تجمع امهات 2008 حياكم

[كويتية1]

شوقر شنو عروض كاريزما؟؟
انه اختي حاطه لولب عادي بس وايد تاذت بالدوره مو منتظمة
عاد انه حدي متوهقه بالمنع انه حملت على العد وما ادري شنو استخدم هالمره

 

[MaYoOoma]

الجاردينيا-رقي-شوقر بعد عمري والله احرجتوني ^_^
انزين شيصير اذا طولت الدوره او زاد الدم ؟؟ عادي يعني والا يأثر على شي ؟
وشلون طريقة تركيب اللولب ؟ مايعور؟؟؟

انا ما احب اكل حبوب وهم سمعت ان الحبوب تتفخ الوحده وتزيد عصبيتها انا مو ناقصه كلش

والحمام المغربي من متى ابدي اسويه ؟

اليوم يتني وحده صينيه سوتلي مساج وااااااي ارتحت احس جسمي كله كان يعورني وايد ريحتني

 

[أم وجيه]

مس شوقر 65 وايد عاد احنا شنو بنسوي فيهم ال 65
آنا ما أفكر أركب اللولب لأنه دورتي منتظمة ومو مفكره أخربها باللولب وبعدين آنا خذيت حبوب 3 سنين والحمد لله كان ماشي الحال يعني باخذ الحبوب وبستمر عليها ان شا ءالله

صحيح ما قلت لكم آنا ركب تراجي حق فطومه قبل يومين بالصيدليه بس هذي الصيدليه عندهم تراجي حلوه وناعمه مو التراجي العادية الطبية لا عندهم تراجي ذهب حلوه تختارين من الستاند مالهم وتركب اللي تبينه وركبت لها تراجي صغيره وايد حبه بس حتى مع صغرهم مبينين كبار عليها لأنها نتفه وبجت شوي وبعدين على طول سكتت الحمد لله بس كسرت خاطري

كاريزما شنو يسوون شنو العرض مالهم بالضبط ؟؟ ووين مكانهم ما أعرف

بس آنا حابه وحده تيني البيت يمكن أسهل لي عشان على راحتي أكون يلا يعني الشهر الياي كله تنظيف وتفريك وتسنيع بس للحين مو عارفه شنو ألبس أول يوم
من صجي عروووس كخكخكخكخ

 

[MaYoOoma]

ام وجيه شلون تسوين حمام مغربي بالبيت ؟ ترى انا كلش بهالسوالف وماقط يبت احد بالبيت

 

[أم وجيه]

ام وجيه شلون تسوين حمام مغربي بالبيت ؟ ترى انا كلش بهالسوالف وماقط يبت احد بالبيت

ميومه آنا أول مره بسوي بالبيت وسألت مالت الصالون قالت تجيب وياها جهاز بخار وكل شي اللي هو خيمة البخار وتسوي بالبيت هذي أول مره بسوي فيها بالبيت بس أكيد أحسن بالبيت على الأقل تكونين متطمنه

 

[al_gardenia]

ميومه الصالونات المتنقله يسون حمام مغربي بالبيت تلقينهم في جريد الصدى او الوسيط 808080

 

[al_gardenia]

امس لما رحت موعدي قالت لي الدكتوره بيسون لي تحليل الي اهي مسحه من الرحم عشان يتاكدون مافيني التهابات قبل لايركبون لي لولب لان ريلي اخيرا وافق لان كل الفتره حسباله يركبونه بعمليه المهم فهمته ورضه

بس وايد احاتي سالفة التطعيم ماطعموها الهبيتاتيس ولا بيطعمونها لما اتكمل شهرين الدرن مادري عادي قلت حق اختي تسال دكتور قال لها خل اطعم على حسب الديره الي اهيه فيها انزين اشلون لما ارد اشلون اكمل التطعيم اخاف يخربطونها

 

[mrs_sugar]

