أخطاء في يوم الولادة لو عاد الزمن لا ولن تقومي بها

[مدام فراوله]

خوش موضوع مشغوله لي رده

 

[ام اغلى الناس]

هههههه
امبيه بنات كلنا بالهوى سوى
انا بعد استعجلت حيل على نفسي
كان عندي مراجعه بثاني يوم بالتاسع
قالت لي الدكتوره انتي مفتوحه ٢ سانتي
تبين نولدج؟
طبعا انا طرت من الوناسه
وقلت اي للاسف
قعدت ٩ ساعات بغرفة الولاده ومافيني طلق
وبالاخير ولدي تنوم بالشيشه ٨ ايام
يقولون يمكن شارب ماي والله اعلم

 

[روحي ابوي]

موضوع روووعه.. انا بعد نفس الشي .. ان شالله بحملي هذا ماراح استعيل على روحي بنطر شوي وتصبر..

 

[حلمي أشوفك]

والله انا بكر واحترت أروح بدري للمستشفى ولا مااروح
موضوع حلو ومفيد

 

[ديانا سبنسر]

مااستعجل على روحي

 

[nadoo]

رفع
رفع

 

[Judy . abbot]

خوش موضوع
يعطيج العافيه

 

[FJ style]

غلطتي اني سويت عملية تجميل داخلي تضييق بعد هالبيبي

والفروض ما تتسوى الا بعد اخر بيبي واذا مو ناوية احمل مرة ثانية

لكن انا سويتها الحين والله يستر

 

[c a t w o m a n]

كنت مراح اجهد نفسي بالحركة الزايدة ضرتني والله ستر علي و عالياهل اللهم لك الحمد

و كنت راح اشرب الحليب بكثرة و حبوب الكالسيوم اداوم عليها تهاونت و الحين بعد الولادة بين بعظامي و صحتي

الحمدالله رب العالمين وانشالله نستفيد من البقية
ألف شكر لج صاحبة الموضوع

 

[madam al fheed]

الموضوع يخليج تتحمسين وتتنرفزين بنفس الوقت لما تتذكرين اللي صار !!
انا بحمالي اللي فات كنت اراجع لي الشهر الثامن عند دكتورتي وما ارضى احد يكشف علي غيرها ولما دخلت الشهر التاسع تسلطت على عمري وصرت كل ما اروح ما احصل دكتورتي فا ادش على مساعدتها العليميه على بو اني خلاص غدا شري وكلها ايام واولد ماكو شي مهم واثاريني في غفله ما يعلم فيها الا الله تخيلو ان الحبل السري كان ملتف وكنت احس بآخر شهر ان البيبي رفساته حيل قويه كأنه يفاقق ومختنق وانا بجريه ومو فاهمه شي على بالي عادي والثوله الدكتوره المساعده كلش مو فاهمه بالسونار ولا تدري وين الله حاطها وبآخر اسبوع لي راجعتها وكالعاده دخلت عندها لان دكتورتي مو موجوده وانا مستهينه بالموضوع لاني خلاص يومين واولد وبالسونار تدور النبض وتلاقيه حيييل خفيف وانا مازلت مو فاهمه واحسب انها مو عارفه تقرب السونار يم قلب البيبي عدل عشان تسمع النبض واهو اصلا نبضه ضعيف واهي ولا يمي بس تسألني انتي تحسين بحركة البيبي واقولها ايه وبيني وبين نفسي مستغربه واقول شكلها مو عارفه للسونار وطلعت منها وفيني ذرة شك ان في شي غلط بس تعوذت من ابليس وقبل لا امشي قالت دامج دخلتي شهرج ومابقالج شي عالولاده خلي الدكتوره تشوفج احسن اذا ييتي المراجعه اليايه وانا مازال الشك بقلبي واتعوذ من ابليس وما صار يومين الا وينزل علي دم اسود وخيوط بنيه ورحت ركض لدكتورتي ويوم حطت السونار كانت الصدمة !!!!!!!!!
ماكو نبض والبيبي ميت والحبل السري ملتف على ايده وريوله واستغربت وانصدمت اكثر مني قالت انا من متى مو كاشفه عليج قلت لها من شهر وكنت ادش عند مساعدتج لاني ما احصلج بالوقت اللي اقدر اييلج فيه العياده قالت ترا البيبي مختنق ومافي نبض وولدتني بطلق صناعي ولاده طبيعيه وفعلا كان الحبل السري لاعب لعب في رقبة وايد ولدي الله يشفعلي فيه وكل هذا من قلة خبرة المساعده ومن تعيزي لا انطر دكتورتي تكشف علي والحين انا بالثالث اعولي الله يثبته ويقر عيني بشوفة ظناي ويعوضني خير ومازلت عند دكتورتي بس تأدبت صرت انطرها بالساعات لين تخلص من العمليات وتدخل العياده وما اخلي احد يكشف علي غيرها والمساعده الله يسامحها انطردت للغلطه الشنيعه اللي سوتها معاي لان الدكتوره كانت منبهه عليها ما تكشف على الحوامل اللي من الشهر السابع وفوق بس شكلي ييتلها على طبق من ذهب وقامت تجرب فيني وتتفلسف!!
كل شي قضاء وقدر لكن ما راح اكرر هالغلطه وسامحوني على الاطاله

