ساعدوني تكفون الله يخفف هم كل وحده تساعدني ولا بموت .. :(

[بنت_الكووويت]

السلام عليكم بنات شلونكم


بدخل بالموضوع على طول



انا الحين حامل بدخل التاسع انشالله وعندي بنوووته الله يحفضها لي ؟؟

مشكلتي خيااانات زوجي اللي موراضيه تنتهي ..


بدت قصتي من اول زواجي من 3 سنوات ونص بدات تهديدات حبيبة زوجي والكارثه انها ( بنت خالت امي )
وانا قلبي طيب ازعل وارضى بكلمتين بس بيني وبين نفسي اموت باليوم مية مره ..واجامل عشان تمشي الحياة ..
بسبتها وسبب مشاكلها طلقني مرتين وانا حامل ولاقدر مشاعري .
وتخيلو صدته من تزوجت تقريبا 6 مرات وكل مره يحلفلي انه مايكلمها بعد..

واخر مره قبل يومين وانازعلانه في بيت اهلي .. بنات انا ادري ان اهو يحبها ويمووت فيها بس شنو ذنبي انا ليش يتزوجني ويظلمني بنات من تزوجت كبرت عشرين سنه ماقمت اهتم بنفسي من كثر المشااااكل والاهمال اللي احصله منه بكل شي في البيت في الحياة الزوجيه والله مااحصل منه كلمه حلوه ولا يتغزل فيني ولا حقي الزوجي اخذه بنااااات تعبت وكل يوم لما انام احس اني ماراح اقوم من الضيقه ولايخليني اطلع بس اقعدي في بيت اهلج وشقتي فندق يدخل يبدل وينام ويطلع بس ويعطيني شغل الدنيا ويروح ومايرحمني حامل تعبانه اتعب ادق على اخواني يودوني بنتي تتعب اخواني يودونها اهو ولا شي بس مشكلتي احبه
وكل كلمه يهددني بالطلاق ويقولي انتي العوبة وانتي اللي ماتستحين وانتي قليله ادب شنو اسوي سااااااااعدووووووووووووووووووووووووووني تكفووووووووووووون

تعبت اتمنى الله ياخذني عشان ارتاح والله من تزوجت مااستانست مد ايده علي اكثر من مره حتى وانا حامل واخر مره قبل يومين لماصدته ...



بنات شسوي مع البنت انا ماسكه عليها صور ومابي اكلم امها لانها مره كبيره حيل ومريضه اخاف يصير فيها شي وخواتها الله يستر عليهم سمعتهم بلحضيض

انطر ردودكم الله يرضى عنكم

 

[' جـويـريـہ ..❤]

حبيبتي الحل مو بيدنا بيدج انتي لازم اخوانج و اهلج يتدخلون بهالموضوع شلون ساكتين و هم عارفين وضعج و اهمال زوجج !!
و بعدين هذي اللي تقولين انها ماخذه زوجج وين دليلج عليها ؟!
ممكن انه يخون بس وين دليلج بخيانته معاها ؟!
يا قلبي ادري انتي بهالايام تعبانه خليج عند اهلج و انسيييييه تماااما و لا تدقيت عليه جنه مو بحياتج ليما تولدين بالسلامه و ترتاحين و يصفا ذهنج و تتعدل نفسيتج بعدها شوفي شغلج معاه ..
*يا اما تغيرين من حياتج معاه و يتعدل و يصير خوش واحد و لا خليج جذي تنامين متضايقه و متحمله و ميته قهر !!
دخلي احد من اخوانج بهالموضوع مو العايله كلها و بلغيه باللي يصير لج من طق و هواش و الفندق اللي مسويه لج الاخ عشان يلقى لج حل اما معاشره بالمعروف او تسريح بإحسان !!

الله يسخر لج زوجج ..

