لكل اللي يعشقون لكن للاسف تزوجوا زواج تقليدي !؟

[/كلي تعب/]

لكل اللي يعشقون لكن للاسف تزوجوا زواج تقليدي !؟



السلام عليكم ورحمة الله ..

قصه بنقلها لكم وابي حلكم لها على لسان احدى الصديقات ..


اوراد للاسف تزوجت زواج تقليدي من ابن عمها رغم عدم اقتناعها به بالمره ولكن ارضاء لاهلها
لكن لحد الان لم تدخل على زوجها " مملجه فقط" واستغرق مدة ملكتها 3 سنوات في هذه الفتره
سبحان الله التقيت صدفه مع حب طفولتهااا ولكن قبل هذا كله عندما ابدت اعجابه به كانت كل المعلومات الخاصه بها مغللوطه لسبب ان لايكتشفها لان بمجرد ماا يعرف اسمها بيعرف هي منو ومن بنته !!
طالت فترتهم مده طويله شهوووووور .. الشاب عشقها جدا جدا وكان مُصر ان يتقدم لها وهي ترفض << كانت تقوله انا للحين ماتزوجت عشان بس تستمر معاه

واحدى الايام نوت ان تخبره كلللل شي من هي ومن بنته والخ
انصدممممممممممممممممم خنقته العبره
قال انتي فلانه بنت فلااااان ...
واللحين الولد ملج لكن مستمر معااهااا
مايقدر يفارقها دقيقه يحبهااا حيييييل وهي بعد
لدرجة الجنون


سؤالي : شالحل انهم يهدون بعض ؟
وهل بعد الزواج ممكن انهم ينسوون بعض او هو بالاخص يقدر ينساها ومايحاول يكلمها ؟؟



تكفون المساعده وابداااء الراي

 

[أم ميميتو]

الحل عشان يهدون بعض انهم يخافون ربهم وانها تحترم الريال الي اهي على ذمته حتى لو انها ما تحب زوجها وتزوجته بس عشان ترضي اهلها هذا مو سبب ولا مبرر عشان تخون زوجها الله يستر علينا وعلى بنات المسلمين

 

[فوفو البنوته]

يعني دامها مالجه ليش بالاساس تكلمه؟ مو عيب عليها؟ انا لو اني ولد ومكان هالولد جان من عرفت انها جذبت علي بلوك مسح ويلا بااااي صج شنو لعبه اهيا
تجذبين علي جذبه طويله عريضه وبعد هم مالجه وحاطه عينج عليه؟وانت يوم عرفت انها جذبت عليك وانها مالجه من ولد عمها جان خليتها ومشيت

الحل انهم يتركون بعض لان الي يسونه حرااام وكل واحد يصارح زوجه/زوجته
لان من بدايه الزواج جذي النهاية شنو؟؟؟ لازم الولد يقول لزوجته الي مالج عليها فلانه تره صار كيت كيت وانا ما كنت ناوي يصير جذي

هذا هو الحل الوحيد حتى لو ما حبوه

 

[معكرونه أسبكتى يم يم]

( ومن يتق الله يجعل له مخرجاً، ويرزقه من حيث لا يحتسب )
خليها تتقي ربها ولا تتبع خطوات الشيطان .............وتحترم نفسها واهلها والرجال اللي تشيل اسمه
وتري الكويت صغيره باجر تطلع عليها سمعه واظن ماترضي بعد هالعمر اسم الشايب اللي تعب في تربيتها يصير بالارض عشان حب وخرابيط !!

 

[الهنوؤوفـ]

الكلااااااااااااااام اللي يفوق يكفي


راح تنساه لو تزوج واكيييييييييييييد بعد لانها راح تنشغل فاشياء وااااااااااايده بالحياة

 

[المرتاحة]

اولا خلي ناخذ المشكلة حبه حبه

انا من رايي لا تتزوج واحد اهي ما تبيه وبس زواج علشان ارضاء الاهل؟!!!

شنو هي وينها عن نفسها؟ ليش تسوي بنفسها جذي؟!!

