مطلقه وخآيفه من الزوإج .....!!!

[al-musk]

اذا انتي شايفه ان مواصفاته مناسبه مثل اخلاقه وسمعته توكلي على الله بس بالاول استخيري
اما بخصوص عمره ترى 50 عادي اذا اهو مهتم بعمره بس اهم شي تسكنين في بيت بروحج واذا كان ماعنده مانع ان ولدج يسكن معاج
صدقيني يمكن الله بعوضج مع هالانسان انا اقول توكلي على الله وفكري جديا بالموضوع وشوفي حياتج واستقري لان حسب ماقلتي ان الوضع في بيت اهلج صعب

اتمنالج التوفيق

 

[al-musk]

عزيزتي واضح ان الخطيب اللي متقدملج متوفرتله كل احتياجات الانسان الطبيعي (( الزوجه - العيال - البيت ))
اذا انتي شنو راح تكونين بحياته ..؟؟
راح تكونين للشهوه بس واعذريني ..
اتوقع انج راح تكونين بهامش الحياة بالنسبه له .. اييلج وقت يبي غرضه الواضح وعقبها يتركج ويمارس حياته الطبيعيه مع زوجته الاولى وعياله وانتي بتظلين مثل المعلقه لا محسوبه متزوجه ولا محسوبه مطلقه ..
اختي اصحي ولا تقطين روحج بالتهلكه ..!!
لو كان الي متقدملج ماعنده عيال مثلا جان شجعتج وقتلج غرضه شريف يبي عيال ومحروم
لو كانت مرته هاملته ومستمره معاه مغصوبه ومو معطته حقوقه جان قتلج معاه حق يتزوج ..
لو كان ارمل وعنده عيال جان قتلج توكلي على الله ..
لكن شنو سببه بالزواج على مرته ..؟؟
نصيحه لوجه الله لا ترتبطين بانسان ناكر للعشره يعني عقب كل هالسنين ولما طق الخمسين بتزوج على مرته الاولى ويجرحها ؟.؟
وبتكونين انتي االلسجين اللي يطعن فيها مرته الاوليه ..؟؟
وبعدين اختي ولدج وين راح يكون ..؟؟ ابوه تزوج وعنده عيال تتوقعين ولدج راح يتوالم مع مرت زوجج وحياتهم ؟؟
او خطيبج راح يكون رحيم عليه ويعامله مثل ولده ..؟؟
اذا زوجته الاوليه ماهمته وبيتزوج عليها وماهتم باحساسها وحرقة قلبها تتوقعين بيهتم بولدج ؟؟
تقولين حياتج فبيت اهلج صعبه .. شلون تتوقعين الحياه مع واحد عمره 50 سنه ومتزوج وعنده عيال ..؟؟

انا ما اتفق معاج مو معناته انه متزوج يعني اهو يبيها للشهوه ( على قولتج )
ممكن تكون له ظروف مخليته مو مرتاح مع زوجته الاولى وبحكم انها ام اعياله فمايبي يطلقها وعادي الشرع حلله انه يتزوج ويدور الراحه والاستقرار بالحلال ومدام عمره 50 سنه يعني الرجل فاهم وواعي
واشدراج ان مرته مو هاملته ؟؟؟ او مو مقصره معاه ؟؟؟

 

[اخت خالتهم]

حبيبتـي انتي استخيـري و مالج شغل باللتي تقول وع عشرين
لو عمرج 20 واهو 40 جان قالوا عـادي ..
انتي شوفي مثل ما قالت الاخت هل حياتهم مثل حياتج
شوفي حجي الناس عنـه و شنو سبب زواجه على مرته ؟
وقـولي أبي ولدي معـاي
انا اعرف وحده عندها ولد و اتزوجت الولد نسى ابوه و ما ينادي يبا الا حق زوج امـه
حبه و ارتاح معاه

فكـررري واستخيري و شوفي راي اهلج
ولا اهو عيـب ولا حـرام

 

[غيــــوض..]

شوفي ياقلبي....