 

[لحن التياعي]

الله يفرج همك يارب وحسبي الله على من ضرك
انسيه هالفترة وارتاحي وفكري بنفسك
ومادام يحبها ويموت فيها ليش تزوجك وماتزوجها ؟؟
احيانا الطيبة والسكوت في مواقف ماتنفع الله يكتبلك الخير ان شا الله

 

[البسمه العذبه]

الله يعينج ................لاتضايقين مصيره يصحي من هالحب وانتي الاساس وام اعياله وهي لازم توقفينها عند حدها شوفيلج طريقه الله يفرجها لج عليج بالصلاه اخر الليل والدعاء والصدقه بنيه افراج همج والله يرحم ضعفج ان شاءالله​

 

[-فلانة-]

ماني فاهمة ليش ذالة نفسج هالكثر؟؟؟؟؟؟​

 

[عاشقة هواك]

ماني فاهمة ليش ذالة نفسج هالكثر؟؟؟؟؟؟​

اي والله

 

[فوفو22]

المشكله بزوجج

وهالبنت لو تروح يجي غيرها

حبيبتي

انتي حيل متهاونه معه ......... لانه الطبيعي اللي يخون يخاف من زوجته

ولكن نوع اللي عندج عينه قويا يخون ويهدد بالطلاق

وما منه فايده بالبيت

فالواجب يدخلون كبار العايله حتى يعرف اللي له وعليه

فوفو

 

[wajan]

حبيبتي عطي صورها لاخوانها بس بدون ما يعرفون انها منج ونتي لازم اخوانج يعرفو انها ع علاقة بزوجك عشان يادبو زوجك بالدليل اللي عندهم ولازم يتحمل مسؤولية انا كنت نفسج وكنت اصرف كل راتبي عشانه والله حتى فاتورته كنت ادفعها وللعلم ماكان يكلمني ولا يراساني كله خيانات ولعب بس ادبته بطريقة خواني والله الحين ما اصرف عليه شي راتبه طلعته من عينه ويكد علي وعلي ولدي وراشني وكل شي من كيسه والحين خف ماصار عنده شي حافي منتف وطبعا اول شي الدعاء

 

[حقوقيه زوغه]

يخون ويهدد بالطلاق ،، شهالادمي ماني قايله شهالريال لان مافيه ذره رجوله ،، والصراحه شرها عليج مستحمله هالوضع وساكته خي يولي زين مال احذفه اهوا وملابسه بالشارع جليل الحيا شوفيلج صرفه لا تقعدين جذي ترا اهوا مايستاهلج وربج راح يوريه بيوم من الايام بتدور عليه الدنيا حسبي الله ونعم الوكيل

 

[hbenc]

قلبي عورني عليج كسرتي قلبي ما احب اقرا هالسوالف يااااربي لي متى الرياييل جذي والله حرام يخلون الوحدة تشيب قبل حتنها :eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11):

سفهيه وحسسيه ان مو مهم عند واهتمي بنفسج وشوفي شنو هوايتج ومارسيها روحي كل يوم امشي بممشى النادي العلمي عطيه طاف شتسوى عليج يصير فيج مرض اسم الله عليج بسبته اهوا مع الزفت الي يحبها والله مايسووون شوفي ترا انا خالتي اخت امي تموووت على ريلها وحرق قلبها وطلقها وتزوج الثانية واهيا كبرت وصار عمرها بالخمسينات ولحد الحين تركض وراه واتحبه وتشهق باسمه وكلا يدقرها ويزفها ويهينها ورجعلها من سنة بس عشان مصالح مادية لان خالتي بنت خير ولمن خذا الي يبي رد طلقها بهالسنة والله والله خالتي ينت والاسبوع الي فات اكتشفنا ان فيها سرطان براسها اسم الله عليج والحين ماقامت تقدر تمشي وايدها كلا ترجف والحين اهيا بالمستشفى تنطر عمليتها وتوها تحس انها غلطت انها ضيعت عمرها وتفكيرها وصحتها على انسان بايعها حدها اندمت انها ما اشغلت نفسها بشغلات مفيدة وتطور من ذاتها

نصيحتي لج لا اتخلين احد يتمكن من صحتج ترا اهيا تاج راسج شغلي نفسج وحبيها واهتمي بجمالج وانوثتج مو عشانه اسليحط عليه عشانج يا قلبي وخليج واثقة ولا تبجين جدامه حسسيه انج قوية الريال يحب الوحدة القوية
وقلبي معاج واتمنى اني اكون فدتج بشي بسيط والبنات ان شاءالله ما يقصرون :eh_s(11)::eh_s(11)::eh_s(11)::eh_s(11)::eh_s(11):

 

[jooosy]

