طقك وطردك شتسوين

[اسراب الطيور]

اذا ضربك وطردك واكثر من مره وعندك عيال شتسوين خصوصا اهلك ما يبونك تتطلقين
ولا عندك وظيفه مع ان عندك شهاده
ترضين علشان عيالك ولا شتسوين

 

[اسراب الطيور]

للرفع

 

[تحبني وقت ماتبي]

مادري شقووول لان مهما قلت وقت اااالوقع تتغير اقاويلنا بس الله يسهل الامور من عنده ولا اوصل لها المواصيل ولا انتي توصلين لها مادري هل سوالك من واقع حياتك والا بس سوال ............................................................ان كان من واقع حياتك الله يسخره لك ويسخرك له ويسخركم لربي ويفرج همك وهم كل مسلمه

 

[شادن33]

ياربي انا استغرب لما تقولون طردني اعوذ بالله هاي مافي مروءه استغفر الله
وحبيبتي اذا في مجال تشتغلين اشتغلي لكرامتج ولاهل ليش مايبونج الله المستعان*

 

[سمر شمر]

ادوور لي وضيفة اذا عندي شهادة

وابني نفسي بنفسي

عقب اطقة بالطوووفة واطلب الطلاااق

هو راح يحس بقيمتج ان سويتيه خصووصا مسئولية اليهااال

خيييييييييييييييير يطقني ؟؟

 

[كربون امها]

الحمدالله ما صارت معاي بس اصبر شسوي عشان عيالي
صحيح بتكون العيشه ذليله بس حطي بالك ان الريال مايسوي جذي الا في اسباب
جايدة والله يستر علينا

 

[اسراب الطيور]

يبي الحياه تمر بدون مشاكل بالله عليكم في حياه بدون مشاكل بين فتره والثانيه
وعلى الوظيفه ماهي حاصله شسوي ياربي
ليتني اموت وارتاح

 

[شادن33]

ادعي ربج حبيبتي ولاتياسين وربي يفرج همج

 

[FJ style]

شوفي اذا تدرين ان يبيج ويمكن عشان بينكم عياللازم توثقين الضرب والطرد عند الشرطة والمستشفى كل شي باثباتاتودقي عالمحامين واستشيري شنو التصرف الصحيح بهالمواقفلأن مو شرط بيطلقج وانا واثقة ان ماراح يطلقج لان يبيج لعياله ووولكن الحل ان تخوفينه وتوقفين بويهه وتعلمينه حدوده عشان يحاتي يسويلج شياستشيري محامي وشوفي شنو تقدرين تسوين عشان يحط لج قيمة ويخاف منج الدنيا مو فوضى

 

[اسراب الطيور]

شوفي اذا تدرين ان يبيج ويمكن عشان بينكم عياللازم توثقين الضرب والطرد عند الشرطة والمستشفى كل شي باثباتاتودقي عالمحامين واستشيري شنو التصرف الصحيح بهالمواقفلأن مو شرط بيطلقج وانا واثقة ان ماراح يطلقج لان يبيج لعياله ووولكن الحل ان تخوفينه وتوقفين بويهه وتعلمينه حدوده عشان يحاتي يسويلج شياستشيري محامي وشوفي شنو تقدرين تسوين عشان يحط لج قيمة ويخاف منج الدنيا مو فوضى

عنيد واخاف يعاند ويطلقني لمن قالت له خل نروح المحكمه رفض وقال سوي اللي تبينه لاتهدديني وهلي مايبوني اتطلق لاني اذا ذعلت ورحت لاهلي يتضايقون
وبعد ما كفخني وسحبني قالي طلعي ما ابي اشوفك اذا جيت
انا قعدت وما طلعت
طبعا وقتها مديت يدي لاني مهددته قبل اذا بيستقوي ويمد يده ماراح اسكت لهلانه كافخني قبل

 

[شادن33]

ياعمري يمكن انتي تستفزينه الله يهديج

 

[معكرونه أسبكتى يم يم]

يبه حلات المره قويه مو ضعيفه
والمؤمن القوي احب الي الله من المؤمن الضعيف

ولا تزعلين مني ماكو ريال توصل فيه هالمواصيل الا اكو شي
اذا ماكو شي واهو يسوي جذيه بس لانه عارف انج مالج ظهر

