من 111 الى *** تابعوني لين اوصل الستينات watch me shrink

[رماد الحب]

الــســلام

شلونكم ؟ بعد شخباركم ....؟

المهم

انا كااااان ووزني :eh_s(1): 111 اللله لا يردهم هاذا اعلا وزن وصلتله هاذا شهر 3 الى طاف

:eh_s(14): وقلت بنت توني وهاذا وزني !!! ولايعه جبدي من نفسي واختى تحبطني انتي ما راح تضعفين الا بعمليات مينونه !! تفكرين برجيم لو انا منج.... :eh_s(16): تعرفووون كلام الخوات

قلت خلاااااص رجيم رجيم رجيم ...... :eh_s(9): وكان عندي عرس شهر 4 يعني فرصه وبديت برجيم طالب الشمري اسبوعين والتزممممت معني لاااااااااااااااااعت جبدي من التوست خلااااص قمت ما اكل ساعات....
ونزلت عليه ........ من 111 لي 105 واستانسسست وقلت قبل لا ابلش بالاسبوعين الثانين اخذ فري وطبعا الفري صار يومين 3 4 5 :krkrkr: لين يا العرس وخلص العرس ليييين قبل رمضان بأسبوع يمكن ... وزنت الا انا 108 :eh_s(1): عاد اهني فكرت صج وانا بطاليه يعني لو اهد نفسي والله ما ادش من الباب وتأزمت وخلاص بلشت رجيييييييييييييييييم لين رمضان وزني صار 106 وقلت برمضان بس تمر ولبن واي شي خفيف وحلفت ما اكل لا عيش ولا معكرونيات وبعد رمضاااان نزلت بس 5 كيلو كنت متوقعه اكثرررر اول يوم عيد الفطر وزني حزتها كان 102 واول يوم العصر كانت بسافر قطررر حق خالتي وكل خالاتي بيروحون يعني :ggdw: ابو الرجيييم لابو هههههههههه
رحت بس 4 ايام رديت وزني 106 اسمالله علي حالفه كل يوم كيلو المهم .....
وبلشت من تاريخ 3/5 كان وزني 106.8

امشي ساعتين واذا مالي خلق كلش سااااعه لاااازم وشريتلي حبل :krkrkr: غرفتي صارت جيم جهازين رياضه وحبل وجوتي الرياضه يمهم وهم كلها جم يوم وبديت اطنش ولا مالي خلق مليييييييت من المتن حيييييييييييييييل ودي اضعف اليوم قبل باجر لا رجيم لا اهتمام نومتي عكس الاوادم واختي تحن وتزن رجيم رجيم رجيم رجيم قمت اعاند قتلها خلاااص انا اعرف حق نفسي انتي ما تفكرين وراج زواج !! ضعفي ضعفي قتلها لو بضعف بضعف حق نفسي مو حق ريل :eh_s(4):...... بس بليل فكرت بكلامها عددددددل وصج صج يعني انا الحين 21 وتوني متخرجه وماااااعندي شي عشان اطلعلي اعذار وقلت من اصبح افلح :ch12: وقررت خلااااااااااص هالمره صج صج صج مارااااااح استسلم حق الاكل انا ساعات مو يوع من الملل والله .... رحت وشريتلي الاوراق الصفر ملوت النوت ولازاق وقمت ادور بالنت wight lose tips ...befor and after pic :eh_s(9): تشجععععت حييييل تخيلت نفسي عصله ااااااااااااالله وقلت بهتم بنفسي اكثررر قمت التزم ساعه مشي
لازم باليوم 8 اكواب ماي واذا اكثر احسن بعد
جاي اخضر بال(زنجبيل وكمون وعشرج ساعااات /ونعناع)
قمت اراجع حق الاسنان
وقمت ادورلي خلطات واشياء حق ايدي
قطعت البيبسي و ربعععععه والله اررررررررريح
و وااايد اشياء ....

والحين الاوراق بتقولون حق شنو !!! شوفو بنفسكم
.
.
.


اليوم وصلت يوم 78 يعني شهرين و18 يوم اعتقد ووووووووزني الحين!!!
.
.
.

