تجمع امهات مواليد شهر سبتمبر ( 9) 2011

[سارونة المملوحة]

اشفيكم بنات
مع البرد الظاهر مختفين
وين الحماس؟؟؟؟؟*

 

[ملح الدنيا فيني]

السلام عليكم شلونكم بنات
تطعيم 4 شهور يتعبتيله حراره ولا لا ؟؟؟

متى ابدى اعطيه سيريلاك ؟؟

الاحظه يسعبل وايد ويعظظ ايده شنو اسويله ومتى يبدى يسنن ووايد يعصب ويبكىويتهنوص

 

[رووتين]

مرحباً بنات وحشتووووووووووني وايد


اسمحولي عالغييه

 

[حبيب قلبي]

السلام
ملح الدنيا سألت البنات قالوا مايسخن ولا شي باجر تطعيمه بعد عمري بس الي اعرفه انها تتقشر عرفتيها مالت الروضه الي بلجتف بس حلاتها بصيف حق لمزلط وتنشف بسرعه الحين الله يعينا كل مايحوشها لهدوم بتعوره

 

[zntoosha]

هااااااااااااي بنااات
شلونكم شخباااركم
توقعت بعد هالغيبه الاقي طايفني 10 صفحاااات هههههههه
كل المرض الف لا باس عليكم حبايبي ومايشوفون شر بيبياتكم ان شاءالله
بنات صايره مينونه اكل ما امسك نفسي امبيه شالحل
اخاف اصير بلووونه

 

[بتبوتااا]

مااشاء الله ملح مبرووك الحمال ياقلبي

الله يشافي بيبياتكم الجو بارد واليهال بسرعه يستمرضون

والسيف نهيييبه ولد اختي قعد فيه اسبوع خذو ١٥٠٠ ولاا كانو يبونه يقعد بعد والولد الحمدلله تحسن

 

[aseman]

الو الو حول حول ليش هالنعاس بالتجمع
وينكم وشلونكم وشخبار عيالكم

 

[aseman]

بنتي باجر تطعيمها الله يستر ما احب يوم التطعيم نفسيتي تتعب

 

[حبيب قلبي]

اليوم طعمت ولدي الحمدالله سهالة وكنت وايد احاتي طلعت ابره صغيره وبسرعه يبجي وينسي عكس التطعيم الي طااااف كانت كريهه ولا تحاتين مايسخن ولاشي

 

[aseman]

الله يطمن قلبج حبيب قلبي

 

[نور وضي القمر]

صباح الخير

شلونكم يا امهااااات


بنتي تعبانه الله يشافيها خشمهامصكر وما تقدر. ترضع حليبتها.


الله يعين

 

[Winter Q8]

صباح الورد ..

نور الحال من بعضه.. اا ما صدقت يتصحصح الحين ردت له الكحه و النشله و الحمدلله على كل حال ..
اول كنت اموت ع الشتا من نكي الحين كرهته قمت اشوفه مرض ..

 

[ست 666]

السلام عليكم اشلونكم امهات وشلون بيبياتكم ان شاءالله بخير
ست عندج دار الشفا يهبلون السيتر تاخذ منج الياهل وهيا تفصخه وتسوي كل شي وعقب مايخلص الدكتور تلبسه وتعطيج اياه بس للاسف ماادري عند دكاترتهم اذا زينين ولا لأ انا احب اراجع عند خالد السعيد بروفسور وفاهم بس شنو زحمه عنده

عاد ما احب الزحمه الحكومه اذا رحتي بالكثير نطرتي نص ساعه
بس انا ابي دكتور معين يتابع ولدي على طول مابي كل مره دكتور غير

السلام عليكم شلونكم بنات
تطعيم 4 شهور يتعبتيله حراره ولا لا ؟؟؟

متى ابدى اعطيه سيريلاك ؟؟

الاحظه يسعبل وايد ويعظظ ايده شنو اسويله ومتى يبدى يسنن ووايد يعصب ويبكىويتهنوص

تو الناس على السيريلاك اذا كمل 6 شهور بلشي معاه
و على السعابيل انا بعد مثلج كله يعبل و ايده بحلجه

و مبرووووووووووووووووووووووووك على الحمال
الله يتمم عليج حبوبه

هااااااااااااي بنااات
شلونكم شخباااركم
توقعت بعد هالغيبه الاقي طايفني 10 صفحاااات هههههههه
كل المرض الف لا باس عليكم حبايبي ومايشوفون شر بيبياتكم ان شاءالله
بنات صايره مينونه اكل ما امسك نفسي امبيه شالحل
اخاف اصير بلووونه

اي والله مادري شسالفه البنات اليهال كل ما يكبرون تكبر المسؤوليه معاهم و مايصير عندنا وقت
انتبهي على اكلج ترا الاشهر الي بعد الولاده اهي الي تمتن عدل اذا ما حافظتي على نفسج
انا عكسج قاعده اضعف وايد مو حلو كلش خايفه ارد اصير هزيله نفس قبل

صباح الخير

شلونكم يا امهااااات


بنتي تعبانه الله يشافيها خشمهامصكر وما تقدر. ترضع حليبتها.


