قشرة الاسنان ..

[رمشْ الحَيآ]

بنات شلونكم

منو عندها فكرة عن قشرة الاسنان سواء سيراميك ولا بورسلان ,, و بالتحديد عند بيان كلينيك وو على جم ؟و شكرا

 

[رمشْ الحَيآ]

رد : قشرة الاسنان ..

اببببببببب

 

[عسووووولة]

رد : قشرة الاسنان ..

اب اب اب

 

[شـو shoo]

رد : قشرة الاسنان ..

والله ماااعندي فكررة

بس يمدحون الزريكون !<<<اظن جذي اسمه

 

[سمبوسه جبن]

رفع لعيونج

 

[حرم الحوت]

اب اب اب لعيونج غاليتي

 

[" بنت العز "]

ماعندى فكره حبيبتى

 

[دغيسه]

رد : قشرة الاسنان ..

اب اب لعيونج

 

[tooonaaa]

ما عندي فكرة واللي تعرف تفيدنا

 

[رشـا العتيبي]

up up up up

 

[رمشْ الحَيآ]

رد : قشرة الاسنان ..

مشكورين بنات

 

[رمشْ الحَيآ]

رد : قشرة الاسنان ..

اب اب

 

[@ هناي @]

هم أنا ودي اعرف بجم ووين احسن عياده اللي عنده فكره يا ليت يفيدنا جزاكم الله خير

 

[Om kalthom q8]

الموضوع قديم بس عجبني هههههههههه

انا مسويه القشرة..جنها عدسات حيل رقيقه(اسمها فينير واللومينير) نوعين في بس مادري شالفرق بينهم...مسويتها بعياده بيان لطب الاسنان
دكتوري أياد نويصر...جنا اسمه نويصر ، نسيت:eh_s(10):

سويتها شهر6-2011
سويت 8 أسنان فوق و 8 أسنان تحت...

واخترت ابيض لوووون يسمونه ابتسامة هوليود

:eh_s(15):

أسناني زينه من الاول صفتهم حلوه ولونهم لؤلؤئي على قولهم يعني طبيعي ..

بس اشتهييت بياض الممثلات والفنانات

 

[Om kalthom q8]

طبعا مشاركاتي قليله ما اقدر ارد على الخاص

بالنسبه للاسنان انا سويت اللي يسمونها القشرة.. وشكلها جداً طبيعي باختلاف اللون تحسين ابتسامتج شابه من بعيد ههههههههههه حق أللي نفسي ما يحطون ميك اب تحسين لونهم ملفت للنظر ..

ابتسامتي صارت أحلا .. وبما أني مدمنه قهوة(نسكافيه ، وكابتشينو) مشى معاي النوع هذا افضل من التبييض

وافضل لي للمدى البعيد .. اللون ما يتغير .. الدكتور قالي دخني زقاير وشيشه مؤ بس قهوه وما راح يتغيير اللون وعلى ضمانتي>>هذا كلامه:eh_s(15):

سالته متى ارجع اسوي تغيير للاسنان ؟ عشان التكلفة مؤ شويه..
قال ماراح ترجعين ان شاء الله هذا مؤ تبييض كل فتره معينه ترجعين تسوين!!

ومع الحنّه الزايده لوعت جبده ابيه يعطيني المده الزمنيه حق اللي سواه .... وأخيرا قرر انه ينطق ويقول:eh_s(9):

قال من الحين الى 15 سنه جدام بإذن الله ماراح تحتاجين تغيير الا اذا انكسر الضرس(وطبعا الضرس مؤ بسهوله ينكسر ، اما طيحه او حادث لا سمح الله)

يحسب الدكتور التكلفة على الضرس الواحد:eh_s(8):
مادري جم سعر الضرس للامانه نسيت

بس اجمالي شغله 3000 دينار كويتي..
راح تقولين غالي ، بس ترى انتي مسويه اسنانج 8 فوق و8 تحت يعني اسنانج اللي ورأ مستحيل يبينوووووون

رفيجتي مسويه بالسيف بس 8 أسنان فوق بـ2500

بالنسبة لي دكتوري أياد أرخص .. لأني اخترت ابيض درجه والله مرات البس الحجاب يطلع لونه اصفر يم ضحكتي>>ياااي يا حلات هالشعوووووور ههههههههههههههه:eh_s(9):

بالنسبة لحساسيه الأسنان ، سمعت ناس يفتون ويألفون كلام من غير تجربه:eh_s(10):
ان الأسنان تصير حساسه و تحسين بعوار من البارد او الحار

هالكلام حق التبييض مااااااااله شغل بالفينير واللومنير..
اسنانج نفس ما هم ما يتغيير فيهم شي نفس اول شنو كنتي تحسين فيه قبل لاتسوين القشرة؟ راح تحسين فيه بعد ما تسوين القشره:eh_s(7):

راح يحك من الضرس شي بسيط ضعف عدسات العين؟ لان حجم اللي راح يحطه نفس القشرة شلون رقيقه ونفس العدسات اللي تنلبس بالعين.....وانا شايفتها بعيني قبل لا يحطها

وان شاء الله اكون كفيت ووفيت بالشرح وما نسيت سؤال من أسئلتج يا فلأنه ..والسموحه الخاص ما قدرت ارد عليج:eh_s(22):

 

[Om kalthom q8]

اي نسيت شغله (مؤ اسمه تلبيس؟؟؟):flower:

