وحده تبي رقم زوجي!!!!

[بطوووطة$بيضة]

امبيه صج ريلج مايستحي وانتي بعد ماتستحين...هالبنات مهما يكونون هذول من اهلج وريلج ولد عمه قاعدين يلعبون عليهم وانتي ساكته...وقاعده اتقولين عنهم جياكر يعني اذا حلوين ماترضين ريلج يطالعهم صج حمدالله والشكر

 

[roobee]

مسكينه الله يعينج
زوجج بعد مايستحي يقعد
يسولف عن هالاشكال ومايراعي مشاعرج،،،
اليوم يكلمج عنهم وباجر يسوي شي
من وراج
لانه صار شغله الشاغل،،،،،وبعد ولد عمه
يساعده،،، الله يعينج
اهتمي بنفسج حيل
وبالشاليهات
اخذيها على جمب وقولي كل الي قالج
زوجج عنهم
وانها تبي رقم زوجج
واجهيهم اخاف يسوورن شي من وراج
وانت الله بالخير،،،،،،،

 

[DeSeRt RoZe]

نعم نعم
الدنيا فوضى؟؟
وين اهلهم هذيل
كلمي امهم ابوهم اهلهم
شالسالفة وقفيهم عند حدهم
الناس اللي فاضحين نفسهم مو انتي تسترين عليهم
قلعتهم
اذا شفتي اي تصرف منهم يضايقج بالشاليه لا تسكتين
لازم احد يربي هالاشكال اللي ما عرفو يربونهم اهلهم

انتي زوجته وقوي موقفج
واهما بنات صايعين استغفر الله
صج صج انتس ساكته وانتي عارفه منو اهما؟
لو انا جان تلاقينهم محبوسين بالبيت اعلم اهلهم واكسب فيهم اجر

 

[golnaz]

ااااب اااب

 

[اميره1980]

عيب على ريلج و الله يجاهر بهالشي حتى لو ما خذو الرقم
هذا بعد اذا صج مو مكلمها و خالص
ولد عم ريلج يواعد و ريلج شكو يروح معاه ؟؟
اشمعنا حاجزين بنفس وقت حجز البنات الصيع ؟؟ احترسي حبيبتي
كلام ريلج ما يقنع

 

[قموشه21]

انا مع اميـره في شي غريب..يعني يبين لج ان ماسسوي ششي وان البنات يبـونه ويبون رقمـه ياخوفي العكسس..

الله يسستر والبنـآت ماقصصروا..

 

[english muffin]

شكووووو يمدح اجسامهم !!!!!!!!!!!!!
وشكووو يتحجى عن اعراض الناس ؟
اسمحي لي بس ريلج ماعنده غارية
هاي حركات واحد عمره 17 يبي يبين لحبيبته في بنات يبونه
ماعندي تحليل ثاني للموضوع
الصراحة ريلج يخوف

 

[Moim]

شي يحررر حده وشلون ريلج قالج هالسالفه؟ مادري اتوقع يبيج تغارين مو اكثر

 

[المطوعة]

هذي نهاية الاختلاط
لو ماكو اختلاط
وماكو اي تواصل بين النساء والرجال
ماتصير هالمشاكل

 

[um meshoooo]

حبيبتي سمعيني عدل ريلج طيب ويحبج وكلامه يدل علي هالشي لاتتاثرين بكلام البنات الي قالولج ريلج مايستحي ومايحترم مشاعرج وقالج هالوصف عن البنات اهو لو ماكان يحبج ومهتم فيج جان مافتحلج قلبه وسولف لان في فرق بين انه ريلج يقولج هالكلام من نفسه ولما انتي تطيحين عليه بسالفه ويبرر موقفه ويقولج هالكلام خليج واثقه من نفسج وارتزي مع ريلج لاتخلينه بروحه دلعيه عشان لايضعف وينتبه لهم تري الشيطان شاطر وعلي قولتج هذول بنات صايعات حطي بالج وانتبهي لا تتهاوشين مع ريلج او تتزاعلين عشان لايحس بفراغ ويفكر بوجودهم يمكم بالشاليه املي عليه الوقت واليوم كله سويلكم جدول يومي وحطي بالج ريلج زين لاتضيعينه وبسسسسس

 

[وافرر]

لااتغفل عينك ولاتلهين عن زوجك لللحظه
ومعاه وين ماييروح

 

[بنت 511]

