** تجمع الي مسوين جراحة الفك**

[رعشة الخفوق]

مرحبا بنات

*الحمد لله ع سلامتك سيزر تفاح
*باربي استخيري : )

بنات عمليتي ان شاء الله بعد 6 شهور ومرررررررررررررررره متوترة وخايفة بس اذا ذكرت ابلع ريقي خخخ .

’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’

بنات شرايكم نصلح قروب بلاك بيري ، الايفون بعد بس لازم برنامج
التواصل يصير اسرع واسهل

بليز اللي تعجبها الفكرة تفتح قروب انا ما اقدر جوالي يعللللق بشكل متواصل

 

[princess.78]

princess.78:
الفك السفلي راجع على ورا و قصير تقريبا مثل هالصوره، أنت ايش عمليتك إن شاء الله؟​

اهااا ...


انا فكين .. كانت عندي gummy smile والفك السفلي صغير

اللحين انا اصارع الورم عشان اشوف النتيجه :eh_s(10):

 

[princess.78]

وين البنات اختفووو ؟؟!!!

 

[سيزرتفاح]

الله يسلمكم والحمدلله ع كل حال والله كل يوم اشوف الموت بعيوني بس الصبر والآجر وانا يابنات عمليتي غير عنكم الجهاز يعور مخلي وجهي خشبه وحاسه فيه المهم *فا لا تأثر ون*بكلامي اللي تبي تسوي توكل ع الله وتسويها واللحين بقول تفاصيل العمليه*
*بسم الله *
يوم السبت ١٢/٣ دخلت المستشفى الساعه ٨ علشان أوقع أوراق العمليه ويحجزون لي سرير اول مادخلت المستشفى دخت لما قعدت بالاستراحه رجعت سويت بروفه قبل العمليه هههههه *الساعه ١٠ نادوني قالوا سوي تحاليل الناقصة سويتها وبعدها وقعت الاوراق *وطلعت التنويم وجا الدكتور وصورني والساعة ٢ نزلت العيادة عند الدكتور عبدالله وتكلمنا عن العمليه وشرح لي كل شي وطلعت رحت قعدت بالفندق اجيب اغراضي وتغديت وأخذت شاور وريحت وس ١١ ليلا رجعنا التنويم ومعاي حلويات وجلكسي قلت بشبع منها قبل العمليه وس١٢ صمت عن الاكل وس٢بديت بالصيام والحمدلله كانت نفسيتي واعصابي مرتاحه وقمت طول الليل اصلي وادعي وكان معاي حصن المسلم وقريت أدعية الهم والحزن والاستخاره وكنت والله مره مرتاحه ولا كأن عندي عمليه وجت الممرضة وركبت المغذي بيدي وقالت نامي ماجاني النوم لان قالوا عمليتي *٨ص والحاله الثانيه بنت صغيره بحطونها بعدي لما جا الصبح صدموني جوا وأخذوا البنت وأمها وانا خلوني قمت ونمت قلت كل تأخيره فيها خيره وس١ ونص دخلوا علي سرير العمليه ورحنا بالإسعاف لمبنى العمليات وخلوني متسدحه عند الباب ساعه و ٢ ونص دخلت العمليات طبعا كان فيني برود *واذكر الله وجو وركبوا اجهزة النبض وقال الدكتور سمي بالله ويحطون الجهاز الاسود المخدر ع وجهي وقبل لا يطلعوني طلعوا الدكاتره مستانسين ويبشرون