسيه ولاستجمام كنا حاجزين فيها 3 ليالي بعدين مددنا صج حسينا انه لقينا المكان اللي اندوره من زمان مددنا 3 ليالي بعد
الله يكتبلج سفره ثانيه وتروحين لها وابيج اتقولين ملاحظاتج عليهاcenter]​

الله يقويك حبيبتي
مشكورة على دعوتك الحلوة

ان شاء الله تتكرر بمدة اطول
ربي يرقنا من خيره ونعيمه


لنكاوي كانت في الخطة
لكن .... شفنا التنقلات بتصير وايدة ومعانا صغار اللي هم عيالي

فلغيناها باخر اللحظات وعدلنا الدول والحجز
خليناها للمرة الياية ان شاء الله



وانا دايما بسفراتي اسوي جدول
واحط غيره بديل في حال صارت ظروف مثلا هناك


والحمد لله هذا احد اسباب نجاح السفرات :krkrkr:
واختيار الصحبة ضروووووووووري

للرفع

:eh_s(7):

بارك الله فيك

وووووووواو تقريرج رووووووعه ميه بوووووسه مني لج

مرورك الأحلى والأروع
حبتك العافية اوصلت البوسة :eh_s(22):​

 

[78MariMar78]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

حياتي همبوش

بانتظااارك

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

نكمل معكم المشواااااااااااار وقصتي بماليزيا

اتفقنا عن طريق فندق رويال شولان بالأستقبال
من حجز ميني فان يكفينا الى جنتنق مباشرة
والتوصيل الى باب الفندق



وكان المبلغ المتفق عليه 250 رينجت تم تقسميها
على عددنا
تقريبا كل شخص 35 رينجنت




في البداية اردنا الحجز عن طريق الباصات الى جنتنق
ولكن بالسؤال عن طريقة الحجز بالفندق
اشار الينا بحجز ميني فان افضل حتى يتم التوصيل لباب الفندق



ونبهنا الى نقطة ضرورية :

ان الباصات توصلنا الى محطة ثانية في جنتنق ومنها نحجز تاكسي الى الفندق
وبيكون تعب علينا وشنطنا كثااااااااااار
وسوف يكون بنفس التكلفة بالميني فان



وانطلقنااااااااااااااااااااااا :ggdw:





اذكركم احنا بالطريق رايحين الــــــــــــــــــــــــــــــى جنتنق :krkrkr:







ما شاء الله تبارك الرحمن
الطريق رووووووووووووعة كلها خضرا واشجار تسر الخاطر




وبدأنا نصعد وبين لنا الضباب
والجو صار ابرد


حتى السايق استأذن ليقفل التكييف
لأنه السياره بطريق المرتفعات واهي تصعد تصير اصعب
وكان الجو يرد الروووووووووووح


فتحنا كل الشبابيك


سبحان الله جو ولا في الأحلام
وكل ما ارتفعنا بين الضباب




بصراحة لا اتذكر كم استغرق الوقت للوصول الى جنتنق
لكن يمكن يكون ساعتين







والمناظر والبيوت بالشوارع وايد حلوة





​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

سألنا السايق عن معرض الشوكولاته ​

فقال حاضر اوديكم ​

السايق طيب ومسلم ما قصر معانا ​

ووصلنا وعند الباب يحطون لك لزقة
انك بتدخل المعرض ​

​

​

معرض الشوكولاته ​

CHOCOLATE GALARY - MALAYSIA ​

​

طبعا وانت تمر علي كل نوع فيه تذوق بالمجان
تمر معاك وحدة من العاملات
وتشيل السلة عنك بعد عشان تشتري
والله خووووووووش خدمة ​

طلعنا من المحل بـ 800 رينجنت مشتريات
هههههههههه
خسرونه وايد

​

وعلى فكرة المحل صغير مو كبير ​

​

انواع عجيبة اول مرة اسمع عنها
بالكستنا
بالشاي الأخضر
بالمانجو
بالفروالة
كاكاو ابيض سادة
كاكاو ابيض بجوز الهند
التيراميسو
القهوة المرة
كاكاو سادة
كاكاو وحليب
بالمكسرات
بفاكهة الدورين
كاكاو محشي بجوز الهند - عجييب لا يطوفكم ​

​

​

وهذا عليه عرض
الكيس الواحد ب 46 رينجنت
واذا اخذت 3 اكياس يصيرون بـ 100 رينجت ​

وهالنوع عليه نفس العرض السابق
بس بدوووووووون سكر ​

​

حق الرجيم ​

​

والله شبعنا واحنا نتذوق الأنواع
ما شاء الله
شغلهم روعة ​

وهالحلوة تسوي قوالب كاكاو على اشكال
ورد وحيوانات وغيرها كثيييييييييييير ​

​

تيراميسووووووووووو ​

​

وكيسهم عندي محتفظة فيه للذكري وصورته لكم ​

​

هذا على مانجووووووووو عجييييييييييييييييب ​

حسافة خلص ​

​

علي بالعافية





وهذا موقعهم على النت للي يحب يتطمش


Chocolates in Malaysia | Malaysia's Largest Chocolate Paradise - Cocoa Boutique & Chocolate Gallery Malaysia


​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ووصلنا الفندق على خير ​

السايق اشار لنا
ان المبنى الأبيض بالصورة هو الفندق​

​

الفترة : من 4-6 سبتمبر ليلتين​

Hotel
Awana Genting Highlands Golf & Country Resort​

المدخل
​

​

وهذه اللوحة تبين درجة الحرارة بالمنطقة عند الوصول
وكانت 27 درجة ​

براااااااااااااااااااااااااااد ونسيم عليل ​

​

والسلحفتين النزغة
يتحرشون ببعض
اخر شي وحدة اغدرت بالثانية
ودزتها بالماي
هههههههه
​