صراحه بدون زعل زوجج مايستحي،،
قاعد عندي وتذكر هالبنات وتفاصيل اجسامهم جدامي..
وانتي بعد الله يهداج ترقعين السالفه تقوليله كورسيه ومادري شنووو؟؟؟
اصلاا من الاساس هالموضوع المفروض مايبطله معاي ولاماعنده غاريه...
واسفه على كلامي.. لان صج صج انغثيت

:rerrerek::rerrerek::rerrerek::rerrerek::rerrerek:

 

[amami al-kuwai]

دام مو معطيهم وجه لاتحطينهم فبالج

وادعي الله انه يكافيج شرهم

 

[BeNt PaRiS]

الله يعينج و يصبرج ...

 

[mriom]

واااي قهر هذول مو من صجهم مايستحون على ويوهم مااعندهم اهل
ولله صج حااسه فييج بس حااولي كثر ماتقدرين احتكي بريلج

الله يعيينج حيااتي

 

[a7la_7b]

اصلا العيب من زوجج ما يحترمج هو
يقعد يسولفلج عن اجسام البنات خافوو الله واذا هم صايعات على قولتج ترا حتى زوجج وولد عمه مادري رفيجه مايستحون يلعبون بأعراض بنات الناس
ومادام انج حلوه ليش مو واثقه من نفسج
يالله يااااارب استرنا

 

[احـلاهـم]

امبيه صج ريلج مايستحي وانتي بعد ماتستحين...هالبنات مهما يكونون هذول من اهلج وريلج ولد عمه قاعدين يلعبون عليهم وانتي ساكته...وقاعده اتقولين عنهم جياكر يعني اذا حلوين ماترضين ريلج يطالعهم صج حمدالله والشكر

خير ان شاءالله شنو مااستحي!!!
انا زوجي واثقه فيه ولو انه حاط ينه عليهم جان سكت مافتح عيوني علي هالموضوع
هو منغث لان لما حجز شابيه عرف انهم احجزوا وقال سالفتهم

بالعكس شي حلو ان صارحني
واذا البنات حلوات او جياكر بالنهايه واطيات طالع ولا ماطالع عارف اهما شنو

واذا عن ولد عمه يعني تبين امسكه ولا اقوله اقطع علاقتك فيه
اذا جذي اسجنه عندي احسن لان اكثر اللي بالدواوين والشباب عندهم سوالف!!!


وكل واحد يمثل نفسه واخلاقه مو شرط انه مثل ولد عمه

 

[احـلاهـم]

اصلا العيب من زوجج ما يحترمج هو
يقعد يسولفلج عن اجسام البنات خافوو الله واذا هم صايعات على قولتج ترا حتى زوجج وولد عمه مادري رفيجه مايستحون يلعبون بأعراض بنات الناس
ومادام انج حلوه ليش مو واثقه من نفسج
يالله يااااارب استرنا

وشكو الثقه !!!
ومنو جاب طاريها الحمدلله انا واثقه من نفسي

اذا يسولف عن الاجسام اذا وحده مرصرصه نفسها بالضيق يعني غصب اللي مايشوف شوف
كل الرياجيل يدققون تبين يغمض


حمدلله والشكر نقول موضوع يدخلون موضوع ثاني

 

[دلوعة صلوح]

والله ريلج حدة راهى يسولف وماخذ راحتة بعد الله يعينج حبيبى

 

[احـلاهـم]

عيب على ريلج و الله يجاهر بهالشي حتى لو ما خذو الرقم
هذا بعد اذا صج مو مكلمها و خالص
ولد عم ريلج يواعد و ريلج شكو يروح معاه ؟؟
اشمعنا حاجزين بنفس وقت حجز البنات الصيع ؟؟ احترسي حبيبتي
كلام ريلج ما يقنع

ليش مايقنع البنات اهلهم من نفس العائله لهم صلة قرابهر
وكل ماحجزوا يبلغون بعض الاهل

وزوجي حطني بالصوره (رفيجات ولدعمه ) وهم اللي لاحقين ولد عمه لين خذوا رقمه

والحين يبون رقم زوجي


واصلا زوجي منقرف منهم
ويسب فيهم
وواذا راح مع ولد عمه يقول انا بعيد حيل ولا اجي صوبهم او يقعد بالسياره


اذا زوجي عل قولتكم مسوي شي ليش يفتح ابواب ع نفسه ويعلم
هذا دليل انهم هم يبونه