امي يقولون العمليه نجحت وامي جابت لها حرمه قهوه وشاي قاموا أخذوا القهوه وتقهوا وقالوا العمليه كانت سهله علينا وجت على كيفنا ماشفنا فيها صعوبه وهذا من فضل الله ودعاء الوالدين ودعائكم يابنات وقالوا اللحين ننتظرها تصحا من البنج وقاموا ي ينادوني بعد العمليه ورديت عليهم اول ماطلعت *من العمليه وهم يدفون السرير جاني شي مو طبيعي تكرمون قاعده اتبول بكثره صار انفجار عندي بس كانوا مركبين الجهاز *وسويت فلم هندي قلت انا ما اقدر اتنفس حطوني بالعنايه قالوا لا تنفسك طبيعي وجاني هلوسه بس اتكلم ما ادري وشقول وكانوا كل وجهي مغطى بشاشه بيضه وعيوني مغطينها ما اشوف وملبسين رجولي لحد الركبه جهاز هزاز وطلع وني الغرفه س ١١ ليلا والدكتور معاي وقاعده اتكلم مافهمني قام عطاني ورقه وقلم واكتب وانا عيوني مغطينها هههههه كتبت شي تافه اقدر احط مره المهم خلوا ممرضه تقعد عندي كل شوي تابعتي وتحط كمادات ثلج وتشوف الضغط وماقدرت أنام طلبتها منوم ونمت الصبح وس٩ جو الدكاتره وقال الدكتور يعني اصريتي وسويتي العمليه ونظفوا اسناني ونزلوني بالعربيه وسويت اشعه ونصحوني امشي واشرب بس ماقدرت اشرب وأكل المستشفى يسد النفس حتى المويه ماقدرت اشربها وقمت ارجع ومعدتي ذبحتني وحسيت بضيق تنفس وجت دكتوره وشافتني وعلمتي شلون أخذ تنفس واخدتني ومشتني بالمستشفى واليوم الثاني نزلوني العياده وبدوا يشدون الجهاز ويركبون المطاطات وسويت اشعه وصورني فديو وتصوير عادي وكل يوم كذا ينزلوني حتى يوم الأحد المساء طلعوني وانا امشي احس بغصه وامشي وأستفرغ لان احس بالغصه ذبحتني ورحنا الفندق بالليل ماقدرت أنام من الغصه وآلام المعده وبس ادعي ربي خفف علي. وكل صبح اروح يشدونه وينظفونه لي وبعض الاحيان يغيرون المطاطات وبالليل يدقون علينا وأروح يشدونه لما يشدونه احس بعظام الداخليه تحرك وهالشي تعبني مره ولازلت ع هالحال حتى الاسبوع الجاي والحمدلله احس في تحسن والدكاتره مستانسين يقولون في تغير وباخذون رأيي وانا اعاند اقول للحين ما اقدر احكم ولا اقدر اشوف وجهي قالوا لا لازم تشوفين التقدم واكثر شي *قاهرتي الجروح الي بالخشم بس عطوني كريم احطه*
طبعا نحفت مررررره ومن ناحية الاكل اكل جريش وشوربه وزيادي وكريمه وشاي حليب عصائر اهرس رز وتوست وابلعها ما اقدر اكل * من المطاطات اشرب بالبرواز هذا مهم لازم يكون معاكم *وملعقة صغيره بلاستك *
تعبت من الكتابه لي عوده اذا في شي ناسيته * واعذروني على التاخير الفتره الي فاتت ماقدرت امسك الجوال وعلئ عدم ترتيب الكلام *

