حملة" لو كان اشحم رجلا لقتلته" one month only

[رورو والحزن]

شووووقي اقدر ادخل مععكم

 

[بسبوسة الرياض]

بسبوووسة
ماعندي رجيم معين الحين
اكل اللي جدامي بس بكميات جدا محدودة يعني كمية طفل عمره ست او سبع سنوات فقط لاغير
واعشاب ام عامر اهي تبشرين اصبع زنجبيل وملعقة كمون ومثلها دارسين وعود نعناع فرش حطيهم بترمس صغير وصبي عليهم ماي مغلي وخليهم ينقعون نص ساعة او ساعة واذا تحبين طعم الليمون حطي شرايح ليمون بس انا ما تقبلته

عجبتني مكونات الخلطه بحاول بكره اسويها ان لقيت زنجبيل طازج
بس اكلك قليل نوعا ما حلو مثل حديث الرسول عليه الصلاة والسلام بما معناه حسب ابن ادم لقيمات
واللقيمه اصغر من اللقمه يعني

 

[*شوقي معنيني*]

رورو والحزن
اذا ما شالج القروب تشيلج عيونا
اصلن مفروض ما تستأذنين
دخلي ودرهمي
وبعد صاحبة القروب اخلاقها
عسل عسل يعني ماراح تقول شي
تفضلي
انتي بس قولي انج معانا

 

[LadY BuG 80]

انتي قدها يا كوتون :eh_s(15):

ان شاء الله بتنزلينهم بصحه وعافيه :eh_s(7)::eh_s(7):

ياخواتي هلبنت احسها my angel

تطلع لي في اوقات و تختفي في اوقات

يسلموا هدووود الله لا يحرمني من طلتك​

كندووش << عجبها الاسم هع

انتي كذاا والله تعجبيني ، ويعجبني حمااسج الله يتمم عليج
شدي من ازرنا وشجعينا


الحين قاعده اشرب زنجبيل وشاي اخضر ومرميه
والعشا بخليه عال١

مرسي بنوته لكي بلمثل ما يهمك بشد و بشد لين ينقطم وسطك من ارشاقه :krkrkr:​

ابيييي اشترك معكم في الحمله ولا تقولون العدد مطلوب
انتحر

من اولها الجماهير تنتحر :eh_s(10): لا حبيبتي تكفين لا تنتحرين احنا هنا جاين ننحر شحومنا و بس مو بشر

تجمعنا مافيه عدد مطلوب يعني نقول هل من مزيد

مفتوح 24/7

صيدليه مو موضوع
​

مساء الخير

اقدر اشترك ولا انتهى العدد

يا هلا و مرحب ام انوسه نورتي القروب :eh_s(7):

كل المطلوب كل يوم تقولين ماذا التهمتي و كم تحركتي نبي نعرف مقدار اطاقه المفقوده و المكتسبه ( غاشته من كتاب هلمصطلح)​

كيفكم صابايا
انا اليوم كنت صايمه فطرة ماي وبس وحد وربي يس
وحده فطير مشلتت
بعدين ماكليت
بالعشا خرربططت
بس تحركت وااايد [/
شي احسن من لاشي
باجر بعيش على سوائل
ولا راح اطلع عقاااب لي
وشكلي راح اقد يومين بعاقب نفسي
استااهل ليش ما قظبت عمري size]

انتي خربطتي من العشا بس ؟؟؟؟؟؟

حبيبتي انتي مخربطه من الفطور لا تشلتتين كلها دهن
:krkrkr:

اكلي توسته سمره ناااااااااشفه

ترا اخر اشهر بغني لك ياتخينا يا جبلا يا مرات العسكري :ggdw:​

مافي مشكله حبيبتي لاني الحمدلله بفضل الله ثم منتدى كويتيات نزلت من وزني بس ابي 5 كيلو بعد وانا كنت بتجمع بس كنت في ظروف مايعلم فيها غير ربك بس الحمدلله اوكيه حياتي

ام انوسه حبيبتي اظاهر اخر سنت 2011 كانت فترت اظروف و المكاتيب :krkrkr: انا من كثر ظروفي سويت مكتب بريد ههههههههه

والله القلب متروس ياختي بس لا تبكي على ما فات احنا ولاد انهرده :ggdw:اقلطي اتجمع من اوسع ابوابه ​

آبي ويآكم بس انا صرأحه ما آفطر وآحيآن ماتغدآ ​

ولي فتره مآشيه على تخفيف آكل الي ابيه بس بكميه معقوله
طبعآ تركت الغآزيآت وبطني تقلص وهو كان منفوخ من كثر ماشرب غازيآت وخففت كاكاوآت​

اريد ان آكون معآآكم
وزني ,, 71 ​

وآبيه بآذن الله ,, 67 اهم شي آخش الـ 60
لآني كنت مسويه تخفيف ونحفت من 75 الين 68
والحين رجعت لو آتحف 3 كيلو نعمه من ربي ​