 

[STILL G L A M ~]

امبيه والله خفت

عفيا بنات نبي بعد نصاايح

مدام الفهيد عسى الله يثبت جنينج ويتمم عليج بالخير يارب

 

[madam al fheed]

الموضوع يخليج تتحمسين وتتنرفزين بنفس الوقت لما تتذكرين اللي صار !!
انا بحمالي اللي فات كنت اراجع لي الشهر الثامن عند دكتورتي وما ارضى احد يكشف علي غيرها ولما دخلت الشهر التاسع تسلطت على عمري وصرت كل ما اروح ما احصل دكتورتي فا ادش على مساعدتها العليميه على بو اني خلاص غدا شري وكلها ايام واولد ماكو شي مهم واثاريني في غفله ما يعلم فيها الا الله تخيلو ان الحبل السري كان ملتف وكنت احس بآخر شهر ان البيبي رفساته حيل قويه كأنه يفاقق ومختنق وانا بجريه ومو فاهمه شي على بالي عادي والثوله الدكتوره المساعده كلش مو فاهمه بالسونار ولا تدري وين الله حاطها وبآخر اسبوع لي راجعتها وكالعاده دخلت عندها لان دكتورتي مو موجوده وانا مستهينه بالموضوع لاني خلاص يومين واولد وبالسونار تدور النبض وتلاقيه حيييل خفيف وانا مازلت مو فاهمه واحسب انها مو عارفه تقرب السونار يم قلب البيبي عدل عشان تسمع النبض واهو اصلا نبضه ضعيف واهي ولا يمي بس تسألني انتي تحسين بحركة البيبي واقولها ايه وبيني وبين نفسي مستغربه واقول شكلها مو عارفه للسونار وطلعت منها وفيني ذرة شك ان في شي غلط بس تعوذت من ابليس وقبل لا امشي قالت دامج دخلتي شهرج ومابقالج شي عالولاده خلي الدكتوره تشوفج احسن اذا ييتي المراجعه اليايه وانا مازال الشك بقلبي واتعوذ من ابليس وما صار يومين الا وينزل علي دم اسود وخيوط بنيه ورحت ركض لدكتورتي ويوم حطت السونار كانت الصدمة !!!!!!!!!

ماكو نبض والبيبي ميت والحبل السري ملتف على ايده وريوله واستغربت وانصدمت اكثر مني قالت انا من متى مو كاشفه عليج قلت لها من شهر وكنت ادش عند مساعدتج لاني ما احصلج بالوقت اللي اقدر اييلج فيه العياده قالت ترا البيبي مختنق ومافي نبض وولدتني بطلق صناعي ولاده طبيعيه وفعلا كان الحبل السري لاعب لعب في رقبة وايد ولدي الله يشفعلي فيه وكل هذا من قلة خبرة المساعده ومن تعيزي لا انطر دكتورتي تكشف علي والحين انا بالثالث اعولي الله يثبته ويقر عيني بشوفة ظناي ويعوضني خير ومازلت عند دكتورتي بس تأدبت صرت انطرها بالساعات لين تخلص من العمليات وتدخل العياده وما اخلي احد يكشف علي غيرها والمساعده الله يسامحها انطردت للغلطه الشنيعه اللي سوتها معاي لان الدكتوره كانت منبهه عليها ما تكشف على الحوامل اللي من الشهر السابع وفوق بس شكلي ييتلها على طبق من ذهب وقامت تجرب فيني وتتفلسف!!
كل شي قضاء وقدر لكن ما راح اكرر هالغلطه وسامحوني على الاطاله