 

[جماانة الرياض]

ألف الحمدلله على سلامتك:eh_s(7):
اجر و عافية يارب..... ربي يسهل أمرك ويخفف عنك ويشفيك ويعافيك وكل مسلم
ويقر عينك بأروع نتيجه ياااااارب:yaaaaaarb:

 

[princess.78]

سيزر تفاح الحمد لله ع السلامه : )

انا مثلج للحين اقول ما اقدر احكم على شكلي عشان الورم

انا لي اللحين شهر وللحين مو قادره اميز شكلي : (

 

[ساره..]

سيزرتفاح


الله يفرحك بالنتيجه اللي تتنمينها

تعبتي كثير

حمدلله على سلامتك ايام وتعدي ان شاءالله

 

[سمنه ع عسل]

الحمدلله ع سلامتك

 

[سمنه ع عسل]

غريبه عمليتك

 

[حزني عم المكان]

سيزر الحمدلله على سلامتك
انتي مو عارفه تشرحي لانك موعارفه اللي جالس يحصل

 

[Esraa.a]

ألف ألف ألف الحمدلله على سلااااامتج يا سيزر


وعقباااااااال ما تبشرينا بالنتيجه الحلوه :wqedqw:

 

[Esraa.a]

مرحبا بنات

*
بنات شرايكم نصلح قروب بلاك بيري ، الايفون بعد بس لازم برنامج
التواصل يصير اسرع واسهل

بليز اللي تعجبها الفكرة تفتح قروب انا ما اقدر جوالي يعللللق بشكل متواصل

اممممممممممم بالنسبه لي ما أأيد الفكره


لأنه الكلام بالقروب لحظي ويختفي بمجرد ما تنتهي الملاحظه بعكس المنتدى الكلام ثاااااااااااابت وموجود سنيييييييييين
وأي شخص في المستقبل ممكن يستفيد من كلامنا ومن تجاربنا



في حال إذا سوينا قروب >> نكون نفكر بنفسنا وبسسس
بس إذا استمرينا بالمنتدى >> احنا نفكر بنفسنا و بغيرنا



لو البنات اللي قبلنا كانوا عاملين قروب جان احنا مااااااااستفدنا شي ولااااااا اكتسبنا معلومات ولا قدرنا نتواصل مع بعض



صح أنا معاج ميزة القروب أسهل بكثيييييييييييير من ناحية سرعة التواصل لكن عيبه إنه الكلام يختفي وغير موثق
حرااااااااااام المعلومات اللي نذكرها تتبخر ونحرم غيرنا من الاستفاده منها



ولا شرايج حبيبتي


أنا بصراحه متواصله مع بعض البنات بالوتس اب لكن أغلب الكلام يكون بالمنتدى
وأحيانا نعيد السوالف اللي نقولها بالوتس اب بالمنتدى بهدف إنه الكل يستفيد :rerrerek:

 

[Esraa.a]

وين البنات اختفووو ؟؟!!!

الظروووووووف يا princess.78 هي اللي تخلينا نختفي



لو بيدي أقعد 24 ساعه بالمنتدى علشااان خااااااااطركم :hjy5jewf:

 

[Esraa.a]

مرحباااااااااااااااا بناااااااااااااات الله يهونها عليكم من زمان متابعتكم خاصتن لابيرلا واسراء
لا بيرلا ياقلبي لاتزعلين ولاتضايقين عيشي حياتك وانبسطي والله يسرها لكي ان شاءالله وكل مااتذكرك انتي واسراء ادعي لكم تذكرت عمليتك امس قلت خليني ادخل اطمن عليها بس خيره ان شاءالله

مشكوووووووووووره يا قلبي :eh_s(22):
وان شااااااااااء الله احنا بعد ندعيلج بنجاح عمليتج :yaaaaaarb:




شصار عليج ؟؟ وين وصلتي بالعلاج ؟؟

 

[Esraa.a]

Esraa.a:
كيفك ؟ وتوني أشوف الرد إلي فيه إن كلموك عشان وظيفه
ألف مبروك ، شفتي الخيره !​

الحمدلله اناااااااا بخييييييير دااااام انتي بخييييييييييييير :eh_s(15):




ايييي الحمدلله تأجيلها كان خيره بالنسبه لي



رحت سويت المقابله يوم الأثنين اللي فات ويوم الأحد الجاي عندي مقابله بمكان ثاني >> لو كنت مسويه العمليه جان ما قدمت ولااا مقابله وراحت علي الوظيفتين

وحاليا قاعده أصلي استخاره حق الوظيفه الأفضل

لأنه الوظيفتين كل وحده أحلى من الثانيه >> الحمدلله الحمدلله الحمدلله مليووووووووون مره



الله يكتب لي اللي فيييييييييييه الخييييييير

 

[Esraa.a]