فالمصريين قالو اللي ماله كبير يشتري له كبير
دوري لج محامي شاطر وارفعي عليه قضيه والحمدلله احنا بالكويت يعني المره تاخذ حقها اذا مو الطيب غصب عن الكل

لكن السكوت على الاهانه لا الله سبحانه يرضي فيه ولا نبيه عليه الصلاة السلام

 

[كربون امها]

تحسبي عليه عند ربج قادر على الظالمين عبالهم لما يطقون شخصيه
ورجوله لاوالله قمة الضعف كلمي احد من اخوانج انت محتاجه ريال يوقف معاج

 

[h1ollo]

لاحول ولا قوة الا بالله
حبيبتي ذكرتيني بوحده اعرفها وعزيزه علي حيييل كانت ماتشتغل وماخذها صغيره وخلاها تجيب اعيال ورى بعض وحارمها من كل شي ومصروفها سبعين وبس ولا زياده مالي شغل غير انه حابسها ولا طلعات واعيالها ملابسهم تفشل وماجاب لها الخدامه الا بعد الثالث وباعت ذهبها علشان توجب الحريم واشياء ناقصتها وشهادتها خاشها عنده على بوانه بكسر خشمج تخيلي واهي بنت خير ونعمه وولا تتشكى وكان يطقها من غير سبب واهو برا بيته خوش رجال ومعروف وعند اهله مايتنفس وامه مسيطره عليه اقسم بالله حتى التليفون ماعندها طبعا قبل وكان لما يقطها عند اهلها يغلق جهازه وكان قبل الاربعا الزواره ومايجيها الا الاثنين ولا بعد اسبوع وتكون موحاطه حساب ملابس وحفاظات وحليب وامها تطرش السايق يجيب وكانت امها كانها حاسه فيه شي بس ماكانت تبي تضايق بنتها كانت تبيها تكلم واهي ماتبي تتدخل على العموم اصبرت عليه صبر اقسم بالله بوحده نفس عمرها ماتصبره ترى اهي تزوجت وعمرها 17 والسوالف هذي ماكملت البنت واحد وعشرين وعااانت منه معاناه وكانت تجذب على امها وتقول لها افلان يقول خلي السايق ينزلج للبيت ولما تروح للبيت ينصدم وتدرين شنو يقول لها انتي ماعندج كرامه وانتي وانتي نفس الجلب كلام يغث واختنا تسمع وساااكته علما زواجها منه تقليدي واهي مو مزيونه الا جميله وخواته ماتوا الا ياخذونها لما خلصت الثانويه المهم شوفي حياتها الحين سبحان من يغير حال الى حال بعد خمس سنوات خلاها تكمل دراستها وتخرجت وساقت وتغيرت معاملته لها كليا حتى امها لما تفضفض لها تقول لها الوحيده من بناتي اللي تحملت وتذكرني بحريم قبل وتذبحينها ماتاخذ من احد فلوس اهي فلانه تقصدها اهي والحين اهو متندم وقاعد يحاول يعوضها بعد شنو بس ماشاءالله اهي على زينها ومحافظه على جسمها
خلاصة اللي بقوله انها لما تحملت مابين بعينه ولا درى عن تضحياتها
لما كملت وخذت شهاده وصار عندها فلوس اهنيه درى عنها
يعني بالوقت هذا شهادتج اهي ظهرج ومهما كان لاتطلعين من بيتج اهو مصيره يبي يطخ وكل ماكبر الرجال حس انه بحاجة المره وانه ضعيييف .،،
والله يكون بعونج

 

[ام الدرر]

حبوبة بما ان الطلاق صعب
قارني المحاسن بالمساوئ
واستخيري على انك تصبرين على الضرب وتتحملين اوانك تقاومين وتتاخذين اجراءات ثانية مع قعدتك عنده
انتي قلتي انك قاومتي ورديتي باخر مرة
شوفي ردة فعله هل يستمر ولا ياخذ حذره
وحاولي ياعمري تتجنبين اللي يغضبه ويسوي مشاكل
هو اكيد انه مافي حياة خاليه من المشاكل
بس المحك هو كيفية التعامل معها
لا تناقشينه بنفس الوقت ولا تجادلينه وهو معصب
وادعي ربج اولا واخيرا
عسى ربي يهديه ويسخره لج ​