لان التلبيس هذا حق اللي يشيلون العصب ويضطر الدكتور يغير الضرس بواحد ثاني يعني يشيل الطبيعي ويركب ضرس بداله....لان مجرد ما ينشال العصب يموت الضرس ويبدي يسّود ...والحل الوحيد له(تلبيس)>>اصلح دكتوره أسنان هههههههههه


يعني ديري بالج لا يفهم الدكتور انج تبين تركبين ضروس ثانيه بدال ضروسج هههههههههههههههههه

القشرة اسمها ..(فينير ، لومينير)


اي استفسار ثاني ماراح اقصر ان شاءالله:eh_s(7):

 

[freethinker]

ابييييييييييييي اسوووووووووووووووووووي لومينييير

انزين ام كلثوم ( عشتو اسمج يونس ههه ) شنو الفرق بين قلام سمايل ولومينير ؟؟

بيان جم فتح ملفهم ؟؟ ومايحتاي اسوي تبيض كلش حق الضروس الباجي ؟؟ او تنظيف ( اكره التنظيف )

وترى السعر خوش يعني الضرس الواحد 180 يمكن 1! بس لومينير ولا فينير ؟؟ لان انا ادري الفينير ارخص وانا مااااااابي فينير

 

[Om kalthom q8]

ابييييييييييييي اسوووووووووووووووووووي لومينييير

انزين ام كلثوم ( عشتو اسمج يونس ههه ) شنو الفرق بين قلام سمايل ولومينير ؟؟

بيان جم فتح ملفهم ؟؟ ومايحتاي اسوي تبيض كلش حق الضروس الباجي ؟؟ او تنظيف ( اكره التنظيف )

وترى السعر خوش يعني الضرس الواحد 180 يمكن 1! بس لومينير ولا فينير ؟؟ لان انا ادري الفينير ارخص وانا مااااااابي فينير

لا تحاولين ما اسلفج اسمي هههههههههه
:dddds:
قلام سمايل ما اعرفها ، بس جربت هذا .. ودكتوري يسوي نوع واحد والنوع الثاني يقول مؤ دارج>>اذكر كنت سائلته عن الفرق بين اللومينير والفينير:eh_s(8):

فتح ملف أتوقع 15 والقالب اللي يسويلج إياه جنا بـ 35*
والله ناسيه العام كنت مسويه .. بس اذا ما خاب ظني كنت دافعه 50*

القالب هذا اللي يأخذ قياسات الأسنان عشان بعدين يحك شوي من الضرس ويركب القشرة*

وتقدرين تختارين درجه فاتحه بس تكون قريبه من اسنانج اللي تحت وبـ جذي تسوين بس اسنانج الفوقيه .... أختي سوت جذي أرخص طبعا

بس انا صاكه عليها باللون ههههههه .. لوني افتح منها لأنها اختارت درجه قريبه من أسنانها اللي تحت...
بس هم باين أسنانها بيض حييييييييييل
بس اذا قعدت يمي يبين أسنانها مصوفرين يم أسناني هههههههههههههههه:eh_s(9):

اذا صفت اسنانج حلوه .. سوي*
اما اذا اسنانج واحد فوق وواحد تحت >>>> مادري اذا الدكتور راح يضبطهم لج او لأ:eh_s(10):


للامانه انا وأختي صفة الأسنان حلوووووه وسيده مافيه ضرس طالع غلط بس اللون كان طبيعي واشتهيت بياض المشاهير ، وطبعا أختي غارت مني وسوت بعدي على طول ههههههههههههههههههههههه

 

[Om kalthom q8]

يا ناااااااااس اللي تحس لثتها ناطه او الأسنان فيهم بروز نصيحه لا تسوي...!!!!!!:eh_s(10):


لان اللون الفاااااتح يبرزهم اكثر وانا ما اضمن الدكتور يسويلج مثل اللي فـ بالج عشان ما تبلشوني بعدين وتدعووون علي:eh_s(16): هههههههه

انا أسناني عاديه وصفتهم حلوه وسيده .. عشان جذي ما حك من الضرس حيل:eh_s(15):


فـ الحلوه اللي ضروسها فيها بروز راح يحك من الضرس حيل عشان ما يبرز اكثر بعد ما يحط القشرة........عُلِم ؟؟:lkmnkl:

والله على ما اقول شهيد....علمتكم من الحين*:rerrerek::33_1185028183:

 

[sweet&tart]

السلام ....
انا كانت مشكلتي ان فيني بقع بيضه من كنت صغيره علي اسنانس صفره كان شكلهم يلوع جبد..
قررت اروح بيلا كلينك عند د. ابراهيم قالي لومفنيرز مايصلح لي عشان جدي سوالي فنيرز وهي قشره سراميك بس لازم يحك ضرس حبتين انا سوت 8 الي فوق بصراحه دكتور شاطر بس لازم في اشياء تغث بس عادي ..
صارلي تقريبا سنتين لاحظت اهم شي تنظيف الاسنان كل ست شهور ولا تبتدي لثه تعورني الان اصلن انا لثتي مو داك زود كان فيني التهاب لثه من زمان وعالجتها عند الانصاري...كلفني ضرس 120 دينار غير تنظيف وفتح ملف ومراجاعات ..
باختصار الاسنان طبيعه اكيد غير بس الاسناني الحين شكل عجيب ولازم اقولج ترا في الم وتعب اول شي