 

[كتالونيه]

الموضوع حلو ومفيد
انا لو يرجع فيني الزمن اول شي مااطلب
ابراة ظهر لاني ماعرفت اشد وابتلشت
وولدوني عمليه
والشي الثاني اني سويت رجيم حمل والنتيجه
قيصريه
وشكرا عالموضوع

 

[kAmMoOnH]

الله يسعدك
فعلا" قريبتي كانت تشرب دارسين او قرفه يمكن ترمس كامل بيوم ولادتها ولما تروح للدكتوره يكون الطلق عندها عالي بس الرحم مايكون مفتوح فكانت تتعذب الله يعظم الأجر
الله يقوم كل حامل بسلامه

 

[om Firas]

ماستعيل على روحي واكثر مشي لان بولاًدتي بنتي كنتةتمشي واكل تمر يوميا
من دخلت التاسع والحمدالله ربي سهل علي
لكم بولدي مامشيت ولا كليت تمر ولا سويت شي
وتعذبت بالطلق 3ايام بس الحمدلله عدت على خير
وماكان نازل للحوض عدل لاني مامشيت

 

[انا لها شمس]

مدام الفهد عورتي قلبييييي والله صدددددددمه
الله يعينج والله انا مكانج اذبحها الغبيه الحماره راح تعب ال9 شهور بغباء
عالعليميه

الله يعوووضج بالصالح ويخليه لج

 

[انا لها شمس]

وبالنسبه لي انا

غلطتي اني ما مشيت ابد من عوار ريولي ووصلت 7 س وانا بغرفة الولاده من 4 س وولا فتح الماي
وقالولي 10 دقااايق اذا ما ولدتي وساعدتينا راح نسويلج عمليه وخففو البنج علي وخلوني
ادز البيبي واساعدهم اكثر والمصيبه لما قالولي خلاص مو راضي يفتح الماي قومي معانا الحمام
وانا شاااافطه الكمام كله من الخوف وين اقوم !!!
وبس رفعوني شوووي انبط الماي وبسرعه سدحوني وربطوني وفقدت الوعي بعدها :eh_s(8):


والغلطه الثانيه ما اخوف زوجي وامي وابوي مثل ما سويت

 

[madam al fheed]

حبيبتي still g l a m مشكورة و عسا الله يتقبل دعائج و (( انا لها شمس )) شكرا حبيبتي صج ان تعب ال٩ شهور راح بغمضة عين وكان اخر شي يخطر عالبال لاني توقعت الاجهاض ولا توقعت اني اولد بوقتي وبشهري ويكون الطلق والعوار وروحتي للمستشفى كلها عشان بيبي الله ماخذ امانته لكن عند الله مايضيع شي وعلى قولتهم صار هالبيبي شفعه ابرك من نفعه يااااااارب يشفعلي يوم القيامه ويجازي صبري خير ويعوضني ويعوض على الجميع بالخير

 

[الحــــــلا كله]

لويرجع الزمن
ماكنت انطر ليمى اعدي التاسع باسبوعين واخلي بيبي يكبر لان فتحت 10 سانتي طبعا تحاميل وطلق صناعي واخر شي البيبي كبير ماينزل بالحوض اخ بس تعب 3 ايام راح بعمليه

 

[الحــــــلا كله]

لويرجع الزمن
ماكنت انطر ليمى اعدي التاسع باسبوعين واخلي بيبي يكبر لان فتحت 10 سانتي طبعا تحاميل وطلق صناعي واخر شي البيبي كبير ماينزل بالحوض اخ بس تعب 3 ايام راح بعمليه