نصايحكم تكفون .

[حلم ينتظر حقيقه]

قوه بنات

انا بدخل بالمشكله على طوووول :eh_s(2): بنات أنا اتمنى ان ولد عمي يصير من نصيبي بس المشكله
وين أن ولد عمي هذا اخووووه من قبل خطبني ورفضه أخووووي الكبير وأنا طنشت السالفه بس المشكله اني انا الحين معجبه فيه واخووووي دايم يسسولف عنه وانا اعجبت بشخصيته واتمناه
بنات أانا كنت العام درجاتي شوووي نازله لان حدي مهمومه من التفكير صح بتقولون انتي صغيره وانتبهي على دراستك بسس بنات انصحوني كأنكم تعرفوني يعني وش أسوووي عشششان انسساه او هل من الممكن انه يخطبني مع العلم ان اخوه خطبني ورفضه اخوووي انا هذا السؤال يدور بالي ومالقيت جووواب تكفون انصحوني ولاقولوا وش اسووووي :eh_s(2): مع العلم انا انسسانه محترمه يعني لاحد يشك في اخلاقي بسسسس هذي المششكله اللي صعب حلها وحبيت انكم تساعدوني

 

[هيا349]

الي الله كاتبه بيصير انتي حاولي تنشغلين بأي شي غير التفكير فيه

 

[(( الذهب ))]

والله عجبني حيل قولت انج محترمه ولا نشكك باخلاقج
معناته ان الخطا ودلع البنات الي يودي بداهيه مو فيج الله يستر عليج ويكملج بعقلج
وطلبج انك تحاولين تنسينه شي طيب
اذا الله كاتبه من نصيبج بيجيج بس غيره لا تسوين شي ادعي الله ان يكون من نصيبج
بس غيره لا تسوين لا تحاولين تلفتين انتباهه ولا تفكرين فيه كثير والله يستر عليج
ترا الرجال ينقد علي البنت الخفيفه ولا ينسي لها هالشي طول عمره خليج راقيه ومحترمه
والله يوفقج

 

[انا لحبيبي .]

اسجدي واطلبي الله يناولك يلي فيه الخير ، ادعي بكل صلاه الله يناولك يلي فيه الخير ويبعد عنك الشر

ما الك الا الدعااء ، واطلبي من ربنا هدايه البال ، الدعاء مفتاح لكل امنيه الشخص بتمناها

 

[ޢޢޢإيمانޢޢޢะۣۨ>]

انزين ليش أخوج رفض ولد عمج الكبير ؟ ماذكرتي السبب
ودام الموضوع مجرد إعجاب منج يعني بيكون نسيانه مو صعب وايد عليج حبيبتي
ويمكن ما يكون الشخص المناسب لج
إدعي الله أن يرزقج بالنصيب الزين سواء كان هو ولا غيره
والله يوفقج ​

 

[ms> pink]

احرصي بساعات الاستجابه انك ترددين وبكل وقت(اللهم ان كان ولد عمي فلان خيرا لي في ديني ودنياي وعاقبة امري عاجله واجله فاجعله من نصيبي واجعلني من نصيبه وان كان شرا لي في ديني ودنياي وعاقبة امري عاجله واجله فاصرفه عني واصرفني عنه وارزقني خيرا منه)
بتقولين اهلي يمدحونه فلانه تمدح وفلانه تقول !!!!لا
استيقني انك وكلتي ملك الملوك يختار لك وثقي باختياره ثقه مايخلطها الشك
وبالتوفيق يارب

 

[نانسي كويتيه]

وااااااااي ياكرهي لحرركات اليهالووه يعني شوفوني اني السندريلا اللي الاخوان الاثنين يموتون فيني وانتي ويهج اللهم ياكافي جابلي دروسج بلا حب بلا خرابيط

 

[الشامخة بوطنها]

صجج مافية حياا الله يستر من هالزمن من الحين تفكررين اذا من نصيبج ماتدرين اهتمي بدراستج خلي سووالف حب وخباال الله يهداج بسسسسسسس

 

[amami al-kuwai]

شوفي حبيبتي انتي بعدج غيرة ويمكن تسمعين من اللي معاج بالمدرسة عن قصة حب او قصة اعجاب تطورت لزواج وحطيتي الموضوع فبالج

حبيبتي شيلي هالفكرة من بالج لان هذا مجرد طيش المراهقه

وبعدين هو مايدري عن هوا دارج ليش تفكرين فيه وانتي بس تسمعين فيه

 

[Beautiful soul]

احنا شدرانا اذا بيخطبج ولا لا ؟ شفتي ان انتي تفكرين باشياء غيبيه حبيبتي هذا كله نصيب وربي كاتبه ليش اتعبين نفسيتج
وبعدين الموضوع عادي ان اخوه خطبج ورديتوه
انسي هالافكار وعيشي جو الدراسه والصديقات والوناسه وخلي هالاشياء وهالافكار وادعي ان ربي يكتبه لج اذا كان فيه خير لج

 

[قمر كويتي]

زين شنو سبب الرفض؟؟
زين ولد عمج الي تبينه اهو يبيج؟ صعبه شلون اخوه كان يبيج ورفضوه
انتي قولي سبب الرفض واحنه نعرف السالفه

 

[حلم ينتظر حقيقه]

رفضناه لاني كنت صغيره قبل سنتين خطبني وانا كنت صغيره بسسس سؤالي يعني عااااادي ان اخ يخطب وحده كان اخووه خاطبها ورفضوووه ولالا؟؟؟؟؟؟ أنا هذا السؤال محيرني تكفووون وش الحل؟؟

 

[a انا وبس]

اللى كاتبه الله ان شاء الله يصير
وحولى تشغلين نفسج عنه

 

[سارونه الامورة]

الله يكتب لكِ اللي فيه الخير ياااااارب

 

[قلبي يتبعك]

عليج بالدعاء واشغلي نفسج بدراستج

 

[بنت ذيبآن]

والله عجبني حيل قولت انج محترمه ولا نشكك باخلاقج
معناته ان الخطا ودلع البنات الي يودي بداهيه مو فيج الله يستر عليج ويكملج بعقلج
وطلبج انك تحاولين تنسينه شي طيب
اذا الله كاتبه من نصيبج بيجيج بس غيره لا تسوين شي ادعي الله ان يكون من نصيبج
بس غيره لا تسوين لا تحاولين تلفتين انتباهه ولا تفكرين فيه كثير والله يستر عليج
ترا الرجال ينقد علي البنت الخفيفه ولا ينسي لها هالشي طول عمره خليج راقيه ومحترمه
والله يوفقج

معآهآ بكل كلمة قآلتهآ ..
الله يوفقج يآ الغلآ ..

​

 

[Tom ♥ Jerry]

,


الي الله كآتبه بيصير !
خلي الأمور على الله و اذا نصيبج رآح تاخذينه ـ،

 

[صب القفشه]

ادعي ريج و الله ييسر امورج يارب