3 سنوات ملجه!!! من صجها؟!!

انزين ليش ما تحاول الحين تشوف وتكلم ولد عمها و تكتشف شخصيته يمكن يعجبها.. لكن اذا ما عجبها وما حست انها متاقلمه معاه خلاص خل تطلب الطلاق ولا تقعد طول سنين عمرها دافنه نفسها مع واحد مو متقبلته


واللي كلمته لا تحط في بالها انها اذا تطلقت قبل الدخول راح يخطبها.. لان الرياييل مو كلهم تفكيرهم نفس الشي فلا تعشم نفسها..وخاصه اهو ملج خلاص خليها تشيله من بالها بالمره



انتي شوفي انتي شنو تبين ولا تغصبين نفسج على زوج انتي ما تبينه في سبيل ارضاء الاهل.. اذا زعلوا الاهل كلها ايام و مردهم بيرضون

وان شا الله ربي يسهل عليج

 

[*E.B.D.A.3*]

انا من رايي
دام فيها انها تكلم ريال
ختكلم خطيبها
وخل تطلع معاه
ختبلش معاه حياة
تشغل نفسها فيه
اهوه اولى لطالما اهيه على ذمته !!

 

[اخت خالتهم]

انا اعرف وحـده جذي عسـى الله يهديها واهي صديقتي ورفيجـه عمـري
ولاني قـادره اتحكم فيهـا بجيت عشانهـا والله
عسى ربي يهديهـا يـااااااارب
ادعـولهـا بنات

الحـل تغير خطهـا ومالها شغل فيه

 

[سحايب برنس]

هو يلعب عليها والدليل انه عارفها وعارف اهلها وأنها متملكه وتكلمه لقاها وحده رخيصه قال اقزر عليها الله يستر عليها من الفضيحه ماتسوى عليها باجر لما يدرون اهلها وزوجها يطلقها وهو بعد ما دخل عليها بتصير مضرب مثل لكل بنات جماعتها لابغوا ينصحون بناتهم ويوجهونهم ويخوفونهن من العلاقات والشباب الله المستعان الله رزقها وستر عليها وتسوي جذي شيسون البنات اللي مو مخطوبات ولا موظفات وعندهم فراغ استغفرالله

 

[al-musk]

الإنسان ساعات يضطر يضحي بأغلى شي يملكه عشان يعيش بهدوء وراحة بال..وهي أصلا لعبت عالحبلين فتحمل الي صار لها وتدفع ثمنه كامل لأن كل شي بهالدنيا له ضريبه

 

[يا كويتنا]

الله يسخرلها اللي فيه خير

 

[*المــــلكة*]

رايي من راي المرتاحه​

 

[ღ Mzajiya ღ]

شوفي اللي تقولج مع الزواج والعشرة بتنسى اللي تحبه
انا اقولج غلطانه و عمره اللي يحب ماينسى يمكن يحاول يتناسى او يلهى اي
بس ماينسى وتظل الذكرى بقلبه وعقله
انا اقول خلها تستخير ربها وتفكر بعقلها هالمره مو بقلبها اذا مستعده تدوس على قلبها وتتحمل توخر عنه
وتستعيل بالزواج كافي ملجه 3 سنين وايد بصراحه وهم عشان لا تتمادى مع اللي تكلمه وخصوصا ان اهوا تزوج بعد

واذا مو مرتاحه وشايفه انها بتظلم زوجها معاها حرام خل توخر عنه احسن
واذا عن الاهل مو مهم هذي حياتها واهيا تختار وتقرر وتشوف راحتها وين الناس بيتكلمون ومردهم بيسكتون وينسون

وقبل لا تسوي اي خطوه خل تكلم اللي تحبه كلام جد كلام صريح مو كلام يهال

( مستعد تخطبني وتيي تتقدملي ونعيش عيشة بالحلال ربنا يرضى فيها ولا كل واحد بطريج )

غير هالشي خل تحط ابالها انها متزوجه وحرام تكلم واحد واهيا على ذمة ريال

وهذي وجهة نظر
وتقدرين تقولين عن تجربة ​

 

[ليتك هنا]

وان كرهتم شي عسى ان يكون خيرآ لكم. ان اقول احسلها تفتح كتاب الله وتقراء ابركلها وبتعرف كيف الصح وتعرف قد ايش غلطانه وربي بيهديها

 

[حبيبه هيثم]

لكل اللي يعشقون لكن للاسف تزوجوا زواج تقليدي !؟



السلام عليكم ورحمة الله ..