شوقر شنو عروض كاريزما؟؟
انه اختي حاطه لولب عادي بس وايد تاذت بالدوره مو منتظمة
عاد انه حدي متوهقه بالمنع انه حملت على العد وما ادري شنو استخدم هالمره

كويتية و الله وايد عروض و حلوة اسعارهم

يعني كل مجموعة اشياء مع بعض حمام مغربي و شيرة و مساج و ماسك للوجه يعني تشكيلة انتي تختارين منها اللي تبينه​

 

[mrs_sugar]

الجاردينيا-رقي-شوقر بعد عمري والله احرجتوني ^_^
انزين شيصير اذا طولت الدوره او زاد الدم ؟؟ عادي يعني والا يأثر على شي ؟
وشلون طريقة تركيب اللولب ؟ مايعور؟؟؟

انا ما احب اكل حبوب وهم سمعت ان الحبوب تتفخ الوحده وتزيد عصبيتها انا مو ناقصه كلش

والحمام المغربي من متى ابدي اسويه ؟

اليوم يتني وحده صينيه سوتلي مساج وااااااي ارتحت احس جسمي كله كان يعورني وايد ريحتني

حبيبتي ميومة كل شي ولا زعلج

اذا زاد دم الدورة ممكن يصير معاج فقر دم و غير الأزعاج من طول مدة الدورة

و مو كل الحبوب لها نفس الآثار الجانبية

استشيري دكتوورتج

دزيلي رقم الصينية ام المساج اذا ما يعور ​

 

[mrs_sugar]

مس شوقر 65 وايد عاد احنا شنو بنسوي فيهم ال 65
آنا ما أفكر أركب اللولب لأنه دورتي منتظمة ومو مفكره أخربها باللولب وبعدين آنا خذيت حبوب 3 سنين والحمد لله كان ماشي الحال يعني باخذ الحبوب وبستمر عليها ان شا ءالله

صحيح ما قلت لكم آنا ركب تراجي حق فطومه قبل يومين بالصيدليه بس هذي الصيدليه عندهم تراجي حلوه وناعمه مو التراجي العادية الطبية لا عندهم تراجي ذهب حلوه تختارين من الستاند مالهم وتركب اللي تبينه وركبت لها تراجي صغيره وايد حبه بس حتى مع صغرهم مبينين كبار عليها لأنها نتفه وبجت شوي وبعدين على طول سكتت الحمد لله بس كسرت خاطري

كاريزما شنو يسوون شنو العرض مالهم بالضبط ؟؟ ووين مكانهم ما أعرف

بس آنا حابه وحده تيني البيت يمكن أسهل لي عشان على راحتي أكون يلا يعني الشهر الياي كله تنظيف وتفريك وتسنيع بس للحين مو عارفه شنو ألبس أول يوم
من صجي عروووس كخكخكخكخ

هلا ام جوجو

شخبار النفسية ؟؟ شكلها عال العال ما شاء الله

اي والله وايد 65 بس المكان وايد كشخة

مبروك تراجي فطومة.. وين ركبتيهم عند اي صيدلية و بكم ؟؟

انا صيدلية رويال حياة بعشرة يركبون من اللي بالاستاند

و عروض كاريزما مشكل كل شي و انتي تختارين من 15 الي 40 دينار

انا اليوم قادة اقول حق امي شريت مكياج و هدوم و و و و ..........

جان تزفني .. اي اهتمي بنفسج و سنعي روحج ترى انت بالفترة الأخيرة اهملت نفسج

ضاق خلقي

با ربي بالنفاس و الشهور الأخيرة من الحمل الوحدة مالها خلق تكشخ كلش

الشكوى لله

يلا نشد حيلنا و نكشخ​

 

[mrs_sugar]

امس لما رحت موعدي قالت لي الدكتوره بيسون لي تحليل الي اهي مسحه من الرحم عشان يتاكدون مافيني التهابات قبل لايركبون لي لولب لان ريلي اخيرا وافق لان كل الفتره حسباله يركبونه بعمليه المهم فهمته ورضه