انا ماراح اقول لك لاتتزوجين توك صغيره لان مانضمن يتقدم لك واحد ثاني كل شئ بعلم الغيب ولاراح اقول لك لاتتزوجين هالرجال لانه كبير شايب


بعد ماراح اقول لك تزوجي ولحقي على عمرك وجيبي اطفال واخوان لولدك ولك يسندون ظهرك لاكبرتي او اقول تزوجي انتي كبيره ومطلقه ومعك طفل


انا ردي لك رد واح استخيري ثم استخيري ثم استخيري

الاستخاره هي مفتاح ليرتك ماوصنا عليها الرسول الا لانها اهي الخيره لنا صلي الاستخاره اكثر من مره في اليوم ولمده مو يوم ويومين لا اسبوع واكثر


وفكري بعقل لاتمشين ورا ضغوطات كلام الناس في النهايه انتي اللي بتعيشين سواء تزوجتي او لا

واذا الله كتب لط ووافقتي عليه وارتحتي له اشرطي ولدك معك انتبهي يقول ماابي ولدك اذا من الحين رافض ولدك يكون معك لاتوافقين

اعرف وحده تزوجت وزوجها رااافض تاخذ ولدها عمره سنتين وشوي وهي على ابو اني بقنعه بعد الزواج يجيب ولدي عندي

الان لها فتره متزوجه ورااافض نهائي كل ماقالت شئ قال انا كنت واضح معك وشارط من الاول ولدك مايجي عندي


والحين هي ندمااانه ونفسيتها زفت وكله تصيح ومو مرتاحه بالنوم تفكر بولدها


عشان كذا اشرطي ولدك معك

والله يوفقك اهم شئ استخيري

وياما رجال بالخمسين والستين بس ماشاء الله تبارك الرحمن تقولين ثلاثين من برا ومن داخل

انا اعرف واحد متزوج مطلقه عمره هو بالخمسين وهي 30 الرجال ماشاء الله تبارك الرحمن تقولين عمره 30-35 كشخه ورزه وهذي الثاانيه وطاااااااااااااااير فيها يموت عليها

انتي فكري واستخيري

 

[جلكسيه اس 3]

و الله مادري شقولج بس اهم شي خل يحطلج سكن بروحج
عن المشاكل و عوار الراس
و مادري انا اقول اهو كبير بهالعمر هل راح يساعدج بتربية ولدج
و ثاني شي لو يبتو يهال له خلق يجابلهم بهالعمر ولالا
انتي فكري وقرري

 

[صادقة بكلمتي]

اهم شي ولدج حرام ماله ذنب ابوه عايش حياته وحقج تعيشين حياتج بس انتي اللي له الحين وترا بالخمسين يعني وايد الفرق لا تقوليلي شكله مو باين عليه لكن الهرم مو بالشكل فكري عدل انتي توج صغيرة شنو ثلاثين الله يرزقج اصغر وماله داعي متززززززززززززززززززززززززززوج علشن لا باجر ادشين بمشاكل ووووو وتندمين فكري واستخيري واسال الله العلي القدير انه يرزقج الزوج الصالح اللي يسعدج ويعوضح ويكون حنون على ولدج

 

[Hello_kitty]

عزيزتي واضح ان الخطيب اللي متقدملج متوفرتله كل احتياجات الانسان الطبيعي (( الزوجه - العيال - البيت ))
اذا انتي شنو راح تكونين بحياته ..؟؟
راح تكونين للشهوه بس واعذريني ..
اتوقع انج راح تكونين بهامش الحياة بالنسبه له .. اييلج وقت يبي غرضه الواضح وعقبها يتركج ويمارس حياته الطبيعيه مع زوجته الاولى وعياله وانتي بتظلين مثل المعلقه لا محسوبه متزوجه ولا محسوبه مطلقه ..
اختي اصحي ولا تقطين روحج بالتهلكه ..!!
لو كان الي متقدملج ماعنده عيال مثلا جان شجعتج وقتلج غرضه شريف يبي عيال ومحروم
لو كانت مرته هاملته ومستمره معاه مغصوبه ومو معطته حقوقه جان قتلج معاه حق يتزوج ..
لو كان ارمل وعنده عيال جان قتلج توكلي على الله ..
لكن شنو سببه بالزواج على مرته ..؟؟
نصيحه لوجه الله لا ترتبطين بانسان ناكر للعشره يعني عقب كل هالسنين ولما طق الخمسين بتزوج على مرته الاولى ويجرحها ؟.؟
وبتكونين انتي االلسجين اللي يطعن فيها مرته الاوليه ..؟؟
وبعدين اختي ولدج وين راح يكون ..؟؟ ابوه تزوج وعنده عيال تتوقعين ولدج راح يتوالم مع مرت زوجج وحياتهم ؟؟
او خطيبج راح يكون رحيم عليه ويعامله مثل ولده ..؟؟
اذا زوجته الاوليه ماهمته وبيتزوج عليها وماهتم باحساسها وحرقة قلبها تتوقعين بيهتم بولدج ؟؟
تقولين حياتج فبيت اهلج صعبه .. شلون تتوقعين الحياه مع واحد عمره 50 سنه ومتزوج وعنده عيال ..؟؟