86

انا صج من اول يوم كنت 109 كانو يعطوني وزن بالثيمانينات مو اكثر لانه متني تحححححححححت :eh_s(16):بس الحمدلله قاعد انكمش ههههههه

خالتي ما كانت شايفتني من بلشت جد وتوها راده من السفر زارتنا قعدوني من النوم تبي تشوفني :krkrkr: ولا تقوووول مشششششاللله مشاللله من الى صج صج انجااااز:eh_s(9):انا ينيت من الوناسه​

وبنت عمتي دزيتلها صورتي طبعا كل فتره اصور عشان اشوف الفرق قالت :eh_s(1): طلعلج خصر
......اااااااااااااااااااااااحلااااا شي تسمعين هالكلاااام صج صج تنسين انج تعبتي بالرجيم والاكل الحين صار شي عاااااادي بس بيوم الفرري اكل اللللللى ابيييه بس هااا لي الساعه 7 مو اكثر
20 كيلو !! الحمدلله يا رب :yaaaaaarb: والحين امس كان يوم الفري واليوم رديت عالدايت وبمشي على اكل الشركات الى بالثلاحات الصبح بروح اشتري :eh_s(9):.....

وهالموضوع يوميات حقي والى تبي تمشي معاي ما عندي مااانع .... والى عندها اااااي سؤال تسئل ........

الله يقوي ارادتي وتصير 60 ياااااااارب

اتمني اشوف تشجيعكم وردودكم :eh_s(17):

 

[رماد الحب]

اي بنات نسيت شيين ...

1) الحررررررررررركه صج صج الحركه بركه ههههه انا كنت اول يمكن اقوله الى يعطيني الريموت اعطيه خمسه من كثر الكسسسسسسسسسل هههههههههههه الحين لو اليهالو يقولولي يبي شي من هناااااك اطمر ههههه ماكو شغل ...

2) حطيلج قطعه ملابسه عشان تشوفين الفررررق انا كان عندي جينز مااااا يسسسسسكر مسكين ههههه الحين وسييع
شعوووور حلووووووو امي ذاك اليوم تقول قططططع لا تلبسين لبسج الى شوسعه ههههه اول مره ما تقول لا تتقلقصين ههههههههههه.....

وبسسس

 

[رماد الحب]

شكراااا للي شافو لو رادين احسن

المهم :ch12:

انا مساع شربت كوبيين ماي ...

وسويت تمارين حق الايد كلها كل ايد 60



وبعد شوي بتريق واليوم عندي 3 اشياء بسويها :
1- لازم اروح الاسنان للحين ما خلصت
2- بروح اشتري اكل حق الغدا والعشا اليوم وباجر
3- عندي حفله عيد ميلاد بعد اسبوعين وشايفتلي نفنوف بالافنيو يمكن امر اخذه اذا مداني :eh_s(4):لانه في ناس مو شايفيني من زمااان فا بطلع بشي

والميزان الياي بيكون تاريخ 6/ 1 الصبح

بعد شوي احط ريوقي ....

 

[رماد الحب]

ريوقي ..
شريحتين توست كامل القمح + شريحتين حلوم لو فات +خيار و خس




لماذا الخبز الأسمر؟
عندما يوصي خبراء التغذية بالخبز الأسمر, فليس القصد أن عدد السعرات الحرارية فيه أقل من عددها في الخبز الأبيض, و كذلك النشويات التي تتساوى أيضا في النوعين, و لكن الخبز الأسمر و الناتج عن طحن حبة القمح الكاملة دون قشرها على عكس الخبز الأبيض المكون من طحن حبة القمح بعد القشر, يتميز باحتوائه على الألياف التي تكون منزوعة من الخبز الأبيض, و من المعروف أن الألياف من المواد التي تساعد على سهولة الهضم و التخلص من الإمساك الذي عادة ما يقترن بالرجيم, و كذلك يعد الخبز الأسمر أغنى بالمعادن و الفايتمينات لكون حبة القمح فيه متكاملة بجميع عناصرها (غير مقشورة).