القائمه الحديديه​

1- أحب أمي ( انتهت من العمليه 18-5-2010) الكويت >> د.عماد النجاده
2-antonya ( انتهت من العمليه 12-8-2010) الكويت >> د. ناجي ابوشبل ( لبنان)
3- Emo Princess ( انتهت من العمليه 28-11-2010) الكويت >> د.أحمد الدنف
4- احساس مجروح (انتهت من العمليه 24-1-2011) الإمارات
5- maha al (انتهت من العمليه3-3-2011 ) السعوديه >> اشرف ابو كركي( الأردن)
6- عيون عليا (انتهت من العمليه 5-3- 2011) الكويت >> د.نائل الهزيم + د.عادل العصفور
7- غلااا الروح (انتهت من العمليه 3-2011) الكويت >> د.نائل الهزيم + د.عادل العصفور
8- jnona (انتهت من العمليه 8-3-2011) الكويت >> د.عماد النجاده
9- غلاااااه (انتهت من العمليه 20-4-2011) السعوديه >> د.حامد البارقي
10- اخت الامل (انتهت من العمليه 28-4-2011) السعوديه >> د.أحمد اليماني
11- دلوعة شيوخها (انتهت من العمليه 3-5-2011) السعوديه
12-عبير الصباح ( انتهت من العمليه 6-5-2011 ) السعوديه >> د.مازن المصري
13- ego-girl (انتهت من العمليه 6-5-2011) الإمارات
14- Black & white (انتهت من العمليه 24-5-2011) الكويت
15- nenna92 ( انتهت من العمليه 1-6-2011 ) الكويت >> د.نائل الهزيم + د.عادل العصفور
16- Reem.M ( انتهت من العمليه 8-6-2011) السعوديه >> د.صالح البازعي
17- دموع منسيه ( انتهت من العمليه 30-6-2011) السعوديه
18- innocence ( انتهت من العمليه6-7-2011 ) السعوديه >> صالح البازعي
19- كتكوته 2010 ( انتهت من العمليه14-7-2011) السعوديه >> د.أحمد اليماني
20- Miss L ( انتهت من العمليه 5-7-2011) الكويت >> د.عادل العصفور
21- عصي الدمع (انتهت من العمليه 14-8-2011) السعوديه >> د.عثمان الطويرقي
22- barbie girl (انتهت من العمليه 10-9-2011) الكويت >> د.نائل الهزيم + د.عادل العصفور
23- ساره ( انتهت من العمليه 1-10-2011) السعوديه >> د.ناصر النوح
24- فطامي ( انتهت من العمليه18-10-2011 ) الامارات >> د.لويس (لندن)
25- صدى صوت ( انتهت من العمليه ) السعوديه >> د.عبدالله الوتيد
26- princess.78 ( انتهت من العمليه 20-11-2011) السعوديه >> د.بيشي القرني
27- سيزر تفاح ( انتهت من العمليه 3-12-2011) السعوديه >> د.عبدالله العتل ​

28- إسراء
29- لابيرلا
30- الأمل القريب
31- دنيا الحب
32- قهوة تركي
33- سمنه ع عسل
34- شتآآت
35- ليلى
36- توته مربربه
37- ستايلك
38- نرجس
39- سنفوره كويتيه
40- كتكوته غنوجه
41- ريهام
42-sendrila
43- miss_o
44- رعشة الخفوق
45- مس لزيزه
46- Noona12
47- S H O U G
48- Diana*​

العدد قابل للزياده بإذن الله​

 

[Esraa.a]

من الضحيه التاااااااااااليه ياااااااااا ترى:eh_s(10): ؟؟؟



لووووووووووووووووووووول

 

[princess.78]

من الضحيه التاااااااااااليه ياااااااااا ترى:eh_s(10): ؟؟؟



لووووووووووووووووووووول

ايه والله صادقه العمليه مخليتنا ضحايا :eh_s(4):



اللحين انا صار لي شهر والورم تقريبا نفس هذي : (

اللي لاحظته في الأجانب ان مهما يسون القمي سمايل ما يتأثر الخشم ابداااا ليش شنو السبب ؟؟!!

ولاحظت شي ثاني .. الورم عندهم بسررررعه يخف

يعني انا ورم الشهر اشوفه عندهم ورم الـ 5 ايام بعد العمليه ... بعد الشهر كأنه مو مسوي شي

 

[princess.78]

هذي اشعتي قبل وبعد الجراحه : (


متى متى متى اشووووووف النتيجه ...

 

[هتانة الغيمة]

هذي اشعتي قبل وبعد الجراحه : (


متى متى متى اشووووووف النتيجه ...

الله يبلغك باحسن نتيجه يارب

من صورة الاشعه مالاحظت الا الذقن هو الي تغير بس

انتي وش كانت عمليتك بالظبط؟