أخطاء في يوم الولادة لو عاد الزمن لا ولن تقومي بها

[ام جوري89]

أنا الحمدلله ما ذكر انه فيه أخطاء غير أني ما كنت أراجع عند أي طبيب

بس كل شهر كنت أروح أشيك بالسونار في عياده خارجيه عشان اتطمن عليه
بس للاسف بسبب عدم مداومتي ع الدكاتره حزة الولاده لما شافو الفايل مالي قالولي معاج التهاب ما نقدر نولدج ليما تاخذين مضاد حيوي عشان ما ينضر البيبي حزة خروجه
يعني لو كنت معالجه نفسي قبل كنت ولدت أسرع كنت داخله غرفة الولاده 4 الفجر عطوني مضاد 6 وعقبها مضاد الساعه 11 وعقبها ولدوني ع ال2 ظهرا
وكنت أخذفيتامينات بس ما كنت ملتزمه فيها
والشي اللي ما ندمت عليه اني خذت أبرة الظهر صج نعمه من رب العالمين أحمد الله واشكره عليها​

حياتي بسالج وين خذيتي الابره باي مستشفى وشنو اثارها بعد الولاده اناعلى وشك ولاده وبخاطري اخذها بس خايفه:eh_s(11):مااعرف احد اخذها ياليت بنات كل وحده جربتها تقولنا تجربتها تاخذون اجر فيني:eh_s(2):

 

[نـعـومـه]

خووووووووش موضوع

جد مفيد

بجر ؛)

وان شاءالله ما اتحسف بشي

 

[نـعـومـه]

مدام الفهد

اخترعت حيل من تجربتج :/

والمساعده الحمدالله انها نطردت مابي اسب واستأثم فيها

الله يعوضج ويثبت حملج

 

[ABEER FLOWER]

مـوضوع رائع

يعطيج ألف عافيه

أنا بكرية ومنكم نستفييييييد

ربي يتمم علينا بالولادة الميسرة ​

 

[زووووغة]

ام الفهيد
عسى الله يثبت حملج يارب ويعوضج بداله توم وعسى الله يشفع لج فيه امبيه قريت وبجيت احتريت عسى الله يعوضج ويشفعلج فيه
ويسهل عليج ولادتج امانه انتبهي ثاني مرة لاتستهينين بشي

 

[زووووغة]

وي قصدي مدام الفهد وانا اقول ام الفهيد :
شكرا لصاحبة الموضوع جزاج الله خير عشان ننتبه لان احنا مانعرف شي

 

[ام مبارك الافدع]

اب اب اب

 

["GloRia"]

لو يدور فيني الزمن ما أولد بمستشفيى الفروانيه ولا أخذ أبرة الظهر

لانه بسبت المستشفي صار ببنتي نقص أكسجين وسبب لبنتي ضمور في المخ

والحمدلله على كل حال قدر الله وماشاء فعل

 

[بابريكا]

خووووووش موضوع ومنكم نستفيد

 

[shmoo3 alamal]

بنت الفهد الله يعوضج خير ان شاااء الله
ويثبت حملج

انا لو يعيد الزمن ما اروح المستشفى وانا للحين مو فاتحه ولا واحد سنتي هههه
ولا كنت بولد بنفس المستشفى الي ولدت فيه

 

[(أم نونو)]

موضوعج مفيد حيييل خاصه للبجر واللي ما عندها خبرة

مـشـكوره​

 

[برميت]

الي تعلمته من ولادتي ببنتي ...
انا خذيت ابره الظهر .. بس ما عرفت ازحر و اطلعها ..لانه السستر تقولي سوو خروج !! ..غلط لازم البوش يكون صوب الرحم مو تحت !!
استوعبت البوش باخر بووش سويته ..الحين عرفت اشلون اولد

و الشي الثاني ..اني لازم اطلب كمام حق الفحص اول ما ادخل المستشفى ... ماراح اخليهم يفحصوني الا الكمام يمي

 

[ملح @ شمر @]

موضوع مفيييييييد
خاصة للبكريات وانا منهم
الله يعطيكم العافيه


مشكورة اختي
​

 

[تحبني وقت ماتبي]

برميت .ليه الفحص يعووور عشان تاخذين كمام بليز جاوبوني

 

[madam al fheed]

الله يجزاكم خير على التفاعل مع تجربتي ودعواتكم الطيبه لي والله يوفق الاخت اللي افتحت لنا هالموضوع المفيد اللي يخلينا نفضفض وبنفس الوقت نفيد غيرنا بتجاربنا والله يوفق الجميع

 

[الثالثه]

ام الفهيد الله ياجرج بس خليتيني اوسوس مادري شنو اسوي الحين

 

[فراوله ماما]

إنا غلطتي أني استعجلت على نفسي بأول ولاده لي ماكان مفتوح ولا سانتي واعطوني تحاميل طلق ذقت الموت منها ولعبوفيني

 

[برميت]

برميت .ليه الفحص يعووور عشان تاخذين كمام بليز جاوبوني

هلا حبيبتي ما راح اقص عليج

الفحص الي بالعياده عند الدكتوره الي بالمراجعات الشهر التاسع ما تعور كلش
و الفحص الي اول ما تدخلين المستشفى ..يعور اشوي
و افحصتني مره ثانيه بس عقب تحميله الطلق ...كان العوار شي خياااال خيااال خياااال
غرفت قلبي ..اشلعت روحي ... انذليت ..صرخت صرخه هزت المستشفى ..و بجيت كل الي معاي بالغرفه ..شي خياال و مانسيته :eh_s(2):
يقولون طلقه منسيه ...صح الطلق تنسينه ..بس الفحص ما تنسينه لو شنو
بس عقب الفحص قلت لهم ابي ابره ظهر ..و عقبها كل ساعه وحده مدخله ايدها ..وناسه صارت تحت سمردحه لووول ..ما احس بشي
:rerrerek:

 

[مهندسة2007]

آنه ماتذكر إن في أخطاء بس الخطأ كان بالمستشفى انهم دخلوني ولاده على بو اني 4سم وآنه طلعت 2 سم بس بس كان طلقي حامي كل 10 دقايق بس المفروض اصبر على روحي بالبيت لين اوصل حدي إن شاء الله هالولاده ماني مستعيله على روحه المستشفى

 

[Miss_Tiger79]

هلا بنات

اتوقع اكثرنا اتفق علي ان مانروح المستشفي باقل عوار لازم يكون منتظم العوار
بس المشكله في ناس ما اييهم العوار الا اذا كانت مفتوحه ٥ سانتي وفوق وماشالله من توصل تولد علي طول هذي لازم اتحذر عدل



أم الفهيد
قصتج تعور القلب
بس الله يجعله شفيع لج ويرزقج بالذريه الصالحه ويسهل عليج الحمل والولاده وتقر عينج بشوفته



الله يسهل علينا الولادة ويقر عينا بشوفت عيالنا بصحه وعافيه
أنا كنت ناويه بنص شهري ادش عشان تولدني الدكتوره بس الحين هونت بنطر الطلق