........ OUT

 

[&شهرزاد&]

الله ونااسه استمري حبيبتي والله معاج

اناا اليوم من قعدت من النووم ابالي الرجيم

خلاص بسوي رجيم عندي جم كيلووو لازم

ينزلوون

مووووافقه حبيبتي

 

[ميرآل]

مشاااااااااااااااااااااااااااء الله عليكي
نقصتي كثير عقبال مايصير وزنك 60 مثلي
متابعتك حبيبتي اتمنى توصلين للي تبين

 

[أمووورة الكويت]

ماشاء الله

الله يحفظج ياارب وتوصلين للوزن الي تبينه بصحه وعافيه ان شاء الله يارب

 

[أسوار77]

ماشاء الله عليك
بالتوفيق وعجبتني فكرة الستيكر

 

[عصير برتقال]

الله يقويك خيه

انشاء الله تضعفين بصحة وسلامة يارب

 

[رماد الحب]

الله ونااسه استمري حبيبتي والله معاج

اناا اليوم من قعدت من النووم ابالي الرجيم

خلاص بسوي رجيم عندي جم كيلووو لازم

ينزلوون

مووووافقه حبيبتي

:yaaaaaarb: يالله تنزلينهم بصحه يا رب ... اجمعين حبيبتي شكرااا عالرد :eh_s(7):

مشاااااااااااااااااااااااااااء الله عليكي
نقصتي كثير عقبال مايصير وزنك 60 مثلي
متابعتك حبيبتي اتمنى توصلين للي تبين

:eh_s(2): الله يسمع منج ... ثانكش عالرد والمتابعه :eh_s(7):

ماشاء الله

الله يحفظج ياارب وتوصلين للوزن الي تبينه بصحه وعافيه ان شاء الله يارب

تسلميين بعد قلبي شكراا عالدعوه الحلوه والرد :eh_s(7):

ماشاء الله عليك
بالتوفيق وعجبتني فكرة الستيكر

اجمعين يا رب ... تصدقين ساعات امل ودي اخربط بس اطالع شكثرر التزمت اتحسف وما اخربط .... شكراا عالرد:eh_s(7):

الله يقويك خيه

انشاء الله تضعفين بصحة وسلامة يارب

شكراا حبيبتي :eh_s(7): عالرد
.................................................................................

*بنات رحت سويت كل شي :ggdw: وشريت الى ابي وبصورلكم كل الى شريته من اكل ونفنوف .......
بس توني متغديه دخدخت :eh_s(1): لاني مشيت بالافنيوز ساعه ....

 

[ENG.MKK]

هلا حبيبتي

انا معاج اعلى وزن وصلته

88.8

طبعا اختي تطنز وتقولي المرينا اف ام


تعرفين الخوات

بس حرام كانت وايد تنصحني وانا ما اسمع

بس ياني شي بحلمي قالي لازم انزل

لي متى بنفرش انا جامعيه

وما داومت الكورس الاول سحبت كورسي

بقدم كورس ثاني

وقام اسوي رجيم

الحين وزني 80.8

نزلت 8 كيلو حمدلله ب 3 اسابيع

والحين بكمل ابي اوصل لي ال خمسين ان شاءالله

وراي عرس شهر 2

ابي لين شهر 2 اوصل بالستينات ان شاءالله

رجيم مرات امشي ومرات لا

بس قررت ابلش رياضه

قمت اشوف باليوتوب انواع رياضه حلوه واقلدهم

صج يتعب بس ان شاءالله كل شي بتعبه حلو ..

الله كريم ان شاءالله ..

 

[مريومه20]

مبروككك النزوووول وعقبال ما توصلين ال 60

بس ممكن تحطين الرجيم اللي متبعته ,,,,,

 

[نهر الكوثر]

مبروك النزول وان شاء توصلين للباقي من غير شر
من ولدت وزني 68,7 ومن قبل شهر استخدمت خلطه الليمون والكمون وتخفيف اكل والحمدلله وزني ينزل ببط لان ناقصني رياضه تشد جسمي شحلات الرشاقه بس

 

[Jnaaaat]

ماااااااشااااااءالله تبارك الرحمن
عفيه عفيه عفيه علييييج
شدي حييييلج ونزلي ولاتتعبين من الرجيم لانج عشتي السمنه وبلاويها
واللحين انتي تقدرين تشترين من السوق اي شي يعجبج
بس كملي ونزلي لين تلبسين سموووول

وعقباااالي انا بعد نزلت وااايد والحمدلله ورااح استمر

 

[توووووتة الحلوة]

رماد راح اشترك معاج اذا في مجال. اعجبني فيج روحج المرحة. انا وزني 67,8 :eh_s(16):اول ما بديت الدايت كان وزني 76,7 و طولي 158