< كثرت قرقره سسوري ​

انتي ما تفطرين ولا تتغدين و العشا خفيف ؟؟ شلون عايشه

اخاف مافي شي يتحرك فيكي الا اصبعك الي يطبع الحين :krkrkr:


على العموم حياك الله معانا شيك :eh_s(7):

كلهم 6 كيلو الي تبين مو صعبه

​

مافي احد رد هل نقدر ندخل القروب ولا

سوري انا كنت في الجم توني رجعت​

موفقين

thanx

​

يبارك الرحمن القروووب يشججججججع
يخليني غصب اسوي ريجيم
واااي يارب يارب اظعف ابي اظعف محتااجه حق
جسمي الاولي
صج بنات والجلد الزايد اقصد الترهل
وين اوديييه ياحسرره

لفيه تحت اباطك ههههههههههههههههههه وين تودينه يعني امشي و مع الضعف بيشد من نفسه ​

شووووقي اقدر ادخل مععكم

بس كسرتي خاطري

منتي دخلتي خلاص :rgewrg: جرا ايه يا رورو

يلله اسدحي يومك ​

رورو والحزن
اذا ما شالج القروب تشيلج عيونا
اصلن مفروض ما تستأذنين
دخلي ودرهمي
وبعد صاحبة القروب اخلاقها
عسل عسل يعني ماراح تقول شي
تفضلي
انتي بس قولي انج معانا

انتي الي عسل و عسل اصلي بعد

استقبلي اضيوف و دخليهم و قهويهم لمن اروح
​

 

[LadY BuG 80]

فطوري : كليجه + نص معلقه صغيره عسل + شاي حليب دايت

سناك : زيادي اكتيفيا اصغير بنكهت الفنلا مع الالياف و قصصت عليه حبة فراوله

الغدا: اقل من ربع صدر دجاج+ ملعقتين حمص + شويه سلطه بدون اضافات و نص اربع رغيف اسمر

شربت شاي اخضر بزنجبيل

العشا: توسته سمره عليها شريحه تشدر لايت + شاي احمر ​

الرياضه : مشيت نص ساعه و 10 دقايق تمرين

مجموع الماء: 8 اكواب

 

[ضي]

سلااااااااااااام


ماشااااءالله دووم هالحمااس يارررب


لولو ادري اني مجبوره مالت علي شكثر زااايده


مزمز صاجه كتوون شاركي كل يوم وبتتشجعين حبي

 

[BiiShOoO]

صبااااح الخيير يا حلوييين


موفقين يا رب


و راح احاول ادخل وواحط لكم يومي

 

[*شوقي معنيني*]

كندوش: لا تقوليين جذييي حرام عليج اليوم ماراح اكل كلش كلش

يعطيييج العافيه فديتج يابعد حيي
انتي الي عسل لا وعسل يمني بعد
كافي اخلاقج الي تهبل وخفة دمج
الله يحفظج من كل شي
عاد اليوم بصك حلجي وبلعب رياضه عدددل
وبليل اقولكم شنو كليت معني ماراح اكل الا فواكه

 

[*شوقي معنيني*]

الحين انتي ليش كليتي واايد ؟!
حمص في طحيين وطحين يسمن
اه منج يا كندووش يبيلج زنط زنط هم بعد زنط
لازم نخصص يوم بالاسبوع صياااااام

 

[CH!C G!RL]

ههههههههههههههههههههههههه كآندي لآ تخافين كيف اصبعي الي يتحرك وانا وزني 71

اليوم افطرت شآبوره وكآفي

والغدآء مدري الوكاد يمكن على المغرب اكتبه

وبالتوفيق للجميع​

 

[كتكوته نورة]

أنا بعد بشترك...

وراح ابدي من اليوم ،، شوي واكتب وزني و طولي و يومياتي

 

[LadY BuG 80]

صبااااح الخيير يا حلوييين


موفقين يا رب


و راح احاول ادخل وواحط لكم يومي

هلا بش بش

الله يوفقنا اجمعين , متى اخر مره كتبتي ايش تاكلين :eh_s(10): ولله نسيت من زمان ما كتبتي​

كندوش: لا تقوليين جذييي حرام عليج اليوم ماراح اكل كلش كلش

يعطيييج العافيه فديتج يابعد حيي
انتي الي عسل لا وعسل يمني بعد
كافي اخلاقج الي تهبل وخفة دمج
الله يحفظج من كل شي
عاد اليوم بصك حلجي وبلعب رياضه عدددل
وبليل اقولكم شنو كليت معني ماراح اكل الا فواكه

في هاذي صدقتي :eh_s(22):

thanx​

الحين انتي ليش كليتي واايد ؟!
حمص في طحيين وطحين يسمن
اه منج يا كندووش يبيلج زنط زنط هم بعد زنط
لازم نخصص يوم بالاسبوع صياااااام

انا شريته الحمص جاهز من الجمعيه

و مكتوب لكل ملعقتين 70 كالوري .. عاد ما يهمني ايش فيه

اهم شي بروتين ... بس تحسفت امس نفخني ههههههههههههه​

أنا بعد بشترك...