قصه بنقلها لكم وابي حلكم لها على لسان احدى الصديقات ..


اوراد للاسف تزوجت زواج تقليدي من ابن عمها رغم عدم اقتناعها به بالمره ولكن ارضاء لاهلها
لكن لحد الان لم تدخل على زوجها " مملجه فقط" واستغرق مدة ملكتها 3 سنوات في هذه الفتره
سبحان الله التقيت صدفه مع حب طفولتهااا ولكن قبل هذا كله عندما ابدت اعجابه به كانت كل المعلومات الخاصه بها مغللوطه لسبب ان لايكتشفها لان بمجرد ماا يعرف اسمها بيعرف هي منو ومن بنته !!
طالت فترتهم مده طويله شهوووووور .. الشاب عشقها جدا جدا وكان مُصر ان يتقدم لها وهي ترفض << كانت تقوله انا للحين ماتزوجت عشان بس تستمر معاه

واحدى الايام نوت ان تخبره كلللل شي من هي ومن بنته والخ
انصدممممممممممممممممم خنقته العبره
قال انتي فلانه بنت فلااااان ...
واللحين الولد ملج لكن مستمر معااهااا
مايقدر يفارقها دقيقه يحبهااا حيييييل وهي بعد
لدرجة الجنون


سؤالي : شالحل انهم يهدون بعض ؟
وهل بعد الزواج ممكن انهم ينسوون بعض او هو بالاخص يقدر ينساها ومايحاول يكلمها ؟؟



تكفون المساعده وابداااء الراي

عن تجربه شخصيه ماراح تنساه وراح تقارن بينهم بكل شى وراح تتعب الله يعينها :yaaaaaarb:

 

[سفيره الكويت]

البنت ماخافت الله فيه خلته يتعلق فيها وتتسلى فيه لين تتم زواجها حسبي الله ونعم الوكيل اهو مسكين قرر يخطبها وهذا دليل انه

حبه صافي اهي لعبت على الحبلين تشوف حوبته ان شاء الله


وبعدين قلناها ومليون مره شخص مو داخل قلبج لا تززوجين لا تقولين مع العشره بنحب بعض اغلب للي قالو جذي انتهوا بالطلاق بسبب عدم

التفاهم

 

[مموريز]

لاحول ولاقوة الا بالله العلي العظيم....

دامها مملكة على رجال ثاني ,,,,,حتى لو موبرضاها ولا اقتناعها وغصب عنها.......
وشوله تروح وتركض وراء الثاني وتسوي قصة معاه وتعلقه فيها وتفتح على نفسها باب صعب تسكره.......ليه تعلق الولد فيها وهو مملك على وحدة ثانية غيرها.

تصرفها كان غلط بغلط.....المفروض انها من يوم ماتملكت على رجال ثاني ,,خلاص تنهي كل شي يخص حبها القديم وتحتفظ فيه بداخلها كذكرى ,,,,,وتحاول انها تحب زوجها حلالها اللي الله كتبه لها,,,,,,مو تروح وتكبر هالحب القديم,,,,,ترى هالشي راح يصعب عليها حياتها مع زوجها.......ماراح تقدر تحبه لانها طول الوقت راح تقارن بينهم بكل شي.....

من رأي أنها تقطع كل شي يخص هالولد ,,,,,وتنهيه ,,,,وتبدأ حياة جديدة مع زوجها وتخاف الله فيه لان اللي سوته خيانة له ولنفسها وقبل كل شي ,,وخيانة لله سبحانه وتعالى....