ساعدوني بليز

[عزيز دلم]

السلام عليكم ورحمه الله وبركاته خواتي بغيت شغله توخر القشرة من الراس استخدم اكثر من نوع شامبو ضد القشرة ومانفع وياي كلش حتى اخذت من المستوصف وهم مانفع وجربت خل تفاح طيح شعري وايد:eh_s(2): بغيت تفيدوني الله يجزاكم خير بخلطه او غيرها*

 

[Dark SouL]

حطي بفروة راسج ليمون لمدة ربع ساعةوبعدها غسلية *

 

[عزيز دلم]

حطي بفروة راسج ليمون لمدة ربع ساعةوبعدها غسلية *

مشكورة حبيبتي بس مويحرق يسبب حكه عاد انا شعري حيل خفيف

 

[دارلا]

تستخدمين خلطه اللي هي ملعقتين زيت جوز الهند وملعقتين زيت الزيتون وملعقه خل تفاح وبيضه وحده
اول اسبوع 3 مرات ثاني اسبوع مرتين ثالث اسبوع مره وعقب كل اسبوع مره وبسسس

ريحته خااايسه واول مره تستخدمينها بتلاحظين انه الشعر بينفش والحال حال بس مع الاستمرار بتلاحظين طول ولمعه والقشرة بحححح

 

[&موناليزا&]

عزيزتي رفع لعيوووووونج

 

[جنوني عيونك]

لا الا البيض لا تستخدمينه بشعرج انا مثلج شعري خفيف واستخدمت البيض وصار شعري تقولين مطاط
ماانصحج
خل التفاح يقولون ينفع لكن تخففينه بماء
ولا ادري

 

[منو انت]

يقولون سبب قشره الراس الجفاف حاولي تجربين تحطين زيت زيتون الاصلي نص ساعه مرتين ٣ مرات يمكن يتحسن الوضع

 

[Miss^NeozZ]

ممم:/ خلطات ماعرف حق القشره اعرف شامبو اسمه كلارازول هذا اللي اقدر افيدج فيه ^_^

 

[خُزام]

ديتول الأخضر مال العناية الشخصية
خففيه بماي وصبيه على فروة راسج وكل الشعر
مع التدليك شوي وخليه من 5 لي 10 دقايق
بعدين غسلي بأي شامبو ضد القشرة
جربي نيزورال أو سيباميد أو بيوديرما
تلقينهم بالصيدليات

 

[أم*سلمان]

آب

آب

لعيونج

 

[مجنونه هواهـ]

اخوي الله يطول بعمره حالته كانت وايد صعبه له امكن 10 سنوات يعاني منها وما خلى دكتور الا وراح له قريت وصفه بنت وقلت ليه
ما يسويها وجربها والله معانات 10 سنين من الحكه والاحراج راحت شهر واحد بس
امسكي نعناع مغربي وربصيه بماي لمدة يومين بعدين خذي الماي وحطيه ببخاخ وكل ما تتسبحين رشي وخلي لين ينشف واتسبحي والحمدالله راح تحسين بفرق من 3 استعمال وعلى حسب الشعر

 

[عزيز دلم]

تستخدمين خلطه اللي هي ملعقتين زيت جوز الهند وملعقتين زيت الزيتون وملعقه خل تفاح وبيضه وحده
اول اسبوع 3 مرات ثاني اسبوع مرتين ثالث اسبوع مره وعقب كل اسبوع مره وبسسس

ريحته خااايسه واول مره تستخدمينها بتلاحظين انه الشعر بينفش والحال حال بس مع الاستمرار بتلاحظين طول ولمعه والقشرة بحححح

مشكووووووورة حبيبتي بجربها وانشاءالله تنفع

 

[عزيز دلم]

موناليزا و ام سلمان فديت عيونكم الحلوه

 

[عزيز دلم]

اخوي الله يطول بعمره حالته كانت وايد صعبه له امكن 10 سنوات يعاني منها وما خلى دكتور الا وراح له قريت وصفه بنت وقلت ليه
ما يسويها وجربها والله معانات 10 سنين من الحكه والاحراج راحت شهر واحد بس
امسكي نعناع مغربي وربصيه بماي لمدة يومين بعدين خذي الماي وحطيه ببخاخ وكل ما تتسبحين رشي وخلي لين ينشف واتسبحي والحمدالله راح تحسين بفرق من 3 استعمال وعلى حسب الشعر

وين احصل النعناع المغربي

 

[بدويه ستايــل..]

لاتغسلين شعرك بالماي الدافي خليه بارد علي شعرك اتمني افدتك