وراح ابدي من اليوم ،، شوي واكتب وزني و طولي و يومياتي

ولكم كتكوته :eh_s(17):

برب بنات بروح افطر ​

 

[om l3yal]

شلوووونكم
يومياتي
بطلين ماي علا الريج
مافي ريوق
الغدا قفشتين عيش قوزي قطعتين جبدة دياي بدبس الرمان قفشة حمص وفتوش وقطعة كبر الاصابع عرايس حلوم
حسيت نفسي بموووووت من التخمة وطبعا على طول الحمام ماي ورد بويهكم
شربت اعشاب ام عمور واكلت شوية حب شمسي
بروح اشتري اغراض البيت وعقبها بروح السوق مع عيالي بخاطري فروزن يوقرت امس ما اكلت نصيبي كله لان ماكان ولدي طالب وكسر خاطري عطيته اللي حقي

 

[om l3yal]

اي نسيت اقولكم لعبت عشر دقايق علا الاوربت تراك

 

[LadY BuG 80]

فيه العافيه لولو , و بعدين انتي و سالفة اترجيع هاذي شوفي لك حل ترى مو طبيعي !!


شوقي... انا الحين افطر صحتين على قلبي , بينما كنت اعد الطعام ,, قاعده افكر بكلامك علن الحمص طلعت العلبه من اثلاجه و شفت كميه الطحينه قليله تدرين هنا ما يبيعونه الا لانه الاجانب اناس اصحيه بس هس الي تشتريه يعني مسوينه صحي

ذكرتيني بسالفه عن الحمص .... زمان اول ما جينا كندا ابوي كان يدرس لغه و مدرستهم حبوبه و متييييييييييييينه تعرفين الاجانب طوال و سمنتهم فوق كأنها الجسمي

بعد ما ابوي خلص الكورس بسنه .. شافها و جت تسلم عليه ما عرفها قالت انا كاثي

ابوي قال ما صدقت قمت ادور في ملامحها يمكم احصلها ... يقول صارت مسطررره

عاد ابوي حبيبي عنده كرش تعجبك مثل البطيخه هههههههه فديت كرشته

سألها ايش سويتي ... قالت له ضعفت على اكله تعلمتها منكم ... الحمص

قالت ركزت على الحمص ادهن فيه على الخبز اسويه مع اسلطه بدال الدرسينغ

اغمس فيه خيار و سالري و جزر كل شي حفيف احط حمص ...

عاد شفتي الحين الحمص مو هين

i miss my dad:eh_s(2): ​

 

[LadY BuG 80]

اييييه صح نسيت اقولكم اليووووووووووووووووووووووم

فهوووووووووووووووووووووووودي بيرث داي

بيكون 3 سنوات :eh_s(9): يارب خليه لي و احفظه من كل شر هو و خواته و اخوانه اجمعين

فديت عمره مو مصدقه هاذا البيبي خلاص الخاتمه صار 3 سنوات ... احسه بعده بيبي :eh_s(2):

طبعا اليوم له و باخذ له كيكه على كيفه .. هو يبيها شوكلت و يبي عليها صورت سيارت مكوين ههههههه وين اصممها له هاذي

و طلب هديه البيرث داي سياره مكوين و طلب هديه ثانيه تعرفون حق ايش ؟؟؟؟

he is a big boy nowwwwwww

ودع الحفاضات يااااااااااااااااااااااااااااااهوووووووووووووووو

اليوم بروح اخذ له اندروير و يبي عليه مكوين بعد ههههههههههههه

الحمدلله انه صار يروح حمام ولله فرحني هلاسبوع ,, ذابحني كل ساعه باثروم بس عادي بتحمل كلها السبوع ولا اثنين و يعتود يأخر

عقبال ولدك يا كوكو ( ما ادري اذا تعلم الحمام ولا لسا ) ​

 

[ALMZa^_^JeYa]

مزمز اشرقت و انورت :eh_s(7):​

حبيبتي اغصبي نفسك على ارجيم اول يومين بعدين تلاحضين الخفه و تستمرين ​

ولله اعرف هلحاله توني طالعه منها من السبوعين ؟؟؟ اكتأب ,, اكل كل شي نفسي فيه و اي وقت ما يهمني لييين 11 و انا ابلع و ياليت مرتاحه و امتن :eh_s(2): ​