بس وايد احاتي سالفة التطعيم ماطعموها الهبيتاتيس ولا بيطعمونها لما اتكمل شهرين الدرن مادري عادي قلت حق اختي تسال دكتور قال لها خل اطعم على حسب الديره الي اهيه فيها انزين اشلون لما ارد اشلون اكمل التطعيم اخاف يخربطونها

اذا رديتوا بالسلامة تروحين المستشفى التابع منطقة سكنكم قسم الصحة الوقائية يسوون لها شي اسمه اعادة جدولة للتطعيمات

لا تحاتين طعميها على ديرتهم الحين حسب جدولهم​

 

[mrs_sugar]

صباح الخير

الظاهر بس انا اللي سهرانة البارحة !!

المهم بقول لكم معلومة غريبة سمعتها من دكتورة امس بالليل

تقول انه سووا دراسات على حليب الأم و لقوا انه تركيزه يختلف من يوم لي الثاني
و يختلف من الليل و النهار يعني حليب الليل غير عن حليب النهار
و حليب الشتا غير عن الصيف

سبحانك يا ربي

و سألتها ليش الياهل لما يرضع صناعي ينام مدة اطول و يسمن اكثر من الطبيعي

قالت لي لأنه كمية البروتينات اكثر بالصناعي فتثقل معدة الياهل فيكسل و ينام مثل لما ناكل وجبة دسمة و يسمن بس بدون ذيك الفايدة مقارنة بالحليب الطبيعي بس كمية السعرات الحرارية وحدة واللي هي بحدود 70 - 76 سعرة لل 100 مل من الحليب سواء الطبيعي او الصناعي

عجبتني المعلومات فحبيت اشاركم فيها​

 

[al_gardenia]

شقوره اشوه طمنتيني عاد احنا منطقتنا تابعه تخصصي السالميه شكلهم خواره الله يستر مادري راح يفهمون في هالشي عدل ولا بخربطونا

والمعلومات وايد عجبتني بس ماعرفتي في شنو يختلف الحليب من وقت لي الثاني واشلون الياهل يمتن بالطبيعي

 

[أم وجيه]

اي والله مس شوقر الحمد لله النفسية عال العال ألحين

أعطينا رقم كريزما ومكانهم أذا ما عليج أمر

ركبت حق فطوم التراجي في صيدلية جمعية الفروانية على عشرة التراجي مع التركيب

آنا خلاص الحين بس طايحه بالتجهيز لطلعة النفاس ونسيت النفاس

اي الوحده بالنفاس وآخر الحمال ما لها خلق شي والحين بنعوض كله يعني الحين النفسية الحمد لله تمام ونفسي ما أخلي شي الا وأسويه من تسوق ولا اهتمام بنفسي ولا صالون ولا مكياج ولا عطور كل شي

يعني تعويض النقص اللي كان عندنا

قوليلي اذا ركبتي تراجي عيوش شلون الوضع تبجي ولا شلون

الجاردينيا لا تحاتين التطعيمات مثل ما قالت لج شوقر آنا بنت أخوي انولدت بأمريكا وتطعيماتها كانت غير وهي بعد تابعه لمركز السالمية وسوولها إعادة جدوله للتطعيمات

 

[mrs_sugar]

شقوره اشوه طمنتيني عاد احنا منطقتنا تابعه تخصصي السالميه شكلهم خواره الله يستر مادري راح يفهمون في هالشي عدل ولا بخربطونا

والمعلومات وايد عجبتني بس ماعرفتي في شنو يختلف الحليب من وقت لي الثاني واشلون الياهل يمتن بالطبيعي

يعني قصدها انه تركيب الحليب و المواد اللي فيه تختلف بالليل عن النهار
و كل يوم تركيبته تفرق عن اليوم اللي قبله يعني اللي ترضع لها 10 ايام حليبها غير عن ام 20 يوم​

 

[mrs_sugar]