 

[_zahra]

والله مادري شقولج بس كلام الخوات صح اللي نصحوج باستشارة محامي ,همه اخبر واعلم بهالقضايا

 

[ام اغلى الناس]

ان سكتي له مره لازم يعيدها ويطقج ويطردج
علمي اهلج واهله
اشتكيه
وادعي له الله يهديه
الرياجيل مايحبون المره الضعيفه اللي تسكت
والله يعينج ويعوضج

 

[sosowaty]

لا حول و لا قوة الا بالله الله يسخره لج اكتفي بهالدعا

 

[اسراب الطيور]

ادعولي الله يحنن قلبه

 

[Mjnont '3lay]

عسى الله يهدي سره لج ويسخره لج ويوفقكم مع بعض ميخالف حبيبتي اصبري انه الله مع الصابرين لا تهدمين بيتج وانتي عندج عيال منه والعشره ماتهون الا على عيال الحرام وانتي حشاج منتي منهم ومهما كان هذا زوجج يعني نمتي وقمتي وياه واكلتي وشربتي وياه مو معقوله بيوم وليله بتفترقووون وانتي حاولي انج تتجنبين المشاكل وشوفي اللي يزعله ولا تسوينه وحاولي قد ما تقدرين انج تكسبينه ومو صعب والله بس بالكلمه الحلوه والمعامله الحسنه رح تكسبينه صدقيني حتى لو ما بين لج انه تغير بس اكيد انه من داخله شوي شوي رح يتغير ويحس بقيمتج واذا عالوظيفه توظفي عادي قوليله وحده من الثنتين يا انك تصرف علي وعلى عيالي او تخليني اتوظف واصرف على بيتي وعيالي وعلى نفسي واعز نفسي بنفسي ما دام انك مو عازني بس قولي هالكلام بهدوء وانتي اخبر بريلج يعني شوفي شنو انسب طريقه تقنعينه فيه وسويها المهم واياني واياج تفكرين مجرد تفكير انج تلجئين حق المحاكم والشرطه والقضايا تدرين ليش ؟؟؟ لانه لو كان يحمل لج لو شوية معزه بقلبه فصدقيني بعد ما تقدمين على هالخطوه رح تنهين كل شي بينكم من احترام وموده وشوية معزه لانج رح تتركين بقلبه بصمه سوووده عمره ما ينساااها واياك وقهر الرجال والرياجيل ذبحيهم ولا انج تستخدمين معاهم اسلوب الاستبزاز و لوي الذراع كلللش مايحبوون هالشي ابد وساعتها اذا سويتي جذي رح تجرحين برجولته وكرامته شلون ترضينها على ابو عيالج ؟؟؟ ترى مهما كان اهو ستر وغطى عليج وعلى عيالج مهماااا سواااا صدقيني والزوج مهما كانت عيوبه ومهما كانت كل سيئات الدنيا فيه بس يظل سند المره وعونها بدنياها وين بتروحين من بعده وشلون بيعيشون عيالج ما فكرتي ؟؟ نصيحتي الجئي لربج واستغفري واجد واطلبيه انه يصلح له شأنه احسن لج من التذمر والتفكير والمعاناه واصبرو فأن الله مع الصابرين اصبري حبيبتي ورح تنالين خير صدقييييني واهم شي وكلي امرج لربج قولي اللهم اني فوضتك امري واتكلت عليك بجميع اموري في الحياه فأصلحها لي واكتب لي كل مافيه خير لي ولذريتي .. ودايما اذا كلمج قولي حاضر انشاءالله ابشر مايصير خاطرك الا طيب انت تامر يابو عيالي واذا صار خلاف بينكم قوليله انت اهدى وما يصير خاطرك الا طيب واذا كلمج مو تردين بوقاحه وعينج شكبرها على عينه لااااا حبيبتي الرجال ما يحب جذي يعني دايما سواء كان خلاف او زعل او تفاهم او كلام عادي خلي عينج وراسج بالارض وقولي انشاءالله وحاضر وشوفي شلون رح يتبخر غضبه بلحظه وحده احسن من انج تزيدين النار حطب والله يوفقكم مع بعض والتزمي بالبقره كل يوم يمكن اللي جايكم عين الله يا كافي والله يبعد عنكم عيال الحرام