اففف الله لا يعيد ذيك الايام ​

و الحين استرجعت نفسي حاولي ترى ابليس الي يجيب الهم و يكبره بقلبنا لمن يسود ادنيا في عيونا ​

الحين رجعت من السبوعين و الحمدلله صلحت كثيييير من الي خربت ... اي نعم لسا ما رجعت للوزن الي كنت عليه ..​

بس الحين ما يهم المهم اني تفائلت ثاني و برجع للخمسين ... انا وصلت لها و خربتها و انا الي برجعها لا و هلمره ناويه انزل تحت ال 55 عنادا في نفسي ادنيه ​

يعني اوقفي على الميزان و بثقه لا تهتمين مشاكلك اكبر من كم شحمه زادت و هاذي اقل الخساير انه زاد وزنك ​

اذا ما تبين تقولين وزنك لنا عادي حبي بس قولي كم مقدار انزول ​

يلله حبيبتي ابتدي خليه تقشف اول يومين ادري انفسيه بتصير اسواء اول يومين اصبري يومين و يعدون ... بس ترجعين للعادات الغذائيه اسليمه نفسيتك تتحسن في السبوع ​

بليز حبيبتي ادخلي كل يوم و احنا بنشجعك يلله وين مزمز تبع زمان الي كله تقولي رجيمي مو صحي و مصره انه رجيمها صحي و دشتي غلط يلله انتي صح خلاص بس ارجعي على الي كنتي عليه :* ​

اوكي !​

احبك :eh_s(7):​

حبيبتي كتون والله كلامج كله صح وعطيتيني دافع

تذكرت ايام الدايت كنت حدي نشيطه وفررش وعندي ثقه بنفسي لان وزني كان بالنزول

الحين صايره خامله ومالي خلق شي حتى شغل البيت اسويه بقمة الكسل

بس باذن الله من باجر ببلش معاكم الدايت

اليوم اقول حق زوجي خلاااااص خلااااص من باجر دايت تقشف للامام لا رجووع

قالي اشمعنا باجر قلتله لان اليوم في بيت اهلي مابي افتحها عليهم دايت

قالي خلاص عيل لمن تسوين دايت سويلي معاج

اقوله الدايت مو اكله يا ريال اقصد حياتي كلها بتكون دايت

يقولي انا عارف بس قصدي خليني معاج مثل اكلج

قلتله تماااام انت جذي تشجعني بس رجاءا لا تطلب مني اسويلك عيش :d

حبيبتي وانا احبج اكثر






ضيوون حبيبتي ان شاء الله ببلش من باجر والله يقويني يااارب

الضعف حلووو والاهم ان يحقق لي احلام واايد باذن الله

 

[ALMZa^_^JeYa]

كتون

كل عام وفهوود بخير

ويااارب تشوفينه معرس

الله يحفظه لج ويخليه

 

[كتكوته نورة]

وزني 69.4 كج و طولي 157

يومياتي : الريوق : نسكافيه 3 في 1

الغدا: 2 صدر دجاج + سلطة خيار وروب
سناك: شاي علا الفحم مع سكر رجيم
العشا : 3 بيض مفيوح + حليب بالهيل والزعفران
سناك: ميرميه
بس

 

[رورو والحزن]

كتوووون وشووووقي مشكورين حبيباتي

ايوه من بكرى ان شاء الله ابلش برجيمي طبعا ماخذته من النت وحسيته اعجبني
وهذا حق اول اسبوع :: وياارب اخف

الأسبوع الأول :
الفطور لجميع أيام الأسبوع : 2 توست مع جبنه + نصف كأس عصير برتقال
السبت : الغداء : أي نوع سلطة بدون زيت + صدر دجاج + نصف توست
العشاء : شوربة خضار + 2 توست مع لبنة + 2 فاكهة
الأحد : الغداء : أرز مسلوق + دجاج مسلوق أو مشوي مع صلصة خفيفة
العشاء : عصير طازج + 2 توست مع جبنة بيضاء + 2 فاكهة
الأثنين : الغداء : حضار سوتيه + ستيك + 2 توست
العشاء : سلطة تونة بدون زيت + 2 توست + 1 فاكهة
الثلاثاء : الغداء : كأس أرز كبير + صلصه طماطم أو لبن
العشاء : حليب خالي الدسم + أي نوع حلويات + 1 فاكهة
الأربعاء :الغداء : سلطة بدون زيت + 2 توست
العشاء : 2 بيض + سلطة + 1 توست
الخميس : الغداء : خضار سوتيه + ستيك + 1 توست
العشاء : حليب خالي الدسم + 2 توست مع لبنة + 2 فاكهة
الجمعه : الغداء :أرز مسلوق + دجاج مع صلصة خفيفة
العشاء : عصير طازج + 2 توست مع جبنه + 2 فاكهة

​

-----------------------------------------------------------------