الله يعينج حبيبتي
اذا انتي حاولتي فيه وماكو فايده خلي اهلج اخوانج ابوج عمامج يتدخلون اذا ماكو فايده جذي
وخليهم يواجهونه واذا نكر قوليلهم
عن صور البنت الي عنده
عشان يوقفونه عند حده

 

[brettey]

طيبتج هذه بضيعج اي شي امسك ادله واسكت
انتي مبينه له انج ضعيفه خليج بموقف قوي امها مريضه الله يشافيها اذا اهي حماره وما حسبت حساب لامها
فكري عدل
انتي لو من اول مره بينتي نفسج انج قويه لزوجج جان ما تمادى معاج وفهميه ان بنات الناس مو لعبه

 

[كوييتيه كيووت]

حبيبتي افضحهم ثنيناتهم والحمد الله في برامج تصور الكلام اللي يدور بينهم واول ناس اقولهم اخواااان البنت عشان الكل يوقف بحقج اصلن هذي ناويه تاخذه منج واذا بيطلق بلعنته خيولي والحقيره اللي تكلمه لازم الكل يدري عن سوالفها حدج غلطاااانه

 

[كوييتيه كيووت]

امبيه والله مسكيييينه انتي تحبيييينه عقب اللي سواه اشهالخباااال تكفين لا تحريني والله افضحها عند الجماعه كلهم وهو بلعنه تلعنه انتي ما صارلج ٤ سنين مطلقج مرتين هذا بااااايع تعرفين شنو باااايع لو انا منج اخلي عيشته بالحضيض اهو والخايسه بنت الحرام

 

[Blueflower84]

صرااااااااحة المشكلة الاكبر فيج... ليش ذالة نفسج هالكثر؟؟؟ ليش شخصيتج ضعيفة هالكثر؟؟ ليش مستسلمة حق اهاناته و قصورة هالكثر؟؟؟ بدال لا تحبينه اهوا الي مايستاهل حبي نفسج.. حبي صحتج.. اكيد بخون و بطقج انتي و عيالج بالطوفة لان شايفج مستسلمتله لآخر درجة وخايفة منه و خايفة من الطلاق و من تهديداته.. يعني اهوا ضامن انج مستحيل توقفين بويهه و ضامن خضوعج حقه... انا ما ايد الطلاق خصوصاً ان بينكم يهال بس اهوا الي باعج مرتين عشان وحدة اهوا عارف انها مو محترمة(( لان لو شايفها محترمة جان تزوجها و خلاها اتصير ام عياله)) مو بعيدة يبيعج بعد مرة.. فانا رايي انج تبدين بروحج اول.. قوي نفسج.. اهتمي بصحتج و حطي كل همج و اهتمامج لنفسج ولعيالج.. بينيله انج قوية و بينيله انج انه مو هامج.. يغازل يخون يموت بالطقاق.. وابداً ابداً ابداً لا ترضين ان يهينج او يمد ايده عليج و اذا عاد هالحركات خل ابوج ولا اخوج يحاجونه.. يمكن انا قسيت بالحجي لاني حاستج جنج مخدرة ووااااايد ذالة نفسج.. لازم تصحين.. وعزي نفسج عشان الناس يعزونج

 

[*E.B.D.A.3*]

حبيبتي .. اصحي تكفين !!!

يسوي الغلط جدامج ويبي رضاج بعد؟؟؟

يعني لو زوجج صغير بالعمر ونظامه يغازل ويرقم ، بقولج طوفي
لان زوجي كان مطلق قبل، وسبب طلاقه، انه يغازل واايد
فقدت معاه قعدت صراحه وقلتله انت ليش سويت جذي؟
يحلفلي يقولي هاذي زوجتي ام عيالي، مهما خربطت انا.. تظل اهيه ام عيالي وسجلت البيت باسمها
واهيه فوقهم كلهم اكيد، وماقصرت عليها بشي، بس كنت مراهق وسوالفي وايده!
بدال ماتعيني على نفسي وتنصحني وتأدبني بكلمتين،انزين على الاقل تصارحني انها كشفتني، مو عشان شي عشان خاطر اليهال
خذت تليفوني وقطته بيد امي واهيه كبيره بالسن ومريضه!!!!! معاها القلب والسكر، وحطولها درب وتنومت بالمستشفى
فانتهى بينهم الموضوع بالطلاق!
سالته اذا انت تحبها ليش سويت جذي! يقولي مراهق (كان عمره 20 سنه) وايام هبة القز على البحر والفنار!!
يقولي ماكو شي جاد ماكو سبب .. مجرد هبه! ونزوة نفس!!