اي والله مس شوقر الحمد لله النفسية عال العال ألحين

أعطينا رقم كريزما ومكانهم أذا ما عليج أمر

ركبت حق فطوم التراجي في صيدلية جمعية الفروانية على عشرة التراجي مع التركيب

آنا خلاص الحين بس طايحه بالتجهيز لطلعة النفاس ونسيت النفاس

اي الوحده بالنفاس وآخر الحمال ما لها خلق شي والحين بنعوض كله يعني الحين النفسية الحمد لله تمام ونفسي ما أخلي شي الا وأسويه من تسوق ولا اهتمام بنفسي ولا صالون ولا مكياج ولا عطور كل شي

يعني تعويض النقص اللي كان عندنا

قوليلي اذا ركبتي تراجي عيوش شلون الوضع تبجي ولا شلون

الجاردينيا لا تحاتين التطعيمات مثل ما قالت لج شوقر آنا بنت أخوي انولدت بأمريكا وتطعيماتها كانت غير وهي بعد تابعه لمركز السالمية وسوولها إعادة جدوله للتطعيمات

هلا او جوجو

الحمدلله ان نفسيتج تحسنت

التراجي طلعوا نفس السعر عند صيدلية رويال حياة بروح اركب عندهم

اي و الله خل نكشخ و نعوض اشهر الثقل و الملاقة

عواشة ان شاء الله بوديها باجر الضحى رويال حياة اركب لها التراجي
تدرون ليش بركب هناك لأن الموقف بالسرداب الأدوار و بالمصعد لي داخل المستشفى يعني ما يحوشها الهوا الا عند باب البيت بس

و قبل ما اطلع من البيت بحط لها املا كريم على اذونها علشان ما تحس بالألم حبيبتي تكسر خاطري هالبنية مادري ليش ؟؟؟ يمكن من كثر ما تكفخها شوشو​

 

[- ToTa-]

هلو هلو
اشدعوة محد فقدني صارلي أكثر من 4 أيام مو شابكة و لا وحدة فيكن فكرت تسأل عني!
أخييييييييه لنا الله بس لنا الله
داشة أحركم و أطلع تدرون ليش ما كنت أشبك؟
لأن ريلي كان مسافر و الخدامة قامت تنام عندي و يا طويلين العمر هالخدامة هي اللي مربيتني يوم تيي أمي كانت حامل فيني و حدها طايرة بصلوحي عايشة دور انه حفيدها و هذا أحلى شي الفير و الليل ما يمديه يقول آآه و لا هي ناطة و مجابلته و الصبح زام أمي يعني حدي شبعانة نوم يا عوادل فلفلوا _03BA:

المهم ما علينا انتوا اشلوكم و شخباركم و اشلون السهر معاكم و عليا عليكم :eh_s(3):

ميومة في شغلة وايد مهمة عن اللولب توني قاريتها بكتاب يقولج يفضل انج تكونين على قولتهم مكونة العايلة و ما تبين يهال أكثر لأن اللولب ممكن يأثر على خصوبة المرة مع الوقت و تقل عندها نسبة الحمل ففكري مرتين قبل لا تحطينه!​

 

[al_gardenia]

شقوره ام وجيه مشكورين ماقصرتوا والله صج تطمنت كل وايد شايله ومادري ليش ساكته وكل هالمده ماسالتكم جان ارتحت من زمان الله يطمنكم مثل ماطمنتوني

 

[al_gardenia]

واي توما الله يهنيج على الدوم الله يرزقنا مثل مارزقج المهم لا تضيعين الفرصه شبعي اكثر من جذي

 

[- ToTa-]

بنت بنوت سألتلج عن خلطة القهوة يا طويلة العمر تييبين 4 قفاش قهوة تركية و قفشتين خل و نص عصير ليمونة تخلطينهم مع بعض و تفركين جسمج فيها عدل مدل صوب الستريتج ماركس و راح تشوفين بعينج الدهن اللي راح يطلع من جسمج
أنا اانشالله باجر بجربها بروح اليوم السوق و بييب القهوة و نشوف انشالله عاد عسى صج تفيد معانا​