اولا حبيبتي عسى ربي يخلي لج مويمتج ولا يحرمكم من بعض ويرزقج برَها..
الافكار براسي واجد بس بقوولهن لج اونتي اختاري ^_^
عندج محل بالسالميه اسمه bear factory هالمحل كله العاب اختاري الشخصيه الي تحبها امج ..اوكي وبعدين السحر شنووو قولي للموظفه تعطيج المسجله الي يحطونها بقلب اللعبه عرفتيها حقت التسجيل الي تطلع اغاني واصوات؟
سجلي عليها كلام لامج ..مثل احبج ماما ..او الله لا يحرمني منج...علشان كل ما ضغطت على الشخصيه تسمع فيها صوتج...لاتستهينين بالفكره ترا حلووه وواجد جربوها..
الفكره الثانيه
اذا عندج صور قديمه وانتي صغيره مع امج والعايله كلهااا سوي لها اعاده بالبوم خاص عند محلات التصوير الحلووه الي تصورون فيها بالاعراس ترا يفيدون بهالحالات بس احنا ما نفكر ^_^ وخليهم يحطون عليها كلام من عندج على كل صوره ..ويسوون فيها تاثيرات. او خليهم يسوونه لج مثل البورتريه وعلقيها بغرفتها..
الفكره الثالثه
الجمعيات الخيريه ..روحي لاي جمعيه خيريه وسوي لامج وقفيه بمبلغ وقدره ... ولمن يخلصوون خليهم يعطونج الورقه الي عليها اسمها ونوع الوقفيه...اخذيها وغلفيها بشكل حلووو وحطي معاها ورده وقدميها لامج بتكون احلى هديه وفيها اجر لج ولها..
الفكره الرابعه
احجزي لها بـ مركز سبا ...مثلا سبا تايم او لافندر سبا ..وفي بعد مركز تتصلين عليهم يطرشون لج الموظفه مالت المساج والسبا شغلها كله معاها ..شوفي الي تحبينه واحجزيه..
الفكره الخامسه
تشترين لها خاتم ...وتخلين المحل يحفر عليه اسمج واسمها
بالنسبه لهدية الزوج
وبما انه المناسبه ذكرى زواج
سوي وثيقه مثل وثيقة الزواج...وحطي فيها الشغلات الي تحبينها بزوجج ولا ودج تتغير...وهم حطي فيها جم موقف حلو لكم وبروزيها وخليها بمكان لمن تحتفلون علشان يتفاجئ ويقراها بروحه...
بالاضافه لهديه حلووه شوفي انتي شنو يحب زوجج وتحسين انه ناقص عنده جيبيها وحطيها عند فكرة الوثيقه
وبس وعسى ربي يوفقكم
اتمنى اني افدتج ومابي منج غير دعوه حلوه ^_^