ماشالله كفت ووفت حبيبتي شنو ثلاثين توج بعز شبابج وجمالج وزهوتج مو ناقصج شي عشان تاخذين واحد عمره خمسين واوبوعيال ومتزوج بعد ليش؟؟
انتي تعبتي وصبرتي عشان تاخذين واحد يريحج ويهنيج ويفمهج وتفهمينه مو عشان تاخذين بعد هالصبر ريال عود عنده مره واعيال ومسؤليات وحياة وبيت ومشاغل غيرج ..فكري عدل
شنو بيكون وضعج واهميتج بحياته؟؟زيادة عدد بس مو اكثر او كنوع من التغيير بعد ما شبع من الزواج والمسؤليات والعيال وانتي تبين واحد توا تبنون حياتكم مع بعض يونسج ويدلعج ويسفرج وتطلعين معاه وتييبين منه اعيال ..هذا يمكن ما يبي اعيال وحتى لو رضى تييبين اعيال تهقين بهالعمر فيه حيل يكبر ويربي ويشيل مسؤوليتهم معاج؟؟ اصلا بيصير جنه يدهم مو ابوهم وبتتعبين في تربيتهم
فكري ان تكونين زوجه ثانيه مو شي سهل ابدا اصلا انتي يمكن ما تقدرين تتحملين حياة الشرايج والغيره والمشاكل ومشاكل اعياله ..ما وضحتي دور زوجته واذا عندها علم او لأ؟
وليش يبي يتزوج شنو هدفه من الزواج يعني؟؟
احنا ما نعرف شنو ظروفج ووضعج بالضبط بس فكري بوضع زوجته وحطي نفسج مكانها
فكري بولدج بكل شي قبل لا تقدمين على هالخطوه ترى الريال عود ومتزوج بوعيال يعني مو عريس اللقطه اللي تخافين تطوفينه واستخيري الف مره والله يكتبلج اللي فيه الخير ويوفقج ويسعدج

 

[Patcholli]

انا ما اتفق معاج مو معناته انه متزوج يعني اهو يبيها للشهوه ( على قولتج )
ممكن تكون له ظروف مخليته مو مرتاح مع زوجته الاولى وبحكم انها ام اعياله فمايبي يطلقها وعادي الشرع حلله انه يتزوج ويدور الراحه والاستقرار بالحلال ومدام عمره 50 سنه يعني الرجل فاهم وواعي
واشدراج ان مرته مو هاملته ؟؟؟ او مو مقصره معاه ؟؟؟

عزيزتي هاذا مجرد راي شخصي ممكن يلقى اختلاف بالراي
والرد جاء بناء على موضوع الاخت والجزئيات اللي فيه . .. وطالما ان صاحبة الموضوع ماذكرت سبب زواجه وانه فيه تقصير او شي ناقص يحتاج يكمله اذا تظل الاجابه مفتوحه وان كان فيه سبب من الاسباب الي بمشاركتي السابقه(( تقصير او اهمال او رغبة الابنجاب )) اذا واضح اني أأيد الموافقه على هالزواج .. لان قتلها لو كانت هالاسباب موجوده راح اتفق معاج واقولها وافقي توكلي على الله ..