ودي يكون وزني ستين ...رماد، انتي كم طولج ؟

 

[<<لمار>>]

مبروك النزول وعقبال ماتوصلين للوزن اللي تبينه ويريت تحطين لنا رجيمج

 

[رماد الحب]

:ch12:سلااام

يالله اليوم رحت وشريتلي اكل من دايت كير حق 4 ايام
غدا عشا سناك


وغداي كان مجبوس لحم 420 سعره حراريه

لذذذذذذذيذ جنه طباخ بيت

السناك كانت جوكلت كيك 220 سعره حراريه :eh_s(15):


*الرجيم الى الحين ماشيه عليه حساب السعرات ... باليوم 1000 عشان لمن اضعف شوي انزله وما يثبت وزني ....

والنفنوف يا بناااات لقيت واحد حلو ونعوم قايسته :eh_s(9): مبين ضعفي حييييييل .... اهوا نفس هاذا وقياسه 18 كنت اول احلم بهالقياس لووول عئبال ال10


*شربت 6 قلاصات للحين وبعد العشا بنص ساعه بشرب جاي اخضر ونعناع واعشاب
*ونطيت الحبل 50 نطه وسويت تمارين الinner thighs ... عشرين مره هذول اهما وقبلهم كنت مسويه السترج تلقونه نفس القناه

http://www.youtube.com/watch?v=nWKTmFv76I8

ولاني موااااصل ونعسسسسسسسانه ماراح اشد على نفسي اكثر....بعد شوي بحطلكم عشاي....

وبرد عليكم كلكم................ :eh_s(7):

 

[رماد الحب]

هلا حبيبتي
انا معاج اعلى وزن وصلته
88.8
طبعا اختي تطنز وتقولي المرينا اف ام
تعرفين الخوات
بس حرام كانت وايد تنصحني وانا ما اسمع
بس ياني شي بحلمي قالي لازم انزل
لي متى بنفرش انا جامعيه
وما داومت الكورس الاول سحبت كورسي
بقدم كورس ثاني
وقام اسوي رجيم
الحين وزني 80.8
نزلت 8 كيلو حمدلله ب 3 اسابيع
والحين بكمل ابي اوصل لي ال خمسين ان شاءالله
وراي عرس شهر 2
ابي لين شهر 2 اوصل بالستينات ان شاءالله
رجيم مرات امشي ومرات لا
بس قررت ابلش رياضه
قمت اشوف باليوتوب انواع رياضه حلوه واقلدهم
صج يتعب بس ان شاءالله كل شي بتعبه حلو ..
الله كريم ان شاءالله ..

:eh_s(9): هلااا والله هلاا بالرشيقه :eh_s(22): اي الخوات ينصحونا حق نفسنا لانهم يشوفون اشيا احنا ما نشوفها يالله تقريبا نفسي اتمني اوصل 68 بشهر 2 :eh_s(16): عيد ميلادي ان شاء الله راح نووووصل وبنوووصل ...... يالله اشجعج وشجعيني :eh_s(9):تعب الرياضه بوقتها بعدها تحسين صج تنفع .... انا بحط كل تماريني وانتي شوفي بالروابط الى ترتاحين عليه

مبروككك النزوووول وعقبال ما توصلين ال 60
بس ممكن تحطين الرجيم اللي متبعته ,,,,,

اول اسبوعين رجيم طالب الشمري بعدين من كيفي كنت لاززززم اتريق والغدا مشوي وماااكو عيش وهالسوالف لا مشوي وسلطه .... ولا تكثرين طمام لانه متروسه املاح والاملاح تحبس الدهون والعشا ما يتعدا ال8 :eh_s(15): وشربي زنجبيل وجاي اخضر واذا حسيت اني خربطت شوي اعاقب نفسي بيومين رجيم التمر واللبن

مبروك النزول وان شاء توصلين للباقي من غير شر
من ولدت وزني 68,7 ومن قبل شهر استخدمت خلطه الليمون والكمون وتخفيف اكل والحمدلله وزني ينزل ببط لان ناقصني رياضه تشد جسمي شحلات الرشاقه بس