انا شخصيا كل شخص يخون دايما اقول الحل هو الطلاق،
لكن تجربة زوجي حسستني ان اذا الزوج من داخل نظيف.. قلبه ابيض، مو مقصر بشي، يستاهل فرصه ثانية!!!
كل انسان معرض للخطأ، وكل بني ادم يخطي، ماعليه لو سامحنا شوي، وعطينا فرصه!!

لكن ياعمري انتي
زوجج على علاقه مع بنت ابليس هاذي
وماسكه معاه السالفه
لا اهي هبه مراهقة، ولا هم يحزنون!!

واضح انه يكرهج! الي حتى مو حاشمج
اشكره يخونج جدام عينج، لاااا وياويلج اذا تكلمتي!!!
حبيبتي، اشتري كرامتج قبل كل شي!!
اشتري عزة نفسج قبل كل شي!
ليش ترضين على نفسج المهانة؟؟
يدوس عليج وعلى قلبج وانتي تقولين سمعا وطاعه!!

لا تقولين انا احبه
هذا مو حب.
هذا شي نفسي فيج ، الريال رافضج ويحب وحده ثانية
فانتي تشوفين نفسج بموقع انج تبين تتمسكين اكثر،، كل مارفضج اكثر تتمسكين اكثر واكثر
تشوفين بلاويه بس هم تتمسكين اكثر
لانه هدج وراح حق وحده ثانية!! بهالتصرف خلّف فجوة نفسية كبيره فيج، تحاولين تسدينها قد ماتقدرين.
فتحنين عليه كثر ماتقدرين!!!! واتيودين فيه كثر ماتقدرين!!
وتحسين نفسج مثل الهبله وراه!
هذا مو حب ياقلبي انتي .. هاذي علة نفسية!

مانصحج تكلمين اهلها والا تسوين اكشن
لان مو مشكلتها اذا ريلج مايبيج!
ريلج اهوه الي قبل الخيانة!!
ريلج اهوه الي يبي يخون!!
الشرهه مو عليها .. عليه اهوه!!

ماكو حل للاسف!
الا شغله وحده :
تروحين لاهلج تشرحين الوضع بكامل حذافيره
وتطلبين الطلاق
لان خلاصه القول ، الريال مايبيج!
خلاص هالشي واضح وضوح الشمس !!

 

[اميره1980]

ريلج و رفيجته اثنينهم ما يستحون
حسبي الله و نعم الوكيل
فكري بشكل جذري لحل المشكلة ووقت الكلام فات
دخلي رجال العايلة بالموضوع و لا تتهاونين بالسالفة تراها جايدة
و لا تتاخرين بالموضوع اكثر من جذي
موفففففففقة

 

[مرايم2009]

اي حب تتكلمين عنه احد يحب مثل هذا اسمحيلي مو اهو الي ذالج انتي الي ذاله نفسج معاه اشكره مايبيج ليش قاعده عنده اصلا من طلقج الطلقه الاولى المفروض ماتردين عليه ويييييييييييين كرامتج مثل مااهو من حقه يعيش مرتاح حتى انتي لازم تعيشين مرتاحه ومع انسان يحترمج ويحبج ويقدرج الطلاق احسن حل او انج تتحملين ظيمه وخياناته وتقولين عسل​

 

[شادن33]

ياربي انا يبطون جبدي الي كل الصفات الشينه بريلها وذالها مذله واتقول ياربي احبه
شنو الشي اللي يخليج اتحبينه
تري والله اذا انعدم الاحترام والموده بين الزوجين ماينفع الزواج ويفشل
لاتزعلين
انتي الحين جابلي عمرج واهتمي بصحتج وبنتج والباقي اكبر طااااف خليهم يولون لهم رب يحاسبهم
هذا يبيله ريال يوقفه عند حده لا تييبلج الامراض

 

[miss swan]

دخلي اهلج
وليش ماهددتيها بالصور هديدها وقوليلها بوديها حق امج وماراح يذبحها غيرج
لو انا منج علي وعلى اعدائي​