نوع الغرف​

ديلوكس Double or Twin Room -
Non Refundable - Breakfast included​

غرفة ديلوكس ثنائي مع الأفطار ​

سعر الليلة 160رينجنت مع الضريبة والخدمة - غير مسترد
( كان فيه عرض عليه في موقع بوكينق فأخذناه لأنه السعر كان مغري حيل ) ​

ملاحظة مهمة :
والأحلى بالفندق انه يقدم لك تذاكر على العدد لكل غرفة لركوب التلفريك مجانا مع الحجز ​

وهذه تذاكرنا
2 way ( يعني روحة وردة بعد ) حسب عدد الأيام اللي تسكنها بالفندق ​

يعني حق يومين ​

​

استملنا كروت الغرف ​

​

وهذه الغرفه
التي لا توحي ابدا بأنها ديلوكس ​

كل غرف فيها سريرين كنج سايز
اثاث متهالك
اغطية وشراشف قديمة ومبقعة ​

سجاد وصخ ​

انصدمنااااااااااااااااااااااا ​

​

خزانة الملابس في المدخل مقابل التواليت ( عزكم الله​

التواليت فاشل ومو نظيف
والمغسلة تخر ​

والبانيو ارف ارف ​

​

وارضية الحمام تجمع الماء عند الباب
يعني بركة سباااااااحة ​

​

ولكن البلكونة والمناظر التي تطل عليها تشرح القلب
هي اللي صبرتنا ليلتين

​

هالمنظر من غرفتي انا وعيالي ​

​

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ورحنا نستكشف المنطقة داخل ارجاء الفندق ​

وهذا ملعب القولف
رهييييييييييييييب مساحته كبيرة وكلها باللون الأخضر الطبيعي ​

سبحان الله ​

​

وهذا الطير كان موجود بكثرة ​

​

امبيييييييييييه المنظر خيال
ما كنت مصدقة
خضار على مد النظر
وهالفندق معروف واغلب سكانه من لاعبي القولف ​

​

شوفو الشجر والثمرات الوان بشجرة وحدة ​

​

​

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

هالمنظر من غرفتي اختي
يطل على الجهة الثانية







وهذه الغرف طريقة البلكونة وايد اعجبتنا
بحيث ما تقدرين اتطلين على اللي تحتك



​

 

[اللهم الجنة]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

انا سمعت ان فنادق جنتج وصخه
عشان جذي خصصنا يوم من الصبح للمغرب وردينا ما نمنا فيها

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

​

​

اتفقنا ان نجتمع في منطقة الأستقبال خلال ساعة بالكثير
كل ياخذ وقته بالصلاة وتبديل ملابس او الراحة ان أراد ​

ومن لهفتنا لرؤية جنتنق والعابها خلصنا بنصف ساعة بس ​

واخذنا التذاكر حق التلفريك المقدمة من الفندق بالمجان
من ضمن حجز الغرفة ​

وبعد التحقق من الأستقبال بكيفية الذهاب الى التلفريك
افادوا انه يوجد شاتل (باص ينقل ساكني الفندق بالمجان )
من و الى الفندق يوميا وكل ساعة فيه باص يطلع
والجدول معلق عند مدخل الفندق ومكان الأنتظار ​

​

فذهبنا للأنتظار ​

وهو خارج الفندق علي يسار المدخل ​

تقريبا 10 دقائق واحنا واصلين الى منطقة التلفريك ​

وقبل لا نركب التلفريك
شفت عربة تبيع كستناااااااااء عجيييب رهيب ولذيذ
واختكم تمووووووووت على الكستنة ​

يعطونكم معاها كسارة صغيرة مبينة بالصورة ​

وركبنا ​

وانطلقنا ​

العربات تيي بسرعة ورااا بعض
لازم تركبون بسرعة
وفيه واحد يصوركم
اذا اعجبتكم الصورة تشترونها ​

​

من اهني ركبنا التلفريك​

​

​

​

​

​

شوفوا الضباب كل ما أرتفعنا زااااااااد​

​

​

​

طبعا اخواني يدرون فيني اموت من الخوف من هالأماكن
فاتفقوا مع عيالي انهم يهزون العربة كل ما أرتفعنا ​

حرااااااااااااااام عليكم والله يغيت ابكي
بس خفت يضحكون علي ​

مو قادرة اطالع تحت
كمية الأشجار تحتنا كبيرة وعالية
واللي يطيح يقول باي باي على عمره ​

اخر شي اسكتوا :krkrkr:
قلت لهم لو وقف قلبي بموت وتردون الكويت
هههههههههه
خوش تهديد ​

مشروع التلفريك اللي سواه ذكي ومستثمر ناجح
يا حلات ماليزيا والله
كل شي فيها حلو ​

​

التلفريك مدتة تقريبا 15 دقيقة - 20 بس



​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

انا سمعت ان فنادق جنتج وصخه
عشان جذي خصصنا يوم من الصبح للمغرب وردينا ما نمنا فيها

هلا حبيبتي

لا والله مو وصخة
ترا هالفندق كان فل على الأخر
بس الظاهر غرفتنا موشي

انا شفت تقرير بمنتدى ثاني الغرفة اتهبل
والسعر خطير 300 رينجت سويت قمه في الروعة

حظنا جذيه :eh_s(4)::eh_s(4):

ياختي احنا قعدنا يومين ما شبعنا

لكن اروح وارد بنفس اليوم لاااااااااااا ما يكفي


قزرناها الفندق بس للنوم
كنا نرد الساعة 1 بالليل وناااااااااااااسة
ياحلاتها من ايام​