يبااارك فييج حبيبتي الله يسمع منج :eh_s(9):ااايه استخدمتها جم مره الليمون والكمون بس انتي حامل طبيعي نزولج بطيء... يالله ان شاء الله مايدور شهر الا انتي راده مثل قبل واحسن :eh_s(17):

ماااااااشااااااءالله تبارك الرحمن
عفيه عفيه عفيه علييييج
شدي حييييلج ونزلي ولاتتعبين من الرجيم لانج عشتي السمنه وبلاويها
واللحين انتي تقدرين تشترين من السوق اي شي يعجبج
بس كملي ونزلي لين تلبسين سموووول
وعقباااالي انا بعد نزلت وااايد والحمدلله ورااح استمر

:eh_s(11):حبيبتي انتي لووول ذكرتيني بأبوي كلمته عفيه عليج ههههه اي والله شخذينا من المتن الله يخليج ولا شي حتى يقولون المتن يدفي خرطي انا استبرد اكثر من العصلات ههههههههه
بخصوص اشتري الى ابي وااااي اول امووووت ما القه شي حلو وامد البوز:bbbiu: واخذ اي شي الحين الحمدلله اهوا هم يبيلي بس حيييل فررق

رماد راح اشترك معاج اذا في مجال. اعجبني فيج روحج المرحة. انا وزني 67,8 :eh_s(16):اول ما بديت الدايت كان وزني 76,7 و طولي 158
ودي يكون وزني ستين ...رماد، انتي كم طولج ؟

:eh_s(9):حيااج كل يوم حطي الى تبين اكلج رياضه شسويتي تحلطمي الى تبين مشالله عليج الفال حق الكيلوات الباجيه انا 159 :eh_s(22):قزمه لووول انا نفسج ودي حاليا افكر بال60 بس اوصلها ابي :eh_s(22):50 اااااللله ههههههههه ما عليه ان شاء الله نوصلها

مبروك النزول وعقبال ماتوصلين للوزن اللي تبينه ويريت تحطين لنا رجيمج

يبارك فيج حبيبتي ... وانتي بعد :yaaaaaarb: .... شوفي كتبته بنفس المشاركه حق مريومه


شكرا بناات عالردود :eh_s(17):

 

[krkooora]

ما شاء الله
وان شاء الله توصلين الـ 60 يارب
حبيت روحج الحلوة استانست وانا اقرا كلامج جنج عندي تسولفين لوول
و زين انج سويتي خذيتي من دايت كير اكلهم اينن
انا مدمنه على الكانيلوني و البرجر الدياي و اللحم
بس ما اخذ عيوش مادري احسه عدو الرشاقه هههههههه من اشوفه اتعوذ من ابليس اخترع هههههههه
و استمري حياتي ماكو احلى من الرشاقه تلبسين بكيفج كل اللي خاطرج فيه و يطلع حلو و مرتب عليج لا كرشه ناطه ولا جفسات
و قلتي وراج زواج فـ يعني مو بس تشدين حيلج الا تركبين تيربو شدة حيل هههههههههه
و تفكرين بالمستقبل ما ورى السمنه الا الامراض و الاحباطات

راح اتابعج .. عشان اتشجع انا صارلي شهرين اخفف و الحمدلله قاعده انزل
موفقه حياتي

 

[رماد الحب]

:ch12::ch12::ch12::ch12:

عشاي كان ناتشوز سالاد 180 سعره حراريه


وسويت squat 30 :eh_s(4): , والسايد سويتها مادري جم ...
هاذي السايد سكوات ...
http://www.youtube.com/watch?v=GCz6XNWe8k4

وخذيت من الصيدليه ادويه لثتي :eh_s(2): الدكتور المليق ما رضى يقول لازم نعالجها لانها تعبانه وطبعا مضاد ... لاعت جبدي ساعه من جل مضمضتين ومضاد ومعجون وااي يا ملقه الدكتور ذاك اليوم يحليله خلصني بدون روح تعال هاذا استمر 5 ايام الله يعديهم على خير وافتك من ويهه :eh_s(4):


***********
الحييين ما ابي شي غيرررررر الفراااااااااااااااااش عطرت غرفتي وسكرت الليتات واول ما اخلص سيييييييده اخخخخ:ch12: من امس مو نايمه

(استحملوني ترا حدي قرقه :krkrkr:وبعد نعسانه اصير اقرق !!)