الله يعين

الله يعينهم هاليهال
انا بعد ولدي حبيبي تعبان عاد يكسرون الخاطر وقت الرضعه شفطتين و يوقف يتنفس و يرد مره ثانيه يشرب

 

[حبيب قلبي]

ست خالد السعيد بخاص مو حكومه وسكني علي الضعف انا مثلج كل مالي واختفي شكلي كلش مو حلو وبنطلوناتي ماكو شي يوقفهم كل شوي يطيح ههههه
بنات انا ماادري اشلون عرفتوا ان ملوحه حامل علشان نبارك.
ملوحه مبروووووك والله يتمم عليج

 

[بتبوتااا]

التطعيم الثاني بتاريخ ١٢ /٣٠
طمنتوني انه بس ابره عالجتف

 

[سعادتي انت]

مرحبا شلونكم​

ملووووووووووحه ألف مبروك الحمال
وعسى الله يتمم عليج​

لكم وحشه والله
بس اقرى واطلع ​

صاجه ست 666
كلما كبروا زادت مسؤولياتهم​

ولدي حده يشرب رقم 3
المفروض رقم 4 او 5​

لا وكله ترجيع بعد
حيرني معاه..​

 

[Dancing^Queen]

اليوم قلت فيها لاخفيها الا ادش اسلم عالاقل
ماجذب عليكم الاوضاع ماتسر احس اني مستهلكه لاطاقه لدي ولاوقت مابين امراض وامراض وامراض ومسؤوليات ومواجيب وتدريييييييييييييييييييييييييييييييييييييس وريل وخدم غير بيت اهلي ياعمري عمرها اختي حيل تعبانه وبيطيرون فيها بالويك اند الله يعديها الشر وبيفضا بيت اهلي لا ام لاخوات من غير شر بس انا والمتزوجات من خواتي احس الديره بتفضا الله يسهل ويشافي اخيتي وترد بصحتها تعقدت حيل من سفر العلاج. وخايفه عليها حيل
فضوني لي الحين تعبانه وزنتوش شفتي صوره البنوته اللي حاطتها صوره شخصيه تشبه فيفيتي بس بنتي سمره


ملوحه الف مبروك الحمل وحبيبتي صديقك من اصدقك ولاني احبك بالله اقولج عساج مراجعه طبيب قبل الحمل اخاف عليج خطر حملج بهالسرعه انتي والده قيصري

ست الستات شلون وليدج وشلون امورج مع قوزو

ام كشه عسا سافرت وان شاءالله تتهنا
روتين شلونج حبيبتي وشلون صديقه بنتي

حبيب قلبي وبتبوت ونور وضي القمر واسيمان ونتر تعب قلبي. ابريل ملووووووووكه زينانه ام وليد الشمري ام ساره برنسس حمبوشا ام قدور ميووون زنتوش يووونووووووو سعادتي انت

ولهت عليكم بنات وحده وحده وعذروني جان نسيت احد يابنات
ولهت علي اني ارد عليكم اقتباس متعدد وولهت علي سهرنا مع بعض وسوالفنا

 

[نور وضي القمر]

صباااح الخيررر

شلونكم ياامهاات مع البرد

بنات جم ساعه بين كل رضعه تخلون ؟؟؟؟؟؟؟؟؟؟؟

 

[نور وضي القمر]

سعادتي غير

عادي انا بنتي بتكمل ٥ شهور ان شاء الله وماترضع الا ٣ ارقام وترجع تعبت معاها وخليتها علي راحتها تشرب اللي تشربه علي م
كلام تقول خليها اذا شبعت توخر عنه

كوينً

ماتشوف شر اختج وان شاء الله ترجع بالسلامه

ست ستات وملح الدنيا وملوكه وام وليد وام سارة وام قدوور واسيما ووزينانه


شلونكم وشخباركم مع بيبياتكم

 

[حبيب قلبي]

السلام عليكم
كوين الله يشافي اختج ويردها لكم بصحه وعافيه وماتشوف شر فضفوضه وهونيها وتهون الكل عنده مشاكل بس الله يقدرنا ونتحمل
نور وضي علي حسب انا اشوفه بعض المرات ساعتين ويبي رضعه وبعض المرات اعطيه عقب ساعتين مايبي فعلي احساسج