 

[hadoy]

استخيري

 

[عادت ذكرياتي]

الله يوفقج

 

[ạ7ạśêś ~]

حبيبتي اهلج ابخص


اذاالريال مبين عليه الجديه وشاريج وبيراعي حقوقج من البدايه

العدل ولج بيت اوشقه مستقله ويقبل بوليدج وياج واهم شي تستالون عنه زين

وافقي واتوكلي على الله ترى 30 موصغيره ياعمري ويمكن الله يرزقج باخوان وخوات لوليدج يملون حياتج

استخيري واعقليها وتوكلي

اسال الله لج ولكل مطلقه الزوج الصالح والفرج العاجل يارب العالمين

مثل رايي
والله يوفقج

 

[Soso_Bronzy]

بعد الاستخاره طبعا .. انا بقولك مو شرط الرجال لانه خطب ثانيه يكون ناكر عشره
مع اني انا وحده ضد الزواج الثاني باشكاله ..
بس يمكن مرته الاولى نكديه او فيها عيب .. الرجال يمكن مالقى راحته معاها وفكر في الثانيه

فلاتخلين هالسبب يأثر عليك من ناحيه هو خاين للعشره ومافكر في زوجته الاولى ولا راح يفكر فيك انتي يالثانيه
اهم شي تشوفين شعوره اتجاه ولدك وش بيكون .. في رجال يصيرون احن لعيال زوجاتهم من الابو نفسه
واكتبي في ورقه اللي بتكسبينه اذا تزوجتيه واللي تخسرينه .. والعكس لو ماتزوجتيه
والله يوفقك ويعوضك وباقي البنات والمطلقات بالزوج الصالح

 

[الدآإنــــه]

اشكر جميع من رد على الموضوع وجزإكن الله كل خير .. بس قبل كل شي إنإ تإخرت بالرد لإنه ماحصلت موضوعي بقسم المشاكل الإجتماعيه وتعبت وإنا ادوره وتوقعته مححذوف .. إلإ لين وصلتني رسالة على الخاص رد على موضوعي .. مالقيت حل إلإ إدخل لوحة التحكم واحصل الموضيع إلي مشاركه فيهإ .. فإشكركن حبيباتي على قراءة موضوعي وأسفه على التإخير بآلرد .....
الرجل إلي متقدم لي رجل معروف وملتزم وصاحب دين ..والكل يمدح إخلاقه وطبعه وإحترامه للإخرين .. وله زوجه وحده وسبب الزوإج عليه إنه من الفترة الإخيره صآيره تهمله حيل ولا تهتم فيه ...... هذإ على حسب كلإمه إلي وصل لنإ .. حتى لدرجة إنه مايشوفه كثيرحتى الإكل يإكل لحاله .. بس مإدري ليش مو مصدقه . لإني مإحب الرجل إلي يتكلم بزوجته ويطلع إسرإره ...
وبخصوص ولدي هو إبدأ مو معارض بالعكس قال انا بعد عندي اولاد احس فيهم وولدك ماعندي آي مشكله يكون معاك ...
والبيت يقول لك بيت خاص .. وهو صاحب سفر للخارج بخصوص عمله وحتى طلب مني اني اي رحله للخارج لازم اكون معاه ..
بس إنإ خايفه اكون فعلا بس زوجه للشهوه والمتعه وبسس ....
هو واضح من كلامه انه كان يعاني من مشاكل بينه وبين زوجته وحتى قالي انا مابي سليطت اللسان وماتحترم زوجه ..كان مركز على طولت اللسان بكل كلامه وانه يكره النوع هذا من الحريم .


ان شاء الله لو صار شي بموضوعي برد واكتبه لكن ..... والف شكر حبيباتي على المشاركه بموضوعي الله يوفقكن ويسعدكن يارب .. ويبعد عنكن كل مكروهـ

 

[سمراء كويتية]

خمسين وايد كبير عليج بعدج صغيره
اهتمي بنفسج وحبي نفسج وان شالله تتزوجين واحد احسن منه
انا كنت مطلقة و تزوجت بعد مراااحل من الخوووف
بس الحمدالله بسم الله الرحمن الرحيم ( ولسوف يعطيك ربك فترضى )

 

[Twilighteya]

لا تخافين ولا شي . اذا استخرتي وحسيتي نفسج مرتاحه توكلي على الله . انا تزوجت مرتين والحين المره الثالثه وكا ما فيني الا العافيه